[b]Созмони Амният ва Ҳамкорӣ дар Урупо ва давлати Омрико бо интишори баёнияҳое нигаронии худро аз боздошти Урунбой Усмонов, хабарнигори Би-би-сӣ дар шимоли Тоҷикистон, матраҳ кардаанд.[/b]

Дуня Миятович, намояндаи Созмони Амният ва Ҳамкории Урупо (САҲУ) дар умури озодии расонаҳо, рӯзи панҷшанбеи 16 июн дар номае ба Ҳамрохон Зарифӣ, вазири хориҷаи Тоҷикистон, нигаронии худро аз «боз як талош барои маҳдудияти озодии баён» дар ин кишвар иброз доштааст.

Дар номаи хонуми Миятович ба оқои Зарифӣ омадааст: «Ҳарчанд мо ба ҳаққи давлати Тоҷикистон ба мубориза бо терурисм эҳтиром мегузорем, вале қазияи боздошти оқои Усмонов ва бадрафторӣ нисбат ба ӯ, аз ҷумла маҳрумияти ӯ аз ҳаққи дастрасӣ ба вакили мудофеъ, асбоби нигаронии мо дар мавриди маҳдудияти озодии баёнро фароҳам кардааст.»

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=74]http://www.taj.nansmit.tj/analysis/?id=74[/url]

Источник:

[b]Созмони Амният ва Ҳамкорӣ дар Урупо ва давлати Омрико бо интишори баёнияҳое нигаронии худро аз боздошти Урунбой Усмонов, хабарнигори Би-би-сӣ дар шимоли Тоҷикистон, матраҳ кардаанд.[/b]

Дуня Миятович, намояндаи Созмони Амният ва Ҳамкории Урупо (САҲУ) дар умури озодии расонаҳо, рӯзи панҷшанбеи 16 июн дар номае ба Ҳамрохон Зарифӣ, вазири хориҷаи Тоҷикистон, нигаронии худро аз «боз як талош барои маҳдудияти озодии баён» дар ин кишвар иброз доштааст.

Дар номаи хонуми Миятович ба оқои Зарифӣ омадааст: «Ҳарчанд мо ба ҳаққи давлати Тоҷикистон ба мубориза бо терурисм эҳтиром мегузорем, вале қазияи боздошти оқои Усмонов ва бадрафторӣ нисбат ба ӯ, аз ҷумла маҳрумияти ӯ аз ҳаққи дастрасӣ ба вакили мудофеъ, асбоби нигаронии мо дар мавриди маҳдудияти озодии баёнро фароҳам кардааст.»

[b]Баёнияи намояндаи САҲУ[/b]

Вай меафзояд: «Ман нигаронам, ки қазияи оқои Усмонов талоши дигаре барои хомӯш кардани садои як рӯзноманигоре бошад, ки дар бораи масоиле ҳассос дар Тоҷикистон гузориш менависад.»

Намояндаи САҲУ дар умури озодии баён дар номаи худ ҳамчунин хостори тавзеҳ ва иттилоъоти бештаре дар бораи қазияҳои дигари марбут ба нақзи озоди баён дар Тоҷикистон, аз ҷумла лату кӯби Ҳикматулло Сайфуллозода, таҳлилгари ҳизби наҳзати исломӣ, ва боздошти Маҳмадюсуф Исмоъилов, хабарнигори боздоштшуда дар ноҳияи Ашт, шудааст, ки қаблан бо мақомоти тоҷик дар миён гузошта буд.

[b]Нигаронии сафорати Омрико[/b]

Сафорати Омрико дар Душанбе низ рӯзи панҷшанбе бо интишори баёнияе аз мақомоти Тоҷикистон хоста, ки Урунбой Усмонов, хабарнигори боздоштшудаи Би-би-сӣ дар шимоли ин кишварро, фавран озод кунанд.

Кеннет Гросс, сафири Омрико дар Тоҷикистон, дар баёнияи худ дар бораи боздошти Урунбой Усмонов, хабарнигори бахши Осиёи Миёнаи Би-би-сӣ, гуфтааст, ки мақомот бидуни ҳеч далеле дар бораи фаъолиятҳои ғайриқонунии оқои Усмонов набояд ӯро дар боздошт нигоҳ доранд.

Вай аз ҷумла мегӯяд: «Сафорат дар мавриди боздошти хабарнигори Би-би-сӣ, ки 13-уми июн дар Хуҷанд боздошт шуда ва ба узвият дар Ҳизби Таҳрир муттаҳам шудааст, сахт нигарон аст.»

[b]Баёнияи сафири Омрико дар Youtube[/b]

Сафорати Омрико тавассути ин баёния аз мақомоти Тоҷикистон тақозо кардааст, ки дар зудтарин фурсат иддаъоҳо дар бораи бадрафтории кормандони амниятӣ нисбат ба оқои Усмоновро низ таҳқиқ кунанд ва ба меъёрҳои қазоии шаффофи байналмилалӣ содиқ бошанд.

Кеннет Грос дар баёнияи видиюии худ, ки дар сойти Youtub пахш шудааст, мегӯяд: «Ба бовари мо, хабарнигорон набояд ба хотири он чи менависанд, лату кӯб ва ё зиндонӣ шаванд. Барои ҳамин, мо тақозо дорем, ки оқои Усмонов, агар шавоҳиди мӯътабаре дар бораи фаъолиятҳои ғайриқонунии вай мавҷуд набошад, бояд бедиранг озод карда шавад.»

[b]»Осори бадрафторӣ»[/b]

Баёнияи сафорати Омрико дар Тоҷикистон дар бораи боздошти Урунбой Усмонов дар ҳоле пахш мешавад, ки нигарониҳо дар бораи вазъи саломатии оқои Усмонов афзудааст.

Урунбой Усмонов рӯзи душанбеи 13 июн ҳангоме ки аз ҷойи кор ба хона мерафт, нопадид шуд. Танҳо пас аз як рӯзи ҷустуҷӯ ва саргардониҳои пайвандон ва ҳамкоронаш дар бемористонҳои маҳаллӣ ва идораҳои пулис маъмурони давлатӣ ӯро барои муддати кӯтоҳе ба хонааш оварданд.

Маъмурони амниятӣ манзили ӯро такурӯ карданд ва оқои Усмоновро дубора бо худ бурданд. Аз он замон то кунун вай натавонистааст аъзои хонавода ва вакили мудофеъашро бубинад.

Аъзои хонаводааш, ки дар ҷараёни ҷустуҷӯву такурӯйи манзилашон тавассути маъмурони давлатӣ ҳузур доштанд, мегӯянд, ки нишонаҳое аз бадрафторӣ дар ӯ мушоҳида шудааст.

[b]Баёнияҳои Би-би-сӣ ва сафорати Бритониё[/b]

Писараш Ойбек мегӯяд: «Ӯ хеле мусибатзада ва маъюс ба назар мерасид ва осори шиканҷа дар сураташ ҳувайдо буд.»

Аъзои хонаводаи Урунбой Усмонов аз вазъи саломати ӯ башиддат нигаронанд, зеро ӯ аз бемории қанд ва фишори болои хун ранҷ мебарад.

Онҳо ҳамчунин иддаъои маъмурон дар бораи иртиботи ӯ бо Ҳизби Таҳрир, як гурӯҳи исломгароро, ки фаъолияташ дар Тоҷикистон мамнӯъ буда ва дар бархе кишварҳои Осиёи Миёна пайравоне дорад, рад мекунанд.

Ба гуфтаи онҳо, Урунбой Усмонов узви ҳеч гурӯҳе нест ва дар ҷараёни такурӯ кардани манзилаш дар рӯзи сешанбе маъмурони давлатӣ ҳеч мадраке барои исботи иддаъои худ алайҳи ӯ наёфтаанд.

[b]Маҳрумият аз дидори хонавода[/b]

Сервиси ҷаҳонии Би-би-сӣ низ дар баёнияе иддаъои мақомот дар бораи иртиботи оқои Усмонов бо Ҳизби Таҳрирро рад карда ва гуфтааст, ки ин хабарнигори тоҷик бо тақозои Би-би-сӣ дар бораи муҳокимаҳои додгоҳӣ ва фаъолияти аъзои Ҳизби Таҳрир гузориш мекард.

Файзинисо Воҳидова, вакили мудофеъи оқои Усмонов, мегӯяд, ки дар ҷараёни боздошти ӯ тахаллуфоте сурат гирифта ва мақомот ҳақ надоштанд бидуни ҳузури вакили мудофеъ ӯро муттаҳам кунанд.

Вай ҳамчунин мегӯяд, ки маҳрумияти оқои Усмонов аз ҳаққи иртибот бо аъзои хонаводааш низ амале ғайриқонунист. Хонуми Воҳидова умедвор аст ӯро фардо бубинад.

[b]Гузорише дар ин бора[/b]

Бархе аз созмонҳои байналмилалии мудофеъи озодии баён, монанди Гузоришгарони Бидуни Марз, аз боздошти Урунбой Усмонов башиддат ибрози нигаронӣ кардаанд. Гузоришгарони Бидуни Марз тасмим гирифтааст базудӣ баёнияе дар ин бора интишор диҳад.

Анҷумани расонаҳои мустақилли Тоҷикистон, Иттиҳодияи рӯзноманигорони Тоҷикистон ва Сандуқи гиромидошт ва дифоъ аз ҳуқуқи рӯзноманигорони Тоҷикистон низ аз боздошти хабарнигори маҳаллии Би-би-сӣ дар вилояти Суғд ибрози нигаронӣ карда ва гуфтаанд, ки баёнияе муштарак дар ин бора интишор хоҳанд дод.

Нуриддин Қаршибоев, раиси Анҷумани расонаҳои мустақилли Тоҷикистон, дар сӯҳбат бо Би-би-сӣ гуфт, ки аз боздошти Урунбой Усмонов амиқан нигарон аст. Вай гуфт, ки созмони онҳо ҳанӯз мутмаин нест, ки оқои Усмонов ба хотири фаъолияти рӯзноманигорияш боздошт шудааст ё хайр.

Оқои Қаршибоев гуфт: “Мо дар ин бора ба таҳқиқ идома медиҳем. Агар маълум шавад, ки барои фаъолияти рӯзноманигорияш боздошт шудааст, ба ироаи кумакҳои ҳуқуқӣ ба вай иқдом хоҳем кард.”

Аммо оқои Қаршибоев дар маҷмӯъ муносибати мақомоти интизомӣ бо хабарнигорони расонаҳои хориҷиро ноҳамвор арзёбӣ кард. Вай гуфт: “Онҳо (мақомот) фикр мекунанд хабарнигорони хориҷӣ гапи хонаро ба берун хабар медиҳанд, камбудӣ ва мушкилотро мегӯянд.”

[b]»Марде беғараз»[/b]

Рӯзи гузашта сафорати Бритониё дар Тоҷикистон низ дар баёнияе аз мақомоти тоҷик хоста буд, ки хабарнигори боздоштшудаи Би-би-сиро фавран озод кунанд. Сафири Бритониё ҳамчунин нигаронии худро дар ин маврид дар дидоре бо мақомҳои Вазорати умури хориҷаи Тоҷикистон матраҳ кардааст.

Сервиси ҷаҳонии Би-би-сӣ низ рӯзи гузашта бо пахши баёнияе хостори озодии Урунбой Усмонов шуд. Дар баёнияи Би-би-сӣ аз ҷумла омада: «Би-би-сӣ шеваи бархӯрди мақомот бо оқои Усмоновро ба ҳангоми боздошт маҳкум мекунад, бавижа ин ки ӯ аз иҷозаи дастрасӣ ба вакили мудофеъро надоштааст.»

Зимнан, дар севумин рӯзи боздошти оқои Усмонов, вай ҳануз иҷозаи тамос бо фарзандону пайвандонашро нагирифта ва вакили мудофеъаш низ бо ӯ мулоқот накардааст.

Урунбой Усмонови 60-сола, ки тайи даҳ соли ахир барои бахши Осиёи Миёнаи Би-би-сӣ кор мекунад. Яке аз ҳамкорони вай мегӯяд: «Урунбой бисёр шуҷоъ ва меҳрубон ва табиъатан боинсоф аст. Вай нисбат ба ҳеч кас ғаразе надорад ва дар ҳеч кас хубию бадиро намебинад, комилан бетараф аст.»

Пайвандони оқои Усмонов бори охир ӯро рӯзи чаҳоршанбе дар хонааш ба ҳамроҳи кормандони интизомиву амниятие дидаанд, ки ба такурӯ кардани манзили вай машғул буданд. Онҳо мегӯянд, ки дар чеҳраи ӯ осори лату кӯб ба мушоҳида мерасид.

Худи ӯ низ гуфтааст: «Агар ончи шаби гузашта бо ман карданд, такрор шавад, шояд дер напоям.»

Источник: http://www.bbc.co.uk/tajik/institutional/2011/06/110616_sq_urunboy_statement.shtml

[b]АМВАОМТ ва ХГДҲЖТ аз боздошт шудан ва ба ҳабс гирифтани журналист Усмонов изҳори ташвиш мекунанд [/b]

ш. Душанбе, 16 июни соли 2011

Анҷумани миллии воситаҳои ахбори оммаи мустақили Тоҷикистон (АМВАОМТ) ва Хазинаи гиромидошт ва дифоъ аз ҳифзи ҳуқуқи журналистони Тоҷикистон (ХГДҲЖТ) бинобар ба ҳабс гирифтани журналист Уринбой Усмонов – хабарнигори хадамоти ӯзбекии радиои Би-Би-Си дар вилояти Суғд изҳори ташвиш мекунанд. Тибқи иттилои адвокат Файзинисо Воҳидова, айбҳои ба журналист эълоншуда ба фаъолияти касбии вай алоқаманд мебошанд, «гӯё дар маводи омодакардааш ӯ ба воситаи радиои Би-Би-Си ғояҳои «Ҳизб-ут-таҳрир»-ро тарғиб менамудааст».

Хадамоти мониторинги анҷуман инчунин дар бораи шароити боздошт намудан, ҳабси журналист ва чорабиниҳои тафтишотии нисбат ба У.Усмонов татбиқшаванда иттилои пурихтилоф дастрас менамояд. Бо ҳамин сабаб, аз мақомоти ҳифзи қонун талаб менамоем, ки меъёрҳои мурофиавӣ нисбат ба журналист катъият риоя карда шаванд. Дар шароити демократия ва волоияти қонун, ки онҳоро конститутсия эълом доштааст, ба ҷуз бо ҳукми суд, ягон нафарро гунаҳкор эълон кардан мумкин нест.

АМВАОМТ ва ХГДҲЖТ ҳамчунин вазъи баамаломадаро таҳти назорат қарор дода, вобаста ба парвандаи У.Усмонов, бо мақсади муайян кардани робитаи айбҳои эъломгардида ба фаъолияти журналистии мавсуф, тамоми иттилооти ҷамъ оварда, таҳлил менамоянд. Дар ҳолати муқаррар гаштани чунин фактҳо, анҷуман ва шарикони он омодаанд ба ҳамкасби худ кӯмакҳои хамачонибаи хукуки бирасонанд.

[b]Нуриддин ҚАРШИБОЕВ,
Раиси АМВАОМТ

Мухтори БОҚИЗОДА,
Раиси ФГҲҲЖТ[/b]

Источник:

[b]Дар Душанбе мизи гирде таҳти унвони «Олам дар марҳилаи таҳаввулоти рушд ва мушкилоти асри 21 дар сиёсати иқтисодӣ ва молӣ» баргузор шудааст.[/b]

Дар ин мизи гирд Йоаҳим Пфайффер, узви Бундестаки Олмон ва ҳамоҳангсози масоили энергетикӣ, вакилони порлумони Тоҷикистон, иқтисоддонону коршиносон ширкат доштанд.

Ин мизи гирд ба ибтикори Сандуқи Конрад Аденауэр дар Осиёи Марказӣ ва НАНСМИТ ва ё Анҷумани миллии расонаҳои мустақили хабарии Тоҷикистон баргузор шуд.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=73]http://www.taj.nansmit.tj/analysis/?id=73[/url]

Зулфиқори Исмоилиён

Источник:

[b]Дар Душанбе мизи гирде таҳти унвони «Олам дар марҳилаи таҳаввулоти рушд ва мушкилоти асри 21 дар сиёсати иқтисодӣ ва молӣ» баргузор шудааст.[/b]

Дар ин мизи гирд Йоаҳим Пфайффер, узви Бундестаки Олмон ва ҳамоҳангсози масоили энергетикӣ, вакилони порлумони Тоҷикистон, иқтисоддонону коршиносон ширкат доштанд.

Ин мизи гирд ба ибтикори Сандуқи Конрад Аденауэр дар Осиёи Марказӣ ва НАНСМИТ ва ё Анҷумани миллии расонаҳои мустақили хабарии Тоҷикистон баргузор шуд.

Бо вуҷуди он, ки Йоаҳим Пфаффер, узви Бундестаки Олмон барномаҳои энержии Тоҷикистонро хеле ҷолиб арзёбӣ кард, Йоаҳим Пфаффер, узви Бундестаки Олмон аммо аз вуҷуди фасоди молӣ дар ин кишвар, ки ба як омили рушд накардани иқтисод мунҷар шудааст, изҳори ташвиш кард. Вай гуфт, ки Олмон бо Тоҷикистон дар бахшҳои мухталиф, аз ҷумла дар иҷрои Барномаи КАСА -1000 низ ҳамкорӣ дорад. Аммо ба гуфтаи вай масъалаи сармоя ва сармоягузорӣ ин чизи дигар аст.

Вай афзуд: «Табиист, ки ҳеҷ як сармоягузор пулашро ба иҷрои коре сарф намекунад, ки оқибаташ норӯшан бошад ва сармояашро баргардонда натавонад. Дар инҷо кафолат ё тазмини давлат ва ё Утоқи бозаргонии Тоҷикистон зарур аст. Сармоягузор бояд донад, ки пули вай дар куҷо масраф мешавад.»

Ба гуфтаи ин вакили Бундестаки Олмон, чунин риск дар Тоҷикистон хеле зиёд аст ва сармоягузор ҳамеша андеша мекунад. Олимҷон Бобокалонов, муовини раиси Маркази таҳқиқоти стратегии назди президенти Тоҷикистон низ ба ин иддао мувофиқ аст ва омили дигарро набудани кадрҳои ҳирфаӣ дар ин кишвар хонд ва гуфт: «Идораҳои давлатӣ ва бахши тавлидӣ мувофиқи талаб ба кадрҳои ҳирфаӣ таъмин нестанд. Дар ҳоли ҳозир Тоҷикистон ба муҳандисони ҳирфаӣ-менеҷмент ва дигар мутахассисон ниёз дорад.»

Дар ҳамини ҳол ба таъкиди Йоаҳим Пфаффер, Стратегияи Аврупо, ки соли 2007 барои кишварҳои Осиёи Миёна тарҳрезӣ шудааст, барои ҳалли ҳамин мушкилот дар минтақа кӯмак мекунад. Ҷаноби Пфаффер ҳадаф аз ин стратегия ва ё дурнамои Иттиҳоди Аврупоро чунин тавзеҳ дод: «Олмон ва Аврупо бар суботи сиёсӣ дар Осиёи Миёна алоқаманданд ва ҳадафи аслии ин стратегия, мусоидат ба субот дар ин минтақа бо иҷрои барномаҳои мухталиф, ки тавонанд рушди иқтисодро таъмин кунанд, равона шудааст.»

Аммо Муҳиддин Кабирӣ, раиси ҲНИТ ва вакили парлумони Тоҷикистон дар робита ба ҳадафи ин стратегия назари дигар дорад. Вай мегӯяд: «Бар асоси ин стратегия, Аврупо ба Осиёи Миёна ҳамчун ба як нуктаи бензинфурӯшӣ ва газфурӯшии захиравӣ дар оянда нигоҳ мекунад. Ва Тоҷикистон дар оянда агар тавонад, захираҳои оби худро ба барқ табдил дода даромад ба даст биорад, дар он сурат алоқамандии Аврупоро мисли газу нафти Узбакистону Туркманистон ба даст хоҳад овард.»

Ба таъкиди ҷаноби Кабирӣ, алоқамандии Ғарб ба Тоҷикистон дар сурате пайдо хоҳад шуд, ки Тоҷикистон иқтисоди воқеии бозориро роҳандозӣ кунаду аз усул ва шеваҳои фармонфармоӣ дар иқтисоду иҷтимоъ, ки аз замони Шӯравӣ ба мерос гирифтааст, даст кашад. Вай гуфт, ки мо ҳоло ба маънои томаш иқтисоди бозорӣ надорем, балки иқтисоди мо як бозорро мемонад.

Йоҳам Пфаффер, то ҷое ба иддаоҳо мувофиқат кард ва дар сӯҳбат бо РО гуфт, иҷрои барномаҳои умдаи иқтисодӣ, аз ҷумла сохтмони нерӯгоҳи Роғун, ки барои ҳам Тоҷикистон ва ҳам кишварҳои дигари минтақа муфид аст, ба пуштибонии Аврупо ва ё Олмон ниёз надорад, балки Тоҷикистонро зарур аст, худаш мухолифат бо Узбакистонро бо роҳи гуфтугӯ ва ё ҷалби Узбакистон дар иҷрои ин барнома ҳал кунад. Дар сурате, ки ин масъала ҳал шуд, кишварҳои Аврупо дар иҷрои ин барнома ба Тоҷикистон кӯмак хоҳанд кард.

Зулфиқори Исмоилиён

Источник: http://www.ozodi.org/content/article/24237679.html

[b]«Ҷаҳон дар марҳиллаи таҳаввулоти рушд: мушкилоти нави қарни 21 дар сиёсати молиявӣ ва иқтисодӣ», таҳти чунин унвон дар Душанбе, бо ибтикори Анҷумани миллии васоити ахбори оммаи мустақили Тоҷикистон, бо мусоидати Хазинаи Конрада Аденаураи Олмон нишаст баргузор гардид, ки дар он коршиносони масоили сиёсию иқтисодӣ, вакилони парлумони Тоҷикистону Олмон ва намояндагони васоити ахбори омма ширкат варзиданд.[/b]

Раиси АМВАОМТ Нуриддин Қаршибоев ва намояндаи ваколатдори Хазинаи Конрада Аденаура дар Осиёи Марказӣ Томас Кунсе баргузории чунин чорабиниро қадами муассире бобати таҳлил ва баррасии амиқи масоили муҳими марбут ба вазъи сайёра дар шароити таҳаввулот ва вазъи иқтисодию молиявии ҷаҳон, хусусан Тоҷикистон ва Олмон арзёбӣ карданд.

Дар нишаст узви Бундестаги Олмон, ҳамоҳангсоз оид ба масъалаҳои энергетикӣ, раис оид ба масъалаҳои сиёсию иқтисодии фраксияи ХДС/ХСС дар Бундестаги Олмон Йоахим Пфайффер доир ба вазъи феълии иқтисодии Олмон дар шароити бӯҳрони молӣ, дастовардҳои ин кишвар дар бахши иқтисоду тиҷорат, энергетика, коммуникатсяи ва сатҳи иҷтимоии аҳолии Олмон табодули назар кард. Мавсуф гуфт, ки бӯҳрони молиявии ҷаҳонӣ чун дигар кишварҳои ҷаҳон ба иқтисодиёти Олмон таъсири худро расонидааст. Ҷиҳати бартараф намудани бӯҳрони молӣ роҳбарияти кишвараш тадбирҳои мушаххаси зиддибӯҳрониро андешидааст. Ин аст, ки вазъи молиявӣ ва иқтисодии Олмон дар қиёс ба дигар кишварҳои Иттиҳоди Аврупо, ки теъдодашон ба 27 давлат мерасад, беҳтар ва сатҳи баланд қарор дорад.

Узви Бундестаги Олмон ҳамзамон, доир ба ҳамкории мутақобилан судманди Тоҷикистону Олмон ибрози назар карда, афзуд ки бо вуҷуди оне, ки ҳар ду давлат аз ҳамдигар дар масофаи тӯлонӣ воқеъ гардидаанд, захираҳои бои обию энергетикӣ ва туристии Тоҷикистон имкон медиҳанд, ки Олмон дар ин бахш бо Тоҷикистон ҳамкории густурдаро ба роҳ монад. Мавсуф афзуд, ки бо назардошти шароити мусоиди рушди соҳибкорӣ, шаффофият ва кафолати амнияти соҳибкорони хориҷӣ дар Тоҷикистон, соҳибкорони олмонӣ имкон доранд дар бахши энергетика, хусусан истифодаи сарфаҷӯёнаи он ва туризм ҳамкории самарабахшро ба роҳ монанд.

Дар фарҷоми нишаст рӯзноманигорони тоҷик ба саволҳои сершумори худ, ки фарогири масъалаҳои марбут ба рушди таҳаввулот дар ҷаҳони муосир, вазъи иқтисодию молии онро дар бар мегирифт, аз узви Бундестаги Олмон посухҳои мушаххас гирифтанд.

АМИТ «Ховар»

Источник: http://khovar.rs.tj/taj/index.php?option=com_content&task=view&id=19247&Itemid=13

[b]Кумитаи дифоъ аз журналистон боздошти Урунбой Усмоновро «сонсур»-и матолиби ҳассоси сиёсӣ ва динӣ номид.[/b]

Кумитаи дифоъ аз журналистон (CPJ — Committee to Protect Journalists) боздошти хабарнигори Би-Би-Сӣ дар Тоҷикистон Урунбой Усмоновро маҳкум кард ва хостори озодии фаврии ӯ шуд.

Ин дар ҳолест, ки мақомоти интизомии Тоҷикистон Усмоновро узви гурӯҳи мамнӯи Ҳизб-ут-таҳрир мешуморанд ва мегӯянд, вай дар таблиғи матолиби ин созмон ва даъвати аҳолӣ барои пайвастан ба он саҳм гирифтааст.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=72]http://www.taj.nansmit.tj/analysis/?id=72[/url]

Источник:

[b]Кумитаи дифоъ аз журналистон боздошти Урунбой Усмоновро «сонсур»-и матолиби ҳассоси сиёсӣ ва динӣ номид.[/b]

Кумитаи дифоъ аз журналистон (CPJ — Committee to Protect Journalists) боздошти хабарнигори Би-Би-Сӣ дар Тоҷикистон Урунбой Усмоновро маҳкум кард ва хостори озодии фаврии ӯ шуд.

Ин дар ҳолест, ки мақомоти интизомии Тоҷикистон Усмоновро узви гурӯҳи мамнӯи Ҳизб-ут-таҳрир мешуморанд ва мегӯянд, вай дар таблиғи матолиби ин созмон ва даъвати аҳолӣ барои пайвастан ба он саҳм гирифтааст.

Ноиби раиси Кумитаи дифоъ аз журналистон, Роберт Маҳоней гуфт: “Ин иттиҳомот зидди Урунбой Усмонов чизе бештар аз сонсури пӯшиши масъалаҳои ҳассоси сиёсӣ ва динӣ нест.” Вай афзуд, “мақомот бояд ӯро ба таври фаврӣ аз ҳабс озод кунанд.”

Кумитаи дифоъ аз журналистон ҳамчунин лату кӯби Усмоновро дар боздоштгоҳ, ки аз забони пайвандонаш маълум шудааст, маҳкум кардааст.

Дар ҳамини ҳол Намояндаи Созмони амният ва ҳамкории Аврупо дар умури озодии матбуот, Дуня Миятович низ аз боздошти хабарнигори Би-Би-Сӣ, Урунбой Усмонов, изҳори нигаронӣ кардааст.

Дар номае ба унвони вазири умури хориҷии Тоҷикистон, Ҳамроҳхон Зарифӣ, вай навиштааст: «Бо вуҷуди эҳтироми ман ба ҳуқуқи ҳукумат дар мубориза бо терроризм, шароити боздошти Усмонов ва рафтор бо ӯ, аз ҷумла радди ҳуқуқи ӯ ба вакили мудофеъ нигарониҳои марбут ба маҳдудияти озодии баёнро ба миён меоранд.»

Миятович гуфтааст, аз он нигарон аст, ки ин ҳабс мумкин як талоши дигари фишор ба журналистоне бошад, ки дар мавзӯъҳои ҳассос менависанд. Вай инчунин аз латукӯби Ҳикматулло Сайфуллозода ва ҳабсу муҳокимаи журналист Маҳмадюсуф Исмоилов ёдовар шудааст.

Урунбой Усмонов, бино ба хабари аҳли хонаводааш, рӯзи 13-уми июн аз коргоҳ ба хона барнагашт. Дертар, пас аз ҷустуҷӯҳои зиёд ва маъюскунандаи пайвандонашу ҳамкоронаш, маълум шуд, вай дар боздошти маъмурони амниятии Тоҷикистон қарор дошта, ба гуфти наздиконаш, шадидан лату кӯб шудааст.

Раҳбарияти шабакаи Би-Би-Сӣ хабарҳои бе ягон ҳимояи ҳуқуқӣ мондани Усмоновро шадидан маҳкум кардааст.

Дар ҳамин ҳол Сафорати Бритониё дар Душанбе хостори таҳқиқи ҳар чӣ зудтари қазияи боздошти Урунбой Усмонов, хабарнигори бахши узбакии Радиои ВВС дар шаҳри Хуҷанд шудааст.

Источник: http://www.ozodi.org/content/article/24237495.html

[b]Кенет Гросс, сафири Амрико дар Тоҷикистон аз боздошти хабарнигори бахши узбакии ББС изҳорӣ нигаронӣ кардааст.[/b]

Ҷаноби Гросс дар як изҳороти видеоӣ, хостори таҳқиқи мунсифонаи парвандаи Урунбой Усмонов шудааст. Вай мегӯяд:

«Сафорати Иёлоти Муттаҳида дар Тоҷикистон дар робита ба боздошти хабарнигори Би-Би-Сӣ Урунбой Усмонов нигаронии амиқи хешро изҳор медорад, ки рӯзи 13-уми июн дар Хуҷанд бо иттиҳоми узвият дар Ҳизб-ут-таҳрир боздошт шудааст. Мо аз мақомоти давлат даъват мекунем, иддаоҳои бадрафтории маъмурони амниятӣ бо ҷаноби Усмоновро ба таври мукаммал таҳқиқ намуда, ба меъёрҳои байнулмилалии шаффофияти додгоҳӣ арҷ гузоранд. Ба эътиқоди мо, хабарнигорон набояд барои навиштаҳояшон табъиз ё зиндонӣ шаванд. Аз ин рӯ мо даъват мекунем, дар сурати набуди ҳеҷ гуна далели фаъолиятҳои ғайриқонунӣ ӯ бояд фавран озод карда шавад.»

Сафири Амрико аз мақомот хостааст, ки қазияи ин хабарнигорро бар асоси меъёрҳои байналмилалӣ анҷом дода дар сурати набудани далелҳои қотеъ ва надоштани гуноҳ, ӯро аз боздошт раҳо намоянд.

Источник: http://www.ozodi.org/content/article/24237199.html

[b]Мақомҳои амниятии Тоҷикистон Урунбой Усмонов, хабарнигори боздоштшудаи Би-би-сӣ-ро дар таҳрики хушунати миллӣ, нажодӣ, маҳаллӣ ва мазҳабӣ, шомил шудан дар гурӯҳи ҷиноӣ ва тавтеа барои сарнагунии давлати ин кишвар мазнун медонанд.[/b]

Додгоҳи шаҳри Хуҷанд рӯзи 15-уми июн дастури ҳабси оқои Усмоновро барои ду моҳ содир кардааст.

Ин дар ҳолест, ки то ҳол пайвандон ва вакили мудофеъи Урунбой Усмонов бо вай мулоқот накардаанд.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=71]http://www.taj.nansmit.tj/analysis/?id=71[/url]

Источник: