[b]Имрӯз, 17 майи соли 2011 аввалин семинари омӯзишӣ аз силсилаи семинарҳои ихтисосӣ барои журналистони ҷумҳурӣ дар толори маҷлисгоҳи телевизиони «Симои мустақили Тоҷикистон» баргузор гардид. Дар ин бора аз Шӯрои ВАО хабар доданд.[/b]

Узви Шӯро Рустами Ҷонӣ дар сӯҳбати кушоду ошкоро бо намояндагони радиоҳои ғайриҳукуматии шаҳри Душанбе изҳор дошт, ки мақсади асосӣ аз фаъолияти шӯрои ВАО худтанзимкунии фаъолияти журналистӣ буда, ҳалли қазияҳо то додгоҳ мебошад.

Намояндагони радиоҳои «Ватан», «Имрӯз», «Азия плюс» ва телевизиони «СМТ» ба суолҳои сершумори худ перомуни риоя ва эътирофи Меъёрҳои ахлоқии фаъолияти журналистӣ дар Тоҷикистон посух пайдо карданд.

Тавре Раиси Шӯрои ВАО Зинатулло Исмоилов иттилоъ дод, дар назар аст, ки тӯли соли 2011 15 семинар дар шаҳрҳои Душанбе, Хуҷанд, Хоруғ, Қӯрғонтеппа, Кӯлоб, Турсунзода, Панҷакент ва ноҳияҳои Мастчоҳ, Ваҳдат, Рашт гузаронида шавад. Ҳадафи асосии ин чорабиниҳо бештар ба маълумоти рӯзноманигорони минтақавӣ расонидани ҳадафҳои Меъёрҳои ахлоқии фаъолияти журналистӣ дар Тоҷикистон мебошад. Ба сифати тренер дар ин семинарҳо аъзои Шӯрои ВАО баромад мекунанд.

Источник: Хадамоти мониторинги АМВАОМТ.

[b]Дар номае, ки Шавкат Саидов, котиби дафтари матбуотии Раиси шаҳри Душанбе «ба роҳбарони тамоми воситаҳои ахбори оммаи хусусӣ ва сомонаҳои интернетӣ» ирсол кардааст, гуфта мешавад:[/b]

«Мақомоти иҷроияи маҳаллии ҳокимияти давлатӣ дар шаҳри Душанбе оид ба ҳамкориҳои судманд бобати инъикос ва таъмини фазои иттилоотӣ аз навгониҳои шаҳри Душанбе дар воситаҳои ахбори омма изҳори каноатмандӣ намуда, ҷонибдории бемайлони роҳбарияти шаҳр ва сохторҳои Мақомоти иҷроияи маҳаллии ҳокимияти давлатӣ дар шаҳри Душанберо аз воқеиятнигорӣ ва ибрози назарҳои касбӣ дар ҳалли дилхоҳ масъалаҳо, ки бидуни таҳрифи воқеият бо далелҳои раднопазир интишор мешаванд зикр сохта, зимнан ба таваҷҷӯҳи муассисон ва роҳбарони ВАО, ба хусус расонаҳои электронӣ мерасонад, ки вақтҳои охир бо фаъол гардидани саҳифаи «назарҳо» дар сомонаҳо бо сӯистифода аз озодии сухан, мутаассифона фазои иттилоотӣ тавассути ҷой додани андешаҳои баъзе «муштариён»- и ноогоҳи сомонаҳо аз воқеияти масъалаҳо, ки «назарашон» комилан бе асос ва дар заминаи ғаразҳои нопок баҳри тавлиди рӯҳияи нобоварӣ ба фаъолияти банизомдарории вазъи бозори истеъмолӣ дар шаҳр нашр мегарданд таври танзиму тарҳрезишаванда махлут карда мешавад.

[b]Идомаи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=58]http://www.taj.nansmit.tj/analysis/?id=58[/url]

Источник:

[b]Дар номае, ки Шавкат Саидов, котиби дафтари матбуотии Раиси шаҳри Душанбе «ба роҳбарони тамоми воситаҳои ахбори оммаи хусусӣ ва сомонаҳои интернетӣ» ирсол кардааст, гуфта мешавад:[/b]

«Мақомоти иҷроияи маҳаллии ҳокимияти давлатӣ дар шаҳри Душанбе оид ба ҳамкориҳои судманд бобати инъикос ва таъмини фазои иттилоотӣ аз навгониҳои шаҳри Душанбе дар воситаҳои ахбори омма изҳори каноатмандӣ намуда, ҷонибдории бемайлони роҳбарияти шаҳр ва сохторҳои Мақомоти иҷроияи маҳаллии ҳокимияти давлатӣ дар шаҳри Душанберо аз воқеиятнигорӣ ва ибрози назарҳои касбӣ дар ҳалли дилхоҳ масъалаҳо, ки бидуни таҳрифи воқеият бо далелҳои раднопазир интишор мешаванд зикр сохта, зимнан ба таваҷҷӯҳи муассисон ва роҳбарони ВАО, ба хусус расонаҳои электронӣ мерасонад, ки вақтҳои охир бо фаъол гардидани саҳифаи «назарҳо» дар сомонаҳо бо сӯистифода аз озодии сухан, мутаассифона фазои иттилоотӣ тавассути ҷой додани андешаҳои баъзе «муштариён»- и ноогоҳи сомонаҳо аз воқеияти масъалаҳо, ки «назарашон» комилан бе асос ва дар заминаи ғаразҳои нопок баҳри тавлиди рӯҳияи нобоварӣ ба фаъолияти банизомдарории вазъи бозори истеъмолӣ дар шаҳр нашр мегарданд таври танзиму тарҳрезишаванда махлут карда мешавад.

Таҳлилҳо шаҳодат медиҳанд, ки дар ВАО ва бештар дар бахши «назарҳо»-и сомонаҳо баёни афкори носолим ифода мегардад, ки он воқеан нигаронкунанда ва ингуна сӯистифода кардан аз озодии баён дар минбари тавлидкунандаи афкори омма назди қонунгузории кишвар бо дарназардошти оқибатҳои таҳрифкории воқеият посухталаб мебошад.

Вобаста аз ҳолати мавҷуда аз тамоми роҳбарони ВАО ва сомонаҳои интернетӣ бо дарки масъулият даъват ба миён меорад, ки бо риоя ва эҳтиром ба озодии баён ба махлутшавии фазои иттилоотӣ роҳ надиҳанд. Ба дилхоҳ «муштарӣ» тавсия медиҳем барои огоҳии саривақтӣ аз фаъолияти Мақомоти ичроияи маҳаллии ҳокимияти давлатӣ дар шаҳри Душанбе ва тадбирҳои андешидаи он аз сомонаи www.dushanbe.tj бештар дидан намоянд.

Бо истифода аз фурсат ба Шумо ва «муштариён»-и бахши «назарҳо»-и сомонаҳо вобаста ба мавзӯи фарогир мерасонад, ки масъалаи ғановати бозори истеъмолӣ бо роҳҳои алтернативӣ танҳо дар доираи қонун ва бо дарназардошти волоияти он дар ҷомеа, таъсиррасонии пайваста алайҳи болоравии нархи маҳсулоти ниёзи аввалияи истеъмолкунандагон мавриди таваҷҷӯҳи доимии роҳбарияти шаҳри Душанбе қарор дорад.

Бо ин мақсад то ба имрӯз соли равон аз ҳисоби буҷети шаҳр 20 млн сомонӣ ҳамчун қарзҳои бефоиз тавассути КВД «Савдо ва бозорҳои шаҳри Душанбе» ихтисос дода шудааст. Аз маблағҳои мазкур 12 млн сомонӣ барои харидориву захираи ғаллаву орди хушсифати Қазоқистон, 4 млн сомонӣ барои истеҳсолу захираи маҳсулотҳои ниёзи аввалияи кишварзӣ ва бастани шартномаҳо бо хоҷагиҳои деҳқонии минтақаҳои мамлакат ва 4 млн сомонӣ барои воридоти чорвои забҳӣ ва гӯшт сафарбар карда шудаанд.

Ин тадбирҳо дар натиҷаи таҳлилҳои воқеӣ ва мониторинги ҳамарӯзаи нархи маҳсулоти ниёзи аввалия ва арзиши аслии истеҳсол ва интиқоли он ба бозори истеъмолӣ бо риояи талабот ва меъёрҳои фаъолияти озоди иқтисодию тиҷоратӣ роҳандозӣ гардидаанд.

Аз ин ҷост, ки роҳбарияти шаҳри Душанбе бо хулоса аз натиҷаи забҳи чорво аз ҷониби комиссияи ҷамъиятию депутатии Маҷлиси вакилони халқи шаҳри Душанбе бо роҳбарии раиси Комиссияи Маҷлиси вакилони халқи шаҳри Душанбе оид ба масъалаҳои ҳифзи муҳити зист, санитарӣ ва бойторӣ, Сатторӣ Иззатулло — доктори илмҳои ветеринарӣ, академики Академияи илмҳои кишоварзии Тоҷикистон, ректори Донишгоҳи аграрии Тоҷикистон ба номи Ш. Шоҳтемур баҳри дастгирии сокинон — истеъмолкунадагони шаҳр ташаббуси соҳибкорони ба харид ва фурӯши гӯшти гов ва гӯсфанд фаъолият доштаро оид ба дар марзи маъмурии Душанбе бо нархи 23 сомонӣ ба фурӯш гузоштани гӯшти гов ва 24 сомонӣ гӯшти гӯсфанд ҷонибдорӣ намудааст.

Зеро забҳи ҷамъиятии чорво бо назардошти ҳамаи масрафот нишон дод, ки истеҳсоли аслии 1 кг гӯшти гов барои соҳибкори бо парвариши чорво машғулбуда воқеан 19,5-20,0 сомонӣ ва барои соҳибкори аз тамоми минтақаҳои ҷумҳурӣ ба Душанбе харида интиқолдиҳанда 21,5 сомониро ташкил медиҳад.

Дастгирии мазкур дуҷониба буда, ба ҳеҷ ваҷҳ характери иҷбориро доро нест. Баръакс, ҷавобан ба иқдоми соҳибкорон роҳбарияти шаҳр баҳри дастгирии молиявии онҳо оид ба зиёд намудани воридоти чорвои забҳӣ ва гӯшт дар шаҳр аз ҳисоби буҷети шаҳр ба Иттифоқи «Тоҷикматлубот» — 2 млн сомонӣ, КВД «Савдо ва бозорҳои шаҳри Душанбе»-1 млн сомонӣ ва 20 нафар соҳибкорон ба ҳар яке аз онҳо 50,0 ҳазор сомонӣ — 1 млн сомонӣ қарзи бефоиз бо назардошти баргардонидани маблағҳо дар тӯли соли молиявӣ ҷудо кард, ки имрӯзҳо ҳар кадоме онҳо ба иҷрои вазифаҳои худ аллакай шурӯъ кардаанд, ки боиси натиҷаҳои дилхоҳ гардидаанд.

Мувофиқ ба таҳлилҳо талаботи ҳаррӯзаи сокинони шаҳр бо гӯшт 70 тоннаро ташкил медиҳад ва барои фурӯши як кг гӯшт бо ҳисоби миёнаи (гов ва гӯсфанд) 23,5 сомонӣ ҳамарӯза маблағи 1 млн 645 ҳазор сомонӣ зарур мебошад. Воридоти гӯшт ба маблағи 4 млн сомонӣ имкон хоҳад дод, ки талаботи бозори истеъмолии шаҳр ва ҳамарӯза дастрасии истеъмолкунандагон ба гӯшти хушсифат бо нархҳои зикргардида комилан таъмин гардад.

Ибтикороти мазкур аллакай дар ду рӯзи татбиқшавӣ чунин натиҷа дод, ки нархи ғизои чорво — кунҷола дар бозорҳои шаҳри Душанбе аз 2,9-3 сомонӣ ба 2,4-2,3 сомонӣ поён фарояд ва тавре воқеияти имрӯза шаҳодат медиҳад истеъмолкунандагони гӯшти гову гӯсфанд бо нархҳои зикргардида имконияти қонеъ намудани талаботи худро доро гардидаанд .

Бояд тазаккур дод, ки барои рушди соҳибкории хурду миёна бо амалисозии дастгириҳои давлатӣ ва фароҳам овардани имтиёзҳо шароити мусоид ташкил карда шудааст ва дар натиҷаи он саҳми субъектҳои соҳибкорӣ дар ғановати буҷети шаҳр ба зиёда аз 51% баробар гашт.
Барои ҷалби бештари потенсиали сектори ғайридавлатӣ бо ташаббуси Мақомоти иҷроияи маҳаллии ҳокимияти давлатӣ дар шаҳри Душанбе ҳанӯз соли 2001 бо иштирок ва маблағгузории бевоситаи соҳибкорон Маркази дастгирии рушди сохибкорӣ дар шаҳри Душанбе ва соли 2003 Шӯрои ҳамоҳангсозӣ оид ба ҳамкориҳои иҷтимоию иқтисодӣ таъсис дода шуданд, ки фаъолияти онҳо баҳри рушди ҳаёти хоҷагидории шаҳр ва такмили институтҳои ҷомеаи шаҳрвандӣ нақши муассир мегузоранд.

Гузашта аз ин маҳз бо ибтикори роҳбарияти шаҳр бори нахуст дар низоми мақомоти иҷроияи маҳаллии ҳокимияти давлатӣ ҷиҳати робитаи бевосита бо шаҳрвандон ва таъмини имкониятҳо дар ифодаи ирода ва мавқею саҳмгузории онҳо дар идоракунии давлатӣ почтаи элктронии Раиси шаҳри Душанбе «dushanbe80@yahoo.com» дар шабакаи Интернет 13 октябри соли 2005 фаъол карда шуд.

Танҳо тавассути почтаи мазкур дар маҷмӯъ 3258, аз ҷумла дар соли 2010 — 1090 ва ба ҳолати 12 майи соли 2011 -570 муроҷиат ворид шудааст, ки ҳар кадоми онҳоро Раиси шаҳри Душанбе шахсан баррасӣ намуда. зери назорат қарор додааст. Гузашта аз ин ҳеҷ кадоме аз муроҷиат бе баррасӣ намонда, аз натиҷааш ҳар кадоме бархудор гардидаанд. Нисбати муроҷиатҳои рӯзномавӣ низ шаҳрдорӣ таваҷҷӯҳи хоса дошта, гумон мекунем, ки ин ҷо ба шарҳи воқеият зарурате нест.

Дилхоҳ шахси воқеию ҳуқуқии ватанӣ ва хориҷӣ бе ягон мамоният имкон дорад, ки бо истифода аз почтаи электронӣ, телефонҳои боварии шабонарӯзӣ: 223-22-14, 221-26-95 ва қабулҳои шахсии Раиси шаҳр ва муовинони он, ки ҳар ҳафта рӯзҳои шанбе доир карда мешаванд ё худ дар ҷаласаҳои ҳар ҳафтаинаи васеи назди Раиси шаҳр, ки субҳи ҳар як рӯзи душанбе бо иштироки аҳли ҷамоатчигӣ доир карда мешаванд пешниҳоди худро барои баррасӣ ирсол намояд.

Мақомоти иҷроияи маҳаллии ҳокимияти давлатӣ дар шаҳри Душанбе бо дарки масъулият алайҳи сӯистифода аз қобилияти хуби харидории сокинони он изҳор менамояд, ки бо роҳҳои стихиявӣ ва сунъӣ ба болобарии нарх дар бозори истеъмолии шаҳр тадбирҳои пешбининамудаи қонунгузориро пайваста татбиқ хоҳад кард».

Источник: http://www.millat.tj/news/2570-shahrdori-ba-rasonaho-va-somonaho-hushdor-medihad.html

[b]Aфви Байналмилал дар гузориши тозаи худ Тоҷикистонро танқид кард, ки соли гузашта низ ба ҳуқуқи инсон эҳтиром нагузоштааст.[/b]

Дар гузориши Вазъи ҳуқуқи инсон дар саросари ҷаҳон дар соли 2010 омадааст, дар он сол аз Тоҷикистон ҳамчунон доир ба бадрафтории мақомоти интизомӣ бо боздоштшудагон ва азияту шиканҷаи зиндониён гузоришҳо мерасиданд. Матбуоти мустақил ҳамчунон барои интиқоди ҳукумат мавриди таъқибу таҳдиди мақомот қарор гирифт ва мавориди зӯровариву латукӯби занон камтар нашуд.

Намояндагони созмони Авфи Байналмилал, мақараш дар Ландан, барои ошноии наздик ба вазъи ҳуқуқи инсон дар Тоҷикистон моҳи март ба кишвар сафар кардаанд ва ҳамон вазъеро дидаанд, ки соли 2009 низ дар Тоҷикистон мушоҳида мешуд.

[b]Матни пурраи маводро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=57]http://www.taj.nansmit.tj/analysis/?id=57[/url]

Источник:

[b]Aфви Байналмилал дар гузориши тозаи худ Тоҷикистонро танқид кард, ки соли гузашта низ ба ҳуқуқи инсон эҳтиром нагузоштааст.[/b]

Дар гузориши Вазъи ҳуқуқи инсон дар саросари ҷаҳон дар соли 2010 омадааст, дар он сол аз Тоҷикистон ҳамчунон доир ба бадрафтории мақомоти интизомӣ бо боздоштшудагон ва азияту шиканҷаи зиндониён гузоришҳо мерасиданд. Матбуоти мустақил ҳамчунон барои интиқоди ҳукумат мавриди таъқибу таҳдиди мақомот қарор гирифт ва мавориди зӯровариву латукӯби занон камтар нашуд.

Намояндагони созмони Авфи Байналмилал, мақараш дар Ландан, барои ошноии наздик ба вазъи ҳуқуқи инсон дар Тоҷикистон моҳи март ба кишвар сафар кардаанд ва ҳамон вазъеро дидаанд, ки соли 2009 низ дар Тоҷикистон мушоҳида мешуд.

[b]МАВОРИДИ НАҚЗИ ҲУҚУҚИ БАШАР[/b]

Анна Зандер Плазмман, як масъули Авфи Байналмилал дар умури Осиёи Марказӣ ба Радиои Озодӣ гуфт, созмон аз он бисёр нигарон аст, ки дар Тоҷикистон ҳамчунон мавориди шиканҷаву азияти маҳбусон ва беҷазо мондани масъулони ин гуна ҷиноятҳо ба чашм мерасад. “Соли гузашта низ мо пайваста доир ба азияту шиканҷа ва дигар бадрафториҳо аз тарафи маъмурони ниҳодҳои интизомӣ дар Тоҷикистон гузориш дарёфт мекардем. Таҷрибаи боздошт ва то ифтитоҳи парвандаи ҷиноӣ дар инзиво нигаҳ доштани муттаҳам дар байни ниҳодҳои интизомӣ роиҷ аст, ки ин хатари азияту бадрафторӣ бо боздоштшударо бештар мекунад. Соли гузашта додгоҳҳои Тоҷикистон ҳамчунон эътирофоти ҳосилшуда таҳти шиканҷаро ба ҳайси далел ба инобат мегирифтанд. Ҷабрдидаҳо аз тарси зӯроварӣ аз тарафи кормандони маъмурони интизомӣ бисёр кам шикоят мекарданд. Беҷазо мондани кормандони бадрафтор ҳам як расм аст.”

Созмони Авфи Байналмилал, қазияи Неъматулло Бӯтақозиев, як шаҳрванди ӯзбактабори Қирғизистонро мисол овардааст, ки соли гузашта дар Тоҷикистон дастгир ва ба гуфтаи худаш аз тарафи маъмурони амниятӣ шиканҷа шуд. Бӯтақозиевро дар ниҳоят аз Тоҷикистон ихроҷ карданд, ки сипас додгоҳи шаҳри Ӯши Қирғизистон ӯро аз боздошт раҳо кард. Созмони Авфи Байналмилал ҳамчунин қазияи Илҳом Усмонов, як сокини ноҳияи Хуҷандро мисол овардааст, ки 3-юми ноябр бо иттиҳоми таъсиси гурӯҳи ҷиноӣ боздошт шуда ва 9 рӯз ҳаққи муошират бо касеро надоштааст ва дар он рӯзҳо ӯро ба нерӯи барқ монда ва ба баданаш оби доғ рехтаанд. Иддаое, ки ба гуфтаи додситонии Хуҷанд дурӯғ аст.

[b]ВАЗЪИ НАЧАНДОН ХУБИ МАТБУОТ[/b]

Созмони Авфи Байналмилал сипас ба вазъи матбуоти мустақил дар Тоҷикистон пардохтааст, ки ба гуфтаи созмон, ҳоли чандон хубе надошт. Анна Зандер Плазманн ба Радиои Озодӣ гуфт, расонаҳои мустақил барои интиқоди ҳукумат таҳти таъқиб қарор гирифтаанд.

Ба гуфтаи ӯ, Авфи Байналмилал мехоҳад, то он банди Қонуни ҷиноии Тоҷикистон, ки хабарнигорони тоҷикро аксар вақт аз гуфтани воқеъияту ҳарфи ҳақ метарсонад, лағв шавад. “Ба эътиқоди Авфи Байналмилал, давлати Тоҷикистон бояд он банди қонунро, ки барои тавҳину бӯҳтон ҷазо муқаррар кардааст, лағв намояд. Мо ҳамчунин ба ин боварем, ки бояд ҳеҷ хабарнигорро барои ҳаққи озодии андешаву баёнаш ба додгоҳ накашанд. Дар робита ба парвандаҳои шаҳрвандӣ, бояд тазмин дода шавад, ки ҷазо беш аз ҳад сахт набошад ва ҳам ҷазо барои он набошад, ки хабарнигор аз ҳаққи худ, яъне озодии ақидаву баён истифода кардааст. “

Соли гузашта, муҳаррирону хабарнигорони чандин рӯзномаҳои Тоҷикистон, аз ҷумла “Озодагон”, “Миллат”, “Азия Плюс”, “Нигоҳ”, “Фараж”, “Пайкон” рӯзҳои худро дар муҳокимаҳои додгоҳӣ кӯр карданд, ки даъвогарон ҳам дар он додгоҳҳо мақомоти расмии Тоҷикистон буданд ва моҷароҳои баъзе аз онҳо то кунун идома дорад. Дар идомаи гузориши худ доир ба вазъи ҳуқуқи инсон дар соли 2010, созмони Авфи Байналмилал, дигарбора аз вусъати хушунат алайҳи занон дар Тоҷикистон ибрози нигаронӣ кардааст, ин зуҳурот ба як расм табдил шудааст.

[b]ХУШУНАТ АЛАЙҲИ ЗАНОН ВУҶУД ДОШТААСТ[/b]

Анна Зандер Плаззман ба Радиои Озодӣ гуфт, агарчӣ ҳукумати Тоҷикистон соли гузашта барои маҳви хушунат алайҳи занон гомҳое бардошт, аммо ба ҳукумат муяссар нашуд, бар асоси тааҳҳудоти байналмилалиаш занонро аз хушунати хонаводагӣ эмин нигаҳ дорад: “Хушунат алайҳи занон ҳамчунон як мушкили ҷиддӣ боқӣ монд. Аз сеяк то нисфи занони тоҷик дар тӯли ҳаёти худ аз тарафи шавҳар ва ё аъзои дигари хонавода хушунати ҷисмонӣ, равонӣ ва ҷинсӣ дидаанд. Дастрасии занон ба низоми додгоҳӣ бисёр маҳдуд аст, ки ин боиси пӯшида мондани мавориди зиёди хушунати хонаводагӣ мешавад. Паноҳгоҳҳои кофӣ ва ё сарпаноҳи амн барои занони ҷабрдида ниҳоят кам аст. Тарҳи “Қонун дар бораи ҳифзи иҷтимоӣ ва ҳуқуқӣ аз хушунати хонаводагӣ” солҳо пеш таҳия шуда, аммо то кунун барои баррасӣ ба порлумон пешниҳод нашудааст.”

Таври маълум, мақомоти Тоҷикистон аксар вақт баҳои созмонҳои ҳомии ҳуқуқ ба вазъ дар кишварро ноодилона медонанд ва мегӯянд, ба ҳуқуқи мардум дар кишвар эҳтиром мегузоранд ва агар нақзи ҳуқуқ ҳам бошад ба он андоза нест, ки ҳомиёни ҳуқуқ мегӯянд.

Источник: http://www.ozodi.org/content/article/24099894.html

[b]Нимаи дуюми рӯзи ҷумъа узви Иттифоқи журналистони Тоҷикистон Алиҷон Муҳаммад бо қарори Суди ноҳияи Исмоили Сомонии шаҳри Душанбе ба ҳабс гирифта шуд. Дар ин бора ба TojNews ҳимоятчии гумонбаршуда Нурулло Каримов иттилоъ дод.[/b]

Ба гуфтаи мавсуф, муовини раиси суди мазкур Зебунисо Абдуллоева ин қарорро дар заминаи дархости Раёсати тафтишотӣ (РТ)-и Вазорати корҳои дохилӣ (ВКД)-и Тоҷикистон бо розигии Прокуратураи генералии Тоҷикистон қабул кардааст, ки «беасос ва ғайриқонунӣ мебошад».

Бинобар иттилои ӯ, «ҳанӯз 2-юми марти соли ҷорӣ бо қарори муовини аввали Прокурори генералии Тоҷикистон Абдуқодир Муҳаммадиев нисбати Алиҷон Муҳаммад бо моддаи 247 («қаллобӣ») қисми 4, банди «б»-и Кодекси ҷиноии Тоҷикистон парвандаи ҷиноятӣ оғоз карда шуда буду тафтиши он ба ӯҳдаи РТ ВКД вогузошта шуд. Баъди ба итмом расидани мӯҳлати тафтишот ва бинобар заифии мавод 3-юми май РТ ВКД бо моддаи 237 («авбошӣ») қисми 2, банди «б» нисбати ӯ парванда оғоз намуд, ки аз нигоҳи мо истифода аз моддаи ба ном «навбатдор» («держурная статья») ва кӯшиши асосноккунии чораи ҳабс аст.

Баҳси Алиҷон Муҳаммад бо ҳама пурпечиҳояш ҳамагӣ шуда, як баҳси шаҳрвандӣ, яъне хариду фурӯши хона аст ва бинобар он ки айбдоршаванда ҷойи зисти муайян дошта, падари панҷ фарзанд асту ягон даъвати муфаттишро бе эътибор намондааст, бар замми ин, аз фаъолони ҷомеаи шаҳрвандии кишвар мебошад, ҳич зарурати ба ҳабс гирифтани ӯ набуд.

Далели мақомот, ки «дар ҳолати дар озодӣ мондан ӯ метавонад ба тафтишот таъсир расонида, барои пурра, ҳаматарафа ва холисона тафтиш намудани парвандаи ҷиноятӣ мамониат кунад» ягон асос надорад. Зеро мӯҳлати думоҳаи тафтишоти парванда гузашт… Дар мӯҳлати муайяннамудаи қонун мо аз болои ин қарори беадолатона ва ғайриқонунӣ ба Суди шаҳри Душанбе шикояти кассатсионӣ мебарем».

Дар ҳоле, ки қонунгузорӣ мӯҳлати шикоят ва эътироз аз болои чунин қарорҳои судиро се рӯз муайян намудааст, нимаи дуюми рӯзи ҷумъа интихоб шудани рӯзи ҳабс бесабаб нест, аммо ба гуфтаи адвокат Нурулло Каримов, «ин қазия паҳлӯҳои боз ҳам аҷибтар дорад, ки маҳз ба фаъолияти журналистии Алиҷон Муҳаммад рабт дорад. Агар як мақолаи ӯ дар нашрияи «Нигоҳ» бо номи «Пора дода ва ситонда мешавад. Ҳама медонанд ва хомӯшанд!!! Ё чӣ бояд кард, то «облава» ва коррупсия дар Комиссариатҳои ҳарбӣ набошанд?» ғайримустақим ба таъқиби ҷиноии ӯ сабаб гашта бошад, мақолаи дуюмаш дар нашрияи «Минбари халқ» боиси ташвишҳои мансабдорони алоҳида гаштааст. Мо умед дорем, ки бо тамом шудани тафтишот парда аз рӯи «қаҳрамон»-ҳои асосӣ ва манфиатбардорони ин қазия бардошта хоҳад шуд».

Мавриди зикр аст, ки бегоҳи рӯзи ба ҳабс гирифтани Алиҷон Муҳаммад як номаи саркушодаи ӯ бо се сабти аудиои дигари ба ҳамин қазия рабтдошта ба ихтиёри воситаҳои ахбори оммаи кишвар вогузошта шудааст, ки дар он мӯҳтавои ин қазия баён гаштааст.

Дар ҳоли ҳозир, сабтҳои мавриди зикрро TojNews низ мавриди омӯзиш қарор додааст ва бо ба итмом расидани таҳқиқ онҳо дастраси умум хоҳанд гашт.

Дар идораи нашрияи «Нигоҳ» ба TojNews тасдиқ карданд, ки аз ин қазия огаҳанд ва «он матлаб, ки 4-уми августи соли 2010 (№ 20 (191)) ба нашр расида буд, воқеъан ҳам боиси ташвиши мансабдорони алоҳида шуд, вале баъди чанд кӯшиши номуваффақи маълум намудани шахсияти муаллиф аз идораи «Нигоҳ» омаду рафти масъулин бас шуда буд. Он мақола дар асоси ахбор ва ҳуҷҷатҳои дастраскардаи як манбаъи иттилоотии Алиҷон Муҳаммад омода шуда буд, ки маъшуқа ё ҳамзисти як тан аз масъулини воломақоми Комиссияи тиббии назоратии Комиссариати ҳарбии муттаҳидаи шаҳру ноҳияҳои тобеъи ҷумҳурӣ будааст. Зан он замон аз маъшуқ ё шавҳараш ранҷида, кӯшиш кардааст, ки маълумот дар бораи амалҳои характери ҷиноятҳои коррупсионӣ доштаи шаҳрванд А.Б.-ро ба шиноси наваш Алиҷон Муҳаммад ифшо кунад.

То ҷое мо огоҳем, баъди ба ҳам омадани он ду тан, аввалӣ, ки хонаашро ба Алиҷон Муҳаммад дар асоси қонунгузории кишвар аллакай фурӯхта будааст, дубора он манзилро ишғол мекунад ва шартномаи хариду фурӯши дар Идораи нотариалии ноҳияи Сино ба қайд гирифтаашро эътироф намекунад. Ин амал боиси баҳси ҷонибҳо ва муроҷиати Алиҷон Муҳаммад ба мақомот гаштааст, вале бо сабабҳои барои мо алҳол номаълум ин баҳси амалан гражданӣ боиси ба ҳабс гирифтани ахирӣ гашт.

Дар ҳоли ҳозир мо ба таҳқиқу омӯзиши амиқи ин қазия машғул ҳастем ва ба он назарем, ки ягон асоси қонунӣ ва зарурати ба ҳабс гирифтани Алиҷони Муҳаммад вуҷуд надорад. Ӯ дар доираҳои журналистӣ, коршиносӣ ва ҳатто сиёсӣ нафари маъруф аст ва ҳич хатаре ба ҷомеъа надорад. Умедворем, ки суди марҳилаи баъдӣ ин қарори ғайриқонунии судиро бекор мекунад ва ин қазия ҳамчун баҳси шаҳрвандӣ ҳалли мантиқии худро меёбад».

Мавриди зикр аст, ки Алиҷон Муҳаммад 45 сол дошта, соҳиби панҷ фарзанд аст. Ӯ аз солҳои 2000-ум узви Иттифоқи журналистони Тоҷикистон буда, мақолаҳояшро дар нашрияҳои гуногуни ватанӣ ба табъ мерасонад. Инчунин, ӯ аз солҳои 2000-ум узви Иттифоқи журналистони Тоҷикистон буда, чанд сол қабл сарварии Созмони байналмилалии «Вароруд»-ро низ ба ӯҳда дошт ва дар ҳимоя аз ҳуқуқҳои тоҷикони Узбакистон фаъол буд.

Фаромарзи ФОЗИЛ, TojNews

Источник: http://tojnews.org/taj/index.php?option=com_content&task=view&id=14345&Itemid=28

[b]Додгоҳи ноҳияи Сино парвандаи хабарнигори “Имрӯз-нюс” Мирзомуроди Бозор ва Маҳмадраҷаб Шарипов, як ронандаро, ки бар пояи шикояти корманди “Воҳиди махсус”-и ВКД оғоз шуда буд, ба анҷом расонид.[/b]

Додгоҳ хабарнигорро бегуноҳ ҳисобида, ронандаи “Тангем”-ро ба иҷрои 180 соат корҳои ислоҳӣ муҷозот кардааст.

Бино ба қарори додгоҳ, ронанда бар асоси салоҳдиди Вазорати адлияи Тоҷикистон ҳар рӯз ба ҷуз иҷрои корҳои худ, чаҳор соат корҳои ҷамъиятиро низ анҷом хоҳад дод.

Муҳокимаи парвандаи мазкур рӯзи 20-уми апрели соли равон бар асоси шикояти Қаландар Нозиров, як масъули “Воҳиди махусус”-и Вазорати умури дохилӣ оғоз шуда буд. Мавсуф шикоят кардааст, ки хабарнигор ва ронанда бо нашри як матлаб ӯро бидуни асос дар гирифтани ришва муттаҳам кардаанд.

Дар шикояти ӯ аз ҷумла омада буд, ки Мирзомуроди Бозор ва ронандаи «Тангем» ӯро таҳқир ва тӯҳмат намуда, обрӯяшро дар назди ҳамкорон ва ҷомеа паст задаанд.
Хабарнигори «Имрӯз-News» рӯзи чаҳоруми марти соли ҷорӣ бо шикояти ронандаи мусофирбари тамғаи «Тангем» зери унвони «06008 аз ман 10 сомонӣ ришва гирифт!» матлаберо ба нашр расонида буд.

Дар ин матлаб Маҳмадраҷаб Шарипов ба хабарнигор нақл кардааст, ки нозири роҳ бо рақами сарисинагиии 06008 аз ӯ барои гӯиё нақзи қоидаи роҳ 10 сомонӣ ришва гирифтааст.

Ин парванда аз силсилаи баррасиҳои анҷомшудаи кормандони мақомоти давлатӣ бо хабарнигорон аст. Қаблан, дар додгоҳи ноҳияи Сино баҳси беш аз яксолаи се додраси Додгоҳи олӣ бо се нашрияи мустақили “Озодагон”, “Фараж” ва “Азия-Плюс” бо мусолиҳа анҷомид.

Пас аз он додгоҳи ноҳияи Фирдавсӣ бар асоси даъвои Вазорати адлияи Тоҷикистон қарор баровард, ки фаъолияти Бюрои маслиҳатдиҳӣ, сухансанҷӣ ва тадқиқоти журналистӣ, муассиси ҳафтаномаи “Пайкон” қатъ шавад.

Аммо ҳанӯз баҳси нашрияи “Азия-Плюс” бо Анвар Тағоймуродов, муовини вазири умури дохилӣ ва ҳафтаномаи “Чархи гардун” бо собиқ узви парлумон, Сайвалӣ Нуров идома дорад.

Источник: http://www.ozodi.org/content/article/24099559.html

[b]Анҷумани миллии расонаҳои мустақилли Тоҷикистон бо судури як баёния аз мақомҳои давлатии ин кишвар хостааст, ки дар баробари матолиби интиқодии расонаҳо таҳаммул кунанд ва шикоёти додгоҳии худ алайҳи рӯзноманигоронро пас бигиранд.[/b]

Бино ба иттилоъи ин созмон, ки баёнияаш рӯзи панҷшанбеи 12 май мунташир шуд, ҳамакнун дар додгоҳҳои Тоҷикистон панҷ парванда алайҳи расонаҳо ва хабарнигорон баррасӣ мешаванд.

[b]Матни пурраи матлабро дар торномаи мо мутолиа кунед:[/b] [url=http://www.taj.nansmit.tj/analysis/?id=56]http://www.taj.nansmit.tj/analysis/?id=56[/url]

Источник:

[b]Анҷумани миллии расонаҳои мустақилли Тоҷикистон бо судури як баёния аз мақомҳои давлатии ин кишвар хостааст, ки дар баробари матолиби интиқодии расонаҳо таҳаммул кунанд ва шикоёти додгоҳии худ алайҳи рӯзноманигоронро пас бигиранд.[/b]

Бино ба иттилоъи ин созмон, ки баёнияаш рӯзи панҷшанбеи 12 май мунташир шуд, ҳамакнун дар додгоҳҳои Тоҷикистон панҷ парванда алайҳи расонаҳо ва хабарнигорон баррасӣ мешаванд.

Нуриддин Қаршибоев, раиси Анҷумани миллии расонаҳои мустақилли Тоҷикистон (АМРМТ ё НАНСМИТ), ҳамзамон ҳалли мусолиматомези қазияи Нур Нуров, Улуғбек Маҳмадшоев ва Маҳмадисо Саидов, се додрас, бо нашрияҳои мустақилли “Фараж”, “Озодагон” ва “ASIA-Plus”-ро нишонаи беҳбуд ёфтани вазъияти озодии баён ва таҳкими усули демукросӣ дар ин кишвар медонад.

Баррасии ин парванда дар моҳи гузашта ба далели даст кашидани муддаъиён аз даъвои худ алайҳи нашрияҳои мустақил мутаваққиф шуд.

Ба эътиқоди коршиносони АМРМТ, ин гом дар пайи вокуниши муддаъиён ба аксулъамали созмонҳои рӯзноманигорӣ ва ҷомеъаи байналмилалӣ бардошта шуда, аммо ба ҳеч ваҷҳ маънии латма задан ба эътибори қувваи қазоияро надорад.

Масъулони ин созмон мегӯянд, ки баръакс ин иқдоми додрасҳо (судяҳо) ба хотири канор гузоштани ғурури шахсию гурӯҳӣ ва риъояти манофеъи ҷомеъа сурат гирифтааст.

Ҳамзамон, оқои Қаршибоев таъкид кард, ки Маҳмадюсуф Исмоилов, хабарнигори нашрияи мустақилли “Нури зиндагӣ”, бар асоси шикояти чанд тан аз мақомоти ҳукумати маҳаллии ноҳияи Ашт боздошт шуда ва дар муддати шаш моҳ дар боздоштгоҳ ба сар мебарад.

Зимнан, оқои Исмоилов ба таҳқиру тавҳин ва барангехтани низоъи миллию мазҳабӣ муттаҳам шудааст.

Аммо масъулони АМРМТ илали боздошти ӯро ба чопи матолиби интиқодӣ дар бораи фаъолияти ҳукуматҳои маҳаллӣ ва ниҳодҳои интизомӣ марбут хондаанд.

Дар баёнияи Анҷумани миллии расонаҳои мустақилли Тоҷикистон омадааст: «Дар ҷараёни баррасии парвандаҳо ба иттиҳоми тавҳин ва тӯҳмат дар Тоҷикистон рӯшан шудааст, ки дар бештари маворид матолиби интиқодии хабарнигорон аз фаъолияти мақомоти давлатӣ ҳамчун тавҳин ва тӯҳмат маънидод шуда ва рӯзноманигорон мавриди таъқиб қарор мегиранд.»

Гуфта мешавад, умдатан мақомот матолиби интиқодиро на дар чорчӯби муқаррароти ҳуқуқӣ, балки бар асоси бинишҳои худ шарҳу тавзеҳ медиҳанд.

Ба гуфтаи ҳуқуқдонҳои АМРМТ, риъоят нашудани мавозини байналмилалӣ ба ҳангоми барраси қазияҳои додгоҳӣ ба маҳдуд шудани озодии баён, ки аз ҳуқуқи аслии башар маҳсуб мешавад, мунҷар хоҳад шуд.

Дар ин баёния ба унвони мисол аз даъвои Анвар Тағоймуродов, раиси пешини Идораи мубориза алайҳи ҷароими созмонёфтаи Вазорати дохила ва ҳоло муъовини вазири дохила бо хабарнигори “ASIA-Plus” ва Сайвалӣ Нуров, намояндаи пешини порлумон, бо нашрияи “Чархи гардун” ёдоварӣ шудааст, ки ҳар ду қазия низ ба фаъолияти тахассусии хабарнигорон рабт мегирад.

АМРМТ дар баёнияи худ аз расонаҳою хабарнигорон даъват карда, ки ба ҳуқуқу озодиҳои шаҳрвандон эҳтиром қоил шаванд ва аз мақомоти давлатӣ хостааст, ки шикоёти додгоҳии худ алайҳи рӯзноманигорон ва расонаҳоро бозпас гиранд.

Дар ҳамин ҳол, Сайфулло Сафаров, муъовини раиси Маркази мутолеъоти истиротежики Тоҷикистон, мегӯяд, ки қавонини ин кишвар барои ҳар фарди ҷомеъа, аз ҷумла мақомоти давлатӣ, имкони дифоъ аз ҳуқуқ, обрӯю эътибор ва ҳайсияти худ аз роҳҳои қонуниро фароҳам сохтааст.

Ҳамзамон, оқои Сафаров таъкид кард, ки мумкин аст муддаъӣ дар ҷаласаи додгоҳ даъвои худро бозпас гирифта ва қазия ба таври сулҳомез ҳал шавад.

Ӯ гуфт, ки дар бархе маворид мақомоти давлатӣ ба интиқоди бепоя ё ташреҳи нодурусти суханонашон эътино накарда ва нашрияҳо ё хабарнигоронро ба додгоҳ намекашанд.

Муъовини раиси Маркази мутолеъоти истиротежики Тоҷикистон гуфт, ки борҳо бархе аз нашрияҳо, аз ҷумла “ASIA-Plus”, сӯҳбатҳои ӯ ё Сӯҳроб Шарифов, раиси ин ниҳодро, таҳриф кардаанд, аммо онҳо аз нашрияҳо ба додгоҳ шикоят набурда ва баҳсҳои додгоҳӣ бо расонаҳоро “сарфи беҳудаи вақт” хондаанд.

Источник: http://www.bbc.co.uk/tajik/institutional/2011/05/110512_mm_nansmit_statement.shtml

Анҷумани миллии расонаҳои мустақили Тоҷикистон ё НАНСМИТ аз афроди мансабдор ва шахсиятҳои шинохта дар кишвар даъват кардааст, то дар баробари танқиди хабарнигорон таҳаммулпазир бошанд.Ин созмони ҳомии ҳуқуқи хабарнигорон дар Тоҷикистон гуфтааст, ҳоло ҳадди ақалл панҷ парвандаи хабарнигорон ва нашрияҳои тоҷикӣ дар додгоҳҳои кишвар идома дорад, ки бештар ба фаъолиятҳои касбии онҳо марбут аст. НАНСМИТ дар ин изҳороти худ аз хабарнигори нашрияи “Нури зиндагӣ” дар Ашт, Маҳмадюсуф Исмоилов, ёдоварӣ кардааст, ки тақрибан шаш моҳ инҷониб дар боздоштгоҳ нигоҳдорӣ мешавад. Инчунин, баҳси додгоҳии Анвар Тағоймуродов, муовини вазири умури дохилӣ бо нашрияи «Азия-Плюс» ва собиқ депутат — Сайвалӣ Нуров бо ҳафтаномаи «Чархи гардун» ҷараён дорад.

«Таҷрибаи баррасӣ кардани парвандаҳои оид ба тӯҳмат ва таҳқир дар Тоҷикистон нишон медиҳад, ки журналистон дар аксари мавридҳо бо сабаби танқиди шахсони мансабдор мавриди таъқиб қарор мегиранд»,-таъкид шудааст дар изҳороти НАНСМИТ.

Дар баробари ин, Анҷумани миллии расонаҳои мустақили Тоҷикистон аз хабарнигорон низ хостааст, то ҳуқуқ ва озодиҳои шаҳрвандонро новобаста аз мақоми иҷтимоиашон дар ҷомеа эҳтиром кунанд.

Источник: http://www.ozodi.org/archive/news/20110512/538/538.html?id=24099126