11 марти соли 2011, дар рӯзи Ҷашни матбуоти тоҷик банда ба дарёфти Ҷойизаи Иттиҳоди журналистони Тоҷикистон ба номи Абулқосим Лоҳутӣ мушарраф шудам. Ба ҳангоми супурдани ин мукофоти арзишманд раиси мӯҳтарами Иттиҳоди журналистони Тоҷикистон Акбаралӣ Сатторов гуфт, ки яке аз маблағгузорони ин Ҷойиза, Вазорати кишоварзӣ (вазир Қосим Қосимов) мебошад.

Бо далели он ки Вазорати кишоварзӣ бо нашрияи «Милллат» даъвои бемантиқи судӣ дорад ва ин вазорат беасоси воқеъӣ аз болои нашрияи «Миллат», ки банда ба ҳайси муҳаррири он фаъолият дорам, як сол қабл ба додгоҳи ноҳияи Фирдавсии пойтахт муроҷиат карда ва ба ин тариқ дар амал як ниҳоди бӯғикунандаи озодии матбуот ва сухан гардидаву 8 феврали соли равон додгоҳи номбурда зери раисии судя Дилором Абдурҳимова дар нисбати нашрияи «Миллат» ҳукми ноодилона- 1500 сомонӣ ҷарима барои зарари маънавӣ расонидан ба Вазорати кишоварзӣ ва чопи радия, ки гӯё далелҳои дар матлаби нашркардаи «Миллат» исбот нашудаанд, содир намуд, аз ин рӯ банда, Толибшоҳи Сайидзода аз гирифтани маблағи Ҷойизаи ба номи устод Лоҳутӣ расман, бо нишони эътироз даст мекашам. Саҳмгузории як ниҳоди давлатие, ки аз сӯи Оҷонси мубориза бо коррупсия ва Кумитаи Маҷлиси намояндагон дар (соли 2009) ба доштани фасод муттаҳам шуда буд ва бо матбуот даъвои судӣ дорад, дар муҳимтарин Ҷоизаи журналистии Тоҷикистон барои ман қобили дарк нест. Аз ин рӯ, ман ба унвони муҳаррири нашрияи «Миллат» гирифтани бахшишеро аз чунин ниҳод кори ғайри ахлоқӣ медонам.

Ба аъзои Раёсати мӯҳтарами Ҷойизаи ба номи устод Абулқосим Лоҳутӣ барои пуштибонӣ аз номзадии банда изҳори сипос гуфта, итминони комил дорам, ки ин тасмим хотири шарифи онҳоро озурда нахоҳад сохт.

Источник: http://www.millat.tj/smi/2414-tolibshohi-saidzoda-ey-mukofotbakhsho-mazur.html

[b]29-уми декабри соли 2010 ба Кодекси андози Ҷумҳурии Тоҷикистон тағйироту иловаҳои зиёде ворид гардида, аз 1-уми январи соли 2011 мавриди амал қарор гирифт. Аз ҷумла, яке аз тағйироти воридгардида, ин барои ҳар як минтақаи кишвар музди меҳнати миёнаи номиналӣ муайян кардан, ба ҳисоб меравад. Тибқи ин санад барои шаҳри Душанбе музди номиналӣ 562 сомонӣ муайян карда шуд. Тағйироти мазкур бинобар хилофи Қонуни асосии Ҷумҳурии Тоҷикистон ва хилофи Қонуни меҳнат буданаш соҳибкорону кормандон ва ҳатто кормандони худи мақомоти андозро ба иштибоҳ андохт.[/b]

[b]Раҳбарияти Кумитаи андози назди ҳукумати Ҷумҳурии Тоҷикистон бо ироаи мактуб-дастур нисбати навгониҳои Кодекси андоз, ки аз 1-уми январ ба ҳукми иҷро даромад, мораторияи муваққатӣ эълон намуд. Корхонаҳои ҷамъиятии ғайритиҷоратӣ, намоянагони иттиҳодияҳои тиҷоратӣ якҷоя бо мутахассисони Кумитаи андоз барои коҳиш додани оқибатҳои манфии тағйирот дар Кодекси андоз гурӯҳи корӣ ташкил намуданд. Зеро дар корхонаҳои хусусӣ ба ихтисор кардани кормандон аллакай шурӯъ намудаанд ва ҳатто баъзан аз ин тағйирот сӯистифода карда истодаанд. Аз ин рӯ, барои каме равшанӣ андохтан дар бораи ин навъи андозбандӣ мусоҳибае доштем бо Исмоил Талбаков, вакили Маҷлиси намояндагон ва ҳамчунин узви Кумитаи иқтисод ва молияи парлумони Ҷумҳурии Тоҷикистон.[/b]

[i]-Дар интиҳои соли гузашта ба «Кодекси андоз»-и ҶТ тағйиру иловаҳои зиёде ворид карда шуд. Мегуфтед, ки сабаби ворид намудани тағйирот чӣ буд ва он аз тарафи кӣ пешниҳод гашт?[/i]

— Ҳукумати ҶТ дар маҷлиси худ оиди ворид намудани тағйиру иловаҳо ба Кодекси андоз 2-юми октябри соли 2010, таҳти рақами 482 бо истифода аз ҳуқуқҳои конститутсионӣ лоиҳа дар бораи ворид намудани тағйиру иловаҳоро ба парламент пешниҳод кард. Шӯрои Маҷлиси олии Маҷлиси намояндагон 11-уми октябри соли ҷорӣ таҳти рақами 360 онро мавриди баррасӣ қарор дод. Аз ҳамон рӯз эътиборан вакилон ва кумитаҳо бо ин лоиҳа шинос шуданд. Шӯъбаи ҳуқуқи парлумон мутобиқати онро бо қонунҳои амалкунанда ва байналхалқие, ки Точикистон онҳоро қабул намудааст, тасдиқ намуд. Кумитаи иқтисод ва молияи парлумон лоиҳаро дар ҷаласа пешниҳод намуд. Дар вақти пешниҳод кардан бештар аз 59 таклифу дархостҳо буданд. Ба моддаҳои 6,7,34,49, 54,60, 47, 70, 92,110 ,111, 137, 153 ва 311, 312, 304, 305-и Кодекси андоз тағйиру иловаҳо ворид карда шуданд. Бештар тағйирот ба моддаи 137 дахл дорад. Дар моддаи 137, қисми 5 калимаҳои «на камтар аз музди меҳнати номиналии миёнамоҳонаи коргарони кироя» бо калимаҳои «дар давраи аз 1-уми июли соли ҷорӣ то 30-юми июни соли оянда на камтар аз музди меҳнати номиналии моҳонаи коргарони кироя дар шаҳру ноҳияҳои дахлдор» иваз карда шуд. Яъне ҳамин тартиб ҳанӯз дар Кодекси андози пештара вуҷуд дошт ва он аз музди номиналии коргарони кироя гирифта мешуд.

Имрӯз аҳолӣ бештар чӣ дар дохил ва чӣ дар хориҷи кишвар дар асоси шартномаи даҳонӣ ва ё хаттӣ кор мекунанд. Аз рӯйи баъзе рақамҳо то 600-700 нафар ва ё дар асоси маълумотҳои дигар то 1-1,5 млн нафар одамон дар хориҷи кишвар фаъолият мекунанд. Онҳо аз даромадашон ягон дирам андоз аз даромад намесупоранд, на дар Русия ва на дар Тоҷикистон. Ин гурӯҳ одамон шаҳрванди Тоҷикистонанд. Вақте ки дар ҷамъият инсон бо ягон кор машғул аст ва даромад мебинад, бояд аз даромадаш андоз супорад. Ҳамчунин андози иҷтимоӣ супорад, то вақти ба нафақа баромаданаш дар Хазинаи иҷтимоӣ захира шавад ва оянда он нафар нафақа бигирад.

[i]-Яъне Шумо гуфтаниед, ки муҳоҷирин ҳам бояд андоз супоранд? Агар ин тавр бошад, пас онҳо чӣ гуна инро амалӣ менамоянд?[/i]

-Бале, мувофиқи тағйироти мазкур муҳоҷирон низ андоз месупоранд. Гап дар сари он аст, ки меъёрро ҳокимияти қонунбарор маълум кард, вале механизми амалигардонии он ҳам дар дохили кишвар ва ҳам берун дар шароити кунунӣ бениҳоят мушкил аст. Ин қадами нахустин аст, ки аз коргарони кироя андоз ситонида мешавад. Дар асоси маълумотҳои оморӣ дар шаҳри Душанбе музди миёнаи коргарон 562 сомониро ташкил мекунад. Дар ноҳияҳо ин нишондод камтар аст. Дар Нораку Роғун ин зиёдтар аст, чунки ба ин минтақаҳо сармояи зиёд рафта истодааст, ҷойҳои корӣ бисёранд, мутахассисон маблағи зиёд мегиранд.

[i]- Кадом категорияи коргарон аз рӯйи музди номиналии 562 сомонӣ андоз бояд супоранд?[/i]

— Мардум ба иштибоҳ афтодааст, гӯё ки ҳама бояд аз маоши номиналии 562 сомонӣ андоз супорад. Не ин гуна нест. Нафаре, ки дар ин ё он ташкилот, субъекти хоҷагидорӣ, дар ин ё он фирма хоҳ хусусиву хоҳ давлатӣ дар он ҷое, маош таъин аст, коргари штатӣ аст, дар ведемост имзо гузошта, моҳона мегирад, дар асоси ҳамон маблағи мегирифтааш андоз аз даромад ва андози иҷтимоӣ месупорад. Шояд ягон коргар 1000 сомонӣ маош гираду нафаре 100 сомонӣ. Коргаре, ки 1000 сомонӣ моҳона мегирад, дар асоси ҷадвали Кодекси андоз аз ҳисоби 1000 ва нафаре, ки 100 сомонӣ мегирад, барои 100 сомонӣ андоз месупорад, вале маош аз 80 сомон кам набояд бошад.

[i]- Вале дар асоси гуфтаи муҳосибон он миқдори маошеро, ки пештар омода карда мешуданд, имрӯз дар мақомоти андоз қабул надоранд ва талаб карда истодаанд, ки маоши ҳар як коргар набояд аз 562 сомонӣ кам бошад. Яъне коргаре, ки барои мисол 200 сомонӣ маош мегирад, бояд аз рӯйи 562 сомонӣ андоз супорад…[/i]

-Ин комилан хатост. Кадом мақомоте, ки ба шумо ин гуна меъёрро талқин мекунад, нодуруст мегӯяд. Ин мардумро ба иштибоҳ андохтан аст.

Барои мисол, агар дар рӯзнома фаъолият мекунеду маошатон 100 сомонӣ аст, Шумо аз рӯйи сад сомонӣ андози иҷтимоӣ ва андоз аз даромад месупоред. Лекин агар ягон нафар даъват кунад ва аз шумо хоҳиш намояд, ки матлабе омода созед ва бар ивазаш 200 ё зиёд аз ин маблағ диҳад, дар ин ҳолат бояд дар асоси моҳонаи номиналии 562 сомонӣ андоз супоред. Ё барои мисол, аз бозор мардикор кироя кардед, ягон кореро анҷом медиҳад, ки бар ивазаш мумкин то 400 сомонӣ дар як рӯз бигирад. Барои ӯ ҳам аз рӯи меъёри 562 сомонӣ андоз супорида мешавад.

[i]- Ин навъи андозбандӣ ба корхонаҳои давлатӣ ҳам дахл дорад?[/i]

— Бале, дахл дорад, ба шарте ки коргар кироя бошад. Масалан, ягон муҳандис даъват карда мешавад ва маблағи хубе барои кори дурӯзааш мегирад. Бояд дар асоси андоз аз маоши номиналӣ 562 сомонӣ супорад.

[i]-Масалан, шахсоне ҳастанд, ки бо рӯзнома дар асоси шартномаи хаттӣ ва ё шифоҳӣ ҳамкорӣ мекунанд ва онҳо барои як саҳифа матлаб барои мисол 50 сомонӣ гонорар мегиранд. Шояд ҳамкорони рӯзнома дар як моҳ 1 ё 2 саҳифа матлаб омода бисозанд, пас шакли андозсупории онҳо чӣ гуна хоҳад буд?[/i]

-Дар ин ҳолат агар корхона байни коргаронаш шартнома дошта бошад, дар он ҷо ҳамон маблағ нишон дода шуда бошад, ин маоши реалии шумо ҳисоб меёбад, аз ин ҳам бояд андоз бисупоред.

Аз ин рӯ, дар ҳолати воқеӣ будан, шумо ба Кумитаи андоз эъломия медиҳед, ки дар корхонаатон 200 сомонӣ маош мегиред ва дар баробари он қайд мекунед, ки бо дигар ҷой дар асоси шартнома ҳамкорӣ доред. Кордиҳанда бояд худ андозро ситонад. Вақте шумо мегӯед, ки дар ин ҷо 50 сомонӣ мегирам, барои мақомоти андоз як чизи нофаҳмост. Албатта, ба шубҳа мераванд, ки ин пинҳонкорӣ аст.

Мисол, электрик ва ё муҳандис 500 сомонӣ маош мегирад, аз рӯйи он андоз месупорад, вале рӯзҳои шанбе, якшанбе шояд дар асоси шартномаи даҳонӣ дар дигар ҷой кор кунад, Мумкин бархе дар бозори меҳнат дар як моҳ то 2000-5000 ҳазор кор мекунанд, вале онҳо ягон дирам андоз намесупаоранд. Барои ҳамин ин гуна меъёр муқаррар карда шуд. Ин маоши муқарраршуда ба коргарони кироя дахл дорад. Дар Кодекси андоз чунин омадааст: «Ҳар коргари кироя новобаста аз он ки кироякор ба таври ҳуҷҷатӣ ба расмият даровардашуда ё не. Соҳибкори инфиродӣ, ки фаъолияти худро дар асоси шаҳодатнома дар хусуси бақайдгирӣ кори инфиродӣ амал менамояд, бояд мутобиқи музди меҳнати воқеии гирифтаи ин коргар ба андоз аз даромад ва андози иҷтимоӣ андозбандӣ карда шаванд. Ҳамзамон барои ҳисоб кардани манбаҳои андоз аз даромад ва андози иҷтимоӣ музди меҳнати чунин коргари кироя на камтар аз музди меҳнати номиналии коргарони кироя, ки дар ҶТ барои соли гузашта ташаккул ёфтааст, муайян гардидааст. Дар мо чунин нафарон зиёданд. Боз мегӯям, ки дар Русия чанд ҳазор нафар кор мекунанд, онҳо ҳам «наёмный», яъне кироя ҳастанд, боз 200 ҳазор нафари дигар ки имрӯз дар биржаи бозори мо нишастаанд. Ҳамчунин ошхонаҳо дар асоси патент кор мекунанд, вале маблағи пешхизматро дар киссааш мегузоранд. Инҳо ҳам бояд андоз бисупоранд.

[i]- Коршиносон бар он фикранд, ки андоз бояд ҳавасмандкунанда бошад, на буғикунанда. Вале бархе аз коршиносон андозҳои моро буғикунанда ном мебаранд. Фикри Шумо дар ин бора чӣ гуна аст?[/i]

— Андоз дар тамоми давраҳо новобаста ба шакли моликият бояд ҳавасмандкунанда бошад. Фарҳанги андозсупорандагон бояд баланд бошад ва андозсупоранда барои сари вақт супоридани андоз ҳавасманд гардад. Андоз барои зиёд шудани манбаъҳои андозсупоранда бояд мусоидат кунад. На ин ки онро буғӣ кунад. Яъне шаҳрванд ҳуқуқу ӯҳдадориҳояшро хубтар бидонад. Дар ҳолати баҳс худро ҳифз карда тавонад. Вале мутаассифона, субъектҳои хоҷагидори мо ҳуқуқҳои хешро намедонанд.

Ман пешниҳод дорам, ки дар оянда қоидаҳои андозу андозситонии шаҳрвандон аз даврони мактаби миёна таълим дода шавад. Чунки баъди хатми мактаб шахс мустақил мешавад ва кор мекунад.

[i]- Ҳангоми қабули Қонун «Дар бораи ворид намудани андози аксизӣ ба хизматрасонии алоқаи мобилӣ» гуфта мешуд, ки ин навъи андоз ба муштариён таъсир намерасонад. Имрӯз бошад, он боз бар дӯши халқ аст. Чаро ин тавр шуд?[/i]

— Вазири мӯҳтарами молия ҳангоми баромадаш дар ҷаласа гуфт, ки ин ба муштариён таъсир намерасонад. Вале набояд фаромӯш кард, ки ҳар чизе, ки ба арзиши аслӣ ворид карда мешавад, он ҳатман ба нарх таъсир мерасонад. Зеро ширкатҳо аз киссаи худашон он андозро намесупоранд. Масалан, ӯзбекистон боҷи гузаштани мошинҳоро баланд бардошт, хоҳед нахоҳед он ба болои маҳсулот зам мешавад. Ё пулакӣ шудани роҳи Душанбе-Суғдро мисол меорем, он ҳам ба ронанда дахл дошт, вале ронандагон он маблағро аз ҳисоби баланд намудани роҳпулӣ таъмин мекунанд.

[i]- Раиси Хазинаи байналхалқии асъор эълом карда, ки сиёсати андозбандӣ дар Тоҷикистон бояд таҷдиди назар шавад. Дар ин масъала чӣ андеша доред?[/i]

-Ин масъала дуруст аст. Вақте ки мо Кодекси андози Ҷумҳурии Тоҷикистонро қабул намудем, парламенти касбӣ нав ба кор шурӯъ карда буд ва ин Кодекс дар шароите қабул карда шуд, ки айёми гузариш ба иқтисоди бозаргонӣ буд. Тағйирёбии шаклҳои моликият буд. Акнун вақти он расидааст, ки Кодекси андози ҶТ мутобиқ ба талабот ва ҳолати воқеии иқтисоди Тоҷикистон таҳрезӣ ва қабул шавад.

[b]PS:[/b] Тибқи қонун мо аз Маҷлиси намояндагони Ҷумҳурии Тоҷикистон барои ҳалли мушкилоти байни андозсупорандагон ва андозситонандагон, хоҳиш мекунем, ки тафсири қонуни мазкурро интишор намоянд. То дар ҷомеа нофаҳмӣ аз байн равад ва ҳамчунин аз қонуни мазкур бархе сӯистифода накунанд.

Уғулой Мухторова

Источник: http://www.tojnews.org/taj/index.php?option=com_content&task=view&id=12382&Itemid=28

[b]29-уми декабри соли 2010 ба Кодекси андози Ҷумҳурии Тоҷикистон тағйироту иловаҳои зиёде ворид гардида, аз 1-уми январи соли 2011 мавриди амал қарор гирифт. Аз ҷумла, яке аз тағйироти воридгардида, ин барои ҳар як минтақаи кишвар музди меҳнати миёнаи номиналӣ муайян кардан, ба ҳисоб меравад. Тибқи ин санад барои шаҳри Душанбе музди номиналӣ 562 сомонӣ муайян карда шуд. Тағйироти мазкур бинобар хилофи Қонуни асосии Ҷумҳурии Тоҷикистон ва хилофи Қонуни меҳнат буданаш соҳибкорону кормандон ва ҳатто кормандони худи мақомоти андозро ба иштибоҳ андохт.[/b]

Раҳбарияти Кумитаи андози назди ҳукумати Ҷумҳурии Тоҷикистон бо ироаи мактуб-дастур нисбати навгониҳои Кодекси андоз, ки аз 1-уми январ ба ҳукми иҷро даромад, мораторияи муваққатӣ эълон намуд. Корхонаҳои ҷамъиятии ғайритиҷоратӣ, намоянагони иттиҳодияҳои тиҷоратӣ якҷоя бо мутахассисони Кумитаи андоз барои коҳиш додани оқибатҳои манфии тағйирот дар Кодекси андоз гурӯҳи корӣ ташкил намуданд. Зеро дар корхонаҳои хусусӣ ба ихтисор кардани кормандон аллакай шурӯъ намудаанд ва ҳатто баъзан аз ин тағйирот сӯистифода карда истодаанд. Аз ин рӯ, барои каме равшанӣ андохтан дар бораи ин навъи андозбандӣ мусоҳибае доштем бо Исмоил Талбаков, вакили Маҷлиси намояндагон ва ҳамчунин узви Кумитаи иқтисод ва молияи парлумони Ҷумҳурии Тоҷикистон.

Матни пурраи мусоҳибаро дар суроғаи зерини сомонаи мо мутолиа кунед: [url=http://www.taj.nansmit.tj/analysis/?id=35]http://www.taj.nansmit.tj/analysis/?id=35[/url]

Источник:

[b]Ниҳоят, мо, — журналистон, ки ҳамеша садои шиква дорему гоҳ аз андоз менолем, гоҳ аз додгоҳу мансабдорон, ИД дорем.[/b]

Аслан, рӯзноманигорон бо баҳонаҳои гуногун дар як сол се ид доранд: Агар 11 март иди матбуоти кишвар, рӯзи таваллуди аввалин нашрияи тоҷикӣ «Бухорои шариф» бошад, (бо ташаббуси мансабдорони алоҳида ба иди матбуоти давлатӣ бадал шуд!) 3 май рӯзи озодии баён (ба иди матбуоти мустақил табдил ёфт) ва 8 сентябр рӯзи ҳамраъйии журналистони ҷаҳон мебошад. Боз худи ҳамин ҳамқаламони азиз менависанд, ки чаро иди бисёр дар кишвар дорему хароҷоти зиёд…

Матни пурраи мақоларо дар суроғаи зерини сомонаи мо мутолиа кунед: [url=http://www.taj.nansmit.tj/analysis/?id=36]http://www.taj.nansmit.tj/analysis/?id=36[/url]

Хуршеди Ниёз

Источник:

[b]Ниҳоят, мо, — журналистон, ки ҳамеша садои шиква дорему гоҳ аз андоз менолем, гоҳ аз додгоҳу мансабдорон, ИД дорем.[/b]

Аслан, рӯзноманигорон бо баҳонаҳои гуногун дар як сол се ид доранд: Агар 11 март иди матбуоти кишвар, рӯзи таваллуди аввалин нашрияи тоҷикӣ «Бухорои шариф» бошад, (бо ташаббуси мансабдорони алоҳида ба иди матбуоти давлатӣ бадал шуд!) 3 май рӯзи озодии баён (ба иди матбуоти мустақил табдил ёфт) ва 8 сентябр рӯзи ҳамраъйии журналистони ҷаҳон мебошад. Боз худи ҳамин ҳамқаламони азиз менависанд, ки чаро иди бисёр дар кишвар дорему хароҷоти зиёд…

Аммо, муҳимтар аз ҳама ин аст ки дар ду иди аввал бештар ба соли гузаштаи ВАО-и чопӣ назар андӯхта мешавад ва шебу фарозҳо беихтиёр пеши назар меоянд. Натиҷаҳо ҳам ҷамъбаст мешаванд, — касе соҳибҷойиза мешаваду касе аз масъулини натиҷагириҳо ранҷида меравад. Махсусан, ранҷидаҳо миёни довталабон барои дарёфти ҷойизаи Иттифоқи журналистони Тоҷикистон ба номи Абулқосим Лоҳутӣ дар рӯзи 11 март зиёд мешаванд, аз ин рӯ, метавонед на ба раиси ИЖТ ҳасад бареду на ба райиси ҳакамон.

3 май ҳам дар рушди журналистикаи тоҷик нақши муҳим бозидааст ва ҳатто метавон гуфт, дар гардиши куллии он нақши фаромӯшношуданӣ гузошт. Шояд кам нафаре имрӯз дар ёд дорад, вале 3 майи соли 2003 аз озмуни миёни журналистон натиҷагирӣ шуд ва ягон журналисти навиштораш ба тоҷикӣ, соҳиби мукофот нашуд. Ҳатто ба ҳафтаномаи «Нерӯи сухан», ки маҳбубияти зиёде пайдо карда буд, созмонҳои журналистии кишвар ва созмонҳои байналхалқӣ ҷоизаеро сазовор надонистанд. Ба эътирози журналистони тоҷик намояндаи як созмон, узви ҳайати доварон чунин посух дод:

— Тоҷикзабонон на журналист доранд на журналистика!

Натиҷаи ору номус ин шуд, ки соли дигар аз нисф бештари ҷойизаҳои озодии баёнро хабарнигорони ҳафтаномаи «Рӯзи нав», ки думболаи ин таъна таъсис ёфта буд, гирифтанд.

Соли 2005 ҳам айнан чунин воқеа рух дод: Ранҷидагон аз натиҷагирии озмун ин маротиба созмони журналистии «Медиа- Алянси Тоҷикистон» таъсис доданд, ки хуб аст, бад аст, то ҳол аз будани хеш дарак медиҳад.

Соле, ки гузашт, барои матбуоти кишвар бо умедҳо оғоз шуд, аммо имрӯз нақши камранги матбуоту ба якборагӣ пойин рафтани теъдоди нашр эҳтимоли аз чоп бозмондани ҳафтаномаҳоро ба миён овардааст.

Соле, ки гузашт, дигар даъвоҳои судӣ ва талабҳои хандаовари пулӣ (миллионҳо сомонӣ!) алайҳи нашрияҳо касеро ба ҳайрат наовард.

Соле, ки гузашт, бори аввал хабарнигорони Телевизиони Тоҷикистон номи нашрияҳои мустақилро гирифтанд. Ҳатто агар бо бадӣ буд, дар таърихи ҳафтаномаҳо бори аввал буд.

Соле, ки гузашт, шубҳаеро ҳам ба вуҷуд овард, ки журналист ҳам метавонад террорист бошад.

Соле, ки гузашт…

Акнун, ки гузашт, чӣ ҷойи шиква?

Ид муборак ҳамқалам ва ҳамалам!

[b]ИБ: Фарзандони шоистатаре дар сомонҳои дигар коре карданд, ки миёнгини тӯли умри модаронашон ба 81 сол (Амрико) ё 82 сол (Бритониё) ё 84 сол (Фаронса) ё ҳатто ба 86 сол (Жопун) бирасад. Дар ҳоле ки миёнгини умри як зан дар Тоҷикистон бештар аз 60 сол нест.[/b]

Источник: http://www.tojnews.org/taj/index.php?option=com_content&task=view&id=12383&Itemid=28

[b]11-уми март дар Тоҷикистони азизи мо иди «Рӯзи матбуот» ҷашн гирифта шуд. Ба ин муносибат бо ибтикори Вазорати фарҳанг ва Иттифоқи журналистони Тоҷикистон дар бинои Театри давлатии академӣ-драмавии ба номи устод Абулқосим Лоҳутӣ ҷамъомади тантанавии журналистон баргузор гардид. Пеш аз оғози ҷамъомад дар назди театр ва толори он намоиш ва фурӯши китоб ва дигар маҳсулоти полиграфӣ сурат гирифт.[/b]

Дар ин байн майлу тавваҷҷӯҳи ҳозиринро торти бузурге, ки онро дар шакли Модем ширкати Телефонҳои Муҳаррики Тоҷикистон тайёр карда буд, ҷалб намуд. Журналистону дигар ҳозирин қабл аз он ки вориди толори тамошо бигарданд, аз торти бо дасти гулдухтарони ин ширкат бурида даҳон ширин мекарданд. Дар аввали ҷамъомад муовини аввали вазири фарҳанги Тоҷикистон Миралӣ Достиев қаламбадастони кишварро бо иди касбиашон аз номи раҳбарияти вазорат табрик гуфта ба онҳо бахту саодат ва комёбиҳои беназир орзу намуд.

Ӯ эълон дошт, ки ба муносибати ин Ид 31 нафар журналист ва корманди матбуот бо нишони «Аълочии матбуоти Ҷумҳурии Тоҷикистон», 18 нафар бо нишони «Аълочии фарҳанги Ҷумҳурии Тоҷикистон» ва 31 нафар бо «Ифтихорнома»-и вазири фарҳанги Ҷумҳурии Тоҷикистон сарфароз гардонда шуданд.

Акбар Саттор -раиси Иттифоқи журналистони Тоҷикистон чун анъана дар ин рӯз феҳристи барандагони ҷоизаи муҳимтарини рӯзноманигорони кишвар, ҷоизаи ба номи Абулқосим Лоҳутӣ дар соли 2010-ро эълон кард. Қабл аз он ӯ гуфт, ки маблағи ин ҷоизаро на аз созмонҳои байналмилалӣ, балки аз сарпарастони дохилӣ дарёфт кардааст ва лозим донист, ки номи сарпарастонро низ ифшо созад. Бино ба гуфтаи ӯ вазорати кишоварзии кишвар (вазир Қосим Қосимов), ширкати саҳҳомии холдингии кушодаи «Барқи тоҷик» (раис Абдулло Ёров) ва Ҷамъияти масъулияташ маҳдуди Вавилион -Т (директори генералӣ Файзуллоҳ Беҳзод) аз манбаъҳое ҳастанд, ки дар дарёфти маблағи ҷоизаи мазкур ба Иттифоқи журналистони Тоҷикистон кӯмак кардаанд.

Акбар Саттор нимшӯхиву нимҷиддӣ илова намуд, ки «ба Қосимҷон Раҳбарович Қосимов гуфтам, ки ҷанҷолро бо «Миллат» камтар кунед. Мо ба ҳар сурат тарафдори журналистон ҳастем». Ҳамин тариқ ба журналистон Нозирҷон Ёдгорӣ (сухангӯи ширкати «Барқи тоҷик»), Толибшоҳи Саидзода (муҳаррири ҳафтаномаи «Миллат», Абдураҳмон Расулӣ (журналисти собиқадор), Алӣ Ҷӯра (радиои «Ватан»), Фаррух Зиёев (радиои «Тоҷикистон»), Шавкат Муҳаммаддиев (шабакаи аввали Телевизиони Тоҷик), Саидмуроди Хоҷазод (радиои Тоҷикистон) ҷоизаи олитарини журналистони кишвар дар соли 2010 супурда шуд.

Раиси Иттифоқи Журналистони Тоҷикистон ғолибони озмуни журналистони ҷавон ба номи устод Воҳид Асрориро низ эълон кард. Донишҷӯи соли панҷуми Донишкадаи давлатии ҳунарҳои зебои ба номи устод Мирзо Турсунзода Маъруфзода Суғдмеҳр ва донишҷӯи соли панҷуми факултаи журналистикаи Донишгоҳи Миллии Тоҷикистон Усмон Ниёзов тибқи қарори доварон барандагони ин ҷоиза дониста шуданд.

Дар хотима барои ҳозирин гурӯҳи овозхонҳои Филармонияи Давлатии Тоҷикистон консерт намоиш доданд.

Источник: http://www.ruzgor.tj/matbuot/4642-akbari-sattor-ba-kosim-kosimov-guftam-ki-bo-millat.html

[b]Хабарнигорон ва раҳбарони расонаҳои мустақили Тоҷикистон мехоҳанд, тарҳи Қонуни “Воситаҳои ахбори омма” ба сурати густарда мавриди баррасии ҷомеъаи кишвар қарор бигирад.[/b]

Дар як ҳамоиш дар шаҳри Душанбе рӯзи ҷумъаи 11 март зимни баррасии пешнависи Қонуни “Воситаҳои ахбори омма” пешниҳод шуд, ки ин тарҳ бо тавсияи Шӯрои Маҷлиси намояндагони порлумони Тоҷикистон дар нашрияҳои расмии кишвар чоп шуда ва дар муддати се моҳи оянда аз ҷониби сокинони кишвар баррасӣ шавад.

Дар назар аст, тарҳи ин қонун рӯзи 18 марти соли ҷорӣ ба порлумони Тоҷикистон ироъа шавад.

Аммо Олим Салимзода, раиси Кумитаи умури байналмилалӣ, иттиҳодияҳои ҷамъиятӣ ва матбуъотии Маҷлиси Намояндагони порлумони Тоҷикистон ва яке аз муаллифони тарҳи Қонуни “Воситаҳои ахбори омма” гуфт, ки пешнависи ин қонун дар зарфи се соли ахир бо ширкати хабарнигорон, раҳбарони расонаҳои мустақил, намояндагони созмонҳои ғайридавлаӣ ва байналмилалӣ баррасӣ шудааст.
Ҳамчунин, барои баррасии пешниҳодот ва ҳамоҳанг сохтани муфоди ин санад гурӯҳи корие бо шумули намояндагони порлумон, хабарнигорони собиқадор ва намояндагони вазоратҳои зирабт таъсис шуда буд.

Оқои Салимзода гуфт, бо ин вуҷуд мубоҳисот ва ибрози назарҳо дар атрофи муфоди ин санади ҳуқуқӣ ҳамчунон идома доранд.

Яке аз масоили мавриди баҳс дар тарҳи ин қонун дар заминаи сабти номи расонаю нашрияҳо будааст, ки гуфта мешавад бархе аз нукоти норавшан дорад ва низоми сабти ном дар он бояд мушаххастар дарҷ шавад.

Ба гуфтаи Қироншоҳ Шарифзода, раиси созмони ғайридавлатии “Журнолист” тибқи ин санад расонаҳою нашрияҳо “ҳамчун шахсони ҳуқуқӣ ва соҳибкорони инфиродӣ” бояд аз тариқи “равзанаи ягона” дар Кумитаи молиёт сабти ном шаванд.

Оқои Шарифзода таъкид кард, ки бар асоси қавонини Тоҷикистон созмонҳои соҳибкорӣ ё тиҷоратие чун “Оила”, ки чанд нашрия доранд, аз ин тариқ сабти ном мешаванд. Аммо ба гуфтаи вай мавзӯъи норавшан дар тарҳи ҷадиди қонун ин ҷост, ки «сарнавишти нашрияҳои созмонҳои ҷамъиятӣ ва ҳизбӣ, ки созмонҳои тиҷоратӣ маҳсуб намешавнад, чи хоҳад шуд?»

Бар асоси қонуни феълӣ, ин созмонҳо дар Вазорати адлия сабти ном шуда ва сипас нашрияҳои онҳо дар Вазорати фарҳанг сабт мешаванд.

Масъулони нашрияҳои мустақил гуфтанд, дар кишварҳои пешрафтаи ҷаҳон бо шумули Русия сабти номи нашрияҳо дар ниҳодҳои давлатӣ аз миён рафта, балки нашрияҳо пас аз огоҳ сохтани ниҳодҳои молиётӣ дар бораи фаъолияти худ, оғоз ба кор мекунанд.

Нуктаи дигари мавриди баҳс дар тарҳи қонуни ҷадид дастрасӣ ба иттилоъот будааст, ки тибқи ин банди қонун муддати додани посух ба расонаҳо аз ҷониби ниҳодҳои давлатӣ се рӯз пешбинӣ шудааст.

Нуриддин Қаршибоев, раиси Анҷумани расонаҳои мустақили Тоҷикистон мегӯяд, дар бештари маворид хабарнигорон ба ҳангоми таҳияи гузоришҳои хабарӣ ба посухи сареъ ниёз доранд.

Ҳамчунин, дар ҳамоиши рӯзи ҷумъа пешниҳод шуд, ки мақоми ҳуқуқии сойтҳои хабарии интернетӣ низ ҳамчун «матбуъот» дар пешнависи Қонуни “Воситаҳои ахбори омма” шинохта шавад.

Зеро ба гуфтаи Султони Ҳамад, рӯзноманигори тоҷик, кормандони сойтҳои ҷудогонае низ ҳастанд, ки гузоришу хабарҳо таҳия мекунанд, ва таҳиякунандагони он рӯзноманигор маҳсуб мешаванд.

Олим Салимзода, раиси Кумитаи умури байналмилалӣ, иттиҳодияҳои ҷамъиятӣ ва иттилоъоти Маҷлиси Намояндагони порлумони Тоҷикистон пешниҳод кард, ки дар зарфи як ҳафтаи оянда ҳамоиши дигаре барои баррасии ин санад баргузор шуда ва танҳо пас аз «баррасии ҳамаҷониба» пешнависи Қонуни “Воситаҳои ахбори омма” ба порлумон ироъа гардад.

Зимнан, қонуни феълии матбуъот дар моҳи декабри соли 1990 тасвиб шуда ва дар зарфи 20 соли ахир 5 маротиба ислоҳ шудааст.

Дар солҳои 2001, 2005 ва 2008 тарҳҳои қонуни ҷадиди матбуъот аз сӯйи созмонҳои рӯзноманигории Тоҷикистон ва бо пуштибонии ҳуқуқии Созмони Амният ва Ҳамкории Урупо таҳия шуда, аммо мавриди ҳимояти давлати Тоҷикистон қарор нагирифтаанд.

Дар ҳамин ҳол, созмони “Медиа Алянс”-и Тоҷикистон эълом кард, ки қонуни олтернотиви матбуъотро таҳия карда ва барои баррасӣ ба порлумони Тоҷикистон пешниҳод хоҳад кард.

Источник: http://www.bbc.co.uk/tajik/news/2011/03/110311_mm_press_law.shtml

[b]Рӯзи 11-уми март дар тақвими Тоҷикистон ҳамчун Рӯзи матбуот қайд шудааст.
Таҷлили ин сана дар кишвар дар соли 1996-ум ба расмият даромада ва то замони касби истиқлолияти Тоҷикистон, рӯзноманигорони кишвар 5-уми май, рӯзи нашри рӯзномаи «Правда» — нашрияи асосии Ҳизби Коммунистии Шӯравии собиқро ба сифати санаи иди касбии худ таҷлил мекарданд.[/b]

Аммо баъди баҳсҳо миёни равшанфикрони Тоҷикистон бар сари таъйини рӯзи матбуоти тоҷик, 11-уми марти соли 1912, рӯзи интишори «Бухорои Шариф», нахустин нашрия ба забони тоҷикӣ дар Осиёи Марказӣ, ин сана дар тақвими Тоҷикистон ба ҳайси Рӯзи матбуоти тоҷик пазируфта шудааст.

Барои мутолиаи матни пурраи гузориш суроғаи зеринро пахш кунед: [url=http://www.taj.nansmit.tj/analysis/?id=34]http://www.taj.nansmit.tj/analysis/?id=34[/url]

Фарҳоди Милод

Источник:

Рӯзи 11-уми март дар тақвими Тоҷикистон ҳамчун Рӯзи матбуот қайд шудааст.
Таҷлили ин сана дар кишвар дар соли 1996-ум ба расмият даромада ва то замони касби истиқлолияти Тоҷикистон, рӯзноманигорони кишвар 5-уми май, рӯзи нашри рӯзномаи «Правда» — нашрияи асосии Ҳизби Коммунистии Шӯравии собиқро ба сифати санаи иди касбии худ таҷлил мекарданд.

Аммо баъди баҳсҳо миёни равшанфикрони Тоҷикистон бар сари таъйини рӯзи матбуоти тоҷик, 11-уми марти соли 1912, рӯзи интишори «Бухорои Шариф», нахустин нашрия ба забони тоҷикӣ дар Осиёи Марказӣ, ин сана дар тақвими Тоҷикистон ба ҳайси Рӯзи матбуоти тоҷик пазируфта шудааст.

Вазъи озодии баён ба хусус расонаҳо дар Тоҷикистон ҳамвора дар гузоришҳои созмонҳои байналмилалӣ матраҳ будааст.

Хосса дар як соли ахир вазъи расонаҳо ва озодии баён дар Тоҷикистон ба мавзӯи доғ табдил шудааст. Зеро дар ин муддат мавориди ба додгоҳ кашонидани расонаҳои ба хусус мустақил афзоиш ёфта ва ин раванд аз маҳдуд шудани озодии баён дар кишвар дарак медиҳад. Ахиран сафорати Амрико дар Тоҷикистон, ба хусус сафир Кеннет Гросс бо нашри мулоҳизоти хеш дар матбуот, аз вазъи расонаҳо ва озодии баён дар Тоҷикистон изҳори нигаронӣ карда ва гуфтааст, ба додгоҳ кашонидани нашрияҳои мустақил фазои тарсу ваҳмро дар ҷомеа ба миён меорад.

Бо таваҷҷӯҳ ба ин вазъ, гуфтугӯе доштем бо Ҷим Калахан, масъули равобит бо ҷомеаи сафорати Амрико дар Тоҷикистон ва нахуст аз ӯ пурсидем, ки чаро вазъи кунунии озодии баён дар Тоҷикистон барои сафорати Шумо ва шахси ҷаноби сафир хеле муҳим шудааст?

[b]Посух:[/b] То он дараҷае, ки ман аз қабл таҳқиқ кардаам, дар рӯзҳои мардумӣ, аз ҷумла Иди матбуоти тоҷик, сӯҳбати сафорату сафир дар бораи аҳамияти матбуоти озод дар ҷомиа як амри маъмулӣ аст. Яке аз суолҳои мо вобаста ба нигарониҳо дар бораи аҳамияти журналистика аст. Мо ҳамчун миллат ҳис мекунем, ки то куҷо доштани матбуот аҳамият дорад. Матбуоте, ки қудрати танқид ва инъикоси мунсифонаи ҳаводисро дорад. Мо ҳис мекунем, ки барои мардум ва ҳукумат донистани он, ки кадом як коре нодуруст иҷро мешавад ва бояд дуруст иҷро шавад, хеле муҳим аст. Як кори расонаҳо ҳам ин аст, ки ҳукуматро водор кунанд, то кори худро дуруст ба роҳ монад. Агар ҳукумат худро ислоҳ карда тавонад, ҳама бурд мекунанд. Дар кишвари ман ҳам баъзан ва аксар вақт мақомот расонаҳоро хуш надоранд. Вақте мешавад, ки миёни ҳарду сари он, ки хабар чӣ гуна бояд бошад ва чӣ гуна дар асл ҳаст, зиддият ба вуҷуд меояд. Аммо тамоми шароитро барои он дорем, ки ҳукумат аз матбуот сӯистифода накунад. Ҳукумат бояд аз рӯи виҷдон кор кунад. Расонаҳо ҳам бояд ба ҳар ҳарфи худ масъулият дошта бошанд. Зеро аз ин вазъ мардум нафъ мебинад ва пирӯз меояд.

[b]Суол:[/b] Ҷаноби сафир дар матлабашон вазъи озодии баён дар ИМА-ро мисол меоранд, ки чӣ гуна хуб аст ва қонуне вуҷуд надорад, ки ин озодиро маҳдуд кунад. Аммо то куҷо ин як умедгоҳи наздик барои матбуоти Тоҷикистон метавонад бошад, дар ҳоле ки ба қавли коршиносон, солҳои ахир вазъ рӯ ба коҳиш аст, на беҳбудӣ? Ин вазъро чӣ гуна метавонед тафсир кунед?

[b]»ОЗОДИИ БАЁН БАРОИ ЯК КИШВАРИ ОЗОД ЗАРУР АСТ»[/b]

[b]Посух:[/b] Дар кулл ҳукумати Амрико ва сафораташ дар ин кишвар як ҳадаф доранд: беҳбуд бахшидани вазъ дар Тоҷикистон. Зеро ин барои миллати мо хеле муҳим аст. Ҷаноби сафир ҳам дар мақолаашон гуфтаанд, ки ба ҳамкории миёни ҳукумату расонаҳо ва беҳбуди вазъи озодии баён умедвор аст ва омодаи ҳама гуна кӯмак барои беҳбуди вазъ аст. Ин як корест, ки дипломат бояд кунад. Мо мехоҳем бо ҳукумат, бо мардум кор кунем, то вазъи озодии баён он гуна бошад, ки барои як кишвари озод зарур аст.

[b]Пурсиш:[/b] Ҷаноби Калахан, як соли ахир дар Тоҷикистон ба таври бесобиқа ҳафтаномаҳо аз сӯи мақомот ба додгоҳҳо кашида мешаванд ва гӯё мисли як амри табии дар онҳо баҳсро мебозанд. Ин вазъ чӣ паёмаде дошта метавонад?

[b]Посух:[/b] Ин вазъ спиралеро мемонад, ки поён меравад. Аз ин қабл аз ҳама рӯзноманигорон зарар мебинанд ва маҷбур мешаванд, ки ба худсенсорӣ рӯ оранд. Худсенсорӣ як навъи тарс аст, ки рӯзноманигор фикр мекунад, чиро нависад ва чиро на. Аммо онҳо ҳамчун нозирон ва сухангӯён эътимоди мардумро аз даст медиҳанд. Агар хабаре ҳам нависанд, мардум шак мекунанд ва ҳатто фикр мекунанд, ки ин метавонад дурӯғ бошад. Ин вазъ барои миллате, ки худро месозад, мехоҳад рушд кунад, хеле бад аст. Хеле бад аст, ки мардум надонад, дар асл чӣ мегузарад.

[b]»ИНҚИЛОБҲОИ ИНТЕРНЕТӢ»[/b]

[b]Пурсиш:[/b] Таҳаввулоте, ки дар кишварҳои арабӣ рух доданд, аз сӯи бархе коршиносон, «инқилобҳои интернетӣ» низ унвон мешавад. Гуфтанд, ки бо истифода аз Твиттеру Фейсбук мардум бо ҳамдигар дар тамос буданд ва ҳар лаҳза иттилоъи сареъ пахш мекарданд. Дар Тоҷикистон ҳам соли гузашта ҳангоми ноамниҳо дар водии Рашт дар қатори расонаҳо, сомонаҳоро низ масдуд карданд. Аммо то куҷо мешавад аз интернет ҷилавгирӣ кард ба хотири таъмини амният? Оё ин имкон дорад?

[b]Посух:[/b] Ҳеҷ як кишвари ҷаҳон барои дарозмуддат наметавонад интернетро масдуд кунад. Ин имконнопазир аст. Ҳар касе бар ин фикр аст, ки метавонад интернетро масдуд кунад, иштибоҳ мекунад. Ин фанноварӣ аст, ки рӯз ба рӯз ва хеле зуд, босуръат рушд мекунад. Ба назарам, ҳаводиси Тунис ва Миср маҳз намунаи барҷастаи он ҳастанд, ки мардуми аз мушкилот ба дод омада тавассути расонаҳо бо ҳам робита барқарор карданд. Имрӯз масдуд кардани интернет имкон надорад. Гузашта аз ин, муомилаи хеле гаронарзиш аст. Як модеми оддие ҳаст, ки шуморо бо моҳвора мепайвандад. Ҳатто ҳукумати Амрико наметавонад ин гуна воситаҳои алоқаро масдуд кунад. Ҳар кишваре, ки мегӯяд, интернетро масдуд мекунад, хаёл мепарварад. Ӯ ин корро карда наметавонад.

[b]ИНТЕРНЕТ ВА АМНИЯТИ МИЛЛӢ[/b]

[b]Пурсиш:[/b] Вақте дар бораи масдуд кардани интернет дар Тоҷикистон баҳсҳо вуҷуд доштанд, мақомот гуфтанд, ки ин ба амнияти миллӣ ва манфиати кишвар баромадааст. То куҷо амнияту манфиати миллӣ метавонанд далели масдуд кардан ё бастани расонаҳо бошанд?

[b]Посух:[/b] Ин қабл аз ҳама аз худи масъала вобаста аст. Ҳукумат дар кулл пеши мардум ҳисоботдиҳанда аст. Хеле осон аст гуфтани он, ки мо ба хотири таъмини амният ин ё он корро мекунем. Замоне нақшаи Маршалро Амрико дар Аврупо пиёда мекард ва ҳукумат ба мардум мегуфт, ки ин ба хотири амнияти онҳо аст. Аммо он замон мардум ин далели ҳукуматро қабул доштанд. Аммо имрӯз мепурсанд, бо кадом сабаб ва чаро ин корро мекунад. Ҳукумат бояд далелҳои қавӣ дошта бошад барои асоснок кардани ин ё он даъвои марбут ба амният. Мардумро бояд итминон дода тавонад. Дар акси ҳол натиҷаҳо баръакс мешаванд. Ҳоло фанновариҳо пеш рафтаанд. Мардум манобеъи гуногуни иттилоъ доранд. Он чӣ расонаҳои давлатӣ менависанд, аксар вақт қобили қабули мардум нестанд. Фанновариҳои нав ҳукуматҳоро маҷбур мекунанд, ки бештар пеши мардум ҳисоботдиҳанда ва ростқавл бошанд.

[b]»КӮМАК МЕРАСОНЕМ НА ТАЪСИР»[/b]

[b]Пурсиш:[/b] Бубинед, солҳои ахир чандин маротиба аз вазъи расонаҳои алоҳида ва дар кулл вазъи озодии баён дар Тоҷикистон созмонҳои байнулмилалӣ ва сафоратҳои муқими кишвар изҳори нигаронӣ мекарданд. Аммо то куҷо, масалан, сафорати Шумо метавонад ба вазъи таъсир расонад ва барои ҳалли мушкил кӯмак кунад?

[b]Посух:[/b] Фикр намекунам, ки ин ҷо мавзӯъи таъсир расонидан бошад. Инро ман хуш надорам. Зеро мо бо давлате кор мекунем, ки онро шинохтаем ва бо он мехоҳем кор кунем. Гоҳе мешавад, ки аз мо барои пешбурди ягон соҳа кӯмак мепурсанд, мо кӯмак мерасонем. Гоҳе мешавад, ки мо аз вазъи ҳуқуқи башар изҳори нигаронӣ мекунем, аммо ҳукумат мегӯяд, ки бо ин назари шумо мувофиқ нестем. Нуктаи муҳим аз ҳама ин аст, ки ҳар як ҳукумат рисолати ҳифзи худ ва ҳифзи мардуми худро дорад ва бояд онро аз рӯи виҷдон иҷро кунад.

Фарҳоди Милод

Источник: http://www.ozodi.org/content/article/2334519.html

11-уми март ба шарафи нашри нахустин рӯзномаи тоҷикӣ дар тақвимҳои кишвар ҳамчун Рӯзи матбуот дарҷ шудааст.

Аммо хабарнигорони тоҷик имсол бо кадом рӯҳияе аз иди касбии худ, ки бар пояи нашри нахустин шумораи «Бухорои шариф» дар аморати Бухоро асос ёфтааст, таҷлил мекунанд?

Барои мутолиаи матни пурраи гузориш суроғаи зеринро пахш кунед:
[url=http://www.taj.nansmit.tj/analysis/?id=33]http://www.taj.nansmit.tj/analysis/?id=33[/url]

Мирзои Салимпур

Источник: