[b]Дар Тоҷикистон ҳарчанд нашрияҳои мустақил вуҷуд доранд, аммо дар баробари ин, ҳокимияти иҷроия низ нашрияҳои худро дорад, ки ҳатто онҳо назар ба нашрияҳои мустақил имтиёзҳои бештареро соҳибанд.[/b]

Мувофиқи таъинот ва ё вазифа, нашрияҳои давлатӣбояд дар хидмати халқ бошанд, чунки онҳо марбут ба халқанд ва аз ҳисоби пули халқ фаъолият мекунанд. Ба ин далел, метавон гуфт, ки нашрияҳои давлатӣвазифадоранд хидматгузори умум ва инъикосгари воқеиятҳои имрӯзи ҷомеа бошанд. Аммо суоли матраҳ ин, ки феълан нашриҳои расмии Тоҷикистон воқеан чунин рисолатро иҷро мекунанд? Ин расонаҳо аз лиҳози касбият то чи ҳад посухгӯ ба талабот ҳастанд? Оё, агар ҳамин обуна набошад, имкон дорад, ки нашрияҳои мазкур дар бозори иттилоолтӣхаридор пайдо кунанд? Ва ниҳоят, имрӯз нашрияҳои давлатӣдар фазои иттилоотӣчӣнақш доранд? Ин ҳама пурсишҳое мебошанд, ки пешорӯи таҳлилгарон гузошта шуд ва посухашро аз шарҳи эшон мехонем.

[b]Матни пурраи гузоришро бо пахш кардани нишони зерин дар торномаи мо мутолиа кунед:[/b] [url=http://www.taj.nansmit.tj/analysis/?id=207]http://www.taj.nansmit.tj/analysis/?id=207[/url]

Источник:

[b]Дар Тоҷикистон ҳарчанд нашрияҳои мустақил вуҷуд доранд, аммо дар баробари ин, ҳокимияти иҷроия низ нашрияҳои худро дорад, ки ҳатто онҳо назар ба нашрияҳои мустақил имтиёзҳои бештареро соҳибанд.[/b]

Мувофиқи таъинот ва ё вазифа, нашрияҳои давлатӣбояд дар хидмати халқ бошанд, чунки онҳо марбут ба халқанд ва аз ҳисоби пули халқ фаъолият мекунанд. Ба ин далел, метавон гуфт, ки нашрияҳои давлатӣвазифадоранд хидматгузори умум ва инъикосгари воқеиятҳои имрӯзи ҷомеа бошанд. Аммо суоли матраҳ ин, ки феълан нашриҳои расмии Тоҷикистон воқеан чунин рисолатро иҷро мекунанд? Ин расонаҳо аз лиҳози касбият то чи ҳад посухгӯ ба талабот ҳастанд? Оё, агар ҳамин обуна набошад, имкон дорад, ки нашрияҳои мазкур дар бозори иттилоолтӣхаридор пайдо кунанд? Ва ниҳоят, имрӯз нашрияҳои давлатӣдар фазои иттилоотӣчӣнақш доранд? Ин ҳама пурсишҳое мебошанд, ки пешорӯи таҳлилгарон гузошта шуд ва посухашро аз шарҳи эшон мехонем.

Дар робита ба ин Саймиддин Дӯстов — раиси Шӯрои муҳаррирони нашрияи “Нигоҳ” мегӯяд: “Расонаҳои чопии давлатӣ феълан аз низоми имтиёзноки ташкили обунаи маҷбурӣ бархӯрдор ҳастанд ва буҷаи онҳо низ аслан аз ҳисоби маблағҳои обунаи иҷборӣ ва ғайриқонунӣ пур карда мешавад, ки фикр мекунам ин як таҷрибаи нангин ва ғайриқонунист”.

— Имрӯз,- мегӯяд ӯ,- агар як ба утоқҳои идораву ниҳодҳои кишвар дароед, мебинед, ки бастаи ин нашрияҳо дар он ҷо хоб аст. Тақрибан касе онро намехонад. Аз ин нигоҳ, ба ақидаи номбурда, нашрияҳои давлатӣ аслан дар Тоҷикистон нуфузу эътибори лозима надоранд ва ҳамчунин онҳо имрӯз афкорсоз нестанд.

Вай афзуд: “Ин нашрияҳо феълан таъсиргузор нестанд. Ҳарчанд дар як ҳафта теъдоди умумии чопи онҳо беш аз 100 ҳазор адад аст. Зеро, ба андешаи ӯ, мӯҳтаво ё контенти ин рӯзномаҳо ба хости дили мардум ва хонанда набуда, балки ба инъикоси фаъолиятҳои ҳукумат дар самтҳои гуногун бахшида шудааст, ки дар ҳоли дур будани ҳукумат ва то андозае номардумӣ будани Ҳукумати Тоҷикистон дар миёни умум маҳбубият надоранд.

Саймиддин Дӯстов бар он бовар аст, ки тақрибан ҳеҷ яке аз нашрияҳои давлатӣҳатто 5 дар сади шумораашонро дар бозори озод фурӯхта наметавонанд.

Ҳамчунин, профессор Равшан Раҳмонӣ мегӯяд: “Чун масъалаи мавриди назар мавқеи нашрияҳои давлатӣаст, аз ин рӯтабиист, ки ин нашрияҳо қабл аз ҳама ҳадаф, мақсад ва мароме, ки давлат дорад, онро таблиғу ташвиқ мекунанд. Яъне, ба ақидаи вай, ин нашрияҳо ҳама ҷанбаъҳои сиёсати давлатро дар меҳвари инъикоси худ қарор медиҳанд.

— Лекин,- мегӯяд ӯ,- баъзан чунин менамояд, ки бештари масъалаҳо ва он ҳадафу мақсадҳое, ки мардум мехоҳад, аз тариқи ин нашрияҳо яктарафа инъикос меёбанд. Ҳамчунин, ӯ таъкид намуд, ки мутаассифона, дар мавриди нашрияҳои давлатӣяк ҳақиқати талхе ҳаст, яъне инъикоси масоили доғи ҷомеа, ки ба хотири ислоҳ ва пешбурди он бояд бозтоб гардад, қариб ки дар ин нашрияҳо баррасӣнамешавад. Ба андешаи номбурда, “бисёр маврид ин нашрияҳо ба баҳсҳои беҳудае, ки дар нашрияҳои мустақил ба миён меоянд, шарик мешаванд ва зоҳиран гӯё фикр мекунанд, ки ин дифоъ аз манофеи милливу давлатист, аммо ба назари ман, ин ҳеҷдифое нест ва барои хонанда ягон манфиат надорад”.

Дар ҳамин ҳол, Тиллои Некқадам — муҳаррири нашрияи “Садои мардум” мӯътақид аст, ки нашрияҳои давлатӣдар баробари инъикоси сиёсати ҳукумати кишвар ва фаъолияти он, ҳамзамон дигар масоилро низ мавриди баррасӣқарор медиҳанд. Вай мегӯяд: “Аз ҷумла, “Садои мардум”, ки нашрияи парлумон аст, дар радифи инъикоси фаъолияти ин ниҳоди қонунгузор мавзӯъҳои дигарро низ ба нашр мерасонад”.

Пайванди Гулмурод — устоди факултаи рӯзноманигории ДМТ дар ин маврид мегӯяд: “Масъала ин аст, ки феълан то чи ҳад нашрияҳои мо дар гӯшаву канори ҷумҳурӣдастраси умуманд? Ин суоле мебошад, ки посух ва таҳлили бештаре мехоҳад. Аммо масъалае, ки оё нашрияҳои расмии мо инъикоси тамоми масоили имрӯзаи ҷомера фаро мегиранд ё не, ин масъалаи бисёр мушкил ва ҳалталаб аст. Азбаски ҳоло ин нашрияҳо ба таври густурда ба тамоми манотақи кишвар намерасанд, аз ин рӯ, гумон мекунам, ки барои ҳаллу баррасии ин масъала ҳоло вақт лозим аст, зеро нашрияҳо дар ҳама қишри ҷомеа бояд дастрас бошанд ва бояд дастандаркорони и ин нашрияҳо андешида бошанд, ки то чӣандоза бояд имрӯз иттилои муҳимро дастраси мардум гардонанд, то рӯзномаашон хонданӣгардад”. Ба бовари номбурда, вақте рӯзномаҳои давлатӣ дар ҷомеа ҷойгоҳи муҳим пайдо мекунанд, ки рӯзномаҳои кишварҳои дигар дар такя ба ин нашрияҳо, ба дидгоҳу назари рӯзноманигороне, ки дар ин нашрияҳо ифои фазифа мекунанд, матолибе пахш намуда ва иқтибосе гирифта бошанд, вале то ҳол нашрияҳои расмии мо ба ин дараҷа нарасидаанд. Аз ин рӯ, ба ақидаи вай, мебояд сари ин масъала ҳам масъулин андешае дошта бошанд.

Пайванди Гулмурод ҳамчунин илова намуд, ки аз нигоҳи фаврияту оҷилият нашриҳои расмии мо назар ба дигар расонаҳои хабарӣқафотаранд ва ин мушкил ҳам ҳалталаб боқӣмодааст.

— Аз сӯи дигар,- мегӯяд ӯ,- масоили вижаву муҳими рӯз бояд дар ин нашрияҳо мавриди таҳлилу баррасии ҳамаҷониба қарор гирад, зеро дар пайдо кардани роҳҳои ҳалли мушкилот ва ислоҳи камбудуву нуқсонҳои ҷомеаву давлат нашрияҳо, ба вижа нашрияҳои давлатӣ нақши муассир доранд.

Дар ҳамин ҳол, бисёре аз таҳлилгарон бар он назаранд, ки тақрибан кулли нашрияҳои давлатии Тоҷикистон бештар ба таблиғу ташвиқи ҳукумат, сиёсати он ва ҳамчунин ба танқиду сиёҳкунии ҳизбҳои мухолиф, аз ҷумла ҲНИТ пардохтаанд. Ба гунаи мисол, дар саҳифаи аввали нашрияи расмии Ҳукумат “Ҷумҳурият” дар шумораи сешанбе, 21.02.2012, №23(22 004) матлабе бо унвони “Ҳизби ҷавонони Тоҷикистон ё ячейкаи ҲНИТ дар пушти парда” ба табъ расидааст. Дар нашрияи мазкур ин гуна мақолаҳои зиёд ба чашм мерасанд. Аз ин лиҳоз, инъикоси мавзӯъҳои мубрам ва дардхӯри ҷомеа аз мадди назари ин нашрияҳо дур мондаанд.

Дар ин маврид Саймиддин Дӯстов ҳамчунин илова намуд, ки ин нашрияҳо феълан зидди нерӯҳои ба истилоҳ оппозитсионӣ ё шахсиятҳои мухолиф ҳар гуна мавод ба табъ мерасонанд ва аҷиб ин ки, ба инъикоси воқеиятҳои ҷомеаи кунунии Тоҷикистон коре надоранд.

Табриз МАҲМУДОВ

Источник: http://www.faraj.tj/index.php?newsid=950

[b]Душанбе, Тоҷикистон, 26 июли соли 2012[/b] — Сафорати Иёлоти Муттаҳидаи Амрико дар робита бо хушунати ба наздикӣ дар Вилояти Мухтори Кӯҳистони Бадахшони Тоҷикистон суратгирифта ва талафоти ҷонии гузориш додашуда хеле нигарон аст. Мо дар робита бо ба ҳалокат расидани одамон ҳамдардии худро изҳор намуда аз амнияти сокинони осоишта ҳангоми гузаронидани амалиётҳои роҳбарияти Тоҷикистон нигаронем. Мо даъват ба амал меоварем, то ҳамаи тадбирҳо барои баровардани сокинони осоишта аз минтақаҳои ҷангӣ, аз он ҷумла шаҳрвандони хориҷие, ки айни ҳол дар шаҳри Хоруғ маҳкам шудаанд, андешида шаванд.

Дар ин ҳолат, мо бори дигар Тоҷикистонро даъват менамоем, то ҳамеша ҳуқуқ ва озодиҳои асосии инсон, аз он ҷумла озодии сухан ва ҷараёни озоди иттилоотро эҳтиром намояд. Мо Тоҷикистонро даъвати қатъӣ ба амал меоварем, ки ӯҳдадориҳои байналмиллалии худро тавассути гузаронидани тафтишоти шаффофи ҳодисаҳое, ки дар сарҳад ба вуқӯъ пайвастаанд иҷро намояд, ва ҳуқуқи ҳар як боздоштшударо, аз он ҷумла дастрасии онҳоро ба ҳимояи ҳуқуқӣ, муносибати башардӯстона, ва додрасии боадолат кафолат диҳад.

Источник: Сафорати ИМА.

[b]Райиси Хадамоти алоқаи Тоҷикистон мушкили ТВ СМТ, ягона шабакаи мустақили пойтахтро шарҳ дода гуфт, мо роҷеъ ба ин масъала дар як вохурӣ ба масъулини Кумитаи ТВ ва радиои Тоҷикистону СМТ пешниҳод кардем, ба як хулоса биёянд, ки дар кадом басомад фаъолият мекунанд.[/b]

— Пасон ба мо муроҷиат кунанд, мо иҷозаи пахш медиҳем. Барои мо фарқ надорад, ки кӣ дар куҷо фаъолият мекунад. Вале гап сари он аст, ки се сол мешавад, ки онҳо ба як хулосаи аниқ наомадаанд,-афзуд Зуҳуров.

Ин дар ҳолест, ки чанд рӯз қабл Асадулло Раҳмонов, райиси Кумитаи телевизион ва радиои кишвар ба роҳбарияти телевизиони Симои мустақили Тоҷикистон (СМТ) пешниҳод карда буд, ки ба мавҷи дигар гузарад. Ба қавли ӯ, шабакаи русии ОРТ рӯи он мавҷе фаъолият мекунад, ин басомад ҳаққи қонунии СМТ мебошад. Ҷаноби Зуҳуров ҳамчунон қайд кард, ки пас аз ба фиристандаи дигар гузаштани ТВ СМТ мо муайян мекунем, ки гунаҳкор аст ва молиёти онро мепардозад.

Маврид ба тазаккур аст, ки телевизиони СМТ ягона телевизиони мустақил дар Душанбе мебошад, ки аз соли 2009 инҷониб мавҷи онро шабакаи ОРТ-и Русия ба таври ғайриқонунӣ азхуд намудааст ва ин мушкил то ҳол роҳи ҳалли худро наёфтааст.

Бег Зуҳуров ба вазъи мушкили иртибот ва алоқаву интернет дар Бадахшон ишора карда гуфт, як тир (аммо номаълум аз куҷо) бойиси аз байн рафтани хати нахии нақли алоқа шудааст.

Ӯ, ки дар як нишасти матбуотии созмонёфта имрӯз, 26-уми июл дар ҳузури хабарнигорони расонаҳои ватанӣ ва хориҷӣ сӯҳбат мекард, гуфт: «Шояд муштариён ҳам дар ҷои ноҳамвору бевасл шишта бошанд ва дастнорас шудаанд».

Ба суоли он ки оё касе, ё вазорате Хадамоти алоқаро ба қатъи иртибот маҷбур карда ва ё фармон додааст, Зуҳуров иброз дошт, ки не: «Ягон вазорат ба мо фармон дода наметавонад».

Источник: http://www.ozodagon.com/khabarho/tojikiston/5813————lr—

[b]Душанбе, Тоҷикистон, 26 июли соли 2012 — Сафорати Иёлоти Муттаҳидаи Амрико дар робита бо хушунати ба наздикӣ дар Вилояти Мухтори Кӯҳистони Бадахшони Тоҷикистон суратгирифта ва талафоти ҷонии гузориш додашуда хеле нигарон аст. Мо дар робита бо ба ҳалокат расидани одамон ҳамдардии худро изҳор намуда аз амнияти сокинони осоишта ҳангоми гузаронидани амалиётҳои роҳбарияти Тоҷикистон нигаронем. Мо даъват ба амал меоварем, то ҳамаи тадбирҳо барои баровардани сокинони осоишта аз минтақаҳои ҷангӣ, аз он ҷумла шаҳрвандони хориҷие, ки айни ҳол дар шаҳри Хоруғ маҳкам шудаанд, андешида шаванд.[/b]

Дар ин ҳолат, мо бори дигар Тоҷикистонро даъват менамоем, то ҳамеша ҳуқуқ ва озодиҳои асосии инсон, аз он ҷумла озодии сухан ва ҷараёни озоди иттилоотро эҳтиром намояд. Мо Тоҷикистонро даъвати қатъӣ ба амал меоварем, ки ӯҳдадориҳои байналмиллалии худро тавассути гузаронидани тафтишоти шаффофи ҳодисаҳое, ки дар сарҳад ба вуқӯъ пайвастаанд иҷро намояд, ва ҳуқуқи ҳар як боздоштшударо, аз он ҷумла дастрасии онҳоро ба ҳимояи ҳуқуқӣ, муносибати башардӯстона, ва додрасии боадолат кафолат диҳад.

Посольство США в Душанбе

Источник: Посольство США в Душанбе

[b]Русия тасмим гирифтааст, ки моҳи август як шабакаи телевизионии исломиро ба кор андозад. Дамир Муҳиддинов-муовини раиси раёсати исломии Русия барои минтақаҳои аврупоии ин кишвар рӯзи панҷшанбе ба радиои Озодӣ гуфт, ин шаъбакаи телевизионӣ бо номи Al-TV ба забони русӣ роҷеъ ба кору зиндагии мусулмонони сокини Русия ва роҷеъ ба ислом барномаҳо пахш мекунад.[/b]

Рӯҳониёни ҷонибдори сиёсати Кохи Кремл фаъолияти ин шабакаро зери назорат хоҳанд дошт. Тасмими гушоиши ин шабакаи телевизионӣ баъд аз як ҳафтаи ҷароҳат бардоштани Илдус Файзов-муфтии ҷумҳурии Тотористон эълон шуд. Вай дар шаҳри Қазон баъд аз инфиҷори мошини бамгузоришуда ҷароҳат бардошт.

Источник: http://www.ozodi.org/archive/world_news/20120726/538/16059.html?id=24657494

ИТТИҲОДИ АВРУПО

Ҷаласаи 922-ми Шӯрои доимии САҲА

Вена, 26 июли соли 2012

[b]Изҳороти Иттиҳоди Аврупо оид ба Тоҷикистон[/b]

[b]Иттиҳоди Аврупо рӯйдодҳои ҷадид ва гузоришҳо оиди қурбониҳо дар Вилояти Мухтори Кӯҳистони Бадахшон суратгирифта изҳори нигаронӣ менамояд. Мо умедворем, ки зиддияти мусаллаҳ бино ба рӯй надодани талафотҳои минбаъда ҳар чӣ зудтар қатъ мегардад. Мо аз мақомотҳои ҳокимият ба барқарорсозии воситаҳои алоқа, таъмини бехатарӣ ва муҳайё кардани шароити мусоид барои расондани кӯмаки башардӯстона ба аҳолии ғайринизомӣ, ва инчунин ташкил сохтани гузаргоҳ барои хоҳишмандони тарки доираи амалиёти ҳарбӣ даъват менамоем.[/b]

Иттиҳоди Аврупо изҳори нигаронӣ инчунин ҷиҳати оқибатҳои эҳтимолии рӯйдодҳои мазкур менамояд, ва аз тарафайни муҳориб дархост мекунад, ки то зоҳири худдорӣ намоянд ва инчунин аз ҳукумати Тоҷикистон даъват мекунад, то бо максади таъминкунии устуворӣ дар минтақа нақшаи амалиёт ва чорабиниҳои мувофиқ ва мутаносибро андешад.

Мо ҳамчунин зарурати риояи озодии ақида ва андеша, ва ҳуқуқи дастрасии иттилоот ба мардум таъкид менамоем. Ба назардошти ин, Иттиҳоди Аврупо ба нигаронии Намояндаи САҲА оид ба масоили озодии васоити ахбори умум дар изҳороти матбуотии 24 июли соли 2012 дар бораи муҳосираи муваққатии сомонаи Агентии хабарии Азия-плюс дар Тоҷикистон ҳамфикр мебошад. Мо бори дигар назари дар изҳороти 8 марти соли 2012 овозкардаи худ дар ҷавоб ба муҳосираи як қатор сомонаҳои дигар аз тарафи мақомотҳои ҳокимияти Тоҷикистон таъкид менамоем. Бо назари Намояндаи САҲА оид ба масоили озодии васоити ахбори умум оиди новобаста ба қонунияти масоили бехатарӣ бояд барои маҳдуд намудани чараёни иттилоъ асос набошанд, розигии комили хешро изҳор менамоем.

Европейский Союз

Источник: www.deltjk.ec.europa.eu

[b]Кумитаи равобити хориҷии Маҷлиси намояндагони Конгресси Амрико рӯзи 24 июл ҳузури Амрико дар Осиёи Марказиро баррасӣ кард. Дар ин бора бахши тоҷикии радиои “Озодӣ” рӯзи 25 июл хабар дод.[/b]

Тавре дар хабари “Озодӣ” омадааст, муовини вазири хориҷаи Амрико дар умури Осиёи ҷанубиву марказӣ Роберт Блейк аз ҷумла идомаи талошҳои Тоҷикистон ҷиҳати маҳдуд кардани ҳуқуқи инсон, аз ҷумла озодии матбуотро мояи нигаронии Вошингтон номида ва гуфтааст, азми давлат барои таъмини амният ва ҷилавгирӣ аз ифротгароӣ ва ҳамин тавр сулҳу суботи дарозмуддат танҳо дар ҳамроҳӣ бо эҳтиром ба ҳуқуқи инсону ҳукми қонун, эҷоди ниҳодҳои шаффофу демократии давлативу шаҳрвандӣ ва фазои бозу номаҳдуди матбуот ба иҷро хоҳад расид.

Блейк гуфт: «Мо Душанберо ҳамчунон ба ҳимоят аз озодии мазҳаб ва эҳтиром ба озодии матбуоту худдорӣ аз дахолат ба бахши матбуот ташвиқ мекунем».

Ба андешаи Роберт Блейк, ислоҳот дар Осиёи Марказӣ хеле кунд сурат мегирад, вале Амрико ҳамкориаш бо «ин минтақаи аз нигоҳи стротегӣ муҳим»-ро боз ҳам тақвият хоҳад дод.

Хадамоти мониторинги АМВАОМТ

Источник:

ш.Душанбе, 24 июли соли 2012

Иттифоқи журналистони Тоҷикистон (ИЖТ), Анҷумани миллии воситаҳои ахбори оммаи мустақили Тоҷикистон (АМВАОМТ), Медиа-Алянси Тоҷикистон, Шўрои ВАО-и Тоҷикистон, Созмони ҷамъиятии «Индем» ва ТҶ «Ориёнмедиа» аз ҳамаи васоити ахбори омма ва рўзноманигорони кишвар даъват менамоянд, ки дар инъикос ва арзёбӣ намудани масоили марбут ба амалиёти низомии сохторҳои қудратӣ дар маркази вилояти Кўҳистони Бадахшон — шаҳри Хоруғ ниҳоят эҳтиёткор ва нозукбин буда, аз такя ба ҳар гуна овозаву хабарҳои беасос ва низоъангез дар ин маврид канорагирӣ кунанд. Зеро дар чунин авзои ҳассос масъулияти рўзноманигор ҷиҳати пахши хабари воқеъбинона ва ғайриэҳсосӣ ба карат афзуда, сухани насанҷидаву бедалел боиси афзудани нофаҳмию овозаҳои беасос дар ҷомеа шуда метавонад.

Ҳамзамон созмонҳои журналистии мамлакат аз масдуд шудани сомонаи интернетии «Азия плюс» изҳори нигаронӣ намуда, ин амали носавоб ва кўтоҳандешонаро аз ҷониби Хадамоти алоқа нақзи ҳуқуқи конститутсионии шаҳрвандони кишвар дар дастрасӣ ба иттилоот маҳсуб медонанд ва умедворанд, ки қазияи мазкур ҳарчи зудтар ҳалли қонунии худро меёбад. Созмонҳои рўзноманигорӣ ҳамчунин аз он изҳори ташвиш доранд, ки дар баъзе сомона ва блогҳои интернетӣ ба ҳаводиси ахири Бадахшон тобиши сиёсиву динӣ дода шуда, дар ин миён баҳсҳои мазҳабиву маҳалгароӣ сар мезананд. Тоҷикистон Ватани ҳар яки мост ва Бадахшон ҷузъи ҷудонопазири ин Ватан аст. Аз ин рў истифодаи забони хусумат ва низоъангез дар ин мавриди мусибатбор ҳаргиз ҷоиз набуда, он метавонад боиси ташаннуҷи ҷамъиятӣ гардад.

Мо ба ҳуқуқи мақомоти босалоҳият дар маҳдуд намудани истифодаи иттилооти махфӣ арҷ гузошта, ҳамзамон аз мақомоти КДАМ, ВКД ва Прокуратураи генералӣ тақозо мекунем, ки бо роҳи ташкили як маркази матбуоти муштарак ба воситаҳои ахбори оммаи ватанию хориҷӣ аз ҷараёни амалиёти низомӣ дар Кўҳистони Бадахшон мунтазам иттилооти расмӣ пешниход намоянд.

Дар ин лаҳзаи ҳассос аз масъулини мақомоти қудратӣ ва ҳамкасбони гиромӣ эҳтиромона хоҳиш менамоем, ки назокати сиёсӣ, сабру таҳаммулпазирӣ зоҳир намуда, барои ҳифзи оромиву тартиботи ҷамъиятӣ ва таъмини волоияти қонун мусоидат намоянд.

[b]Акбаралӣ Сатторов, раиси ИЖТ,

Нуриддин Қаршибоев, раиси АМВАОМТ,

Хуршед Ниёзов, раиси Медиа Алянси Тоҷикистон,

Зинатулло Исмоилов, раиси Шўрои ВАО-и Тоҷикистон,

Саймуддин Дўстов, раиси ТҶ «Индем»,

Рустами Ҷонӣ, директори кулли «Ориён-медиа».[/b]

Источник:

[b]Шаҳрдории Душанбе барои ноил гаштан ба вазифаи директори Муассисаи давлатии телевизиони «Пойтахт” муддати як моҳ — аз 25 июл то 25 августи соли равон озмун эълон менамояд. Дар ин хусус раиси шаҳри Душанбе Маҳмадсаид Убайдуллоев қарори марбута ба тасвиб расонд.[/b]

Довталабоне, ки ҳуҷҷатҳои худро ба озмун пешниҳод менамоянд, бояд ҳатман соҳиби маълумоти олии касбии таҳсили рӯзона ва таҷрибаи кории роҳбарикунанда бошанд. Ба довталабони дар соҳаи журналистика таҷрибаи кории роҳбарикунанда дошта ва донишгоҳу донишкадаҳои ҷумҳурӣ ва хориҷи кишварро хатмнамуда афзалият дода мешавад. Хоҳишмандон имкон доранд бо телефонҳои 221-62-56 – бо шӯъбаи кадрҳои дастгоҳи раиси шаҳри Душанбе дар тамос бошанд. Тавре ки аз шўъбаи мазкур ба АМИТ «Ховар» иттилоъ доданд, синн дар озмун маҳдудият надорад. Озмун 30 август ҷамъбаст гардида, натиҷаҳояш муайян мешаванд.

АМИТ «Ховар»

Источник: http://khovar.tj/society/23526-direktori-tv-poytaht-shudan-meho1203ed.html