[b]Дар рӯзи байнулмилалии Ҳамраъйии журналистон созмонҳои хабарнигорӣ ба раисиҷумҳур муроҷиат карданд.[/b]

Ҳамоиши рӯзноманигорони тоҷик бахшида ба рӯзи байнулмилалии ҳамраъйии журналистон бо нашри як муроҷиатнома ба унвони раисиҷумҳури Тоҷикистон ва порлумони кишвар кори худро анҷом дод.

Дар ин муроҷиатномаи иттиҳодияҳои рӯзноманигории Тоҷикистон аз раисиҷумҳур ба унвони кафили таъмини озодии баён ва ба порлумони кишвар ба унвони ниҳоди олии қонунгузории кишвар дархост мешавад, ки аз афзоиши мавориди фишор болои матбуот ҷилавгирӣ кунанд.

Дар ин муроҷиатномаи иттиҳодияҳои рӯзноманигории Тоҷикистон аз раисиҷумҳур ба унвони кафили таъмини озодии баён ва ба порлумони кишвар ба унвони ниҳоди олии қонунгузории кишвар дархост мешавад, ки аз афзоиши мавориди фишор болои матбуот ҷилавгирӣ кунанд.

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=125]http://www.taj.nansmit.tj/analysis/?id=125[/url]

Абдуқаюми Қаюмзод

Источник:

[b]иштироккунандагони «мизи мудаввар» дар мавзўи «Ҳамраъйии журналистон – ба тақдири ҳамкасбонамон бетафовут набошем» ба Президент ва парлумони Ҷумҳурии Тоҷикистон[/b]

Мо, иштироккунандагони сўҳбати «мизи мудаввар» — журналистон ва намояндагони созмонҳои журналистӣ ва байналмилалӣ дар мавзўи «Ҳамраъйии журналистон – ба тақдири ҳамкасбонамон бетафовут набошем» бо назардошти вазъи саломатӣ ва ифодаи иродаи нек аз Шумо хоҳиш дорем нисбат ба журналист Маҳмадюсуф Исмоилов чораи пешакии дар маҳбас нигоҳ доштан ба чораи дур нарафтан аз маҳалли зист иваз карда шавад.

Мо итминони комил дорем, ки М. Исмоилов — хабарнигори нашрияи «Нури зиндагӣ», маҳз бо сабаби дар рӯзнома чоп кардани мақолаҳои танқидӣ, фош кардани иллатҳои ҷомеа мавриди таъқиботи судӣ қарор гирифтааст ва як гурўҳ одамони мансабдор бо нияти тарсондан чашми журналистони дигар ва махдуд кардани озодии баён дар кишвар ўро беш аз 9 моҳ инҷониб дар маҳбас нигоҳ медоранд.

Қазияи журналист Маҳмадюсуф Исмоилов аз ҷумлаи онҳоест, ки ба имиҷи байналмилалии Ҷумҳурии Тоҷикистон рабт дорад. Бинобар ин иваз кардани чораи пешгирии дар ҳабс нигоҳ доштани журналист ва мунсифона баррасӣ намудани парвандаи ҷиноятӣ нисбати ӯ бори дигар иродаи неки роҳбарияти давлат ба арзишҳои демократӣ ва волоияти конунро дар мамлакат баръало намоиш медихад.

Иштироккунандагони «мизи мудаввар» дар мавзўи «Ҳамраъйии журналистон – ба тақдири ҳамкасбонамон бетафовут набошем».

ш. Хуҷанд, 8 сентябри соли 2011

Источник:

[b]Бахшида ба Рӯзи байналмилалии ҳамрайъии журналистон рўзи 8 август дар шаҳри Хуҷанд бо иштироки журналистон, намояндагони созмонҳои журналистӣ ва байналмилалӣ дар мавзўи «Ҳамраъйии журналистон – ба тақдири ҳамкасбонамон бетафовут набошем» «мизи мудаввар» барпо гашт.[/b]

Дар ифтитоҳи «мизи мудаввар» раиси созмони вилоятии журналистони Тоҷикистон Илҳоми Ҷамолиён ва роҳбари хадамоти мониторинги Анҷумани миллии воситаҳои ахбори оммаи мустақили Тоҷикистон (АМВАОМТ) Абдуфаттоҳ Воҳидов иштироккунандагонро ба муносибати Рўзи ҳамраъйии журналистон табрик гуфтанд.

Сипас роҳбари хадамоти мониторинги АМВАОМТ Абдуфаттоҳ ВОҲИДОВ дар мавзўи «Чорабиниҳои ҳамраъйии журналистон: сабақҳои бадастомада», директори ШТВ «Осиё», ш.Хуҷанд Аъзамхон Акбаров дар мавзўи “Ҳамраъйӣ ва меъёрҳои ахлоқии фаъолияти журналистон”, Маҳмудҷон Дадобоев, директори ШТР «Ҷаҳоноро», ш.Ғафуров дар мавзўи «Ҳамраъйии журналистон дар чӣ ифода меёбад?» суханронӣ карданд.
Дар атрофи мавзўъҳои мазкур байни иштироккунандагони «мизи мудаввар» мубоҳисаи тўлонӣ ба амал омад.

Иштироккунандагони чорабинӣ бо нияти минбаъд устувор кардани ҳамраъйии журналистони вилоят тавсияҳои зеринро қабул карданд:

[i]- Таъсис додани Хазинаи изтирорӣ барои кўмак ба журналистоне, ки мавриди таъқиботи судӣ қарор мегиранд;

— Созмон додани маҳфили журналистон барои баррасии масоили мухими хаёти журналистони минтака;

— Бетафовут набудан ва вокуниш нишон додан ба зухуроти накзи хухуки журналистон ва таъмини дастрасии ВАО бо маводе, ки боиси бахси хирфаи ё суди гаштаанд;

— Тахкими меъёрхои ахлоки ва баланд бардоштани эътибори журналисон дар чомеа;

— Баланд бардоштани маърифати ҳуқуқии журналистон тавассути барномахои омузиши.[/i]

Иштироккунандагони ҳамоиш инчунин бо мақсади аз маҳбас озод намудани журналист Маҳмадюсуф Исмоилов ба унвони роҳбарияти давлат муроҷиатнома қабул карданд.

Источник: Хадамоти мониторинги АМВАОМТ.

[b]Теъдоде аз рӯзноманигорон ва созмонҳои рӯзноманигории Тоҷикистон бо судури баёнияе аз раиси ҷумҳур ва порлумони ин кишвар хостаанд, ки аз мавориди фишор бар хабарнигорон ва матбуъот ҷилавгирӣ кунанд.[/b]

Ин баёния рӯзи панҷшанбеи 8 сентябр дар ҷараёни ҳамоиши вижае, ки ба муносибати «Рўзи байналмиллалии ҳамбастагии рӯзноманигорон» доир шуд, ба тасвиб расид.

Ин ҳамоиш ба ибтикори созмони рӯзноманигории Медия-Алянси Тоҷикистон ва бо ҳимояти молии Созмони Амният ва Ҳамкории Урупо дар бинои Маркази мутолеъоти истротежики Тоҷикистон доир шуд ва дар он рӯзноманигорон аз тамоми манотиқи кишвар ширкат доштанд.

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=126]http://www.taj.nansmit.tj/analysis/?id=126[/url]

Источник:

[b]Ду созмони дифоъ аз ҳуқуқи журналистон аз раисиҷумҳури Тоҷикистон озодии Маҳмадюсуф Исмоиловро дархост карданд.[/b]

Созмони байнулмилалии “Хабарнигорони бидуни марз” (Reporters Sans Frontieres — RSF) ва Анҷумани миллии расонаҳои мустақили Тоҷикистон ё НАНСМИТ аз раисиҷумҳури Тоҷикистон Эмомалӣ Раҳмон хостанд, ба сарнавишти журналисти тоҷик Маҳмадюсуф Исмоилов, ки аз 23-юми ноябри соли 2010 дар зиндон ба сар мебарад, таваҷҷӯҳ кунад.

Дар изҳороти муштараки ду созмони дифоъ аз ҳуқуқи журналистон, ки дар арафаи Рӯзи байнулмилалии ҳамрайъии журналистон мунташир шуд, гуфта мешавад, хабарнигорон, расонаҳо ва созмонҳои журналистӣ аз озод шудани хабарнигри Би-би-сӣ дар вилояти Суғд, Урунбой Усмонов хушҳоланд ва инро натиҷаи таваҷҷӯҳи раисиҷумҳури Тоҷикистон шумурда, аз ҷаноби Раҳмон дархост мекунанд, ба мурооти қонун дар нисбати журналисти тоҷик Маҳмадюсуф Исмоилов мусоадат намояд.

Ин созмонҳо мегӯянд, парвандаи Исмоилов низ ҳамсони парвандаи Усмонов аст. Вай низ ҳадафи иттиҳомоте қарор ёфтааст, ки далели кофӣ барои тасбит надоранд. Исмоиловро ба ангехтани хусуматҳои динӣ, нажодӣ ва маҳалгароёна, тӯҳмат ва тавҳин айбдор мекунанд. Вале то ҳол дар муҳокимаи парванда ҳеҷ яке аз ин иттиҳомот исбот нашудааст.

Созмони байнулмилалии “Хабарнигорони бидуни марз” ва Анҷумани миллии расонаҳои мустақили Тоҷикистон хостаанд, муҳокимаи Маҳмадюсуф Исмоилов на дар Хуҷанд, балки дар шаҳри Душанбе ҷараён гирад ва имкони таъсири мақомоти маҳаллӣ ба додгоҳ аз байн равад.

Раиси созмони байнулмилалии “Хабарнигорони бидуни марз” Жан-Франсуа Ҷуллиард ва раҳбари Анҷумани миллии расонаҳои мустақили Тоҷикистон Нуриддин Қаршибоев аз раисиҷумҳури Тоҷикистон Эмомалӣ Раҳмон хостаанд, ба тағйири чораи пешгирӣ аз журналисти солманду бемор, ки зиёда аз меъёр шумурда шудааст, мусоадат кунад. Онҳо изҳори умедворӣ кардаанд, ки раисиҷумҳур ҳамчун кафили ҳуқуқи конститутсионии шаҳрвандони Тоҷикистон ба он мусоадат хоҳад кард, ки бархӯрд ба Исмоилов аз рӯи адолат ва беғаразона сурат гирад.

Радио Озоди

Источник: http://www.ozodi.org/content/article/24321098.html

07cентябри соли 2011
[b]Гузоришгарони Бидуни Марз хостори бознигарии қазияи Маҳмадюсуф Исмоилов, хабарнигори мунтақиди давлати Тоҷикистон, шудааст
Созмони Гузоришгарони Бидуни Марз дар як баёнияи муштарак бо Анҷумани миллии расонаҳои мустақилли Тоҷикистон хостори баррасии мунсифонаи қазияи рӯзноманигор Маҳмадюсуф Исмоилов дар додгоҳ шудааст.[/b]
Дар ин баёния аз мусоъидати раиси ҷумҳурии Тоҷикистон ба озодии Ӯрунбой Усмонов, хабарнигори Би-би-сӣ дар ин кишвар, қардронӣ шуда ва аз Президент Раҳмон дархост шудааст, ки дар остонаи Рӯзи Байналмилалии Ҳамбастагии Рӯзноманигорон ба сарнавишти оқои Исмоилов низ таваҷҷӯҳ кунад.
Муҳаммадюсуф Исмоилов, хабарнигори нашрияи «Нури зиндагӣ» дар ноҳияи Ашт, дар шимоли Тоҷикистон, 23 ноябри соли гузашта ба иттиҳоми таҳқиру тавҳин ва барангехтани низоъи миллию мазҳабӣ аз сӯйи кормандони ниҳодҳои интизомӣ боздошт шуда буд.
Аммо Ҷумъаи Мирзо, сардабири нашрияи мустақилли “Нури зиндагӣ”, ин иддаъоро рад карда ва гуфт, ки ин хабарнигор барои чопи силсилае аз матолиби интиқодӣ дар бораи фаъолияти раиси ноҳия, додситони пешин ва дигар мақомҳои давлатии ноҳияи Ашт боздошт шудааст.
Оқои Мирзо ба унвони мисол аз матолиби “Ашт валангор мешавад”, “Қотили Наргис кист?” ва “Худкушӣ дар Ашт” ном бурд, ки ба қавли ӯ ба “иззати нафси масъулони давлатии ин ноҳия” расидааст.
Анҷумани миллии расонаҳои мустақилли Тоҷикистон (АМРМТ) низ боздошти ӯро ба чопи матолиби интиқодӣ дар бораи фаъолияти ҳукуматҳои маҳаллӣ ва ниҳодҳои қудратӣ марбут хондааст.
Чанде аз созмонҳои бонуфузи дифоъ аз ҳуқуқи хабарнигорон аз давлати Тоҷикистон даъват ба амал овардаанд, ки Муҳаммудюсуф Исмоиловро озод кунад.
Аз ҷумла, созмони Гузоришгарони Бидуни Марз ва Кумитаи Дифоъ аз Рӯзноманигорон (CPJ), созмонҳое, ки аз озодии баён ва ҳуқуқи рӯзноманигорон ҳимоят мекунанд, хостори озодии оқои Исмоилов шуда буданд.
Бо вуҷуди тақозоҳои мукаррари созмонҳои мудофеъи ҳуқуқи хабарнигорон ва мудофеъони ҳуқуқи башари ватанию байналмилалӣ муҳокимаи ин хабарнигор дар додгоҳи шаҳри Табошар, дар шимоли Тоҷикистон, ҳамчунон идома дорад.
Дар баёнияи муштараки Гузоришгарони Бидуни Марз ва АМРМТ аз Эмомалӣ Раҳмон, раиси ҷумҳурии Тоҷикистон, дархост шудааст, ки ба унвони кафили таъмини ҳуқуқи шаҳрвандон ба бозрасии изофии парвандаи оқои Исмоилов ва баргузории ҷаласаи додгоҳ дар шаҳри Душанбе кумак кунад.
Ҳамчунин, ин созмонҳо хостории озодии оқои Исмоилов аз боздоштгоҳ ба қайди васиқа (ба шарти берун нарафтан аз маҳалли зист) шуда ва гуфтаанд: “Ӯ наметавонад дар озодӣ ба шоҳидон фишор ворид карда ё асноди марбут ба парвандаи ҷинойиро нобуд кунад.”

Би-би-си

Источник: http://www.bbc.co.uk/tajik/institutional/2011/09/110907_mm_rsf_statement.shtml

[b]Ҳомиёни ҳуқуқи рӯзноманигорон тақозо кардаанд, ки хабарнигори бандии нашрияи “Нури Зиндагӣ” то замони баргузории муҳокима аз зиндон раҳо гардад.[/b]

Дар арафаи Рӯзи ҳамдилии рӯзноманигорон 8-уми сентябр Анҷумани миллии расонаҳои мустақили Тоҷикистон маъруф бо номи НАНСМИТ ва созмони байналмилалии “Хабарнигорони бидуни марз” изҳороте пахш намуда, таваҷҷӯҳи президенти Тоҷикистонро ба қазияи Маҳмадюсуф Исмоилов рӯзноманигори нашрияи “Нури Зиндагӣ” дар ноҳияи Ашт ҷалб кардаанд.
Исмоилов 23-уми ноябри соли 2010-ум ба ҳабс гирифта шуд. Ӯ бо ангезиши ихтилоф миёни мазҳабу қавмҳо ва маҳалҳо, таҳқир ва ҷурмҳои дигар муттаҳам мешавад. Вале ҳомиёни ҳуқуқи рӯзноманигорон мегӯянд, ин айбнома бо фаъолияти касбии Исмоилов дар расонаҳои мухталиф, ки ҳадаф аз он мубориза бо фасод дар ниҳодҳои давлатӣ мебошад, робита дорад.
Раиси Анҷумани миллии расонаҳои мустақили Тоҷикистон Нуриддин Қаршибоев мегӯяд:
“Исмоилов ҷинояте содир накардааст, ки бояд дар маҳбас бошад. Ба ҳамин хотир бори дигар дар арафи Рӯзи ҳамраъйии рӯзноманигорон аз ҷониби созмони “Рӯзноманигорони бидуни марз” ва аз ҷониби анҷумани худ ба президенти Тоҷикистон муроҷиат кардем.”
Ҳомиёни ҳуқуқи рӯзноманингорон аз президенти Тоҷикистон хостаанд, ки ба муҳокимаи одилонаи парвандаи Исмоилов кумак расонад.

Радио Озоди

Источник: http://www.ozodi.org/archive/news/20110907/538/538.html?id=24320876

[b]БАРНОМАИ

«мизи мудаввар» дар мавзўи «Ҳамраъйии журналистон – ба тақдири ҳамкасбонамон бетафовут набошем»[/b]

[b]Таърих:[/b] 8 сентябри соли 2011

[b]Маҳал:[/b] ш. Хуҷанд, маҳаллаи 31, Маркази бизнеси «Дўсти Амирхон»

[b]Созмондиҳанда:[/b] Анҷумани миллии воситаҳои ахбори оммаи мустақили Тоҷикистон (АМВАОМТ)

[b]Мақсад:[/b] Баррасӣ намудани роҳҳои таъмини ҳамраъйии журналистони минтақа.

[b]Иштироккунандагон[/b] – 20 нафар намояндагони ВАО, мақомоти давлатӣ,ташкилотҳои байналмилалӣ ва ҷамъиятӣ.

10.00 – Бақайдгирии иштироккунандагон

10.15 – 10.30 – Оғози «мизи мудаввар»

[b]Сухани ифтитоҳии:[/b]
— Абдуфаттоҳ ВОҲИДОВ, роҳбари хадамоти мониторинги АМВАОМТ
— Илҳоми Ҷамолиён, Раиси созмони вилоятии журналистони Тоҷикистон

10.30-12.30 — [b]Модератор Муҳаббат Ҷўраева, ҳуқуқшиноси Маркази дастгирии ҳуқуқии ВАО ва журналистон дар вилояти Суғд, директории созмони ҳимояи ҳуқуқ «Адвокати ту» [/b]

— Чорабиниҳои ҳамраъйии журналистон: сабақҳои бадастомада. [b]Абдуфаттоҳ ВОҲИДОВ, роҳбари хадамоти мониторинги АМВАОМТ.[/b]

— Ҳамраъйӣ ва меъёрҳои ахлоқии фаъолияти журналистон. [b]Аъзамхон Акбаров, директори ШТВ «Осиё», ш.Хуҷанд[/b]

— Ҳамраъйии журналистон дар чӣ ифода меёбад? [b]Маҳмудҷон Дадобоев, директори ШТР «Ҷаҳоноро», ш.Ғафуров[/b]

[b]Мубоҳисаи умумӣ

Тавсияҳои ҷамъбастӣ[/b]

12.30 – Хўроки пешин аз номи АМВАОМТ ва созмонҳои шарики анҷуман ШТР «Тироз», ШТР «Осиё» ва ШТР «СМ-1».

[b]Маълумот ба воситаи телефонҳои:
+992 93 504-30-13 (Нуриддин ҚАРШИБОЕВ, Раиси АМВАОМТ)
+992 918 86-28-66 (Абдуфаттоҳ ВОҲИДОВ, роҳбари хадамоти мониторинги АМВАОМТ)
+992 93 503-14-57 (Мавлуда РАФИЕВА, роҳбари Маркази дастгирии ҳуқуқии ВАО ва журналистон дар вилояти Суғд)[/b]

Источник:

[b]Созмонҳои мудофеъи озодии баён ва Идораи ҳуқуқи башари Тоҷикистон бо интишори баёнияе муштарак латукӯби рӯзноманигор Хуршеди Атовуллоро маҳкум кардаанд.[/b]

Дар ин баёния, ки рӯзи панҷшанбеи 1 сентябр мунташир шуд, аз ҳамлаи афроди номаълум ба Хуршеди Атовулло, сардабири ҳафтаномаи «Фараж», башиддат интиқод шудааст.

Намояндагони созмонҳои мудофеъи ҳуқуқи башар ва озодии баён аз нерӯҳои интизомии Тоҷикистон дархост кардаанд, ки афроди мазнун дар ин ҳодисаро боздошт ва муҷозот кунанд.

Иттиҳодияи рӯзноманигорон, Анҷумани миллии расонаҳои мустақил ва Идораи ҳуқуқи башари Тоҷикистон навиштаанд, ки ин дувумин ҳодисаи латукӯби рӯзноманигорон дар Тоҷикистон дар соли ҷорӣ аст.

Дар ин баёния омадааст, ки дар моҳи феврали соли ҷорӣ Ҳикматулло Сайфуллозода, сардабири ҳафтаномаи «Наҷот», вобаста ба Ҳизби наҳзати исломии Тоҷикистон, низ аз сӯйи ду фарди номаълум латукӯб шуда ва дар бемористон муддате бистарӣ буд.

Масъулони ин созмонҳо мегӯянд дар ҳоле ки Тоҷикистон дар остонаи таҷлил аз 20-умин солгарди истиқлоли худ қарор дорад, латукӯби рӯзноманигорон ва ҳар фарди дигаре мояи нигаронӣ аст.

Ин созмонҳо хостори ҳалли ҳама гуна муноқишаҳо дар чорчӯби қонун шуда ва аз ниҳодҳои марбута тақозо кардаанд, ки амнияти мардумро тибқи Қонуни асосии Тоҷикистон таъмин кунанд.

Хуршеди Атовулло, сардабири нашрияи “Фараж” ва раҳбари созмони «Медиа-алянси Тоҷикистон», пештар ба Би-би-сӣ гуфта буд, ки афроди ношинос дар худраве онҳоро дунболагирӣ карда ва дар маҳаллаи “Зарафшон-2”-и шаҳри Душанбе бо чӯбдастҳо ба онҳо ҳамла кардаанд.

Дар натиҷа, дасту пойи оқои Атовулло ва ду ҳамроҳаш аз зарбаҳои чӯб маҷрӯҳ шудаанд.

Ин ҳодиса соъати 12 зӯҳр рух дода ва дар он замон хиёбонҳои шаҳр пур аз мардум буд. Аз сӯйи дигар, Ҳикматулло Сайфуллозода низ дар маҳалле наздик ба «Зарафшон» ва дар рӯзи равшан лату кӯб шуда буд.

Соҳибназарон бо ишора ба такрори ин ҳаводис сабаби ҳамла ба хабарнигоронро бемуҷозот мондани ин афрод медонанд. То ҳол афроде, ки оқои Сайфуллозодаро низ лату кӯб карда буданд, боздошт ва муҷозот нашудаанд.

Би-Би-Си

Источник: http://www.bbc.co.uk/tajik/institutional/2011/09/110901_zkh_statement_mass_media.shtml

[b]Сомонаи ширкати телевизон ва радиошунавонии БиБиСи дар Иди Фитр барои мусулмонон таҳия ва истеъмоли ғизоеро аз гӯшти хук дар қатори дигар номгӯи хӯрокҳои дар ин рӯз таҳияшаванда пешниҳод кардааст.[/b]

Масъулини ширкати мазкур аллакай барои ин корашон ба таври расмӣ аз мусулмонон узр хоста, гуфтаанд, ки онҳо ҷурми худро ба дӯш мегиранд ва аммо ғизое аз гӯшти хук тасодуфан дар қатори ғизоҳои барои ин рӯз таҳияшаванда омадааст.

Дар ҳамин ҳол Хоқон Комуз — сарвари Ассотсиатсияи истеҳсолкунандагон ва соҳибкорони мустақили Бритониё — «Мусоид», нафаре, ки нахустин шуда ин хаторо ошкор намуд, гуфтааст, ин ширкат бо ин ҳама собиқааш наметавонист надонад, ки мусулмонон умуман гӯшти хук истемол намекунанд.

Абӯбакри ФАЙЗАЛӢ, TojNews

Источник: http://tojnews.org/taj/index.php?option=com_content&task=view&id=17579&Itemid=30