Умеди Ҷайҳонӣ, забоншинос:- Рӯзноманигор дар ҷомеъаи Тоҷикистон чандон нақше надорад. Чунончи, расонаҳо бар мардум кам асару таъсир доранд. Рухдодҳои кишварро зуд ва расову дуруст баррасӣ ва таҳлил намекунанд. Масоъили миллиро матраҳ намекунанд. Аз давлат ва масъулинаш ё ҳеч интиқоде намекунанд ё бо тарсу ҳарос чизаке менависанд. Дар бархе аз расонаҳои Тоҷикистон матолиб дар бораи рухдодҳои ҷаҳон, ба вижа Русия, бештар аз матолиб дар бораи авзоъу аҳволи кишварамон мунташир мешавад. Забоне ҳам ки бештари рӯзноманигорони тоҷик ба кор мебаранд, тарҷумазадаву рузбакӣ аст. Дастовардҳое ҳам доранд, вале дар қиёс бо камбудҳо назарногиранд. Дар як ҷумла метавон гуфт ки рӯзноманигорони тоҷик хешкории расонаии худро хуб анҷом намедиҳанд.

Адибаи Азиз, шоира:

— Рӯзноманигор пулест миёни ҷомеа ва ҳукумат. Нақши феълии рӯзноманигор муҳим боқи мондааст. Рӯзноманигор ҳамеша талош мекунад, ки масъалаҳои доғро расонаӣ намояду муаммоҳои мардум ҳаллу фасл ёбанд. Аммо аҷибаш он аст, ки рӯзгори худи онҳо саршор аз дард ва омехта бо мушкилҳост, яъне чорасозон дар давои дарди худ бечораанд… Мехоҳам, ки рӯзноманигор тарроҳи хуби ҷомеа боқи бимонад, вале нахуст манзили худ, мушкили худ ва дили худро таъмиру тармим бисозад. Агар рӯзноманигор аз хуқуқи хеш дифоъ карда натавонад, пас ҷеч фарде оқил дунболи ормонҳои ӯ нахоҳад рафт, ба ҳарфҳои баланди у нахоҳад бовар кард. Барои худ ва барои ҳамаи қалакашон шуҷоате на кам, садоқат ба қалам, ҳақиқат дар кор, адолат дар рафтор мехоҳам.Ва бо истифода аз минбари шумо Рӯзи матбуотро ба тамоми ҳамқаламон муборакбод мегуям!

Асадуллоҳ Аминов, корбари фейсбук:

— Дар замони муосир рӯзноманигор дар ҷомеъа мавкеи густардаеро пайдост ва метавонад андешаи ҷомеъаро ба тарзи дилхоҳ тағйир диҳад.

Баҳром Ҳамроев, президенти Ҷамъияти муҳоҷирони сиёсии Осиёи марказӣ:

— Агар мо рӯзноманигорҳои тоҷикро дар назар гирем ҳолашон аз рӯзноманигорҳои кишвари Ӯзбекистонро фарқияте надорад, чун маҳдудиятҳои зиёдеро дороянд.

 

http://faraj.tj/news/12684-r1263znomanigor-dar-1207omeai-to1207ikiston-ch1251-na1179sh-dorad.html