[b]Иттифоқи журналистони Тоҷикистон, Анҷумани миллии воситаҳои ахбори оммаи мустақили Тоҷикистон ва Бюрои оид ба ҳуқуқҳои инсон ва риояи қонуният[/b]

Иттифоқи журналистони Тоҷикистон, Анҷумани миллии воситаҳои ахбори оммаи мустақили Тоҷикистон (АМВАОТ) ва Бюрои оид ба ҳуқуқҳои инсон ва риояи қонуният (BHR) факти аз тарафи шахсони номаълум лату кўб шудани сармуҳаррири ҳафтаномаи «Фараж» Хуршед Ниёзов (Хуршеди Атовулло)-ро сахт маҳкум мекунанд. Воқеаи мазкур дар соли ҷорӣ ҳодисаи дуюми ҳамла ба журналист аст, ки боиси ташвиши журналистон гаштааст. Моҳи феврали соли 2011 сармуҳаррири ҳафтаномаи «Наҷот» Ҳикматулло Сайфуллозода низ мавриди лату кўб қарор гирифта буд.

Рўзи 31 август, тахминан соати 12:30 дар ҳудуди маҳаллаи Зарафшони шаҳри Душанбе сармуҳаррири ҳафтаномаи «Фараж», Котиби генералии Медиа Алянси Тоҷикистон Хуршед Ниёзов аз тарафи шахсони номаълум мавриди лату кўб қарор гирифт. Дар натиҷаи ҳодисаи мазкур ду нафар ҳамсафарони журналист ҳам зарар дидаанд. Зарардидагон бо ариза ба ШКД-2 ноҳияи Синои шаҳри Душанбе муроҷиат намуданд.

То ҳол аниқ гуфтан мумкин нест, ки ҳодисаи мазкур ҳамла ба журналист буда, ба фаъолияти касбии сармуҳаррири ҳафтаномаи «Фараж» Хуршед Ниёзов вобаста мебошад, вале дар рўзҳои таҷлили 20-солагии истиқлолияти ҷумҳурӣ ба амал омадани ҳамла ба ҳар шаҳрванди Тоҷикистон боиси ташвиш мегардад ва дар пасманзари баҳсҳои серсару садои вақтҳои охир нисбат ба ВАО баамаломада ҳодисаи мазкур дар муҳити журналистон боиси ташвиши ҷиддӣ гаштааст.

Иттифоқи журналистони Тоҷикистон, АМВАОТ ва BHR аз мақомоти ҳомии қонунҳои ҷумҳурӣ таҳқиқи фаврии ҳамла ба яке аз журналистони шинохтаи ҷумҳурӣ Хуршед Ниёзов (Хуршеди Атовулло) ва ба ҷавобгарӣ кашидани айбдорони ҳамлаи мазкурро талаб менамоянд. Мо ҷонибдори дар чорчўбаи меъёрҳои байналмилалӣ ва миллии ҳуқуқ ҳал намудани ҳар гуна баҳс буда, инчунин зарурати аз тарафи мақомоти босалоҳияти Ҷумҳурии Тоҷикистон ба таври фаврӣ, бечуну чаро риоя намудани амнияти шаҳрвандон, аз ҷумла ҳуқуқ ба озодии суханро қайд менамоем.

[b]Акбаралӣ Сатторов,
Раиси Иттифоқи журналистони Тоҷикистон

Наргис ЗОКИРОВА,
Директори Бюрои оид ба ҳуқуқҳои инсон ва риояи қонуният

Нуриддин ҚАРШИБОЕВ,
Раиси АМВАОМТ

ш. Душанбе, 1 сентябри соли 2011[/b]

Источник:

[b]Аммо, ба гуфтаи намояндаи шӯъбаи умури дохилӣ, парвандаи ҷиноӣ ҳанӯз боз нашудааст.[/b]

Масъулони шӯъбаи корҳои дохилии ноҳияи Синои шаҳри Душанбе мегӯянд, ҳодисаи лату кӯби Хуршеди Атовулло, сардабири нашрияи мустақили «Фараж» таҳқиқ хоҳад шуд. Вале афзуданд, ҳанӯз парвандаи ҷиноӣ боз нашудааст.

Қайсиддин Алиев, як масъули шӯъбаи навбатдорӣ дар идораи пулиси ноҳияи Сино ба Радиои Озодӣ гуфт, «дар ҳақиқат вай (Хуршеди Атовулло) ба мо муроҷиат кард ва мо ӯро ба корманди шӯъбаи кофтукоб вобаста кардем. Аризаи ҷабрдида низ гирифта шуд ва ин ҳодиса тавассути корманди мо таҳқиқ мешавад ва ҳатман афроде, ки ҳамла кардаанд, аз рӯи шумораи мошинашон ёфт хоҳанд шуд.»

Ҷаноби Алиев дар посухи ин суол, ки оё нисбати ин қазия парвандаи ҷиноӣ боз хоҳад шуд ё хайр, гуфт, «ҳоло ҷабрдида бояд ташхиси тиббӣ-судӣ биёрад ва албатта, чун лату кӯб шудааст, парванда боз хоҳад шуд».

Итминони масъулони идораи пулиси ноҳияи Синои шаҳри Душанбе дар мавриди пайдо кардани ҳодисаи лату кӯби Хуршеди Атовулло дар ҳолест, ки чанд моҳе пеш Ҳикматулло Сайфуллозода, сардабири нашрияи «Наҷот» низ аз сӯи афроди ношинос мавриди ҳамла қарор гирифта буд, аммо бо гузашти моҳҳо то ҳол омилони ин ҳодиса пайдо нашудаанд.

Хуршеди Атовулло, қабл аз зӯҳри рӯзи чаҳоршанбе тавассути ҳафт тан аз афроди ношинос дар яке аз маҳаллаҳои шаҳри Душанбе мавриди лату кӯб қарор гирифт.

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=124]http://www.taj.nansmit.tj/analysis/?id=124[/url]

Хуршеди Ҳамдам

Источник:

[b]Аммо, ба гуфтаи намояндаи шӯъбаи умури дохилӣ, парвандаи ҷиноӣ ҳанӯз боз нашудааст.[/b]

Масъулони шӯъбаи корҳои дохилии ноҳияи Синои шаҳри Душанбе мегӯянд, ҳодисаи лату кӯби Хуршеди Атовулло, сардабири нашрияи мустақили «Фараж» таҳқиқ хоҳад шуд. Вале афзуданд, ҳанӯз парвандаи ҷиноӣ боз нашудааст.

Қайсиддин Алиев, як масъули шӯъбаи навбатдорӣ дар идораи пулиси ноҳияи Сино ба Радиои Озодӣ гуфт, «дар ҳақиқат вай (Хуршеди Атовулло) ба мо муроҷиат кард ва мо ӯро ба корманди шӯъбаи кофтукоб вобаста кардем. Аризаи ҷабрдида низ гирифта шуд ва ин ҳодиса тавассути корманди мо таҳқиқ мешавад ва ҳатман афроде, ки ҳамла кардаанд, аз рӯи шумораи мошинашон ёфт хоҳанд шуд.»

Ҷаноби Алиев дар посухи ин суол, ки оё нисбати ин қазия парвандаи ҷиноӣ боз хоҳад шуд ё хайр, гуфт, «ҳоло ҷабрдида бояд ташхиси тиббӣ-судӣ биёрад ва албатта, чун лату кӯб шудааст, парванда боз хоҳад шуд».

Итминони масъулони идораи пулиси ноҳияи Синои шаҳри Душанбе дар мавриди пайдо кардани ҳодисаи лату кӯби Хуршеди Атовулло дар ҳолест, ки чанд моҳе пеш Ҳикматулло Сайфуллозода, сардабири нашрияи «Наҷот» низ аз сӯи афроди ношинос мавриди ҳамла қарор гирифта буд, аммо бо гузашти моҳҳо то ҳол омилони ин ҳодиса пайдо нашудаанд.

Хуршеди Атовулло, қабл аз зӯҳри рӯзи чаҳоршанбе тавассути ҳафт тан аз афроди ношинос дар яке аз маҳаллаҳои шаҳри Душанбе мавриди лату кӯб қарор гирифт.

[b]ҲАМЛА ДАР РӮЗИ ИД[/b]

Раёсати Медиа Алянс ва ё Эътилофи Расонаҳои Тоҷикистон ҳодисаи лату куби Хуршеди Атовулло, раҳбари ин созмонро маҳкум кард.

Зафари Абдулло, аз аъзои аршади созмони Медиа Алянс гуфт, «албатта, ҳоло мушкил аст, ин қазияро шарҳ додан, аммо мо пас аз маслиҳату машварат иқдоме хоҳем гирифт. Яъне агар ҳодисаи лату куб ба фаъолияти Хуршед рабт дошта бошад, ҳатман нишасти матбуотӣ доир хоҳем кард ва изҳороти расмӣ пахш мекунем. Дар ҳар сурат ҳар навъ ҳамла ба журналист, ба хусус дар рӯзи ид ба фазои сиёсӣ ва расонаӣ халал ворид мекунад. То кунун мавориди ҳамла ба журналистон буда ва умедворам, ин идомаи чунин таҳаввуле набошад».

Зафари Абдулло гуфт, бо таваҷҷӯҳ ба ин ки Хуршеди Атовулло на танҳо журналисти оддист, балки раҳбарии чанд созмони муҳими дифоъ аз рӯзноманигорон дар Тоҷикистонро бар дӯш дорад, мақомот ва ниҳодҳои ҳифзи ҳуқуқро лозим аст, то дар навбати аввал бар иловаи таҳқиқи сареъву мунсифона, ҳамчунин шароити таъмини амнияти ӯро низ фароҳам созанд.

[b]НАНСМИТ МАҲКУМ МЕКУНАД[/b]

Ин дар ҳолест, ки Нуриддин Қаршибоев, раиси НАНСМИТ ва ё Анҷумани миллии расонаҳои мустақили Тоҷикистон низ мавриди лату кӯб қарор гирифтани Хуршеди Атовуллоро дар партави қазияҳои додгоҳии нашрияҳо як ҳодисаи нигаронкунанда арзёбӣ кард ва гуфт, «дар ин авохир мавзӯи таъмини амнияти тамоми шаҳрвандон, аз ҷумла як тан журналистон дар рӯзҳои ҷашни 20 солагии истиқлолияти Тоҷикистон ҳодисаи нигаронкунанда аст. Зеро вақте бо сари баланд дар бораи истиқлолият сӯҳбат мекунем, бояд амнияти рӯзноманигорон ва шаҳрвандон таъмин бошад».

Ҳарчанд ба таъкиди ҷаноби Қаршибоев, ҳанӯз қазовати ҳодиса зуд аст, «дар сурати ба фаъолияти журналистии вай дахл доштани ин қазия, НАНСМИТ ҳатман ҳамроҳ бо шарикони худ барои дифоъ аз ҳуқуқи Хуршеди Атовулло ҷадал хоҳад кард».

Бино ба гуфтаи худаш ва шоҳидон, Хуршеди Атовулло, сардабири ҳафтаномаи мустақили «Фараж» ҳаволии соати 13-и имрӯз дар маҳаллаи Зарафшон тавассути афроди ношинос мавриди лату куб қарор гирифтааст.

[b]ИЗҲОРОТИ ХУДИ ХУРШЕДИ АТОВУЛЛО[/b]

Ҷаноби Атовулло ҳанӯз аз маҳалли ҳодиса дар сӯҳбати телефонӣ бо Радиои Озодӣ гуфт, «имрӯз, ки ид аст мо ба табрики рафиқону пайвандон мерафтем. Ин буд, ки як худрави сафедранги тамғаи ВАЗ-06 бо рақами давлатии У 21 37 РТ аз маҳаллаи 102 то ин ҷо маҳаллаи 104 ман ва ду тан аз ҳамроҳонамро таъқиб карданд ва ниҳоят пеши мошини моро гирифтанд ва вақте, ки аз мошин фаромада пурсон шудем, ки чаро чунин мекунем, бе ягон сабаб бо калтакҳо моро лату куб карданд».

Ба гуфтаи ҷаноби Атовулло афроди ношинос се нафар буданд, аммо вақте худрав манъ кард боз чор тани дигар бо ин афрод ҳамроҳ шуданд дар маҷмӯъ ҳафт нафар шуданд ва ӯ ва ҳатто ҳамроҳонашро низ лату кӯб карданд.

Хуршеди Атовулло гуфт, ки аз дасти рост ва пойҳояш зарб хурда ва ҳанӯз ҳам дард азияташ медиҳад.

Ҳамакнун барои Хуршеди Атовулло, сабаби ин лату куб, ки ба гуфтаи вай афроди мулкӣ буданд, рушан нест, вай ба шӯъбаи корҳои дохилии ноҳияи Сино шикоят бардааст.

Зимнан, Хуршеди Атовулло соли 1996 факултаи журналистикаи Донишгоҳи Миллии Тоҷикистонро хатм кардааст.

Фаъолияти эҷодии вай аз барномаҳои ҷавонии Радиои Тоҷикистон шурӯъ карда, баъдан дар нашрияҳои «Ҷавонони Тоҷикистон», «Рӯзи нав», «Зиндагӣ» идома додааст. Чанд соли ахир бо таъсиси нашрияи мустақили «Фараж» сардабирии онро бар дӯш дорад. Ҳамчунин раҳбари Созмони рӯзноманигории «Медиа Алянси Тоҷикистон» мебошад.

Хуршеди Ҳамдам

Источник: http://www.ozodi.org/content/article/24313584.html

[b]Иддае аз хабарнигорони тоҷик мегӯянд, моҳҳо боз наметавонанд маоши худро дарёфт бикунанд.[/b]

Як хабарнигори радиои «Имрӯз» мегӯяд, ӯ ва се ҳамкораш ба далели нагирифтани маоши чанд моҳи охирашон корро дар ин расона қатъ кардаанд.

Ин дар ҳолест, ки бино ба мушкилоти молӣ баъзе аз нашрияҳо наметавонанд маоши кормандонро саривақт бидиҳанд ва замонате ҳам нест, ки дар ҳоли аз кор рафтан хабарнигор оё метавонад маоши худро комилан ба даст биёрад ё на.

Ҳамин тавр, дар Тоҷикистон ҳолатҳои нақзи ҳуқуқи хабарнигорон дар коргоҳҳо кам нест, аммо хабаранигорон дар қиболи ин гуна ҳолатҳо ҳамеша сукутро ихтиёр мекунанд. Фазлиддин Хоҷаев, сардабири торнамои «Тоҷнюс» мегӯяд, хабарнигорони тоҷик дар чунин ҳолатҳо мавқеи хотирбиниро мегиранд, зеро агар эътирози худро нишон диҳанд, пас, дар оянда барои онҳо ёфтани кор имконнопазир хоҳад шуд.

«Ду соли охир хабарнигороне буданд, ки дар алоҳидагӣ ва бо усулҳои хос эътироз карда буданд, аммо хабарнигорони мо, ки одати шарқиёна доранд, хотирбиниро ҳамеша дар авлавият қарор медиҳанд. Вале ин падидаи бад аст, вақте аз худат дифоъ накунӣ»,-афзуд ӯ.

Нақзи ҳуқуқи хабарнигорон ҳам дар корхонаҳои хусусӣ ва ҳам расмӣ мушоҳида мешавад. Аҳлиддин, як хабарнигори ҷавон, мегӯяд, нобоварӣ ба адолати додгоҳӣ ва эҳтимоли сард шудани муносибати расонаҳои дигар ба хабарнигор, далели аслии аз баҳсҳои додгоҳӣ канораҷӯӣ кардани хабарнигор аст.

Ӯ мегӯяд, қаблан дар як пойгоҳи хабарии маҳаллӣ кор мекард, аммо азбаски музд каму кор бисёр буд, ӯ маҷбур шудааст, корро тарк кунад.

Соли гузашта Заррина Абдулвоҳидова, хабарнигори Радиои Тоҷикистон низ ба далели он ки маоши рӯзҳои кории иловагии ӯро пардохт накардаанд, ба додгоҳ муроҷиат кард ва додгоҳ ӯро ҳақ донист.

Заррина Абдулвоҳидова мегӯяд, агарчӣ то ба ҳол корхона маоши иловагии ӯро пардохт накардааст, вале ӯ то охир истодагарӣ мекунад ва мунтазир аст, ки рӯзе ҳаққи худро боз хоҳад гирифт. Ойниҳол Бобоназарова, ҳуқуқдони саршиноси тоҷик, мегӯяд, хабарнигорон мардуми пешсафи ҷомеа ҳастанд ва дар роҳи дифоъ аз ҳуқуқи худ бояд ба дигарон намуна бошанд.

Абуалӣ Некрӯзов, хабарнигори ҳафтаномаи “Нигоҳ” мегӯяд, омили аслии сукути хабарнигорон дар баробари нақзи ҳуқуқи онҳо ин аст, ки онҳо тавони молии нашрияҳоро медонанд ва дарк мекунанд, ки нақзи ҳуқуқ барқасдона сурат намегирад. Аммо ба гуфтаи ӯ дар бисёр ҳолатҳо наҷобати хабарнигорон сӯистифода мешавад.

Вай гуфт: «Вақте як хабарнигор ба додгоҳ шикоят мекунад, ҳамон додгоҳ низ мебинад, ки ин расона ё ҳафтанома моли кӣ аст. Яъне дар зери сояи кӣ аст. Агар нафари мансабдор бошад, даъвои хабарнигор дар ҳаво муааллақ мемонад.»

Абӯалӣ мегӯяд, бемавқеӣ ва беҷуръатӣ дар қиболи нақзи ҳуқуқҳои хеш ояндаи журналистикаро дар Тоҷикистон ба зери соя мекашад. Афзун бар ин, вақте хабарнигор барои ҳимояи ҳуқуқҳои хеш ташаббус нишон намедиҳад, пас, ӯ чӣ гуна метавонад бо навиштаҳои хеш дар афкори ҷомеа ва ҳалли мушкилоту нуқсонҳои ҷомеа таъсиргузор бошад?

Ҳарамгули Қодир

Источник: http://www.ozodi.org/content/article/24310968.html

[b]“Ҷавонӣ ва камтаҷрибагии” бозрас боъиси “хатогиҳо” дар парвандаи Урунбой Усмонов шудааст.[/b]

Ин матлабро раҳбари гурӯҳи бозрасони бахши Кумитаи давлатии амнияти миллии Тоҷикистон дар вилояти Суғд рӯзи ҷумъаи 26 сентябр дар ҷаласаи муҳокимаи парвандаи ин хабарнигори Би-би-сӣ дар шаҳри Хуҷанд эълом кардааст.

Хуршед Досов, раҳбари гурӯҳи бозрасони бахши Кумитаи давлатии амнияти миллии Тоҷикистон дар вилояти Суғд ба ҷаласаи додгоҳ ба манзури ироаи иттилоъот дар бораи наҳваи боздошт ва таҳқиқи парвандаи оқои Усмонов даъват шуда буд.

Ба гуфтаи Файзинисо Воҳидова, вакили мудофеъи оқои Усмонов, ин маъмури амниятӣ дар вилояти Суғд аз посух ба бархе аз суолоти вакилони мудофеъ худдорӣ кардааст.

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=123]http://www.taj.nansmit.tj/analysis/?id=123[/url]

Би-Би-Си

Источник:

[b]“Ҷавонӣ ва камтаҷрибагии” бозрас боъиси “хатогиҳо” дар парвандаи Урунбой Усмонов шудааст.[/b]

Ин матлабро раҳбари гурӯҳи бозрасони бахши Кумитаи давлатии амнияти миллии Тоҷикистон дар вилояти Суғд рӯзи ҷумъаи 26 сентябр дар ҷаласаи муҳокимаи парвандаи ин хабарнигори Би-би-сӣ дар шаҳри Хуҷанд эълом кардааст.

Хуршед Досов, раҳбари гурӯҳи бозрасони бахши Кумитаи давлатии амнияти миллии Тоҷикистон дар вилояти Суғд ба ҷаласаи додгоҳ ба манзури ироаи иттилоъот дар бораи наҳваи боздошт ва таҳқиқи парвандаи оқои Усмонов даъват шуда буд.

Ба гуфтаи Файзинисо Воҳидова, вакили мудофеъи оқои Усмонов, ин маъмури амниятӣ дар вилояти Суғд аз посух ба бархе аз суолоти вакилони мудофеъ худдорӣ кардааст.

Дар посух ба ин суол, ки чаро Ӯрунбой Усмонов аз вакили мудофеъ бидуни ҳузури худи вакил даст кашидааст, оқои Досов гуфтааст, ки воқеъан ин амр мухолифи муқаррароти қонун аст.

Ба эътиқоди вай, “чунин хатогӣ ба далели ҷавонӣ ва камтаҷрибагии муфаттиши парванда Саид Саймиддинов рух додааст.”

Дар мавриди таҳти шиканҷа қарор гирифтани Ӯрунбой Усмонов, ин маъмури амниятӣ гуфтааст, ки дар ин броа иттилоъ надорад ва дар ҷараёни таҳқиқи парванда нишони зарбу шатм дар бадани ин хабарнигори Би-би-си-ро надидааст.

Дар ҷаласаи имрӯзи додгоҳ вакилони мудофеъи оқои Усмонов аз Хуршед Досов суол кардаанд, ки кадоме аз маъмурони амниятӣ ва дар кадом рӯз муваккили онҳоро боздошт кардаанд.

Вале, оқои Досов гуфтааст, ки тибқи муқаррароти қавоъиди амниятӣ вай наметавонад ному насаб ва вазифаи маъмурони амниятиро ошкор созад. Аммо Шодихон Назаров, қозии парванда гуфтааст, ки амалиёти боздошти оқои Усмонов аз сӯйи Эраҷ Давлатов, масъули бахши амниятӣ дар ноҳияи Бобоҷон Ғафуров анҷом шудааст.

[b]Радди мавориди шиканҷаи Усмонов[/b]

Бо ин вуҷуд, Хуршед Досов иддаъо кардааст, ки Урунбой Усмонов рӯзи 14-уми июн боздошт шудааст. Вале, пайвандон ва вакилони мудофеъи оқои Усмонов мегӯянд, ки вай 13-уми июн боздошт шуда ва тӯли як шабонарӯз мавриди зарбу шатми маъмурони амниятӣ қарор доштааст.

Малоҳат Абдуазимова, хонуми оқои Усмонов, ки низ рӯзи 26-уми август ба ҷаласаи додгоҳ даъват шуда буд, гуфт, ки рӯзи 14-уми июн шавҳараш дар ҳузури маъмурони амниятӣ ба манзили маскуниаш барои бозрасӣ оварда шуд.

Малоҳат Абдуазимова дар толори додгоҳ гуфт: “Вақте шавҳарамро ба хона оварданд, дар рӯй ва сари ӯ нишони ҷароҳатҳо вуҷуд доштанд. Дар паси гӯшаш хун хушкида ва либосаш ба хок олуда шуда буд. Вақте, ки маъмурони амниятӣ ӯро гирифта мебурданд, вай гуфт, ки агар мисли шаби гузашта шавад, ман аз он ҷо дигар зинда намебароям. Алвидоъ.”

Хуршед Досов, раҳбари гурӯҳи бозрасони бахши Кумитаи давлатии амнияти миллии Тоҷикистон дар вилояти Суғд ба қозии додгоҳ гуфтааст, ки Урунбой Усмонов расман баёнот додааст, ки зимни боздошт алайҳи вай аз зарбу шатм истифода нашудааст.

Вале, ба эътиқоди вакилони мудофеъ, ин хабарнигори Би-би-сӣ ночор шудааст, чунин баёнотеро имзо кунад. Ба гуфтаи онҳо, оқои Усмонов ин амрро ба манзури таъмини амнияташ анҷом додааст.

Файзинисо Воҳидова ҳамчунин аз Хуршед Досов суол кардааст, ки бозрасии манзили оқои Усмонов бо нақзи муқарророт анҷом шудааст, зеро санади натоиҷи бозрасиро Эраҷ Давлатов имзо кардааст.

Ба гуфтаи хонум Воҳидова, танҳо бозраси парванда, яъне Саид Саймиддинов аз ҳаққи таҳияи санади натоиҷи бозрасии манзили шахси мазнун бархӯрдор аст.

[b]Салоҳияти корбари компутарӣ [/b]

Дар ҷаласаи имрӯзи додгоҳ ҳамчунин мавзӯъи салоҳияти корбари компутарӣ, ки аз сӯйи бахши Кумитаи давлатии амнияти миллии Тоҷикистон дар вилояти Суғд барои бозрасии компутари Ӯрунбой Усмонов даъват шуда буд, матраҳ шудааст.

Хуршед Досов гуфтааст, ки ин корбари компутариро ба сурати лафзӣ даъват кардаанд ва ӯ ба бозрасии компутари оқои Усмонов машғул шудааст.

Вале, ба гуфтаи вакилони мудофеъ, тибқи муқаррароти қонун, чунин коршинос бояд ба сурати хаттӣ ва расман даъват шуда ва салоҳияти ҳирфаии ин корбар бояд таъйид карда мешуд. Вале чунин амре сурат нагирифтааст.

Ҳамчунин дар ҷаласаи додгоҳии 26-уми август мавзӯъи ҳузури бархе аз хабарнигорони маҳаллӣ, аз ҷумла Ленура Мустафаева, хабарнигори Pressa.tj дар марҳилаи таҳқиқи ин парванда баррасӣ шудааст. Дар матлабе, ки ин хабарнигор сипас мунташир кард, оқои Усмонов бидуни ҳукми додгоҳ узви Ҳизби Таҳрир муъаррифӣ шуда буд.

Файзинисо Воҳидова ин суолро матраҳ кардааст, дар ҳоле, ки пайвандон ва вакилони мудофеъ дар боздоштгоҳ ба Ӯрунбой Усмонов дастрасӣ надоштанд, чаро хабарнигорон тавонистаанд, ки бо вай сӯҳбат кунанд.

Хуршед Досов гуфтааст, ки он рӯзҳо дар расонаҳои гурӯҳӣ дар бораи ин қазия иттилоъоти носаҳеҳ мунташир мешуд ва раёсати бахши вилоятии амният тасмим гирфитааст, ки хабарнигоронро даъват ва шароити сӯҳбат бо оқои Усмоновро фароҳам созад.

Оқои Досов афзудааст: “Он рӯз ҳар хабарнигоре, ки барои сӯҳбат омода буд, метавонист бо Ӯрунбой Усмонов дидор дошта бошад.”

Дар ҳамин ҳол, қарор аст ҷаласаи ояндаи додгоҳ рӯзи 6-уми сентябр баргузор шавад.

Би-Би-Си

Источник: http://www.bbc.co.uk/tajik/institutional/2011/08/110826_if_usmonov_court.shtml

[b]Созмони нави радио ва телевизионҳои хусусии Тоҷикистон мехоҳад, бозори реклама аз нав танзим шавад. «Анҷумани истеҳсолкунандагон ва паҳнкунандагони маводи аудио-визуалӣ”, таҳти ин унвон як созмони нави журналистӣ дар Тоҷикистон ба фаъолият шурӯъ намуд, ки мехоҳад, ба мушкили радио ва телевизониҳои хусусӣ расидагӣ кунад.[/b]

Ҳоло ин ассотсиатсия дар заминаи СМТ ё Симои Мустақили Тоҷикистон, телевизиони «Регар», телевизион ва радиои мустақили Қӯрғонтеппа, «Мавҷи озод»и ноҳияи Восеъ, ТВ-5 шаҳри Конибодом, ТВ «Симо»-и шаҳри Панҷакент ва ҳолдинги “Ориёно-медиа”, ки дар таркиби худ чанд радио дорад, таъсис ёфтааст.

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=122]http://www.taj.nansmit.tj/analysis/?id=122[/url]

Источник:

[b]Созмони нави радио ва телевизионҳои хусусии Тоҷикистон мехоҳад, бозори реклама аз нав танзим шавад. «Анҷумани истеҳсолкунандагон ва паҳнкунандагони маводи аудио-визуалӣ”, таҳти ин унвон як созмони нави журналистӣ дар Тоҷикистон ба фаъолият шурӯъ намуд, ки мехоҳад, ба мушкили радио ва телевизониҳои хусусӣ расидагӣ кунад.[/b]

Ҳоло ин ассотсиатсия дар заминаи СМТ ё Симои Мустақили Тоҷикистон, телевизиони «Регар», телевизион ва радиои мустақили Қӯрғонтеппа, «Мавҷи озод»и ноҳияи Восеъ, ТВ-5 шаҳри Конибодом, ТВ «Симо»-и шаҳри Панҷакент ва ҳолдинги “Ориёно-медиа”, ки дар таркиби худ чанд радио дорад, таъсис ёфтааст.

Раиси анҷумани тавлидгарон ва ноширони маводи аудио-визуалӣ Зиннатулло Исмоилов, ки ҳамзамон масъули Студияи телевизиони СМТ мебошад, мегӯяд, ки сабаби аслии таъсиси ин анҷуман дарёфти роҳҳалҳои чанд мушкили умдае мебошад, ки домангири телевизионҳои мустақил дар кишвар мебошанд.

Вай аз ҷумла мегӯяд: «Мушкили аввали телевизионҳо ва радиоҳои мустақил ин аст, ки ба бӯҳрони реклама рӯ ба рӯ ҳастанд. Ва аксар созмонҳои рекламдиҳанда танҳо ба телевизионҳои давлатӣ рекламаи пешниҳод мекунанд. Ташкилоте, ки дар дохили Тоҷикистон бо релама сарукор доранд, бо шабакаҳои телевизионҳо давлатӣ ҳамкорӣ мекунанд. Мо маҷмӯи масоили мавҷуди телевизионҳо мустақилро, хусусан дар соҳаи рекламаро меомӯзем ва ба ниҳодҳое, ки бо реклама сари кор доранд пешниҳод кунем ва саҳми телевизонҳои мустақил дар амри пахши рекламаро мушаххас созем. Зеро воқеияти имрӯз нишон медиҳад, ки телевизион ва радиои мустақил бидуни реклама бақои худро наметавонад нигоҳ дорад. Аз ин рӯ бозори реклама бояд мунсифона амал кунад.»

Масъалаи дигаре ки созмони нав ба он расидагӣ хоҳад кард, омӯзиши доираи шунаванда ва бинандагони телевизион ва радиоҳои мустақил мебошад. То кунун аудиторияи телевизионҳо бар асоси пахши амвоҷ ва имконоти фаннии онҳо муайян карда мешавад. Дар ин ришта чанд таҳқиқе анҷом дода хоҳад шуд, ки барои иҷрои онҳо кӯмаки молии созмонҳои байналмилалӣ ба ин созмон зарур будааст.

Сармуҳаррири телевизиони мустақили «Мавҷи озод»и ноҳияи Восеъ Хоҷа Назриев мегӯяд, ки эшон огоҳона саҳми худро дар роҳи таъсиси иттиҳодияи нав гузоштаанд, зеро як созмоне ки манофеи телевизионҳои мустақилро биомӯзад ва дифоъ кунад вуҷуд надорад.

Ба қавли Назриев ҳоло мушкили аслие, ки онҳо мувоҷеҳ ҳастанд, камбуди реклама мебошад: «Агар реклама бошад, ин телевизион пешравӣ мекунад. Танқисии телевизиони мо реклама аст. Ҳанӯз корхонаҳо дар навоҳӣ фарҳанги рекламаро намедонанд. Мо ба ташкилоту корхонаҳо муроҷиат мекунем, онҳо метарсанд, ки дар бораи худашон маълумот диҳанд, зеро аз андоз метарсанд. Мо умедворем, ки созмони нави журналистӣ ба мо кӯмак хоҳад расонд.»

Аммо як ширкати танзими реклама дар шаҳри Душанбе бо номи “TA Group” мегӯяд, ки рақобати бозори реклама ба доираи густардаи таблиғу пахши маводи таблиғшаванда тааллуқ мегирад ва гузашта аз ин рекломдиҳанда мехоҳад, дар расонаҳое маводи вай таблиғ ёбад, ки дорои аудиторияи васеъ бошад. Азбаски шабакаҳои телевизонҳои давлатӣ аз лиҳози пахши мавҷ ва шумори бинанада бартарӣ доранд, рекломдиҳандаҳо мехоҳанд, огаҳиҳои худро дар ин шабакаҳо пахш кунанд.

Зимнан як ниҳроди дигар бо номи Анҷумани миллии расонаҳои озоди электронӣ, иттиҳоде буд, ки низ мегуфт, аз манофеи тавлидгарон ва ноширони маводи радиоӣ ва телевизионӣ ҳимоят мекунад. Аммо фаъолияти он аз се-чаҳор сол бештар идома пайдо накард.

Раиси он Мӯсо Асозода гуфт, ки бинобар пуштибнии молӣ наёфтани тарҳҳояш аз тарафи созмонҳои байналмилалӣ ин иттиҳод аз кор монд. Пас то куҷо эътилофи нави шабеҳи он муваффақ буда метавонад? Ҷаноби Асозода мегӯяд, ки агар ин ташкилот ҳам натавонад, тарҳҳои хуби марбут ба мушкилоти телевизонҳои мустақилро татбиқ кунад ва аз тарафи созмонҳои байналмилалӣ пуштибонии молӣ набинад, зуд аз саҳна берун хоҳад гашт.

Нуриддин Қаршибоев раиси Анҷумани миллии расонаҳои мустақили Тоҷикистон бар ин аст, ки расонаҳои электронии мустақил дар Тоҷикистон воқеан ба мушкилоти зиёде рӯ ба рӯянд ва агар созмони нав аз мудирияти дуруст кор гирад, метавонад ба онҳо мадад кунад: «Ҳол гап фақат дар сари маблағ ва менеҷменти хуб меравад. Агар аъзои иттиҳодия тавонанад, барои ҳифзи ин созмон бо раҳбарияти он муташаккилона талош кунанд, ҳатман муваффақ хоҳанд шуд.»

Ҷаноби Қаршибоев ва коршиносони дигар зикр мекунанд, ки созмони нав набояд танҳо ба умеди танзими бозори рекламаи радио ва телевизионӣ ба манфиати расонаҳои электронии мустақил шавад, балки роҳҳои дигари кӯмак ба онҳоро низ дар пеш бигирад.

Гуфта мешавад, дар ҳоли ҳозир зиёда аз 70 дар сади бозори рекламаи раидовизуалӣ дар инҳисори радио ва телевизионҳои давлатӣ қарор дорад. Саҳми боқимонда ба расонаҳое монанди радиоҳои “Азия-Плюс”, “Ватан”,“Имрӯз” ва бархе аз телевизионҳои мустақил рабт мегирад.

Мирзонабии Холиқзод, «Озодӣ»

Источник: http://ruzgor.tj/matbuot/5994.html

[b]Сафорати Амрико дар Тоҷикистон аз таҳдиди Валихон Муллоев ба ду вакили мудофеъ изҳори нигаронӣ кард.[/b]

Весли Робертсон, масъули бахши робита бо ҷомеаи сафорати Амрико дар Тоҷикистон гуфт: «Амали мазкур дар сурати ҳақиқат доштанаш дар толори додгоҳ таҳаммулнопазир аст. Ин ҳодиса бояд таҳқиқ шавад. Мо изҳороти Вазорати умури дохила роҷеъ ба ифтитоҳи таҳқиқи дохилиро ҳамчун як қадами мусбат арзёбӣ мекунем. Бояд ин гуна таҳдидҳоро ҷиддӣ қабул карда, ҳамаҷониба таҳқиқ кунанд ва вобаста ба натоиҷи таҳқиқот чораҳои лозим биандешанд.»

[b]Весли Робертсон дар бораи нигаронии сафорати Амрико[/b]

Шӯҳрат Қудратов ва Абдураҳмон Шарифов, ду вакили мудофеи нашрияи «Азия-Плюс», рӯзи 17-уми август эълон карданд, ки дар толори додгоҳи ноҳияи Фирдавсии шаҳри Душанбе Валихон Муллоев, як афсари Раёсати мубориза бо ҷиноятҳои созмонёфтаи ВКД, онҳоро ба марг таҳдид кардааст.

Ҳарду ин вакили мудофеъ мегӯянд, Валихон Муллоев таҳдиди худро чанд бор такрор кардааст ва шоҳидон ҳам ин ҳарфҳоро шунидаанд.

Пас аз ин, Шӯҳрат Қудратов ва Абдураҳмон Шарифов ба Додситонии кулли Тоҷикистон муроҷиат карда ва дархост намуданд, ки таҳдиди Валихон Муллоевро ҷиддӣ бигирад.

Ин дар ҳолест, ки Валихон Муллоев пас аз рӯ задани ин мавзӯъ раҳбари Раёсати мубориза бо виноятҳои созмонёфтаи ВКД дар вилояти Хатлон таъйин шуда, ба кори худ шурӯъ кардааст.

Вай дар сӯҳбати чанд рӯзи пешаш бо Радиои Озодӣ, изҳороти ду вакили мудофеи нашрияи «Азия-Плюс»-ро тӯҳмате беш нахонд ва гуфт: «Ин тӯҳмат аст. Чаро ки ман нисбати ин афрод ягон хусумати шахсӣ надорам. Аммо чаро чунин дасисабозӣ мекунанд, намедонам. Агар ман чизе мегуфтам, адвокат Ҷамшед Ғиёсов, ки дар рӯ ба рӯи ман нишаста буд, инро мешнид. Ҳол он ки ман бо ин вакилон рӯ ба рӯ гап назадаам ва ман танҳо дар ҷойи худам нишаста будам. Ин ҳарфҳо беасосанд.»

Валихон Муллоев, собиқ афсари Раёсати мубориза бо ҷиноятҳои созмонёфтаи ВКД ва ҳоло сардори ин раёсат дар вилояти Хатлон, дар баҳси додгоҳии нашрияи «Азия-Плюс» аз Анвар Тағоймуродов , муовини вазири умури дохилӣ, намояндагӣ мекард.

Анвар Тағоймуродов, сардори пешини Раёсати мубориза бо ҷиноятҳои созмонёфтаи ВКД ва ҳоло муовини вазири умури дохилӣ, нашрияи «Азия-Плюс» барои нашри як матлаб ба додгоҳ кашида ва як миллион сомонӣ ғаромат хостааст.

Источник: http://www.ozodi.org/content/article/24308647.html

[b]Маъмурони амниятии Суғд гуфтанд, ки Урунбой Усмоновро ба даст кашидан аз вакили дифоъ маҷбур накардаанд.[/b]

Вакилони мудофеи Урунбой Усмонов, хабарнигори Би-би-сӣ мегӯянд, дар рӯзи чаҳоруми муҳокимаи парвандаи ӯ дар Додгоҳи вилояти Суғд ягон далели тасдиқкунандаи айбдории нафари таҳти ҳимояташон баён нашудааст.

Баръакс, Хуршед Ғиёсов, сардори шӯъбаи тафтишотии Раёсати амнияти миллӣ дар вилояти Суғд дар мурофиа гуфт, ки маъмурони амниятӣ дар масъалаи таъмин намудани Урунбой Усмонов ба вакили дифоъ ба хатоӣ роҳ додаанд. Аммо ӯ афзуд, мақомоти тафтишот Усмоновро ба даст кашидан аз вакили дифоъ маҷбур накарда буданд.

Додгоҳи вилояти Суғд рӯзи 26-уми август Хуршед Ғиёсов ва ҳамчунин Малоҳат Абдуазимова, ҳамсари Урунбой Усмоновро ба унвони шоҳид бозпурсӣ кард.

Файзиниссо Воҳидова, вакили мудофеи Усмонов пас аз анҷоми мурофиа дар сӯҳбат бо Радиои Озодӣ гуфт, рӯзи чаҳоруми муҳокима рӯшан кард, ки далелҳо барои айбдор кардани Усмонов бо роҳи ғайриқонунӣ ҷамъоварӣ шудаанд. Зеро ба гуфтаи ӯ, ҳангоми таҳияи онҳо аз тартиб ва талаботи қонуни мурофиаи ҷиноятии Тоҷикистон сарфи назар карда шуда, бино ба ҳарфи қонун далел шумурда намешаванд.

Хонум Воҳидова афзуд: «Гузаронидани амалиёти тафтишотӣ ва тартиб додани протоколи боздид ё кофтуков низ танҳо бар дӯши муфаттиш вогузор шудааст. Аммо мо имрӯз дар ҷараёни мурофиа муқаррар намудем, ки чунин амалиёти тафтишотӣ аз ҷониби ваколатдори фаврӣ тартиб дода шудааст, ки ҳуқуқи гузаронидани чунин амалиёти тафтишотиро надошт.»

Дар ҷараёни бозпурсӣ Малоҳат Абдуазимова, ҳамсари Урунбой Усмонов, гуфт, то 9 рӯзи аввали боздошти шавҳараш мақомот иҷозаи дидор бо ӯро надоданд. Хонум Абдуазимова мегӯяд, эҳтимол, ба он хотир ки асари латукӯб дар бадани Усмонов аз байн биравад.

Аммо айбдоркунандаи давлатӣ Назирҷон Абдураҳимов мавриди шиканҷаву латукӯб қарор гирифтани Усмоновро рад кард ва гуфт, дар ин бора Усмонов рӯзи 14-уми июл, пас аз озодии машруташ дар додситонӣ баёнот додааст. Дар ин баёнот гуфта шудааст, ки ӯ мавриди ҳеҷ гуна рафтори бад қарор наёфтааст.

Худи Усмонов гуфт, баёнотро таҳти фишори додситонӣ ба хотири зуд озод шудан иншо кардааст. Аммо вакилони мудофеи Усмонов гуфтанд, ки қонун забонхатти айбдоршавандаро далели додгоҳӣ намешумора ва биноан он эътибор надорад.

Маъсуми Муҳаммадраҷаб

Источник: http://www.ozodi.org/content/article/24309128.html