Архив рубрики: Хабарҳо

Додгоҳ бояд ҳукми Ассанжро эълон кунад

[b]Додгоҳе дар Лондон бояд имрӯз ҳукми худро дар нисбати муассиси сомонаи ифшогари WikiLeaks Ҷулиан Ассанж эълон кунад, ки оё ӯро ба Шветсия истирдод мекунанд ё на.[/b]

Додгоҳи Шветсия Ассанжро дар гуноҳҳои марбут ба бадрафториҳои ҷинсӣ айбдор мекунад. Ассанж шаҳрванди Австралия буда зидди ӯ дар Шветсия ду зани сокини ин кившар ба додгоҳ шикоят бурда гуфтаанд, ки замони боздидаш аз ин кишвар августи порсол Ассанж ба онҳо дастдарозӣ кардааст.

Ассанж ҳама иттиҳомоти зидди худро рад мекунад. Ҳоло ӯ аз додгоҳи Лондон тақозо дорад, ки ба истирдори ӯ монеъ шавад, ба он хотир, ки ҳарос дорад дар Шветсия муҳокимаи зидди ӯ одилона нахоҳад буд.

Вакилони дифоъ инчунин мегӯянд, ки Ассанжи 39-сола эҳтимол дорад барои муҷозот ба ИМА низ фиристода шавад. Чопи матолиби маҳрамонаи дипломатҳои амрикоӣ дар сайти WikiLeaks хашми мақомоти амрикоиро барангехт.

Источник: http://www.ozodi.org/archive/news/latest/538/538.html?id=2319239

Тағоймуродов мехоҳад Мирзобековаро низ ба ҷавобгарӣ кашонад

[b]Анвар Тағоймуродов, сардори Раёсати мубориза бо ҷиноёти созмонёфтаи Вазорати корҳои дохилии Тоҷикистон тақозо кардааст, ки дар баҳси судии ӯ бо нашрияи «Азия-Плюс» муаллифи мақола Рамзия Мирзобекова низ баробар ҷавобгӯ шавад.[/b]

Рамзия Мирзобекова, муаллифи мақолаи «Тафтиш ё инкивизитсия?» дар ҳафтаномаи «Азия-Плюс» аст, ки маъмурони пулисро ба истифода аз шиканҷа ва зӯроварӣ алайҳи боздоштшудагон муттаҳам кардааст.

Вале нашрия мегӯяд, ки тамоми факту далелҳои дар мақола зикршуда бар пояи парвандаҳои ҷиноӣ ва ҳам шаҳодати ҷабрдидаҳо таҳия шудааст. Анвар Тағоймуродов талаби пардохти як миллион сомониро чун ҷуброни маънавии тӯҳмату бӯҳтони дар матлаб нашршуда мекунад.

Источник: http://www.ozodi.org/archive/news/latest/538/538.html?id=2319186

Нигаронии Омрико аз вазъи озодии баён дар Тоҷикистон

[b]Намояндаи Омрико дар Созмони Амният ва Ҳамкории Урупо (САҲУ) вазъияти озодии баён дар Тоҷикистонро башиддат нигаронкунанда хондааст.[/b]

Айан Келли гуфтааст, ки дар ин кишвар дар муддати кӯтоҳе чанд расонаи мустақил, аз ҷумла, нашрияҳои «Пайкон» ва «Миллат» ба додгоҳ кашида шудаанд ва сардабири як нашрия шадидан латукӯб шудааст.

Оқои Келли зимни суханронии худ дар ҷаласаи кишварҳои узви САҲУ, ки рӯзи 17 феврал доир шуд, аз мавориди густардаи нақзи озодии баён дар чанд кишвари узви ин созмон интиқод кардааст.

Вай афзудаст, ки дар даҳ рӯзи ахир дар бархе аз ин кишварҳо иддае аз хабарнигорон бо иттиҳомоти ҷаълӣ зиндонӣ шудаанд, ба додгоҳ кашида шудаанд ва боздошт ва ё ҳадафи ҳамла қарор гирифтаанд.

Давоми гузоришро дар саҳифаи таҳлилии сомонаи мо мутолиа кунед: [url=http://www.taj.nansmit.tj/analysis/?id=25]http://www.taj.nansmit.tj/analysis/?id=25[/url]

Источник:

Вазъи дастрасӣ ба Интернет дар Тоҷикистон

[b]Ахиран расонаҳо, созмонҳо ва давлатҳо бар аҳаммияти интернет дар кишварҳои дорои давлатҳои худкома ва, бахусус, дастрасии мардум ба шабакаҳои иҷтимоъӣ таваҷҷӯҳ мекунанд.[/b]

Ба гуфтаи таҳлилгарон, мардуми Тунис ва Миср ба ҳангоми инқилоб ба ҳадди зиёде эътирозот ва тазоҳуротро тавассути шабакаҳои интернетӣ ҳамоҳанг кардаанд.

Суръати афзояндаи густариши интернет дар кишварҳои дар ҳоли тавсеъа дар Тоҷикистон низ маҳсус аст. Аммо оморе, ки дар ин замина аз сӯйи манобеъи мухталиф ироа мешавад, мутаноқиз аст.

Матни пурраи гузоришро дар сахифаи тахлилии сомонаи мо мутолиа кунед: [url=http://www.taj.nansmit.tj/taj_fen/?id=18]http://www.taj.nansmit.tj/taj_fen/?id=18[/url]

Источник:

Оғози муҳокимаи қазияи «Пайкон»

Додгоҳи ноҳияи Фирдавсии шаҳри Душанбе ба баррасии баҳси Вазорати адлия ва молики нашрияи мустақилли “Пайкон” пардохтааст.

Вазорати адлия Бюрои маслиҳатдиҳӣ, сухансанҷӣ ва таҳқиқоти журнолистӣ ва муассиси нашрияи “Пайкон”-ро барои расман мутталеъ насохтани ин вазорат аз тағйири макони бюро ин ниҳодро ба додгоҳ кашидааст.

Шӯҳрат Қудратов, вакили мудофеъи Бюрои маслиҳатдиҳӣ, сухансанҷӣ ва таҳқиқоти журнолистӣ, гуфт, ки дар рӯзи аввали ҷаласаи додгоҳ ҷонибҳо бо санадҳои пешниҳодӣ ба додгоҳ ошно шудаанд.

Оқои Қудратов гуфт, мумкин аст рӯзи 18 феврали соли ҷорӣ додгоҳи ноҳияи Фирдавсии шаҳри Душанбе баҳси Вазорати адлия ва молики нашрияи “Пайкон”-ро баррасӣ карда ва ҳукми худро дар ин замина эълом кунад.

Ҷумъабой Толибов, раиси ин созмони ғайридавлатӣ ва сардабири нашрияи “Пайкон”, гуфт, ки ҳадаф аз ин иқдоми Вазорати адлия эҷоди маҳдудият дар фаъолияти ҳафтаномаи “Пайкон” аст, ки дар пайи чопи матолиби и нтиқодӣ дар бораи ин вазорат сурат мегирад.

Источник: http://www.bbc.co.uk/tajik/news/2011/02/110217_mm_paykaan.shtml

Нигаронии Омрико аз вазъи озодии баён дар Тоҷикистон

[b]Намояндаи Омрико дар Созмони Амният ва Ҳамкории Урупо (САҲУ) вазъияти озодии баён дар Тоҷикистонро башиддат нигаронкунанда хондааст.[/b]

Айан Келли гуфтааст, ки дар ин кишвар дар муддати кӯтоҳе чанд расонаи мустақил, аз ҷумла, нашрияҳои «Пайкон» ва «Миллат» ба додгоҳ кашида шудаанд ва сардабири як нашрия шадидан латукӯб шудааст.

Оқои Келли зимни суханронии худ дар ҷаласаи кишварҳои узви САҲУ, ки рӯзи 17 феврал доир шуд, аз мавориди густардаи нақзи озодии баён дар чанд кишвари узви ин созмон интиқод кардааст.

Вай афзудаст, ки дар даҳ рӯзи ахир дар бархе аз ин кишварҳо иддае аз хабарнигорон бо иттиҳомоти ҷаълӣ зиндонӣ шудаанд, ба додгоҳ кашида шудаанд ва боздошт ва ё ҳадафи ҳамла қарор гирифтаанд.

[b]»Бо баҳонае ба додгоҳ»[/b]

Намояндаи Омрико дар САҲУ ҳамчунин гуфтааст: «Замоне, ки афроди ҷинояткор озодона метавонистанд «ақлҳоро» таҳти фишор қарор диҳанд, гузаштааст ва нодида гирифтани ин гуна аъмол барои ҳеч як аз кишварҳои мо, ки паймони Ҳелсинкиро имзо кардаем, қобили қабул нест.»

Айан Келли гуфтааст, ки аз миёни кишварҳои узви САҲУ вазъияти озодии баён бавижа дар Тоҷикистон нигаронкунанда аст ва дар ин ҷо бо баҳонаҳои андак намояндагони расонаҳои мустақил ба додгоҳҳо кашида мешаванд.

Оқои Келли ба унвони мисол аз Бюрои маслиҳатдиҳӣ, сухансанҷӣ ва таҳқиқоти журнолистӣ ва муассиси нашрияи “Пайкон” ёдовар шуда ва афзудааст, ки сардабири нашрияи “Пайкон” ва раиси ин марказ танҳо барои «иваз кардани дафтари кории худ» ба додгоҳ кашида шудааст.

Ҳамчунин, оқои Келли аз ҳамла ба Ҳикматуллоҳ Сайфуллозода, сардабири 60-солаи нашрияи “Наҷот” ва аз фаъолони Ҳизби наҳзати исломии Тоҷикистон, ёдовар шуда ва ин ҳамларо маҳкум кардааст. Вай гуфтааст, ки вазъи оқои Сайфуллозода ҳанӯз ҳам вазнин аст.

Ин намояндаи Омрико маҳкум шудани «Миллат», нашрияи дигари мустақил ба пардохти ғаромат ба вазорати кишоварзӣ дар додгоҳро низ нишонае аз фишор бар расонаҳо унвон кардааст.

Нигаронии намояндаи Омрико дар САҲУ дар ҳолест, ки тайи ду рӯзи ахир муҳокимаи ҳафтаномаи мустақилли “Пайкон” ва Бюрои маслиҳатдиҳӣ, сухансанҷӣ ва таҳқиқоти журнолистӣ дар додгоҳи ноҳияи Фирдавсии шаҳри Душанбе пушти дарҳои баста сурат мегирад.

[b]»Аз боло фармон шудааст» [/b]

Рӯзи ҷумъаи 18 феврал бо вуҷуди пофишориҳо барои ворид шудани хабарнигорони расонаҳои дохилӣ ва хориҷӣ ба мурофеъаи додгоҳи молики нашрияи «Пайкон», дарҳои вурудии додгоҳ ба рӯйи хабарнигорон баста шуд.

Се посбони ин дари вурудӣ, аз ҷумла Алимардон Шамсов, аз ворид шудани хабарнигорон ба толори мурофеъа монеъ шуданд. Яке аз ин посбонҳо дар бораи далели мамонеъат аз ворид шудани хабарнигорон ба додгоҳ гуфт, ки «аз боло фармон шудааст» ва дарро ба рӯйи онҳо баст.

Машкура Содирова, қозии парванда, ба хабарнигорон гуфт, ки «ҷониби шокӣ аз вай дархости ворид шудани хабарнигорон ба мурофеъаро накардааст». Ба гуфтаи вай, ҳамчунин муҳокимаи имрӯзи додгоҳ хеле кӯтоҳ будааст, ҳарчанд вай иқрор кард, ки мурофеъа «пушти дарҳои баста» анҷом нашудааст.

Аҳлиддин Салимов, хабарнигори нашрияи “Пайкон”, мегӯяд, ки ду рӯз боз наметавонад ба мурофеъа ворид шавад. Ин хабарнигори ҷавон мамонеъат аз ворид шудани хабарнигорон ба додгоҳро нақзи озодии баён дар Тоҷикистон унвон кард.

Додгоҳи ноҳияи Фирдавсӣ таҳти раёсати Машкура Содирова рӯзи аз рӯзи панҷшанбеи 17-ми феврал ба баррасии баҳси Вазорати адлия ва молики нашрияи мустақилли “Пайкон” пардохт.

Вазорати адлия Бюрои маслиҳатдиҳӣ, сухансанҷӣ ва таҳқиқоти журнолистӣ ва муассиси нашрияи “Пайкон”-ро барои расман мутталеъ насохтани ин вазорат аз тағйири макони бюро ин ниҳодро ба додгоҳ кашидааст.

Ҷумъабой Толибов, раиси ин созмони ғайридавлатӣ ва сардабири нашрияи “Пайкон”, гуфт, ки ҳадаф аз ин иқдоми Вазорати адлия эҷоди маҳдудият дар фаъолияти ҳафтаномаи “Пайкон” аст, ки дар пайи чопи матолиби и нтиқодӣ дар бораи ин вазорат сурат мегирад.

Дар ҳамин ҳол, намояндагони Вазорати адлияи Тоҷикистон аз посух ба суолоти хабарнигорон дар ин маврид даст кашиданд.

Источник: http://www.bbc.co.uk/tajik/news/2011/02/110218_zkh_court_massmedia_paykan.shtml

«Дар Хатлон ҳеч родиюи мустақилле мавҷуд нест

[b]Муассисаи Гузоришгарии Ҷанг ва Сулҳ (IWPR) барои рӯзноманигорон дар вилояти Хатлон як давраи омӯзишӣ дар заминаи хабарнигорӣ барои родию баргузор кардааст.[/b]

Мавзӯъи ин давраи омӯзишӣ, ки рӯзҳои 18 ва 19 феврал дар шаҳри Кӯлоб доир мешавад, «Меъёрҳои байналмилалии рӯзноманигорӣ ва омодасозии гузоришҳои таҳлилии родиюӣ» унвон шудааст.

Шаҳодат Соҳибназарова, масъули тарҳи родиюии Муассисаи Гузоришгарии Ҷанг ва Сулҳ, ҳадаф аз ташкили ин ҳамоишро баланд бардоштани сатҳи малака ва дониши хабарнигорони ҷавони родию ва кумак ба инъикоси дурусти мавзӯъҳои доғи минтақа дар Кӯлоб унвон кард.

Матни пурраи гузориш дар бахши тахлилии сомонаи мо: [url=http://www.taj.nansmit.tj/analysis/?id=24]http://www.taj.nansmit.tj/analysis/?id=24[/url]

Источник:

Нигаронии Амрико аз вазъи журналистони тоҷик

[b]Сафири Иёлоти Муттаҳида дар САҲА вазъи озодии матбуот дар Тоҷикистонро “мояи нигаронии амиқ” номид.[/b]

Ян Келлӣ, намояндаи ИМА дар Созмони амният ва ҳамкории Аврупо (САҲА), гуфт, дар чанд кишвари узви ин созмон журналистон бо хатар рӯбарӯянд ва дар даҳ рӯзи охир онҳо мавриди латукӯби шадид, боздошт ва иттиҳоми додгоҳӣ қарор гирифтаанд.

Аммо вазъ дар Тоҷикистонро, дар ин байн, ҷаноби Келлӣ мавриди “нигаронии амиқ” хонда, гуфтааст, 7-уми феврал дар Душанбе, Ҳикматулло Сайфуллозода, сардабири 60-солаи нашрияи Ҳизби наҳзати исломӣ ва сухангӯи ин ҳизб дар назди хонааш латукӯб шудааст. Сафир дар ҳамомиши кишварҳои узви САҲА дар Вена гуфт: “Мо аз таҳти дил шифои зуди ҷаноби Сайфуллозодаро орзу мекунем, то ба сари кораш бозгардад. Мо ҳамчунин аз ҳукумати Тоҷикистон даъват мекунем, ин ҳамларо амиқан таҳқиқ кунад ва онҳоеро, ки масъули ҳамлаанд бино ба тамоми нерӯи қонун ба ҷавобгарӣ кашад.”

Матни пурраи гузориш дар сахифаи тахлилии сомона мутолиа карда метавонед: [url=http://www.taj.nansmit.tj/analysis/?id=23]http://www.taj.nansmit.tj/analysis/?id=23[/url]

Источник:

Роҳандозии озмуни «Беҳтарин сомонаи Наврӯз»

[b]Вазорати маорифи Ҷумҳурии Тоҷикистон, Ассосиатсияи дастраскунандагони Интернет, Фонди ҷамъиятии интернет, Фонди ҷамъиятии «Ташаббуси шаҳрвандии сиёсати Интернет» бахшида ба ҷашни Нарвӯзи оламафрӯз озмуни «Беҳтарин сомонаи Наврӯз»-ро эълон менамоянд. Дар ин бора ба TojNews котиби матбуотии Вазорати маорифи Ҷумҳурии Тоҷикистон Ноилшо Нуралиев хабар дод.[/b]

Ба иттилоои манбаъ, ҳадаф аз озмуни мазкур таҳияи сомонаҳои Интернет бахшида ба Наврӯз баҳри рушди анъанаҳои миллӣ, баланд бардоштани завқи хонандагон ва донишҷӯён вобаста ба татбиқи технологияҳои иттилоотӣ дар муассисаҳои таълимӣ, истифодаи шабакаи Интернет баҳри рушди таҳсилот, ташвиқоти сомонаҳои беҳтарин ҳамчун муҳити фаъоли омӯзиш ва эҷодкорӣ мебошад.

Дар озмун хонандагон, донишҷӯён, муассисаҳои таълимӣ, шаҳрвандони Ҷумҳурии Тоҷикистон новобаста аз ҷои зисташон иштирок карда метавонанд. Ғолибон аз ҷониби Кумитаи тадорукот ва сарпарастон — ҶДММ «Вавилон-Т», ҶСП «Tcell» бо мукофотҳои арзишнок сарфароз мегарданд.

Ба гуфтаи манбаъ, озмун аз 15-уми феврал то 15-уми марти соли 2011 идома ёфта, 19-уми марти соли 2011 ҷамъбаст мешавад.

TojNews

Источник: http://tojnews.org/taj/index.php?option=com_content&task=view&id=11659&Itemid=30

Латукӯб ва таҷовузи журналисти амрикоӣ дар Миср

Хабарнигори шинохтаи ширкати телевизионии амрикоии CBS Лара Логан дар ҷараёни бенизомиҳо дар майдони Таҳрири Қоҳира латукӯб ва таҷовуз шудааст. — Айни замон Логани 39-сола дар бемористони ИМА бистарист,- хабар медиҳад ВВС.

Ҳамла ба журналист рӯзи 11-уми феврал сурат гирифтааст. Ин замоне будааст, ки муҳофизон ва гурӯҳи наворбардорон дар муҳосира мондаанд. Анбӯҳи мардум, ки беш аз 200 нафар буданд, Лара Логанро аз ҳамкоронаш ҷудо намуданд ва ҳамзамон бо латукӯб шадидан таҷовуз ҳам кардаанд.

Ҷони Логанро аз хатар гурӯҳи занон аз миёни тазоҳуркунандагон ва наздик ба 20 сарбоз наҷот додаанд. Баъдан ӯ бо ҳамроҳони худ пайваст ва ба Амрико баргашт.
Лара Логан журналисти африқоитабори ИМА буда, солҳои охир дар Афғонистон ва Ироқ фаъолият кардааст.

Кумитаи ҳимоят аз журналистон мегӯяд дар бенизомиҳои Миср ҳадди ақал 52 журналист гирифтори ҳамла шуданд ва 76 нафарро ҳукуматдорон боздошт намуданд.

TojNews

Источник: http://tojnews.org/taj/index.php?option=com_content&task=view&id=11635&Itemid=28