Хабарнигорони Радиои Озодӣ Шодмони Ятим ва Алишер Зарифӣ ҳангоми таҳияи гузориш дар бораи кори нақлиёти ҷамъиятии Душанбе аз тарафи баъзе аз ронанда ва «кондуктор»-ҳо таҳқир шуданд. Ҳодиса 13-уми июн дар истгоҳи назди фурӯшгоҳи «Садбарг» рух дод. Мақомот ваъда доданд, ки қазияро таҳқиқ мекунанд.

Як пурсиш роҷеъ ба таваҷҷуҳи мардум ба расонаҳои ҳамагонӣ маълум кардааст, ки сайтбандӣ дар Тоҷикистон натиҷаи баръакс дод ва мардум ҳамоно аз сомонаҳое истифода мебаранд, ки дастрасӣ ба онҳо пайваста маҳдуд карда мешавад.

Султони Ҳамад, хабарнигор ва шореҳи шинохтаи тоҷик имрӯз дар синни 68-солагӣ даргузашт.

Раҳбароне, ки дар фикри тамаркузи қудрат ҳастанд, роҳҳои нави фишороварӣ ба матбуотро пайдо мекунанд, мегӯяд созмони ҳомии ҳуқуқ Freedom House (Хонаи Озодӣ). Фаъолон мегӯянд, Тоҷикистон истисно нест.

Вакилони порлумони Тоҷикистон қонунеро тасвиб карданд, ки ба ҳукумат иҷоза медиҳад, дар шароити ҷангӣ моликияти мардумро бигирад ва дастрасии онҳоро ба иттилоъ маҳдуд кунад.