Имрӯз 3-юми январ бо ташаббуси Маркази тадқиқоти журналистии Тоҷикистон мизи гирд дар мавзӯи «Мушкилоти ҳимояи ҳуқуқии ВАО, таъқибҳои беасоси судӣ ва маблағҳои ҳангуфти қазияҳои зидди ВАО» оғоз ёфт.
Дар тренинг зиёда аз 20 рӯзноманигорони расонаҳои гуногун, раиси шӯрои ВАО Нуриддин Қаршибоев ва намояндаи сафорати ИМА дар Тоҷикистон Муборакшоев Парвиз иштирок доранд.
Ёдовар мешавем, ки вақтҳои охир расонаҳои хабарӣ аз ҷониби вазорату идораҳо ва ашхоси алоҳида зиёд ба суд кашида мешаванд ва аз онҳо маблағҳои ҳангуфт талаб мекунанд.