[b]Созмони Гузоришгарони Бидуни Марз муҷаддадан аз мақомоти Тоҷикистон хостааст, ки Урунбой Усмонов, хабарнигори боздоштшудаи Би-би-сӣ дар шимоли ин кишварро, озод кунанд.[/b]

Ин созмон рӯзи чаҳоршанбеи 29 июн дар вокуниш ба фарохони ҷаҳонии кормандони Би-би-сӣ барои озодии фаврӣ ва беқайду шарти оқои Усмонов баёнияе интишор дода ва бори дигар нигаронии худро дар бораи вазъияти ӯ дар боздошт матраҳ кардааст.

[b]Баёнияи дувуми Гузоришгарони Бидуни Марз[/b]

Дар баёнияи Гузоришгарони Бидуни Марз омадааст: «Лағви иттиҳоми узвият дар гурӯҳе, ки фаъолияташ мамнӯъ аст, Ҳизби Таҳрир, нишон медиҳад, ки то чи андоза иттиҳомоти ворида алайҳи вай (Урунбой Усмонов) заъиф ва бепоя аст. Мақомот ҳоло мехоҳанд обрӯи худро ҳифз кунанд. Иттиҳомоти тоза алайҳи вай беасос аст ва озодии матбуъотро ҷиддан нақз мекунад.»

Қаблан Файзинисо Воҳидова, вакили мудофеъи Урунбой Усмонов, эълом карда буд, ки дар ҷараёни тафтишот ва бозҷӯйиҳои чанд рӯзи ахир собит шудааст, ки вай ҳаргиз узви Ҳизби Таҳрир набуда ва иттиҳоми узвият алайҳи ӯ лағв шудааст. Клик
Гузорише дар ин бора

Хонуми Воҳидова ин суханонро рӯзи сешанбе пас аз дидори намояндагони Би-би-сӣ бо Урунбой Усмонов дар идораи амнияти вилояти Суғд дар ҳузури кормандони амниятӣ низ такрор кард.

[b]Гузорише дар ин бора[/b]

Бо ин ҳол, ба гуфтаи вай, ҷониби бозрасӣ ҳоло мехоҳад бо такия ба бархе кутуб ва асноди Ҳизби Таҳрир, ки дар компютери кории оқои Усмонов пайдо шудаанд, ӯро ба «ҳамдастӣ» ё «хабар надодан ба мақомоти марбута» дар бораи мулоқоташ бо аъзои эҳтимолии ин ҳизб муттаҳам кунад.

Вале ҳам Урунбой Усмонов, ҳам вакили мудофеъаш ва ҳам Би-би-сӣ мегӯянд, ки мулоқоти оқои Усмонов бо аъзои эҳтимолии Ҳизби Таҳрир дар чорчӯби фаъолиятҳои хабарнигорияш сурат гирифтааст.

Хонуми Воҳидова мегӯяд оқои Усмонов ба унвони як хабарнигор, ки корти хабарнигорӣ дорад, наметавонист манобеъи хабарияшро ифшо кунад ё дар бораи онҳо ба мақомоти марбута иттилоъ бидиҳад ва ин амр дар мавозини байналмилалӣ ва қавонини марбут ба расонаҳо ва матбуъот дар Тоҷикистон сабт шудааст.

Созмони Гузоришгарони Бидуни Марз низ бар ҳамин нукта таъкид кардааст: «Чунончи мо дар замони боздошти Урунбой Усмонов ҳам гуфта будем, нигоҳдории асноди Ҳизби Таҳрир ва мулоқот бо ду нафар аз аъзои эҳтимолии ин гурӯҳ бахше аз фаъолияти рӯзноманигории вай барои таҳқиқи бештар дар бораи фаъолияти ин гурӯҳи мамнӯъшуда дар Тоҷикистон аст.»

Намояндагони Би-би-сӣ ва вакили мудофеъи Урунбой Усмонов, ки рӯзи сешанбе дар идораи амнияти маҳаллӣ дар вилояти Суғд бо ӯ дидор доштанд, мегӯянд, ки аз вазъияти равонӣ ва ҷисмонии оқои Усмонов башиддат нигаронанд. Клик
Гузорише дар ин бора

Ба гуфтаи онҳо, ҳарчанд оқои Усмонов пас аз даҳ рӯзи боздошт аз идораи амният ба боздоштгоҳ мунтақил шуда ва мумкин аст аз хадамоти пизишкӣ бархӯрдор шуда бошад, вале вазъияти саломатии ӯ, ки аз бемории қанд ва заъфи дил ранҷ мебарад, бисёр нигаронкунанда аст.

Гузоришгарони Бидуни Марз дар истинод ба Файзинисо Воҳидова, вакили мудофеъи оқои Усмонов мегӯяд, ки «мо намедонем, ки дар шаби аввали боздошти оқои Усмонов бо ӯ чи гузашт.»

Ба гуфтаи хонуми Воҳидова, ҳарчанд оқои Усмонов дарвоқеъ рӯзи душанбеи 13 июн тавассути маъмурони вижаи пулис боздошт шуд, вале бозраси амниятӣ ӯ ва парвандаи ӯро танҳо субҳи рӯзи дигар таҳвил гирифта ва дар асноди идораи амният боздошти ӯ 14 июн сабт шудааст.

Гузашта аз ин, вакили мудофеъи оқои Усмонов то кунун бо муваккилаш дидори якбаяк надошта ва ҳамаи мулоқот ва дидорҳояш бо ӯ дар ҳузури маъмурони амниятӣ сурат гирифтааст. Хонуми Воҳидова умедвор аст рӯзҳои оянда бо муваккилаш дидори якбаяк дошта бошад.

Дар ҳамин ҳол, баъд аз зӯҳри рӯзи чаҳоршанбе хабарнигорон ва мудирони бахшҳои мухталифи Би-би-сӣ бори дигар як ҳамоиши эътирозӣ дар назди сохтмони Сервиси ҷаҳонии Би-би-сӣ дар Лондон, дар иртибот бо боздошти Урунбой Усмонов, хабарнигори ин шабака дар шимоли Тоҷикистон, барпо карданд.

[b]Ҳамоиши дувуми Би-би-сӣ: «Урунбой Усмоновро озод кунед!»[/b]

Ҳафтаи гузашта низ дар рӯзи чаҳоршанбе чунин ҳамоише дар назди сохтмони Сервиси ҷаҳонии Би-би-сӣ доир шуда буд. Би-би-сӣ тасмим гирифтааст ҳар рӯзи чаҳоршанбе, то замони озодии оқои Усмонов, чунин ҳамоишҳои эътирозӣ баргузор кунад.

Баргузории ин ҳамоиш дар ҳолест, ки мақомҳои амниятӣ дар вилояти Суғд ахиран аз иттиҳоми «узвият дар Ҳизби Таҳрир», ки пештар алайҳи оқои Усмонов матраҳ карда буданд, сарфи назар кардаанд.

Би-би-сӣ мегӯяд дигар ҳеч баҳонае барои нигоҳдории Урунбой Усмонов дар боздошт вуҷуд надорад ва аз он ибрози нигаронӣ карда, ки мумкин аст идомаи боздошти ӯ бар вазъияти саломатии ин хабарнигори 59-сола асароти манфӣ барҷо гузорад.

Питер Ҳоррокс, раҳбари Сервиси ҷаҳонии Би-би-сӣ, низ рӯзи 24 июн дар номае аз Эмомалӣ Раҳмон, раиси ҷумҳурии Тоҷикистон, хостааст, ки ба озодии Урунбой Усмонов мусоъидат кунад.

Вале раиси ҷумҳурии Тоҷикистон ҳанӯз ҳеч посухе ба ин нома ва муроҷиъатномаи аҳли хонаводаи Урунбой Усмонов, ки рӯзи 18 июн ба дафтари раёсати ҷумҳурӣ ирсол шуда буд, надодааст.

Источник: http://www.bbc.co.uk/tajik/institutional/2011/06/110630_ea_rsf_usmanov.shtml

[b]Созмони Гузоришгарони Бидуни Марз муҷаддадан аз мақомоти Тоҷикистон хостааст, ки Урунбой Усмонов, хабарнигори боздоштшудаи Би-би-сӣ дар шимоли ин кишварро, озод кунанд.[/b]

Ин созмон рӯзи чаҳоршанбеи 29 июн дар вокуниш ба фарохони ҷаҳонии кормандони Би-би-сӣ барои озодии фаврӣ ва беқайду шарти оқои Усмонов баёнияе интишор дода ва бори дигар нигаронии худро дар бораи вазъияти ӯ дар боздошт матраҳ кардааст.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=92]http://www.taj.nansmit.tj/analysis/?id=92[/url]

Источник:

[b]Иттиҳодияи Урупо бори дигар дар бораи қазияи боздошти хабарнигори Би-би-сӣ дар Тоҷикистон нигаронии худро иброз доштааст.[/b]

Дар баёнияи Катерин Эштон, намояндаи умури хориҷии Иттиҳодияи Урупо дар Ландан ва муъовини раиси Иттиҳодияи Урупо, омадааст, ки ин иттиҳодия бар нигаронии худ дар заминаи боздошти Ӯрунбой Усмонов, хабарнигори Би-би-сӣ дар Тоҷикистон, таъкид мекунад.

Ин баёния дар пайи мусоҳибаи Мая Касиянчич, сухангӯйи хонуми Эштон, бо Би-би-сӣ мунташир шуд.

Хонуми Касиянчич гуфт, ки шарикони урупоии Тоҷикистон ҳамзамон бо нигарониҳояшон аз вазъи озодии матбуъот дар ин кишвар ин қазияро таҳти назар доранд.

Вай афзуд дар ҳоле ки Иттиҳодияи Урупо аз боздошти оқои Усмонов дилвопас аст, ин созмон итминони Би-би-сиро дар бораи ин, ки вай бо созмони Ҳизби Таҳрир ҳеч иртиботе надорад, пазируфтааст.

Хонуми Касиянчич ба Би-би-сӣ гуфт: “Мо аз мақомоти Тоҷикистон даъват мекунем, ки иддаъоҳо дар бораи бадрафторӣ нисбат ба оқои Усмонов ва нақзи муқаррароти қонун ба ҳангоми боздошташро таҳқиқ кунанд. Мо ҳамчунин исрор мекунем, ки оқои Усмонов ба муҳокимаи одилона ҳақ дорад.”

Иттиҳодияи Урупо, ба гуфтаи хонуми Касиянчич, раванди таҳқиқи парвандаи оқои Усмоновро тавассути суфарои кишварҳояш дар Душанбе ва Бруксел ва тавассути Созмони Амният ва Ҳамкории Урупо пайгирӣ мекунад.

Иттиҳодияи Урупо ҳамчунин дар бораи вазъи озодии баён дар Тоҷикистон ибрози нигаронӣ карда ва мегӯяд, ки дар солҳои ахир дар ин кишвар раванди манфие, назири масдуд кардани сойтҳо ва фишор бар нашрияҳо ва чопхонаҳо тавассути мақомоти давлатӣ мушоҳида шудааст.

Сухангӯйи муъовини раиси Иттиҳодияи Урупо гуфт: “Ин раванд тавсеъаи чандандешӣ, матбуъоти озод ва мустақил дар кишварро, ки мо тарафдораш ҳастем, таҳдид мекунад. Ва мо исрор дорем, ки давлати Тоҷикистон ин раванди манфӣ дар робита бо озодии матбуъотро маъкус кунад (баргардонад).”

Ӯрунбой Усмонов рӯзи 13-уми июни соли ҷорӣ тавассути маъмурони интизомӣ боздошт шуда ва сипас, ба идораи амнияти маҳаллӣ дар вилояти Суғд таҳвил дода шуд. Пайвандони ин хабарнигори бахши Осиёи Миёнаи Би-би-сӣ дар Хуҷанд танҳо пас аз як рӯз дар бораи боздошти ӯ огоҳ шуданд.

Дар ҳоле ки нигарониҳое дар бораи вазъи саломатӣ ва эҳтимоли бадрафторӣ ва озори ҷисмонӣ нисбат ба оқои Усмонов матраҳ буд, оқои Усмонов танҳо пас аз гузашти як ҳафта бо вакили мудофеъаш барои бори нахуст дар ҳузури маъмурони амниятӣ дидор кард.

Қаблан оқои Усмонов ба узвият дар созмони мамнӯъи Ҳизби Таҳрир муттаҳам шуда буд, аммо ахиран вакили мудофеъи вай гуфт, ки тафтишоти муқаддамотӣ далоил барои исботи чунин иттиҳомро рад кардааст.

Акнун ҷониби бозрасӣ талош дорад, оқои Усмоновро ба пинҳон нигоҳ доштани «иттилоъоти зарурӣ барои мақомот» дар бораи фаъолияти аъзои Ҳизби Таҳрир муттаҳам кунад.

Аммо вакили мудофеъи оқои Усмонов мегӯяд, ин хабарнигори Би-би-сӣ иттилоъотеро, ки дар мавриди ин ҳизб дар ихтиёр дошт, дар чорчӯби фаъолиятҳои хабарнигорияш наметавонист ба мақомот таҳвил бидиҳад.

Шабакаи хабарии Би-би-сӣ, сафоратҳои кишварҳои ғарбӣ дар Тоҷикистон ва созмонҳои мухталифи мудофеъи ҳуқуқи башар, монанди Иттиҳодияи Урупо, Созмони Амният ва Ҳамкории Урупо, Гузоришгарони Бидуни Марз, Афви Байналмилал, Гурӯҳи Байналмилалии Бӯҳрон, Кумитаи Дифоъ аз Рӯзноманигорон ва дигарон аз роҳи интишори баёнияҳо, изҳорот ва мусоҳибаҳо нигаронии шадиди худро аз боздошти хабарнигори Би-би-сӣ дар ин кишвар иброз доштаанд.

Рӯзи чаҳоршанбеи 29 июн ва ҳар чаҳоршанбе то замони озод шудани Ӯрунбой Усмонов дар рӯбарӯйи сохтмони Сервиси ҷаҳонии Би-би-сӣ дар Ландан ҳамоиши эътирозии хабарнигорони Би-би-сӣ нисбат ба ин қазия баргузор мешавад.

Источник: http://www.bbc.co.uk/tajik/institutional/2011/06/110629_sq_urunboy_eu.shtml

[b]Раиси Кумитаи радио ва телевизиони Тоҷикистон ба пурсишҳои хонандагони торнамои Радиои Озодӣ посух гуфт.[/b]

Мизони суолҳои ироашуда тавассути хонандагон ба раиси Кумитаи радио ва телевизиони Тоҷикистон дар қиёс ба меҳмонони қаблии «Гуфтугӯи мустақим» бесобиқа буд. Ҷаноби Раҳмонов низ ин амрро далели таваҷҷӯҳи зиёди мардум ба фаъолияти ин кумита ва шабакаҳои радиоӣ ва телевизионии Тоҷикистон арзёбӣ кард.

Асадуллоҳ Раҳмонов, аз рӯи имконот ва диди хеш ба аксари кулли суолҳо посух гуфт, ки бештари онҳо ба фаъолияти шабакаҳои давлатии радио ва телевизони Тоҷикистон, мӯҳтавои барномаҳо, ҳавзаи пахши барномаҳои радио ва телевизион рабт дошт.

Пахши филмҳои хориҷӣ ва таъсири фарҳанги бегона, набуди барномаҳои диниву маърифатӣ дар шабакаҳои давлатӣ, интихоби нодурусти кадрҳо дар Кумита ва шабакаҳои телевизионӣ ва вуҷуди маҳалгароӣ аз дигар масоиле буд, ки дар суоли хонандагону истифодабарандагони сомона матраҳ гардидааст.

Посухҳои Асадуллоҳ Раҳмонов, раиси Кумитаи радио ва телевизиони Тоҷикистон ба ин суолҳоро дар гӯшаи «Гуфтугӯи мустақим» метавонед дарёфт кунед.

Источник: http://www.ozodi.org/content/article/24249997.html

[b]Созмони Хонаи Озодӣ ва ё Freedom House фазои ҳоким дар паҳнои шӯравии пешинро чун вазъи бӯҳронии ҷаҳони араб осебпазир медонад.[/b]

Раиси пажӯҳишгоҳи Freedom House Кристофер Волкар дар сӯҳбати вижа бо хабарнигори Радиои Озодӣ Никола Крастев гуфтааст, ки рушди ниҳодҳои демократӣ дар Молдова ва Гурҷистон ба чашм мехӯрад. Дар айни замон Волкар бар пояи як пажӯҳиши соли 20101-ум гуфтааст, агар ҷамоҳири назди баҳри Балтикро истисно намоем, 80 дар сади аҳолии кишварҳои собиқ Шӯравӣ зери ҳукми низомҳои худкома ба сар мебаранд.

Раиси пажӯҳишгоҳи Freedom House Кристофер Волкар мегӯяд, соли равон ин муассиса вазъи 29 кишвари собиқ Шӯравиро ба баррасӣ гирифта, ба хулосае омадааст, ки дар кишварҳои минтақа таназзули масъулияти ниҳодҳои демократӣ эҳсос мешавад ва раҳбарони худкома бидуни кадом тағйире дар сари қудрат боқӣ мемонанду ҳеҷ ислоҳоте низ мадди назар надоранд. Ба қавли Волкар ин ҳамон вазъест, ки дар як идда кишварҳои Африқои Шимоливу Ховари Миёна дар арафаи инқилоби кишварҳои арабӣ ва ё ба истилоҳ баҳори арабӣ ҷой дошт.

Волкар меафзояд: “Мо бар пояи индекс ё худ шохисҳои демократӣ вазъи кишварҳои худкомаи собиқ Шӯравиро таҳқиқ намуда, дарёфтем, ки дар ин кишварҳо ислоҳоте татбиқ намешавад ва нишондиҳандаҳои демократии онҳо ба кишварҳои арабии мувоҷеҳ ба инқилоб шабоҳат доранд. Наметавон гуфт, ки кишварҳову ҷомеаи онҳо комилан шабеҳи ҳамдигаранд, вале вақте шумо мебинед, ки дар ин кишвар тағйири осоиштаи қудрат дар байни нерӯҳои сиёсӣ имкон надорад, ҳамчунон садои нерӯҳои муътадили сиёсӣ шунида намешавад ва бар илова фасод рушд намудаву ҳокимияти қонун сарфи назар мешавад, шабоҳатҳои низомҳо возеҳ мегарданд”.

Волкар ибрози нигаронӣ мекунад, ки вақте нерӯҳои муътадили сиёсӣ аз саҳнаи сиёсӣ канор партофта мешаванд, ҷои онҳоро нерӯҳои экстремистӣ ишғол мекунанд.

Ба ақидаи раиси пажӯҳишгоҳи Freedom House кишварҳои собиқ Шӯравии дорои захираҳои бузурги маводи сӯхт, ба монанди Русия аз истихроҷи нафту гази табиӣ мафоди бузурге ба оварда, зиёд дар фикри рушди соҳаҳои дигари хоҷагиҳояшон нестанд.

Аммо дар кишварҳои арабӣ инқилобҳо аз он сабаб сар задаанд, ки мардум аз ҳукми тӯлонии раҳбарони солхӯрдаи муттаҳам бо фасод ба дод омада буд. Дар мамолики собиқ Шӯравӣ бошад, аксаран раҳбарон ҷавонанд.

Дар ин бора Волкар мегӯяд: “Вақте раҳбарони худкомаи кишварҳои собиқ Шӯравиро таҳқиқ мекунед, мебинед, ки аз миёни нӯҳ раҳбар синни фақат ду нафар аз 70-сола боло аст: Президенти Узбакистон Ислом Каримов ва президенти Қазоқистон Нурсултон Назарбоев. Дигарон ҳама ҷавон ҳастанд: раҳбари Озарбойҷон Илҳом Алиев 49-сола аст. Раҳбари Тоҷикистон Эмомалӣ Раҳмон ва сарвазири Русия Владимир Путин 58–сола мебошанд. Президенти Русия Дмитрий Медведев аслан 45 сола аст. Агар мо амалкардҳои гузаштаи ин раҳбаронро мадди назар гирем, мебинем, ки онҳо солҳои тӯлонӣ курсиҳояшонро ҳифз карданианду ҳеҷ ислоҳоти назаррасе ҳам то ин замон татбиқ накардаанд, пас метавон тахмин кард, ки дар дурнамои сиёсии ин кишварҳо тағйири чашмгире мушоҳида нахоҳад шуд”.

Волкар мегӯяд, татбиқи ислоҳот дар кишварҳое, ки ба рукуди давомдор одат кардаанд, кори осон нест. Ӯ Мисрро мисол меорад, ки дар рӯ ба рӯи мероси сисолаи ҳукми Ҳуснӣ Муборак, яъне маъмурияти саршор аз камбудиву фасод қарор дорад, ки ислоҳ намудани он вақту нерӯи зиёд талаб мекунад.

Источник: http://www.ozodi.org/content/article/24249946.html

[b]Иттиҳодияи Урупо бори дигар дар бораи қазияи боздошти хабарнигори Би-би-сӣ дар Тоҷикистон нигаронии худро иброз доштааст.[/b]

Дар баёнияи Катерин Эштон, намояндаи умури хориҷии Иттиҳодияи Урупо дар Ландан ва муъовини раиси Иттиҳодияи Урупо, омадааст, ки ин иттиҳодия бар нигаронии худ дар заминаи боздошти Ӯрунбой Усмонов, хабарнигори Би-би-сӣ дар Тоҷикистон, таъкид мекунад.

[b]Матни пурраи гузоришро бо пахш кардни суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=91]http://www.taj.nansmit.tj/analysis/?id=91[/url]

Источник:

[b]Хабарнигорон ва масъулони Би-Би-Си бо Урунбой Усмонов, хабарнигори боздоштшудаи Би-Би-Си мулоқ намуданд.[/b]

Дар ин мулоқот, ки субҳи рӯзи 28 -уми июн доир шуд, Ҳамид Исмоил ва Исфандиёри Одина, раҳбарони бахшҳои осиёимиёнагӣ ва тоҷикистонии Би-Би-Си ва ду хабарнигори маҳаллӣ дар идораи раёсати амнияти Суғд мулоқот карданд. Ин дар ҳолест, ки рӯзе қабл Файзинисо Воҳидова, вакили дифоъи Усмонов гуфт, ки таҳқиқоти аввалияи парванда узвияти хабарнигори Би-Би-Си дар Ҳизби таҳрирро собит накард.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=90]http://www.taj.nansmit.tj/analysis/?id=90[/url]

Маъсуми Муҳаммадраҷаб

Источник:

[b]Хабарнигорон ва масъулони Би-Би-Си бо Урунбой Усмонов, хабарнигори боздоштшудаи Би-Би-Си мулоқ намуданд.[/b]

Дар ин мулоқот, ки субҳи рӯзи 28 -уми июн доир шуд, Ҳамид Исмоил ва Исфандиёри Одина, раҳбарони бахшҳои осиёимиёнагӣ ва тоҷикистонии Би-Би-Си ва ду хабарнигори маҳаллӣ дар идораи раёсати амнияти Суғд мулоқот карданд. Ин дар ҳолест, ки рӯзе қабл Файзинисо Воҳидова, вакили дифоъи Усмонов гуфт, ки таҳқиқоти аввалияи парванда узвияти хабарнигори Би-Би-Си дар Ҳизби таҳрирро собит накард.

Ҳамид Исмоилов, раҳбари бахши осиёимиёнагии Би-Би-Си дар суҳбат бо Озодӣ гуфт: «Вай, Урунбой Усмонов низ бар онаст, ки он чӣ кардааст, дар чаҳорчӯби фаъолияти касбии хабарнигории худ анҷом додааст. Ва зиёда аз ин коре накардааст. Ва чун ман ба ӯ гуфтам, ки дар ин бора Би – Би – Си ба раисҷумҳури Тоҷикистон номаи расмӣ ирсол доштааст, Усмонов ба кормандони раёсати амният изҳор дошт, ки он президенти Тоҷикистон дар ин кишвар ҷомеаи боадолатона бунёд карданист, аз ин рӯ умедвор аст масъулони парвандаи вай низ аз адолат кор хоҳанд гирифт.»

Вай афзуд, зимни суҳбати кӯтоҳмуддат бо Урунбой Усмонов, хабарнигори боздоштшудаи Би – Би – Си дар ҳузури вакили дифоъ ва муфаттиши парвандаи ӯ ҳоли ӯро ногувор дарёфт.

Вай афзуд: «Маро аз ҳама бештар ҳолати равониву рӯҳонии ӯ нигарон кард. Усмонов дар ҳолати басо руҳафтодагӣ қарор дорад. Ва ман диққати кормандони раёсати амниятро ба вазъи сиҳати ӯ ҷалб кардам, ки аз бемориҳои қалб ва қанд ранҷ мекашад ва гуфтам, ӯро, ки дар аъмолаш осори ҷиноят ошкор нашудааст, ҳар чӣ зуд озод кунанд, беҳтар аст».

Мақомоти тафтишотӣ ба далели пинҳон доштани сиррӣ тафтишотӣ аз ҳарф задан худдорӣ меварзанд. Аммо Файзинисо Воҳидова, ваккили дифоъи Усмонов мегӯяд, эҳтимол дорад тафтишот алайҳи зерҳимояаш айби пинҳон доштани вохӯрӣ бо аъзои ҳизб – ут – таҳрир дар ҷараёни фаъолияти журналистиаш, гирифтани адабиёти ин ҳизб аз онҳо ва дар ин бора расман ба мақомот хабар надоданро, мутобиқи банди 307 — и Асноди ҷиноии Тоҷикистон пешниҳод кунанд.

Ҳамин тавр, тафтиши пешакии парвандаи Урунбой Усмонов, хабарнигори боздоштшудаи Би – Би – Си ба ҷараёни дигар ворид мешавад. Ин ҳол маҳофили рӯзноманигории Тоҷикистонро ба имкони
«сафед шудан» ва раҳоии Усмонов хушбин кардааст.

Нуридин Қаршибоев, раҳбари Иттиҳолияи расонаҳои мустақили Тоҷикистон, Нансмит дар суҳбат бо Озодӣ гуфт, аз ҷараёни тафтишоти аввалияи парванда ва собит нашудани иртиботи Урунбой Усмонов бо ҳизб – ут – таҳрир истиқбол мекунад. Ба ақидаи оқои Қаршибоев, аз ҳама муҳим, дар ҷараёни тафтиши парванда бояд меъёрҳои байнулмилалӣ ва миллии озодии баён нақз нагардад.

Вай афзуд: «Ғайр аз ин, ба назари ман, зарур аст маводе, ки Урунбой Усмонов дар мавзӯъи бархӯрд бо ҳизб – ут – таҳрир навиштааст, бояд мавриди ташхиси ҷиддии забоншиносӣ қарор бигирад, то ин ки ба таври асоснок дар навиштаҳои ӯ мавҷуд будани даъват ба ин ҳизб радъ карда Нуриддин Қаршибоев, раиси АМРМТ
шавад. Ҳамчунин, мутобиқи меъёрҳои байнулмилалӣ ва қонуни Тоҷикистон дар бораи васоити ахбори омма рӯзноманигор дар сурати боз шудани парванда метавонад манобеъи худро ошкор созад».

Дар робита ба ин рӯзноманигор Абдувосит Салимзода мегӯяд:
«Урунбой Усмнов ба ҳайси як журналист кӯшиш мекард ба ҳар ҳодисаи муҳиме, ки дар шимоли Тоҷикистон рух медиҳад, баҳои воқеӣ бидиҳад. Вале ман ҳеҷ мушоҳида накардаам, ки вай дар гузоришҳои худ ақидаҳои ҳизб – ут – таҳрирро тарғиб мекарда бошад ё бо аъзои ин ҳизб ягон иртиботе дошта бошад. Умедворам баррасии қазияи вай одилона сурат мегирад ва исбот мегардад, ки агар вохӯриҳое ҳам бо аъзои ин ҳизб дошт, дар доираи фаъолияти рӯзноманигориаш анҷом гирифтааст».

Дар ҳамин ҳол Файзинисо Воҳидова, вакили дифоъи хабарнири боздоштшудаи Би — Би — Си мегӯяд, вай дар доираи салоҳиятҳои худ, ба ҳайси хабарнигори сабтиномшудаи расонаи хориҷӣ дар Тоҷикистон дар чаҳорчӯби Қонунҳои ин кишвар фаъолият мекард, ки ба хабарнигор пинҳон доштани манбаъи иттилоъотиии худро кафолат медиҳад.

Маъсуми Муҳаммадраҷаб

Источник: http://www.ozodi.org/content/article/24249058.html

[b]Файзинисо Воҳидова, вакили мудофеъи хабарнигори боздоштшудаи Би-би-сӣ дар Хуҷанд, гуфт, ки таҳқиқоти муқаддамотӣ узвияти муваккилашро дар Ҳизби таҳрир собит накардааст.[/b]

Мақомоти амниятии вилояти Суғд Ӯрунбой Усмоновро, ки рӯзи 13-уми июн пас аз кор ғайб зада буд ва танҳо пас аз як рӯз хабари боздошти вай ба хонаводааш расид, қаблантибқи моддаи 307 қонуни кайфарӣ ё ҷиноии Тоҷикистон ба узвият дар Ҳизби Таҳрир муттаҳам карда буд.

[b]Муатни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=89]http://www.taj.nansmit.tj/analysis/?id=89[/url]

Источник:

[b]Файзинисо Воҳидова, вакили мудофеъи хабарнигори боздоштшудаи Би-би-сӣ дар Хуҷанд, гуфт, ки таҳқиқоти муқаддамотӣ узвияти муваккилашро дар Ҳизби таҳрир собит накардааст.[/b]

Мақомоти амниятии вилояти Суғд Ӯрунбой Усмоновро, ки рӯзи 13-уми июн пас аз кор ғайб зада буд ва танҳо пас аз як рӯз хабари боздошти вай ба хонаводааш расид, қаблантибқи моддаи 307 қонуни кайфарӣ ё ҷиноии Тоҷикистон ба узвият дар Ҳизби Таҳрир муттаҳам карда буд.

Дар ҳоле ки таҳқиқоти муқаддамотии ин парванда таҳти назорати ҷомеъаи маданӣ ва фишорҳои созмонҳои байналмилалӣ ва кишварҳои хориҷӣ бар давлати Тоҷикистон барои озодии ин хабарнигор идома дорад, Файзинисо Воҳидова, вакили мудофеъи оқои Усмонов гуфт: «Дар натиҷаи гузаронидани як қатор амалиётҳои тафтишотӣ имрӯз пурра муъаян шуд, ки дар ҳақиқат журналисти бахши ӯзбекии Би-би-сӣ узви Ҳизби Таҳрир нест ва ягон вақт ба ин гурӯҳ шомил нашудааст.»

Вай афзуд: «Ман фикр мекунам, ки тарафи тафтишоти пешакӣ низ бо ин фикри мо розӣ аст, зеро ягон далел ба даст наомад, ки ин иттиҳомро исбот карда тавонад.»

Ба гуфтаи хонуми Воҳидова, моддаи 307-и Қонуни кайфарии Тоҷикистон, ки оқои Усмонов тибқи он муттаҳам шудааст, дорои чандин банди мухталиф, назири таъсиси ҳизби мамнӯъ, узвият дар он, фаъолият дар он ва ё хабар надодан дар бораи он аст.

Акнун, ба гуфтаи хонум Воҳидова бозрасон талош доранд, ки хабарнигори Би-би-сиро дар заминаи иттилоъ надодан ба мақомот дар бораи фаъолияти аъзои Ҳизби Таҳрир муттаҳам кунанд.

Аммо вай афзуд: “Касби журналистӣ нозукиҳои худро дорад, мо наметавонем журналистро дар қатори шаҳрванди одӣ гузорем ва гӯем, ки вай бояд ҳатман тамоми амалҳоеро, ки мебинад ё дарк мекунад, ба мақомот хабар диҳад. Ин бевосита ба ҳирфаи вай вобаста аст.”

Қаблан гузориш шуда буд, ки ду нафар аз аъзои Ҳизби Таҳрир, ки алайҳи оқои Усмонов шаҳодат дода буданд, дар ҷаласаи рӯбарӯ бо вай узви ин ҳизб будани оқои Усмоновро рад карданд.

Яке аз онҳо танҳо ин нуктаро таъйид кардаст, ки нусхае аз маҷаллаи ин ҳизбро ба ин хабарнигор таҳвил дода будааст. Оқои Усмонов дар ин ҷаласа гуфта буд, ки ин маҷалларо ба манзури мутолеъаи хабарнигорӣ дарёфт кардааст.

Вакили мудофеъи оқои Усмонов мегӯяд, ки исбот хоҳад кард, ки дар ин кирдори муваккилаш ҳеҷ “амали ҷиноятӣ” вуҷуд надоштааст.

Пас аз пахши хабари боздошти Ӯрунбой Усмонов, хабарнигори бахши Осиёи Миёнаи Би-би-сӣ дар шимоли Тоҷикистон, хонаводаи ин хабарнигор, созмонҳои байналмилалӣ ва намояндагони диплумотики кишварҳои ғарбӣ дар Тоҷикистон аз наҳваи боздошт ва эҳтимоли озори ҷисмонии ин хабарнигор ибрози нигаронии шадид карда буданд.

Нахуст шабакаи хабарии Би-би-сӣ ва сипас сафоратхонаҳои Бритониё ва Омрико, Иттиҳодияи Урупо, САҲУ, созмонҳои Гузоришгарони Бидуни Марз ва Кумитаи Дифоъ аз Рӯзноманигорон, Хонаи Озодӣ ва Афви Байналмилалӣ бо пахши баёнияҳое аз давлати Тоҷикистон хоста буданд, Ӯрунбой Усмоновро бедиранг озод кунад.

Хабари собит нашудани иттиҳоми узвияти Ӯрунбой Усмонов, хабарнигори Би-би-сӣ дар Ҳизби Таҳрир дар ҳоле пахш мешавад, ки Кумитаи давлатии амнияти миллии Тоҷикистон пас аз боздошти ӯ бо пахши баёнияе ин хабарнигори Би-би-си-ро узви Ҳизби Таҳрир хонда буд.

Ин дар ҳолест, ки тибқи қонун танҳо додгоҳ метавонад, ҷурми касеро собит бисозад ва то замони баргузории додгоҳ касеро наметавон узви ин ё он гурӯҳи мамнӯъ хонд.

Тоҷикистон дар гузоришҳои солонаи Хонаи Озодӣ, як созмони байналмилалии нозир бар хукуки башар, бо номхои — «Озодӣ дар ҷаҳон 2011» ва «Озодии матбуъот 2011» дар гурӯҳи кишварҳои ғайриозод шомил шудааст.

Источник: http://www.bbc.co.uk/tajik/institutional/2011/06/110627_sq_investigation.shtml