Қазияи маҷаллаи фаронсавии «Шарлӣ Эбдо» суолҳоеро дар зеҳнҳо халқ кард, ки вазъу ҷойгоҳи карикатура дар Тоҷикистон чӣ гуна аст ва марзи озодии баён барои рассомони танзнигори тоҷик дар куҷо хатм мешавад Читать далее Неши «фарсуда»-и карикатураи тоҷик
Архив рубрики: Таҳлил
дилЗАНАК
Хуршед Атовулло
Моҳи январ шояд ягона даврае бошад, ки қалби вазирону раисонро ба ларза медарорад. Махсусан дар ҳоле ки он якҷо бо нишастҳои матбуотӣ, ҷаласаи солонаи Ҳукумат, «бадарға» -и баъзе мансабдорон ба парлумон сурат мегирад.
Ҳой омаду ҳой омад, ёр, ёр, ёроне,
«Об аз боло лой» омад, ёр, ёр, ёроне.
Оби қонун гилолуд, ёр, ёр, ёроне,
Аз парлумон сой омад, ёр, ёр, ёроне.
Яке буду гадо буд, ёр, ёр, ёроне,
Вазир шуду бой омад, ёр, ёр, ёроне.
…Аз бебарқӣ нанолед, ёр, ёр, ёроне,
Вақте маҳи мой омад, ёр, ёр, ёроне.
(Исфандиёри Назар)
Ниҳоят, мавсими дӯстдоштаи журналистон, нишастҳои матбуотие, ки тибқи фармони Президент бояд бо ширкати нафарони аввали вазоратхонаҳою кумитаҳо, раисону директорҳо сурат гиранд, фаро расид. Чун баъзе роҳбарон хостаю нахоста андеша ё ҷумлаи аҷибе аз даҳонашон мебарояд ё дар ҷавоб ба суоли ягон журналисти хира маълумоти тозае медиҳанд, ин амал барои хабарнигорон «нони даҳон», яъне хабару мавзӯи ҷолиб мешавад. То ҷое медонам, собиқ Прокурори генералӣ Бобоҷон Бобохонов аз хабарсозтарин чеҳраҳо дар нишастҳои матбуотӣ буд. Мисли дигарон аз посух додан наметарсид, мисли бархе раҳбарони имрӯз дар он рӯз баҳонаҳои «Президент даъват карданд», «беморанд», «дар сафари хидматӣ ҳастанд» — ро зердастонаш пеш намеоварданд.
Ин буд, ки тамоми нишастҳои матбуотӣ бо ширкати вай аз ҳама роҳбарони дигар дида, зиндатар, серодамтар мегузашт.
Аммо, имрӯз аксар журналистон мегӯянд, ки баъзе вазирон аз нишастҳои матбуотӣ бо баҳонаҳои дар боло зикршуда мегурезанд ва ҷонишини ҷонхарид ҷойи онҳо посух мегӯяд, ки посухи онҳо, худи онҳо чун чеҳраи хабарсоз, журналистонро қонеъ намекунанд.
Мавсими навбатии нишастҳои матбуотӣ бошад, барои журналистон душвортар омад: Чун ин мавсим пешорӯи ҷаласаи солонаи Ҳукумат ва табиист тағйироти навбатии кадрӣ — фасли «дилзанак» аст, роҳбарони тақдири мансабашон зери суол, аввал мекӯшанд аз нишастҳо «гурезанд», агар нашуд, «сухан дониста мегӯянд, то дӯстро душман нагардонанд». Ба болои «мурда сад чӯб», навакак давраи пешниҳоди номзадҳои ҳизби ҳоким дар ҳавзаҳои якмандатӣ оғоз шудаасту мансабдорони баландпояи қурби вазифаашон аз вакилӣ баланд, даст болои дил, тарси бадарға ба парлумонро доранд. Дар ин рӯзҳо сахт эҳтиёт мекунанд, ки бо камтарин «гуноҳ» мабодо ҷазо набинанд.
Вале, аввалин тағироти кадрӣ дар сатҳи раисони ноҳияҳо нишон дод, ки воқеан дар кишвар кадр намондааст: Аз панҷ раиси ноҳияи сабукдӯшшуда, чор нафараш ба мансабҳои нав таин шуданд. Шояд кадри навбину навгӯ зиёд бошаду кадри «содиқ» кам? Намедонам.
Аммо, бо назардошти тағйироти нахустин, мехоҳам ин маротиба мансабдорони муҳтарамеро, ки даст болои дил доранд, тасалло диҳам:
— Натарсед! Муҳим, афтодан ба «корзинаи кадрӣ» аст! Кам андар кам мешавад, ки шахси ба «корзина» афтода, то охири умр ё то ба ҳафтод бевазифа монад! Тавре мегӯянд: «Главное внимание»!
Ин ки аз вазифаи серравған ба вазифаи камравған меравед, даҳшат нест, чунки ҷамъкардаҳо ба ҳафт пуштатон мерасад!
Аммо… ақаллан сӣ фисад дар фикри мардум ҳам бошед! Мардум, ин ҳамон нафароне, ки аз равзанаи утоқи кабинети Шумо мисли мӯрчаҳои серкор равуо мекунанд.
Ҳууу ана, халтаю сумкаю ароба доранд… бӯи хоку бӯи оғил, бӯи арақи ҷабину бӯи хазон мекунанд!
Дидед? Офарин! Ана ҳамонҳо мардум ном доранд!
Кам –кам аз ҳоли онҳо ҳам хабар гиред ва ҳарфи дили онҳоро низ гӯш кунед. Танҳо ба «валидол» умед мабандед, ки баъзан он ҳам наметавонад дармон бахшад. Мардуми оддӣ беҳтарин роҳҳои табобати халқиро медонад, ки дар мавсими «дилзанак» ҷонатонро метавонад харад.
Аз ҷумла гиёҳи шифобахши фараж.
Ҳаштсолагии «Фараж» ва «Нигоҳ», 1000-умин шумораи «ИмрӯзNews»
Давоми ҳафтаи охир матбуоти муосири тоҷик 8-солагии ду рӯзномаи мустақили сиёсӣ-ҷамъиятӣ ва нашри 1000-умин шумораи рӯзномаи нахустини Тоҷикистон «ИмрӯзNews»-ро таҷлил кард. Читать далее Ҳаштсолагии «Фараж» ва «Нигоҳ», 1000-умин шумораи «ИмрӯзNews»
Рустами Ҷонӣ: Миёни расонаҳоро андоз мешиканад
Рустами Ҷонӣ, муассиси ягона рӯзномаи Тоҷикистон ва собиқ директори генералии “Ориёно Медиа” дар бораи шебу фарози рӯзномадорӣ, дар садади нашри 1000-умин шумораи “ИмрӯзNews” дар суҳбат бо TojNews нақл кард. Читать далее Рустами Ҷонӣ: Миёни расонаҳоро андоз мешиканад
ҲХДТ дар ноҳияи Бобоҷон Ғафуров соҳиби нашрия шуд
Кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров нашрияи худро бо номи «Сипеҳр» ба чоп расонд. Читать далее ҲХДТ дар ноҳияи Бобоҷон Ғафуров соҳиби нашрия шуд
Марям Давлатова: «Занро ВАО ҷинояткор кардааст»
Инъикоси ҳаёти бонувон дар васоити ахбори омма имрўз ба масъалаи доғ табдил шудааст. Дар баробари мардон, ки ҳамеша мақоми соҳибназариро дар матбуот доранд, баръакс бонувон ҳангоми содир шудани ин ё он ҷиноят ҳамчун бону муаррифӣ мешаванд, аз ҳаёти шахсии бонувони сароянда қиссабофиҳо нашр мегардад ва ҳоказо. Чаро ВАО ҷойгоҳи занро маҳдуд медонанд? Ин аввалин суол аз Марям Давлатова, коршиноси масоили гендерӣ аст, ки ба тозагӣ инъикоси занон дар ВАО — ро гузориш карда буд: Читать далее Марям Давлатова: «Занро ВАО ҷинояткор кардааст»
Нигоҳе ба вазъи расонаҳои чопии Хатлон (чандрасонаӣ)
Камии теъдоди нашр, дер ба чоп расидан, дастмузди ночиз (аз 250 то 450 сомонӣ), норасоии дастгоҳҳои замонавӣ, дурии роҳ то чопхонаи Қӯрғонтеппа ё Душанбе, кор накардани бештари чопхонаҳои ноҳиявӣ, воҳидҳои кории кам ва худдории мутахассисони ҷавон аз фаъолият дар редаксияҳо, садамавию таъмирталаб будани бинои баъзе идораҳои ВАО ва нарасидани ҳуҷраҳои корӣ, маблағгузории нокофии рӯзномаи музофотӣ, пардохт нашудани ҳаққи қалам, пешбурди кор бо усули куҳнашудаи идорӣ дар расонаҳо, роҳандозӣ нашудани менеҷменти дуруст, дер дастрас шудани рӯзнома ба хонанда… Ин ҳама аз мушкилоти аслии нашрияҳои музофотӣ дар вилояти Хатлонанд, ки роҳи ҳалли зудрас мехоҳанд. Читать далее Нигоҳе ба вазъи расонаҳои чопии Хатлон (чандрасонаӣ)
Вокунишҳо ба фатвои баҳсбарангези Шӯрои уламо
Бисёре аз соҳибназарон мегӯянд, бояд Додситонии кулл фатвои ахири Шӯрои уламои Маркази исломиро баррасӣ карда, ба он баҳои ҳуқуқӣ ва дар сурати нодуруст буданаш танбеҳ диҳад. Читать далее Вокунишҳо ба фатвои баҳсбарангези Шӯрои уламо
Хадамоти оташнишонӣ барои танқид таъқиб мекунад
17 август соати 10 дар яке аз маҳаллаҳои шаҳр манзили истиқоматие оташ гирифт. Дар баробари мошинҳои Хадамоти Оташнишонии шаҳри Кӯлоб мухбири «Пайк» ҳам баҳри адои вазифаи хизматӣ ба ҷои ҳодиса расида омад. Сардори Хадамот Мудассир Раҳматов барои адои вазифаи хизматӣ ба мухбири 18-солаи «Пайк» монеа эҷод кард. Ў аввал худ ба мухбир дарафтида, ҷанҷол оғоз кард ва унвонии Васоити Ахбори Оммаи ҷумҳурӣ суханони носазо гуфт. Баъд ду корманди БДА-и шаҳрро аз кӯча даъват кард, то мухбирро аз ҷои ҳодиса пеш кунанд. Онҳо кушиши аз дасти мухбир гирифтани дастгоҳи сабтро карданд. Баъди ин ҳама, майори хизмати дохила Мудассир Раҳматов иғво барангехта соҳибхонаро алайҳи мухбир шуронид. Читать далее Хадамоти оташнишонӣ барои танқид таъқиб мекунад
«Ҳақиқат»-и ТВ ҳақиқат аст?
Одат шудааст, ки ТВ-и кишвар дар арафаи ҳар иду ҷашн намоишҳои гуногунро вобаста ба ҳамон сана пешкаши мардум мегардонад. Хусусан, дар арафаи ҷашнҳои «Истиқлолият», «Ваҳдати миллӣ», «Наврӯз»… Читать далее «Ҳақиқат»-и ТВ ҳақиқат аст?