Пажуҳиши Радиои Озодӣ нишон дод, ки аз кор мондани сомонаи хабаргузории “Азия-Плюс” на мушкили техникӣ, балки дасткории инсонҳост. Аз нигоҳи коршиносон тағйири нишонии фаннии вебгоҳ, мумкин аст, аз тарафи ашхос ё гуруҳҳои манфиатбардор, мақомоти марбута ё рахнагарон (ҳакерҳо) рух дода бошад.

Ширкатҳои Mozilla ва Google, ки браузерҳои Chrome ва Firefox ба онҳо тааллуқ доранд, гуфтанд, имкони насби «сертификати бехатарӣ»-и мақомоти Қазоқистонро дар дастгоҳҳои пайвасткунанда ба Интернет масдуд хоҳанд кард.

Сомонаҳои хабаргузории «Азия-Плюс» (news.tj ва asiaplus.tj) аз рӯзи 19-уми август боз пурра дастнорас аст. Хонандагони ин хабаргузорӣ шикоят мекунанд, ки ҳатто ба воситаи VPN ё филтршиканҳо наметавонанд ба сомона ворид гарданд.

Анҷумани расонаҳои мустақили Тоҷикистон ё НАНСМИТ бар пояи як пажӯҳиши худ ба натиҷае расид, ки танҳо як дарсади хабарнигорони тоҷик аз посухҳои мақомот ба дархостҳояшон барои гирифтани иттилоъ қаноатманданд.

Дар Тоҷикистон ба хотири пуштибонӣ аз рӯзноманигорон ва расонаҳои мустақил як гурӯҳи вакилони мудофеъро омода мекунанд. Онҳо мегӯянд, қонунҳои кишвар озодии баёнро замонат медиҳанд, аммо дар амал ин озодӣ рӯ ба коҳиш ниҳода, ниёз ба ҳимоят дорад.

Сухангӯи пешини Сарраёсати нерӯҳои марзбонии Тоҷикистон ба 15 соли зиндон маҳкум шудааст. Як манбаъ рӯзи 15-уми август ба Радиои Озодӣ гуфт, Муҳаммадҷон Улуғхоҷаевро ба «хиёнат ба давлат» гунаҳкор карданд. Ҳукм рӯзи 14-уми август аз сӯи ҳайати мушовараи ҳарбии Додгоҳи олии Тоҷикистон эълон шудааст.

Созмони байналмилалии ҳомии ҳуқуқи рӯзноманигорон — «Гузоришгарони бидуни марз» аз мақомоти Қирғизистон даъват дорад, ки ба телевизиони мухолифи «Апрел» имкон диҳанд, то дубора пахши барномаҳои худро ба роҳ монад.

Шабакаи иҷтимоии Facebook тайи муддати тӯлонӣ барои рамзкушоии паёмҳои садоии корбаронаш ба ширкатҳои севум маблағ пардохт кардааст. Дар ин бора Bloomberg бо истинод ба манобеи худ дар ширкатҳои мазкур иттилоъ додааст.

Манобеъ дар ҳукумати Тоҷикистон тасдиқ карданд, ки мӯҳлати сабтиноми симкортҳо бо шиносномаи намунаи нав (палстикӣ) тамдид шудааст. Пештар ин муҳлат то 15-уми август муқаррар шуда буд.