Ташкилоти ҷамъиятии “Хома” дар доираи лоиҳаи “Дастгирии идоракунии молиявии давлатӣ”, бо мақсади боло бурдани сатҳи дониши иқтисодии рӯзноманигорон семинари навбатии омӯзишӣ доир намуд. Читать далее Семинар ба хотири боло бурдани сатҳи дониши иқтисодии журналистон
Архив рубрики: Хабарҳо
«Мақомот мехоҳанд, сарчашмаи мустақили иттилоъро аз байн баранд». САДО, ВИДЕО
Вазири умури дохилии Тоҷикистон хост, онҳое, ки ба қавли ӯ бо гирифтани аксу навор дар ҷараёни рафъи оқибатҳои ҳодисаҳои нохуш, аз ҷумла сӯхтор халал мерасонанд, бояд муҷозот шаванд. Аммо ҳуқуқдонҳо ин гуна пешниҳодро навъе маҳдуд кардани озодиҳои шаҳрвандӣ арзёбӣ мекунанд. Онҳо мегӯянд, дар сурати татбиқаш ин пешниҳод на танҳо барои шаҳрвандон, балки барои намояндагони матбуот низ монеа эҷод хоҳад кард. Читать далее «Мақомот мехоҳанд, сарчашмаи мустақили иттилоъро аз байн баранд». САДО, ВИДЕО
Касе аз ҷойи ҳодиса аксу навор мегирад, муҷозот мешавад
Вазири умури дохилии Тоҷикистон хост, онҳое, ки ба қавли ӯ бо гирифтани аксу навор барои рафъи оқибатҳои ҳодисаҳои нохуш ва табиӣ, аз ҷумла сӯхтор ва сел халал мерасонанд, муҷозот шаванд. Рамазон Раҳимзода рӯзи 21-уми июл дар сӯҳбат бо хабарнигорон ба унвони мисол аз сӯхтори ахир дар бозори «Корвон» ёдовар шуд. Читать далее Касе аз ҷойи ҳодиса аксу навор мегирад, муҷозот мешавад
Пешниҳоди милиса ба ҳукумат: Халалрасонҳоро ҷазо диҳем
Мақомоти милисаи тоҷик ба ҳукумат пешниҳод кардааст, ки барои халал расондан ба кори маъмурин ҳангоми сӯхтор ва дигар офатҳо, ҷавобгарӣ роҳандозӣ шавад. Читать далее Пешниҳоди милиса ба ҳукумат: Халалрасонҳоро ҷазо диҳем
Орумбекзода: Журналистон, аввал худатон ба театр биёед!
Шамсиддин Орумбекзода, вазири фарҳанги Тоҷикистон аз журналистон даъват кард, ки дар навбати аввал худи онҳо бояд ба театр раванд. Ӯ ин нуктаро имрӯз зимни нишасти хабарӣ бо рӯзноманигорон зикр намуд. Читать далее Орумбекзода: Журналистон, аввал худатон ба театр биёед!
Субҳон Ҷалилов раиси “Медиа Алянси Тоҷикистон” шуд
Дар ҷаласаи навбатии созмони журналистии «Медиа Алянси Тоҷикистон» Субҳон Ҷалилов, директори барномаҳои ширкати телевизион ва радиои «Ватан» ба ҷои Муним Оламов, директори ҶДММ «Имрӯз News» дабири кулли созмони мазкур интихоб гардид. Читать далее Субҳон Ҷалилов раиси “Медиа Алянси Тоҷикистон” шуд
Субҳон Ҷалилов дабири кулли “Медиа Алянси Тоҷикистон” интихоб шуд
Субҳон Ҷалилов, директори барномаҳои ширкати телевизион ва радиои “Ватан” дабири кулли созмони “Медиа алянси Тоҷикистон” интихоб шудааст. Читать далее Субҳон Ҷалилов дабири кулли “Медиа Алянси Тоҷикистон” интихоб шуд
Мавҷи ТВ-ҳои Тоҷикистон кай дар Ширкент пайдо мешавад? ВИДЕО
Деҳаи Ширкенти Тоҷикистон ҳамагӣ чанд километр дуртар аз марзи Узбакистон воқеъ аст. Сокинони ин рустои ноҳияи Турсунзода солҳо боз бе барномаи телевизионҳои Тоҷикистон зиндагӣ мекунанд. Зуҳриддин, омӯзгори мактаб, ҳафтаи равон дар сӯҳбат бо хабарнигорони мо гуфт, ки чандин бор антеннаҳои гуногун харид, вале ҳатто беҳтарини онҳо телевизиони Тоҷикистонро танҳо рӯзона намоиш медиҳад.
Баъзе сокинони русто, ки мавҷпароканҳои моҳвораӣ доранд, мегӯянд, сифати пахши барномаҳо дар инҷо хуб нест. Сокини маҳаллӣ Абдунабӣ умедвор аст, ки ин мушкилро ниҳоят мақомот ҳал мекунанд. Чунки, ба қавли ӯ, аз вуҷуди он хабар доранд.
Дар наздикии ин русто аллакай “ретранслятор” насб шудааст. Аммо мавҷи он заиф буда, зуд-зуд аз кор мебарояд.
Дар хоани Абдунабӣ рӯзҳои софу беғубор садои чанд шабакаи телевизиони Тоҷикистонро шунидан мумкин аст, аммо тасвир пайдо намешавад. Мардум дар русто ба ҷуз аз тамошои шабакаҳои мухталифи телевизионӣ тариқи антеннаҳои моҳвораӣ тақрибан ҳеҷ саргармие надоранд.
Гузориши видеоӣ дар инҷост:
Тибқи омори расмӣ дар ҳамаи гӯшаҳои Тоҷикистон сокинон ба мавҷи телевизион дастрасӣ доранд, вале коршиносон мегӯянд, дар минтақаҳои баландкӯҳ ва наздимарзӣ тамошобинон аз чунин имкон маҳруманд. Набӣ Юсупов, раиси созмони “Медиа кансалтинг” мегӯяд, “агар шумо ба дилхоҳ деҳа равед, мебинед, ки бештари онҳо дар бомҳояшон антеннаҳои моҳвораӣ доранд. Агар мавҷи мо хуб бошад, зарурати чунин антеннаҳо дар чист?”
Коршиносон мегӯянд, дар минтақаҳое, ки сифати намоиши шабакаҳои телевизионҳои Тоҷикистон хуб нест, бо вуҷуди надонистани забон, сокинон ба тамошои телевизионҳои кишварҳои ҳамсоя, аз ҷумла Узбакистон бартарӣ медиҳанд.
Яке аз сабабҳои аслии маҳбубият надоштани телевизионҳои Тоҷикистон дар якрангии муҳтавои шабакаҳои давлатӣ ва адами рақобат дар ин бозор гуфта мешавад. Набӣ Юсупов гуфт, “масалан, мехоҳам аз телевизиони “Ҷаҳоннамо” хабарҳо, аз “Синамо” филм ва аз “Варзиш” сабқатҳои варзиширо тамошо кунам, вале дар мо барномаҳо чунон омехта шудаанд, ки кас сардаргум мемонад. Дар баробари ин мӯҳтавои барномаҳо якранганд ва мардум дигар тамошо кардан намехоҳанд, чун барояшон ҷолиб нест.”
Посухи А.Абдуқаҳҳор ба М.Шоҳиён: Омили “рақиб” шудани ман директори ТВ “Пойтахт” таъин гардидан аст
Абдуқодири Абдуқаҳҳор, мудири китобхонаи ба номи Абулқосими Лоҳутӣ ва корманди пешини Кумитаи телевизион ва радио мегӯяд, ба хотири ӯ 2 сол мешавад, ки сабти чорабиниҳои китобхонаи Лоҳутӣ дар телевизиони “Тоҷикистон”-у “Сафина” мамнӯъ аст. Ба гуфтаи ӯ, далели аслии “рақиб” шуданаш директори ТВ “Пойтахт” таъин гардидану дар қаламрави шаҳр рақобати эҷодиро тоб наовардани ин шабакаҳо аст.
Ҷаноби Абдуқаҳҳор ин нуктаро дар як посух ба Маҳмадсаид Шоҳиён, раиси Кумитаи телевизион ва радиои Тоҷикистон таъкид намудааст. Авохири моҳи июни соли равон ӯ дар саҳфаи фейсбукаш навишт, ки “раиси Кумитаи ТВ ва Радио садову симоямро баставу дар «рӯйхати сиёҳ» шомилам намудааст, ростӣ сабабашро худам ҳам намедонам”.
А.АБДУҚАҲҲОР: РАИСИ КУМИТА МАРО БА “РӮЙХАТИ СИЁҲ” ШОМИЛ НАМУДААСТ
Иддаое, ки Маҳмадсаид Шоҳиён, раиси Кумитаи телевизион ва радиои Тоҷикистон 14 июл дар нишасти хабарие дар Душанбе рад кард. Шоҳиён таъкид кард, Абдуқодири Абдуқаҳҳор дастпарвардаи худи Кумитаи телевизион ва радио аст ва “дар сурати пешниҳоди лоиҳаҳои нав мо омодаем, ҳамкорӣ кунем”.
САДО: ШОҲИЁН ДАР БОРАИ “РӮЙХАТИ СИЁҲ” ВА ДАЪВОИ А.АБДУҚАҲҲОР: МУШК ОН АСТ, КИ ХУД БИБӮЯД
Абдуқодири Абдуқаҳҳор посухи худро унвонии “Озодагон” фиристодааст ва он бидуни таҳрир айнан пешниҳоди хонандаҳо мегардад. Дар сурати вокуниши ҷониби дигар ба ин навишта, хабаргузорӣ онро низ ба нашр хоҳад расонд.
“Аввалан, ҷанобашон агар “Фарҳанг” дошта бошанд,(манзурам фарҳанги тафсири андарзу мақолҳо) бори дигар “Мушк он аст…”-ро хонанд, зеро ноҷо истифода шудааст. Ба ҳар сурат ба олим – роҳбари қаламкаш-журналистони давлатӣ дарк накардани маънии мақоли мардумӣ шоиста нест, инчунин бо мантиқи ғалат суҳбат кардан. Не, не хато накардам, чанде қабл домулло дар мавзуи “реклама ва тиҷорат” номзадӣ ҳимоя карданд, яъне тайи ду соли Раиси Кумита — бузургтарин ниҳоди идеологӣ будунашон умуман дар фикри идеологияи миллӣ набудаанд. Баъдан, соли дуввум аст, ки дархости ҳамкориям болои мизи кории Маҳмадсаид Шоҳиён хоб асту на камтар аз 3 маротибагӣ муовин – куратори Радиои Тоҷикистон Назира Амирбекзода ва Директори радио шогирди азизам Фаррух Зиёев дар боби ҳамкории ман ҷавоби рад шунидаанд. Солисан, эшон дар чанд суҳбате бо мақомоти роҳбарии Кумита арз доштаанд, ки мамнуъ намудани сурату овози ман дар расонаҳои давлатӣ супоришу дархости “боло” аст. Тазаккур ба маврид аст, ки “рақиб” шудани ман омилаш Директори ТВ “Пойтахт” таъин гардидану дар қаламрави шаҳр рақобати эҷодиро тоб наовардани шабакаҳои ин ниҳод аст. Ва боз дарднокаш он аст, ки ба хотири ман шуда 2 сол аст аз чорабиниҳои яке аз куҳантарин маъбади фарҳангии шаҳри Душанбе Китобхонаи ба номи А.Лоҳутӣ дар “Шабакаи аввал”-у “Сафина”навор гирифтан мамнуъ аст. Даҳҳо нафар ҳамкорони собиқам борҳо бахшиш пурсидаанд, ки наметавонанд мусоҳиб шудану чорабиниҳои китобхонаро иникос намудан, зеро “дастур” гирифтаанд. Ману ман баринҳо, ки кам нестему рӯзноманигорӣ ё журналисти радиотелевизион касбамон, зиндагиямон ҳаст, бояд чи кор кунем? Ба расонаҳои хориҷӣ баъди 20–30 соли содиқона ба давлат хидмат намудан даъват намекунанду виҷдон ҳам намебардорад, ба хориҷа равӣ дигар хел мефаҳманд…
Баъди раисии ҷаноби Шоҳиён тақрибан тамошобин надоштани шабакаҳои давлатӣ мавзӯи суҳбати алоҳида.
Ба Тоҷикистон сипари иттилоотӣ зарур аст!
Баҳори имсол ба тамоми хонандаҳои мактабҳои кишвар (духтарон) супориш доданд, ки аз якуми март то анҷом ёфтани тантанаҳои наврӯзӣ ба мактаб бо куртаҳои чакану атлас биёянд. Ин хабарро ба чанд духтараки навраси хешовандон, ки рӯзе якҷо будем, расондам. Яке аз онҳо гуфт: «Ҳамин атлас аз мост ё аз ӯзбекҳо? Охир, ҳар рӯз аз телевизионҳои ӯзбекӣ атласро нишон медиҳанд. Барандаҳояш ҳам (занҳоро дар назар дошт) доим атлас мепӯшанд». Ростӣ, надонистам чӣ гӯям ва фаҳмидам, ки фазои иттилоотии Тоҷикистонро мавҷу шабакаҳои хориҷӣ фаро гирифтаву то андозае таъсири худро гузоштаанд. Читать далее Ба Тоҷикистон сипари иттилоотӣ зарур аст!