[b]Суди ноҳияи Ашти шимоли Тоҷикистон нисбат ба хабарнигори маҳаллии «Нури зиндагӣ» дар асоси 4 банди Кодекси ҷиноии ҶТ, амсоли «тамаъҷӯӣ» парванда боз намуда, 4 моҳ инҷониб ӯро дар боздошт нигоҳ медорад.[/b]

Ин ҳам дар ҳолест, ки боздошти хабарнигори маҳаллии «Нури зиндагӣ» дар ноҳияи Ашти вилояти Суғд Муҳаммадюсуф Исмоилов ба хотири нашри маводи танқидӣ доир ба фаъолияти мақомоти маҳаллӣ 4 моҳ қабл сурат гирифта буд. Номбурдаро суди мазкур ба ғайр аз «тамаъҷӯӣ» боз аз рӯи 3 банди дигари Кодекси ҷиноии ҶТ, яъне барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат тавассути ВАО айбдор мешуморад.

Дар робита ба ин, ҳимоятгар Муҳаббат Ҷӯраева, ки ниҳоят бо зерҳимояаш Исмоилов вохӯрдааст, изҳор дошт, ки тафтиши парванда бо фишор болои зерҳимояаш ва хешовандонаш сурат мегирад.

— Ба Исмоилов аз рӯи банди «тамаъҷӯӣ» тӯҳмат карда истодаанд. Замоне қабл зерҳимояам тақрибан солҳои 2009 хона месозад ва аз як ҷиянаш чанд миқдор тахта барои пӯшидани хона мегирад. Ҷияни мавсуф дар ҳукумати ин маҳал кору фаъолият мебурдааст ва бархе аз кормандони ҳукумати маҳаллӣ ӯро таҳти фишор гирифта, маҷбур кардаанд, то ӯ даъво бубарад, ки Исмоилов Муҳаммадюсуф он масолеҳи сохтмониро аз вай бо роҳи «тамаъҷӯӣ» гирифта будааст,- афзуд ҳимоятгар.

Ҳамзамон, М. Ҷӯраева (ҳимоятчӣ)-ро фишор болои Исмоилов ва аҳли пайвандону наздиконаш зимни тафтиши парванда нигарон кардааст, зеро бино ба гуфтаи ҳимоятгар, дар баробари ин, банди «тамаъҷӯӣ» гунаҳкори ҷурмро то 10 сол аз озодӣ маҳрум месозад.

Дар ҳамин ҳол, Анҷумани миллии васоити ахбори оммаи мустақили Тоҷикистон боздошти хабарнигори маҳаллии «Нури зиндагӣ»-ро ҷавоби мақомоти маҳаллӣ нисбат ба навиштаи интиқодии номбурда унвон кардаанд ва дар баробари ин, хостори раҳоии Исмоилов шудаанд.

Шаҳриёр КАБИР, TojNews

Источник: http://tojnews.org/taj/index.php?option=com_content&task=view&id=12963&Itemid=28

[b]Дар Кохи Ҷомии шаҳри Душанбе маросими ботантанаи ҷамъбасти чорабиниҳо бахшида ба Рӯзи байналмилалии мубориза бар муқобили сил баргузор гардид. Дар ин бора ба TojNews аз Вазорати тандурустии Ҷумҳурии Тоҷикистон хабар доданд.[/b]

Ба иттилои манбаъ, дар ин чорабинӣ муовини вазири тандурустии Ҷумҳурии Тоҷикистон Соҳибназар Раҳмонов, сарвари минтақавии Барномаи рушди СММ дар Тоҷикистон Растислав Врбенский, сарвари минтақавии ЮСАИД дар Тоҷикистон Ҷеффри Лерер ширкат варзида, суханронӣ намуданд.

Озмуне, ки аз ҷониби Вазорати тандурустии Ҷумҳурии Тоҷикистон ва Лоиҳаи ҲОУП бо дастгирии молиявии Барномаи рушди СММ барои беҳтарин маводи рӯзноманигорӣ дар мавзӯи инъикоси масоили сил эълон шуда буд, ҷамъбаст гардид.

Ҷои якум насиби маводҳои зерин гардид:

Рӯзномаи «Минбари халқ», мақолаи «Табобати шакли мутобиқгаштаи сил мӯҳлати тӯлониро мехоҳад» (муаллиф Алиҷон Ҷӯраев), Муассисаи давлатии ТВ «Ҷаҳоннамо», барномаи «Тандурустӣ» (муаллиф Зебунисо Рустамова), Радиои «Ватан», барномаи«Сили мутобиқшуда умедҳои барбодрафта нест» (муаллиф Абдулазизи Восеъ), сомонаи интернетии «Азия плюс» — барои тарғибу ташвиқи ҳамешагии ин мавзӯъ дар сомона (муаллиф Мавҷуда Ҳасанова).

Ҷои дуюмро маводҳои зерин сазовор шуданд:

Ҳафтаномаи «Ҷавонони Тоҷикистон», мақолаи «Дар табобати сил ба танаффус роҳ надиҳед!» (муаллиф Сайфиддин Суннатӣ), Муассисаи давлатии ТВ «Сафина», барномаи «Манзари роз» (муаллиф Моҳлиқо Шарифова), Радиои «Садои Душанбе», барномаи «Сили мутобиқгашта» (муаллиф Қудратулло Ғуломов), Агентии миллии иттилоотии «Ховар», барои силсилаи хабару гузоришҳо (муаллиф Кристина Эрлих).

Ҷои сеюм ба нафарони зерин насиб дониста шуд:

Муассисаи давлатии ТВ «Сафина», барномаи «Чӣ бояд кард?» (муаллиф Ситора Ашӯрова), Радиои Тоҷикистон, барномаи «Шифо» (муаллиф Идигули Раҷаб), рӯзномаи «Ҳақиқати Суғд» («Согдийская правда»), «Туберкулёз не передаётся по наследству» (муаллиф Мадина Почоева), рӯзномаи «Ҳаёт» (ВМКБ), мақолаи «Беспечность есть причина всяких болезней» (муаллиф Амон Мардонов).

Ҳамчунин, барои инъикоси ҳамешагӣ ва саривақтии мавзӯи сил дар васоити ахбори омма ва маводу гузоришҳо аз нуқтаҳои доғи минтақа сари ин мавзӯъ ҷоизаи махсуси Барномаи Рушди СММ ба маркази матбуоти Вазорати тандурустӣ дода шуд.

Ҷоизаи дигари ин барнома таҳти унвони «Ситораи экран» ба мутахассиси силшиносе пешниҳод гардид, кидар кулли барномаҳои телевизион, инчунин сӯҳбатҳои радиову газетаҳо тӯли сол ширкат дошт. Ин ҷоиза насиби Фирӯза Саидова — духтури силшинос гардид.

Ҷоизаи дигар барои омӯзгор — тренере пешниҳод шудааст, ки дар омӯзонидани ин масоил ба рӯзноманигорон саҳми сазовор дорад. Барандаи ин мукофот сарвари иҷроияи мактаби мустақили рӯзноманигории «Тоҷикистон-асри XXI» Сафо Сафаров шуд.

— Ин озмун ҳамасола гузаронида мешавад ва мо маводҳои дигари рӯзноманигоронро барои озмуни оянда интизорем,- афзуд манбаъ.

Мавзуна АБДУЛЛОЕВА, TojNews

Источник: http://tojnews.org/taj/index.php?option=com_content&task=view&id=12952&Itemid=30

[b]Вакили дифои Муҳаммадюсуф Исмоилов мегӯяд, зерҳимояташ ва хешовандони ӯ таҳти фишор қарор гирифтаанд.[/b]

Додситонии ноҳияи Ашти вилояти Суғд алайҳи хабарнигори маҳаллии «Нури зиндагӣ» бар асоси чаҳор банди Кодекси ҷиноии Тоҷикистон, ба шумули «тамаъҷӯӣ» парванда боз карда, чаҳор моҳ инҷониб Додситонӣ Муҳаммадюсуф Исмоиловро ба ҷуз «тамаъҷӯӣ», аз рӯи 3 банди дигари Кодекси ҷиноии Тоҷикистон, яъне барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат аз тариқи васоити ахбори умум низ айбдор кардааст…

Ӯро дар боздошт нигоҳ медорад.Додситонӣ Муҳаммадюсуф Исмоиловро ба ҷуз «тамаъҷӯӣ», аз рӯи 3 банди дигари Кодекси ҷиноии Тоҷикистон, яъне барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат аз тариқи васоити ахбори умум низ айбдор кардааст…

[b]Матни пурраи гузоришро бо пахш кардани нишонаи зерин дар саҳифаи таҳлилии сомонаи мо мутолиа кунед:[/b] [url=http://www.taj.nansmit.tj/analysis/?id=39]http://www.taj.nansmit.tj/analysis/?id=39[/url]

Маъсуми Муҳаммадраҷаб

Источник: http://www.ozodi.org/content/article/3540515.html

[b]Вакили дифои Муҳаммадюсуф Исмоилов мегӯяд, зерҳимояташ ва хешовандони ӯ таҳти фишор қарор гирифтаанд.[/b]

Додситонии ноҳияи Ашти вилояти Суғд алайҳи хабарнигори маҳаллии «Нури зиндагӣ» бар асоси чаҳор банди Кодекси ҷиноии Тоҷикистон, ба шумули «тамаъҷӯӣ» парванда боз карда, чаҳор моҳ инҷониб Додситонӣ Муҳаммадюсуф Исмоиловро ба ҷуз «тамаъҷӯӣ», аз рӯи 3 банди дигари Кодекси ҷиноии Тоҷикистон, яъне барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат аз тариқи васоити ахбори умум низ айбдор кардааст…

Ӯро дар боздошт нигоҳ медорад.Додситонӣ Муҳаммадюсуф Исмоиловро ба ҷуз «тамаъҷӯӣ», аз рӯи 3 банди дигари Кодекси ҷиноии Тоҷикистон, яъне барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат аз тариқи васоити ахбори умум низ айбдор кардааст…

[b]НИГАРОНИИ ВАКИЛИ ДИФОЪ[/b]

Боздошти Муҳаммадюсуф Исмоилов, хабарнигори маҳаллии «Нури зиндагӣ» дар ноҳияи Ашт дар пайи нашри мақолаҳои интиқодӣ дар бораи фаъолияти мақомоти маҳаллӣ чаҳор моҳ қабл сурат гирифта буд.

Муҳаббат Ҷӯраева, вакили дифои Исмоилов, ки ахиран бо зерҳимояаш мулоқот кардааст, ба радиои «Озодӣ» гуфт, тафтиши парванда бо фишор болои зерҳимояаш ва хешованди вай ҷараён мегирад.

Хонум Ҷӯраева афзуд: «Ба Исмоилов аз рӯи банди «тамаъҷӯӣ» тӯҳмат карда истодаанд. Зерҳимояам соли 2009 хона месозад ва аз як ҷияанаш чанд дона тахта мегирад. Он ҷиянаш дар ҳукумати маҳаллӣ кор мекардааст ва кормандони ҳукумат таҳти фишор ӯро маҷбур кардаанд, то ӯ даъво кунад, ки Муҳаммадюсуф он масолеҳро аз вай бо роҳи «тамаъҷӯӣ» гирифта буд.»

[b]»ТАМАЪҶӮӢ», ТАҲҚИРУ ТӮҲМАТ…[/b]

Хонум Ҷӯраева афзуд, Муҳаммадюсуф Исмоиловро фишор болои ӯву хешовандаш дар ҷараёни тафтиши парванда нигарон кардааст. Дар ҳоле ки ба гуфтаи ин вакили дифоъ, банди «тамаъҷӯӣ» ба гунаҳкори ин ҷурм то 10 сол зиндон пешбинӣ мекунад.

Замони тафтиши парванда, хабарнигори «Нури зиндагӣ» ба ҳабси пешакӣ гирифта шудааст. Додситонӣ Муҳаммадюсуф Исмоиловро ба ҷуз банди «тамаъҷӯӣ», аз рӯи 3 банди дигари Кодекси ҷиноии Тоҷикистон барои барангехтани кинаю адовати миллию мазҳабӣ ва маҳалгароӣ, паст задани шаъну шарафи инсон, таҳқир ва тӯҳмат аз тариқи васоити ахбори умум низ айбдор кардааст.

Замони боз кардани парванда, манобеи наздик ба додситонии Ашт гуфта буданд, ки дар мақолаҳои худ Муҳаммадюсуф Исмоилов фаъолияти ғайриқонунӣ ва номуассири чанд мансабдори маҳаллиро шадидан интиқод ва бо ин роҳ шаъни онҳоро паст задааст.

[b]ВОКУНИШҲО БА БОЗДОШТИ ХАБАРНИГОР[/b]

Вале дар ҳоле, ки ин гузориш омода мешуд, аз додситонии Ашт ба радиои «Озодӣ» гуфтанд, ки муфаттиши парванда машғули бозпурсии шоҳидон аст ва вақт надорад бо хабарнигорон сӯҳбат бикунад.

Муҳаббат Ҷӯраева мегӯяд, муфаттиш ба гуфтааст, ки тафтиши парвандаҳои зиёдро ба ӯҳда дорад ва наметавонад таҳқиқи парвандаи Муҳаммадюсуф Исмоиловро то ду моҳи дигар ба анҷом бирасонад.

Боздошти хабарнигори «Нури зиндагӣ» вокуниши густардаеро дар маҳофили рӯзноманигории Тоҷикистон ва ҷаҳон ба дунбол дошт.

Кумитаи дифоъ аз хабарнигорон, мақараш дар Амрико, созмони “Хабарнигорони бидуни марз”, як гурӯҳи байналмилалии ҳомии ҳуқуқи рӯзноманигорон ва Анҷумани миллии расонаҳои мустақили Тоҷикистон ё НАНСМИТ боздошти хабарнигорро посухи мақомоти маҳаллӣ ба матолиби интиқодии ӯ номиданд ва ба раҳоии ӯ даъват карданд.

Маъсуми Муҳаммадраҷаб

Источник: http://www.ozodi.org/content/article/3540515.html

[b]Дар Душанбе маҳфили бузургдошт аз ҳафтодупанҷумин солгарди таваллуди Отахон Латифӣ, рӯзноманигор, адиб ва сиёсатмадори фақиди тоҷик баргузор шуд.[/b]

Ин маҳфил ба ибтикори Иттиҳодияи нависандагони Тоҷикистон ва пайвандони Отахон Латифӣ доир шуд ва дар он адибон, дӯстон, рӯзноманигорон ва наздикони ин чеҳраи саршинос ширкат доштанд.

Бисёре аз ширкаткунандагони ин маҳфил Отахон Латифиро ҳамчун “қолабшикани журнализми тоҷик” ёд карданд.

[b]Матни пурраи гузоришро бо пахш кардани нишонаи зерин дар сомонаи мо мутолиа кунед:[/b] [url=http://www.taj.nansmit.tj/analysis/?id=38]http://www.taj.nansmit.tj/analysis/?id=38[/url]

Источник:

[b]Дар Душанбе маҳфили бузургдошт аз ҳафтодупанҷумин солгарди таваллуди Отахон Латифӣ, рӯзноманигор, адиб ва сиёсатмадори фақиди тоҷик баргузор шуд.[/b]

Ин маҳфил ба ибтикори Иттиҳодияи нависандагони Тоҷикистон ва пайвандони Отахон Латифӣ доир шуд ва дар он адибон, дӯстон, рӯзноманигорон ва наздикони ин чеҳраи саршинос ширкат доштанд.

Бисёре аз ширкаткунандагони ин маҳфил Отахон Латифиро ҳамчун “қолабшикани журнализми тоҷик” ёд карданд.

Зеро ба гуфтаи онҳо маҳз Латифӣ шеваи нигориши матолиби интиқодӣ ва вокунишҳои сареъ ба масоилро дар рӯзнманигории даврони Шӯравӣ дар Тоҷикистон ворид кард.

Ҳамчунин дар ин ҳамоиш ба нақши Латифӣ дар раванди музокироти сулҳи тоҷикон ва имзои тавофуқоти сулҳ миёни давлати Тоҷикистон бо мухолифони пешинаш таъкид шуд.

Саломиддин Мирзораҳматов, рӯзноманигори тоҷиктабори муқими Қазоқистон мегӯяд, ки Отахон Латифӣ ҳанӯз дар солҳои 1960 асри гузашта дар арсаи рӯзнманигорӣ қолабшиканӣ карда буд.

Оқои Мирзораҳматов афзуд: “Латфӣ дар нашрияи русизабони “Комсомолец”-и Тоҷикистон фаъолият мекард, вале баъд аз навиштани чанд матлаб сардабири ин нашрия ӯро аз кор сабукдӯш кард ва гуфт, ки «вай бояд рӯзноманигориро ёд бигирад.»

Оқои Мирзораҳматов афзуд: «Вале баъд аз чанде, пас аз чопи як матлаб бо номи «Помир-бидуни эҳсосот» дар рӯзномаи “Комсомолская правда”-и чопи Маскав, Латифиро ба пойтахти Шӯравӣ барои кор даъват шуд.”

Оқои Мирзораҳматов гуфт, ки Отахон Латифи ошиқи Тоҷикистон буд ва бидуни кишвараш зиндагии худро тассавур намекард.

[b]Тарҷумаи ҳол[/b]

Отахон Латифӣ 18-уми моҳи марти соли 1936 дар шаҳри Панҷакенти Тоҷикистон таваллуд шуд ва дар ин шаҳр мактаби ҳамагониро хатм кард.

Сипас ба донишкадаи фаннии шаҳри Тошканд рафт ва дар он ҷо таҳсилро идома дод. Дертар оқои Латифӣ фориғуттаҳсили бахши рӯзноманигории Донишгохи Сонкт-Питерсбурги Русия шуд.

Вай аз соли 1967 то соли 1973 хабарнигори рӯзномаи «Комсомольская правда»-и Маскав дар кишварҳои Осиёи Марказӣ ва сипас, аз соли 1973 то 1989 хабарнигори рӯзномаи «Правда», нашрияи ҳизби кумунисти Иттиҳоди Шӯравӣ дар Тоҷикистон буд.

Ба чузъ аз рӯзноманигорӣ, Отахон Латифӣ дар сиёсат низ чеҳрае мӯътабар буд. Вай аз соли 1989 то соли 1991 симати муъовини нахуствазири Тоҷикистонро бар ӯҳда дошт.

Пас аз оғози ҷанги дохилӣ дар Тоҷикистон дар соли 1993 Отахон Латифӣ ба Эрон ва сипас ба Русия муҳоҷират кард.

Дар раванди музокироти сулҳи тоҷикон фаъолона ширкат карда ва пас аз оғози фаъолияти кумиссиюни мусолеҳаи миллӣ дар шаҳри Душанбе, раёсати кумитаи фаврии ин кумисиюн дар бахши масоили ҳуқуқиро бар ӯхда дошт.

Дар поизи соли 1998 Отахон Латифӣ дар наздикии манзили маскуниаш дар шаҳри Душанбе ба таври фаҷеъ ба қатл расид.

Баъд аз марги вай ду китоби ёддоштҳояш бо номҳои “Инсон ва қуллаҳо” ва “Баҳори охирини Латифӣ”, ки дар он матолиби дар солҳои мухталиф навиштаи ин рӯзноманигор ва тарҷумаи ҳолаш омадааст, ба чоп расид.

Манзура Яқубова, ҳамсари Отахон Латифӣ, ки чиҳил сол бо Латифӣ ба сар бурдааст, аз ӯ ҳамчун ҳамсари содиқ ва падари меҳрабони ду писараш ёд кард.

Хонум Яқубова афзуд: “Мо хеле мехостем, ки супоришгари қатли Отахонро пайдо кунанд. Зеро то ҳол қотилони вай дар озодӣ ҳастанд. Ҳарчанд як нафари номаълумеро барои даст доштанд дар ҷурми қатли шавҳарам боздошт кардаанд, аммо супоришгарони ин қатл ҳанӯз муҷозот нашудаанд.”

Хонум Яъқубова дар ҳоле ки ашк аз чашмонаш ҷорӣ мешуд гуфт: “Ҷои Латифӣ холист ва ман ҳамроҳ бо аъзои хонавода ҳамеша дар ёди шавҳари ноҳақ кушташудаам ҳастам.”

Шоъир Гулрухсор, ки бо Отахон Латифӣ аз наздик ошно буд, мегӯяд, ки Латифӣ ошкор сухан мегуфт ва иштибоҳоти даврро бо ҷасорат ифшо мекард.

Хонум Гулрухсор афзуд: “Вай ҳангоме, ки дар “Правда”, рӯзномаи вақти Шӯравӣ кор мекард, нотарсона тамоми иштибоҳоти ҷомеъа ва раҳабриятро ифшо мекард. Ҳарчанд дар ин рӯзнома касе ҳақ надошт, ҳарфи интиқодие аз шӯравӣ бигӯяд.”

Шоъир Гулрухсор бо ёдоварӣ аз матолиби даврони Шӯравӣ дар ин рӯзнма гуфт: Дар он замон дар “Правда” рӯзноманигоре дар бораи ожангҳои занони солманди Шӯравӣ навишта буд, аммо дар рӯзномаи баъдӣ зимни такзиби ин матлаб навишта буданд, ки “занони солмандӣ Шӯравӣ бо таваҷҷӯҳ ба зиндагии хуб ожанг надоранд. Вале Латифӣ буд, ки агар ожангро дар рӯйи инсон медид, ошкор дар борааш мегуфт.”

Дар маҳфили ёдбуди Отахон Латифӣ дар бинои Иттиҳодияи нависандагони Тоҷикистон дӯстони вай аз лаҳзаҳои зиндагии ин рӯзноманигори саршинос ёдовар мешуданд ва Латифиро фарзанди Наврӯз номиданд.

Зеро Отахон Латифӣ дар баҳор таваллуд шуда ва ба гуфтаи онҳо табиъат дар ин фасли зебои солро дӯст медошт.

Источник: http://www.bbc.co.uk/tajik/news/2011/03/110318_zkh_memorial_poet_latifi.shtml

[b]Аъзои Шӯрои Маҷлиси намояндагони Маҷлиси Олии Ҷумҳурии Тоҷикистон дар ҷаласаи навбатии худ, ки таҳти раёсати Раиси Маҷлиси намояндагон Шукурҷон Зуҳуров баргузор гардид, лоиҳаи Қонуни Ҷумҳурии Тоҷикистон «Дар бораи воситаҳои ахбори омма»-ро мавриди баҳсу баррасӣ қарор доданд. Дар ин бора ба TojNews сухангӯи Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов хабар дод.[/b]

Ба иттилои манбаъ, дар ҷаласаи Шӯро ҳамчунин лоиҳаҳои қонунҳои Ҷумҳурии Тоҷикистон «Дар бораи барҳамдиҳии ташкилотҳои қарзӣ», «Дар бораи Бонки милли Тоҷикистон», «Дар бораи амният», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи энергетика», «Дар бораи ворид намудани иловаҳо ба Кодекси оби Ҷумҳурии Тоҷикистон», «Дар бораи сарфаҷӯии энергия», «Дар бораи экспертизаи экологӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон», Дар бораи ҳамроҳшавии Ҷумҳурии Тоҷикистон ба Конвенсияи Созмони Милали Муттаҳид оид ба савдои транзитии давлатҳои дохили минтақавӣ баррасӣ шуданд.

— Раисони кумитаҳои Маҷлиси намояндагони Маҷлиси Олии Ҷумҳурии Тоҷикистон Сафаралӣ Раҷабов, Амир Катаев, Саиди Ёқубзод, Олим Салимзода ва Маҳмадалӣ Ватанов аз рӯи масъалаҳои ба рӯзномаи Шӯро воридгардида суханронӣ намуда, иброз доштанд, ки лоиҳаҳои қонунҳои мазкур бо мақсади танзими раванди муомилоти қарзӣ, беҳтар намудани фаъолияти ниҳодҳои марбут ба соҳаи энергетика, истифодаи сарфакоронаи қувваи барқ ва оби ошомиданӣ, тақвияти ҳамкориҳои иқтисодиву тиҷоратӣ байни кишварҳои аъзои Созмони Милали Муттаҳид, таъмини озодӣ ва шаффоф будани фаъолиятҳои воситаҳои ахбори омма ва андешидани чораҳои муассир ҷиҳати беҳтар намудани вазъи экологӣ дар қаламрави мамлакат барои муҳокима ба Шӯрои Маҷлиси намояндагон пешниҳод шудаанд,- афзуд манбаъ.

Мавзуна АБДУЛЛОЕВА, TojNews

Источник: http://tojnews.org/taj/index.php?option=com_content&task=view&id=12892&Itemid=30

[b]Дар толори хурди Маҷлиси намояндагони Маҷлиси Олии Ҷумҳурии Тоҷикистон бахшида ба рӯзи матбуоти тоҷик сӯҳбати хоса ва озоди Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо 21 рӯзноманигори шабакаҳои телевизионӣ, радио, сомонаҳои хабарии интернетӣ ва нашрияҳои гуногуни даврӣ баргузор гардид.[/b]

Cараввал Раиси Маҷлиси намояндагони Маҷлиси Олии Ҷумҳурии Тоҷикистон бо сухани ифтитоҳӣ роҷеъ ба ҷашни Рӯзи матбуоти тоҷик ибрози назар намуда, аз ҷумла гуфт, ки рӯзноманигорон ҳамчун нерӯи пешбарандаи ҷомеа дар расонидани иттилоъ ба мардум хизматҳои арзандае кардаанд.

— Албатта, рӯпуш намудани камбудиҳои ҷомеа ҳеҷ пешравие намеорад. Дар солҳои ҷанги шаҳрвандӣ, ки ҳамаи мо онро аз сар гузаронидем, ноширони мо наметавонистанд сари вақт рӯзнома ва маҷалла чоп кунанд. Хушбахтона то соли 2000-ум мо тавонистем мушкилотро паси сар кунем. 10 соли охир ба як қисми муваффақиятҳо ноил гаштем. Ҳоло бошад, ба як қатор камбудиҳо гирифторем ва мо он имкониятҳоеро дорем, ки онҳоро бартараф кунем. Ягон ҷомеаи пешрафтаи дунё бе проблема намешавад. Соли гузашта баъзеҳо хостанд муносибати ҷомеа бо ҳукуматро халалдор созанд. Дар водии Рашт, шаҳри Исфараи вилояти Суғд ҳодисаҳои нохуш рух доданд. Албатта буданд нафароне, ки мехостанд ба ҷомеаи ҷаҳонӣ нишон диҳанд, ки кишвари мо ноором аст. Ба ин корҳо дӯстони мо дар нохунак машғул буданд,- гуфт Шукурҷон Зуҳуров.

Ба изҳори ӯ, журналистон, ки қувваи солими пешбарандаи ҷамъият ҳастанд, бояд ҳамеша вазифаҳои касбии худро беғаразона ва воқеъбинона иҷро намоянд. Ӯ мегӯяд, ҳар як мақомоти дахлдори давлатӣ бояд барои иҷрои вазифаҳои дар наздаш гузошташуда содиқона рафтор намояд.

— Дар Ҷумҳурии Тоҷикистон рӯзномаву маҷаллаҳои зиёд нашр мешаванд. Ман рӯзноманигоронро як шахси одӣ ҳисоб намекунам, вале рӯзноманигор албатта бояд сиёсатро хуб бидонад, баробари ин таҳлилгари хуб бошад. Воқеиятро бинависад ва аз набзи ҷомеа хабар дошта бошад. Ман мехоҳам рӯзноманигорон бо ҷомеа дар оянда ҳамкориҳои судманде дошта бошанд. Шахсан ман бо пайдо шудани имконияти бароям мувофиқ тамоми сомонаҳои интернетӣ, нашрияҳои давлатию ғайридавлатиро аз назар гузаронида, мехонам ва аз камбудиҳои нишонраснамудаи онҳо хулоса мебарорам. Кӯшиш ба харҷ медиҳам танқидҳое, ки воқеъбинона ва муассиранд, онҳоро дар фаъолияти Маҷлиси намояндагон бартараф созем. Фикр мекунам камбудиҳо ва танқидҳои ироадоштаи шумо моро воқеан такон медиҳад ва ба он водор менамояд, ки аз пештара дида беҳтар кор кунем,- зикр намуд Шукурҷон Зуҳуров.

Ӯ гуфт, ки «агар мо ҳақиқатан бо мардум бошем, мардум моро дуруст мефаҳмад. Бо мардум кор кардан ва бо онҳо будан бояд ҳамеша кори мо бошад. Аз нуқтаи назари ман, вакилон бояд ҳамеша ҳозираҷавоб бошанд. Ба фикрҳои берун андармон набошанд ва дар парлумон фаъолияти муассир дошта бошанд. Моҳҳои наздик мехоҳем барои рӯзноманигорони парлумонӣ як семинар гузаронем ва ҳама рӯзноманигоронро даъват намоем, то ки онҳо бо терминҳои ҳуқуқӣ ва дигар нозукиҳои кори мо аз наздик шинос шаванд».

Дар интиҳои сӯҳбат Шукурҷон Зуҳуров бо қадрдонӣ аз рӯзоманигорон изҳор дошт, ки «пас аз раис интихоб шудани ман ба Парлумон бори аввал ифтихорномаҳоро бо аломати рақамгузорӣ барои дастовардҳои меҳнатӣ ва инъкоси воқеъбинонаи фаъолияти Маҷлиси намояндагони Маҷлиси Олии Ҷумҳурии Тоҷикистон даъвати чорум таъсис додаем, ки онро бахшида ба муносибати 11-уми март — Рӯзи матбуоти тоҷик мехоҳам ба Шумо рӯзноманигорони даъватшуда супорам».

Сипас Раиси Маҷлиси намояндагон ба рӯзноманигорони зерини расонаҳои хабарии телевизионӣ, радио, интернет ва матбуот ифтихорномаи Маҷлиси намояндагони Маҷлиси Олии Ҷумҳурии Тоҷикистонро супурд:

Абдулло Муҳаммадиев — рӯзноманигори телевизиони «Шабакаи якум», Аҳлиддин Тоиров — рӯзноманигори «Ҷаҳоннамо», Карим Азизов — рӯзноманигори «ТВС», Марзия Саидова — АМИТ «Ховар», Толибшоҳ Саидов — муҳаррири нашрияи «Миллат», Маъруфҷон Маҳмудов — рӯзноманигори нашрияи «Минбари халқ», Мунаввар Сафаров — рӯзноманигори нашрияи «Ҷумҳурият», Мардон Муҳаммадҷонов — рӯзномантгори шабакаи радиотелевизионии «БиБиСи», Абдуқаюм Қаюмов — рӯзноманигори сомонаи «Озодӣ», Зарина Абдуназарова — рӯзноманигори ширкати телевизионии «МИР», Аваз Юлдошев — рӯзноманигори нашрияи «Азия-Плюс», Абӯалӣ Некрӯзов — рӯзноманигори сомонаи «Тоҷнюс» ва рӯзномаи «Нигоҳ», Хуршед Ниёзов — сардабири нашрияи «Фараж», Ҳумайрои Бахтиёр — рӯзноманигори нашрияи «Озодагон», Абдураҳмон Раҳмонов — рӯзноманигори шабакаи телевизиони «К+», Лена Шербакова — рӯзноманигори сомонаи «Пресса- тҷ».

Дар анҷом Шукурҷон Зуҳуров ба рӯзноманигорон муваффақият хоста, бо таманно гуфт: «Вақте ҳақиқатро менависед, аз чизе натарсед. Ман дар охир аз Шумо хоҳиш дорам, ки ончи менависед, он баҳри ободӣ ва осоиштагии кишварамон бошад».

Абӯалӣ НЕКРӮЗОВ, Tojnews

Источник: http://tojnews.org/taj/index.php?option=com_content&task=view&id=12474&Itemid=30

[b]Дар вилояти Хатлон фақат даҳ дарсади сокинон ба родию ва телевизиюни вилоятӣ дастрасӣ доранд.[/b]

Дар ин бора масъулони Кумитаи радию ва телевизиюни вилояти Хатлон дар ҳамоиши хабарнигрони вилоят ба муносибати Рӯзи матбуъоти Тоҷикистон дар шаҳри Қӯрғонтеппа, маркази ин вилоят эълом кардаанд.

Масалан Юсуф Беков, як сокини ноҳияи Ёвон мегӯяд, аз бас ки ба радию ва телевизиюн ва нашрияҳои маҳаллӣ дастрасӣ надорад, ӯ дар мавриди таҳаввулоти сиёсию фарҳангии вилояти Хатлон иттилоъи андаке дорад. Вай мегӯяд, ки вазъи ҳамаи сокинони ин ноҳия чунин аст.

[b]Матни пурраи матлабро дар бахши таҳлили сомонаи мо мутолиа кунед:[/b] [url=http://www.taj.nansmit.tj/analysis/?id=37]http://www.taj.nansmit.tj/analysis/?id=37[/url]

Источник:

[b]Дар вилояти Хатлон фақат даҳ дарсади сокинон ба родию ва телевизиюни вилоятӣ дастрасӣ доранд.[/b]

Дар ин бора масъулони Кумитаи радию ва телевизиюни вилояти Хатлон дар ҳамоиши хабарнигрони вилоят ба муносибати Рӯзи матбуъоти Тоҷикистон дар шаҳри Қӯрғонтеппа, маркази ин вилоят эълом кардаанд.

Масалан Юсуф Беков, як сокини ноҳияи Ёвон мегӯяд, аз бас ки ба радию ва телевизиюн ва нашрияҳои маҳаллӣ дастрасӣ надорад, ӯ дар мавриди таҳаввулоти сиёсию фарҳангии вилояти Хатлон иттилоъи андаке дорад. Вай мегӯяд, ки вазъи ҳамаи сокинони ин ноҳия чунин аст.

Дар ҳамоиши рӯзи ҷумъа дар Қурғонтеппа ҳамчунин гуфтанд, ки ба далели мушкилоти мухталиф сокинони манотиқи марзӣ бо Афғонистону Ӯзбакистон барномаҳои родию ва телевизиюни ин кишварҳо гӯш ва тамошо мекунанд.

Хуршед Сафаров, масъули дафтари шабакаи телевизиюни “Сафина” дар вилоят Хатлон ин вазъро «навъе таҳдид ба амнияти иттилоъотии Тоҷикистон» унвон кард.

Дар ҳамин ҳол, Ҳамроҳ Салимов, раиси Кумитаи родию ва телевизиюни вилояти Хатлон гуфт, ки барои пахши барномаҳои родию ва телевизиюни маҳаллӣ дар манотиқи марзӣ талошҳое сурат мегирад.

Масъулони ин ниҳод қаблан гуфта буданд, ки то ҷашни Наврӯзи соли ҷорӣ барномаҳои телевизюни вилоятӣ аз тариқи моҳвора ва барномаҳои родию тавассути амвоҷи FM пахш хоҳад шуд. Аммо то ҳол дар ин замина пешрафте ба назар нарасидааст.

Зимнан, дар вилояти Хатлон ду шабакаи мустақили телевизиюни “Мавҷи озод” дар ноҳияи Восеъ ва “РТК” дар шаҳри Қӯрғонтеппа фаъолият карда, вале ба далели надоштани барномаҳои хуби хабарӣ ё матолиби ҳирфаии журнолистӣ, тамошочии зиёде надоранд.

Тибқи иттилоъи манобеъи расмӣ, ҳоло дар вилояти Хатлон 40 нашрия сабти ном шуда, аммо танҳо ду-се нашрияи ба сурати ҳафтагӣ ва боқӣ фақат дар рӯзҳои ҷашнӣ мунташир мешаванд.

Муассисони нашрияҳо низ ҳукуматҳои маҳаллӣ буда ва дар онҳо умдатан хабарҳои расмӣ чоп мешаванд.

Ба гуфтаи Рустами Сафар, хабарнигори мустақили маҳаллӣ, нашрияҳои давлатӣ аз тариқи обуна чоп шуда ва ҷавобгӯи ниёзҳои ҷомеъа нестанд.

Ӯ гуфт: “Ин нашрияҳо дар мавриди мушкилоти мардум чизе наменависанд ва бештари матолиби онҳо фармоишӣ аст.”

Аз сӯйи дигар, Сайвалӣ Сайфуллоев, раиси чопхонаи вилояти Хатлон мегӯяд, таҷҳизоти чопхона кӯҳнаю фарсуда буда, имкони бо адади зиёд ва кайфияти хуб мунташир кардани нашрияҳо вуҷуд надоштааст.

Латофат Чориева, сардабири “Ҳамрози халқ”, нашрияи ҳизби ҳокими халқи демукроти Тоҷикистон дар вилояти Хатлон гуфт, ки ба ин далел ӯ маҷбур аст ҳафтаномаро дар шаҳри Душанбе чоп кунад.

Камбуди чопхонаҳои муоъсир, чопи ғайримуназзами нашрияҳо ва душворӣ барои дастрасии амвоҷи радию телевизиюни вилоятӣ намоишгари вазъи фазои иттилоъотии вилояти Хатлон аст, ки ба ислоҳ ниёз дорад.

Источник: http://www.bbc.co.uk/tajik/news/2011/03/110311_mm_ok_press_khatlaan.shtml