Дар Тоҷикистон нахустин маҷалла барои бонувони аз 10 то 18-сола таъсис шудааст.

Феълан ин маҷалла танҳо дар шакли интернетӣ ва дар сойтҳои иҷтимоӣ, аз ҷумла дар шабакаи Фейсбук ва торнамои devchata.tj паҳн мешавад.

Дастандаркорони таъсиси ин маҷалла хабар додаанд, ки қасд доранд матолиберо дар бораи омӯзишу парвариш, беҳдошт ва варзиш, ҷаҳонгардӣ ва мусиқӣ ва ғайра барои худ ва барои ҳамсолони худ мунташир кунанд.

Манижа Ҳаитова, сардабири ин маҷалла унвон шудааст. То ҳол дар бораи манобеи молии иҷрои ин тарҳ иттилоъе пахш нашудааст.

Дар ҳамин ҳол дар чанд соли ахир дар Тоҷикистон барои кӯдакони синни мухталиф маҷаллаҳои мухталифе арзи ҳастӣ кардаанд. Гузашта аз ин, чопхонаҳои муоссир омода ҳастанд маҷаллаҳои рангинеро мунташир кунанд.

Ба ин далел ҳадс зада мешавад, ки дар сурати дарёфти манобеъи молӣ маҷалла барои бонувон низ алоқамандони зиёде пайдо хоҳад кард.

http://www.bbc.co.uk/tajik/news/2014/05/140523_if_magazine_girls.shtml