[b]Ҳайъати суфарои кишварҳои Иттиҳодияи Урупо дар Тоҷикистон дар баёнияи муштарак дар рӯзи сешанбеи 5 июл, аз тасмими мақомоти Тоҷикистон мабнӣ бар лағви иттиҳомоти узвияти Ӯринбой Усмонов ба Ҳизби Таҳрир истиқбол кардаанд.[/b]

Ин баёния ҳамзамон аз боқӣ мондани иттиҳомот алайҳи оқои Усмонов, ки ба фаъолияти хабарнигории ӯ марбут буда ва аз чаҳорчӯби истондортҳои фаъолияти хабарнигорон берун намеравад, ибрози нигаронии амиқ кардаанд.

Суфарои кишварҳои Иттиҳодияи Урупо ибрози умедворӣ карданд, ки мақомоти Тоҷикистон дар мавриди иттиҳомоти боқимонда таҷдиди назар карда ва сареъан Ӯрунбой Усмонов, хабарнигори Би-би-сиро аз боздошт озод хоҳанд кард.

Иттиҳодияи Урупо аз талошҳои давлати Тоҷикистон барои истиқрори субот ва амният дар кишвар пуштибонӣ карда, ҳамзамон ба муҳим будани озодии матбуъот дар ин кишвар ва зарурати мутафиқ будан бо истондоротҳои қазойии шаффофи байналмилалӣ таъкид кардаанд.

Ӯринбой Усмонов рӯзи 13 июн ҳангоме ки аз маҳалли кор ба хона бармегашт, нопадид шуд. Як рӯз пас маъмурони амниятӣ ва пулис ӯро ба хонааш оварда, манзилашро такурӯ карданд ва дубора бо худ бурданд.

Аз он замон то кунун чандин созмони байналмилалӣ, сафоратхонаҳои ғарбӣ ва созмонҳои дифоъ аз ҳуқуқи башар ва рӯзноманигорон дар баёнияҳои мукаррар хостори озодии Ӯрунбой Усмонов шуданд. Би-би-сӣ низ дар ду баёния боздошти ӯро маҳкум карда ва хостори озодии фаврии ӯ шудааст.

Созмони Гузоришгарони Бидуни Марз низ аз мақомоти Тоҷикистон хостааст, то Ӯрунбой Усмонов, хабарнигори боздоштшудаи Би-би-сӣ дар шимоли ин кишварро, озод кунанд.

Созмони Афви Байналмилал (Amnesty International), аз созмонҳои мӯътабари дифоъи ҳуқуқи башар матлаберо таҳти унвони «Қазияи Усмонов марҳалаи ҳассосе барои Тоҷикистон аст», мунташир кардааст, ки аз паёмадҳои эҳтимолии боздошти хабарнигори Би-би-сӣ барои кишваре чун Тоҷикистон сӯҳбат мекунад.

Гурӯҳи Байналмилалии Бӯҳрон ҳушдор дод, ки боздошти хабарнигори Би-би-сӣ дар Тоҷикистон метавонад, паёми баде барои кишварҳои ёригар ба ин кишвар бошад.

Иттиҳодияи Урупо низ батозагӣ бори дигар эълом кардааст, ки аз қазияи боздошти хабарнигори Би-би-сӣ дар Тоҷикистон нигарон аст ва ин қазияро аз наздик дунбол мекунад.

Кумитаи Дифоъ аз Рӯзноманигорон (CPJ) бо интишори баёнияе аз давлати Тоҷикистон хоста буд, ки иттиҳомоти ба гуфтаи ин созмон “сохтагӣ” алайҳи хабарнигори боздоштшудаи Би-би-сӣ дар шаҳри Хуҷандро лағв кунад.

Ҳамчунин, ин созмон хостори озодии Ӯрунбой Усмонов шуда ва гуфта буд, ки иттиҳомоти ворида алайҳи оқои Усмонов бо фаъолиятҳои хабарнигориаш пайванд дорад.

Бо ин ҳол, ҷониби бозрасӣ ҳоло мехоҳанд оқои Усмоновро ба «ҳамдастӣ» ё «хабар надодан ба мақомоти марбута» дар бораи мулоқоташ бо аъзои эҳтимолии Ҳизби Таҳрир муттаҳам кунад.

Вале ҳам Ӯрунбой Усмонов, ва ҳам вакили мудофеъаш ва ҳам Би-би-сӣ мегӯянд, ки мулоқоти оқои Усмонов бо аъзои Ҳизби Таҳрир дар чорчӯби фаъолиятҳои хабарнигории ӯ сурат гирифтааст.

Дар ҳамин ҳол, баъд аз зӯҳри ҳар рӯзи чаҳоршанбе хабарнигорон ва мудирони бахшҳои мухталифи Би-би-сӣ дар ҳамоиши эътирозӣ дар назди сохтмони Сервиси ҷаҳонии Би-би-сӣ дар Ландан, дар иртибот бо боздошти Урунбой Усмонов, хабарнигори ин шабака дар шимоли Тоҷикистон, барпо мекунанд.

Би-би-сӣ тасмим гирифтааст, ҳар рӯзи чаҳоршанбе, то замони озодии оқои Усмонов, чунин ҳамоишҳои эътирозӣ баргузор кунад.

Питер Ҳоррокс, раҳбари Сервиси ҷаҳонии Би-би-сӣ, дар номае аз Эмомалӣ Раҳмон, раиси ҷумҳурии Тоҷикистон, хостааст, ки ба озодии Ӯрунбой Усмонов мусоъидат кунад.

Вале раиси ҷумҳурии Тоҷикистон ҳанӯз ҳеч посухе ба ин нома ва муроҷиъатномаи аҳли хонаводаи Ӯринбой Усмонов, ки рӯзи 18 май ба дафтари раёсати ҷумҳурӣ ирсол шуда буд, надодааст.

Источник: http://www.bbc.co.uk/tajik/institutional/2011/07/110705_mm_urinbay_usmon.shtml

[b]Вакили мудофеъи Урунбой Усмонов, хабарнигори боздоштшудаи Би-би-сӣ дар шимоли Тоҷикистон, дар номае ба раиси Шӯрои расонаҳои ин кишвар хостори арзёбии ахлоқии мақолаи як рӯзноманигор дар бораи муваккили зиндонии худ шудааст.[/b]

Файзинисо Воҳидова мегӯяд мақолае, ки дар сойти Pressa.tj дар бораи Урунбой Усмонов пештар чоп шуда буд, тавҳиномез аст ва дар он муаллиф бо баёни «дидгоҳҳои муғризона ва тӯҳматомези худ» ба обрӯву эътибор ва ҳуқуқ ва манофеъи қонунии оқои Усмонов, ки ҳоло дар боздошт ба сар мебарад, латма задааст.

Хонуми Воҳидова дар номае, ки рӯзи шанбеи 2 июл мунташир шуд, ин мақоларо «суфоришӣ» хонда ва аз Зинатулло Исмоилов, раиси Шӯрои расонаҳои Тоҷикистон хостааст, ки «рафтори ғайриқонунӣ ва ғайриахлоқии» муаллифи он дар Шӯрои расонаҳо аз назари ахлоқи рӯзноманигорӣ баррасӣ шавад.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/news/?id=218]http://www.taj.nansmit.tj/news/?id=218[/url]

Источник:

[b]Вакили мудофеъи Урунбой Усмонов, хабарнигори боздоштшудаи Би-би-сӣ дар шимоли Тоҷикистон, дар номае ба раиси Шӯрои расонаҳои ин кишвар хостори арзёбии ахлоқии мақолаи як рӯзноманигор дар бораи муваккили зиндонии худ шудааст.[/b]

Файзинисо Воҳидова мегӯяд мақолае, ки дар сойти Pressa.tj дар бораи Урунбой Усмонов пештар чоп шуда буд, тавҳиномез аст ва дар он муаллиф бо баёни «дидгоҳҳои муғризона ва тӯҳматомези худ» ба обрӯву эътибор ва ҳуқуқ ва манофеъи қонунии оқои Усмонов, ки ҳоло дар боздошт ба сар мебарад, латма задааст.

Хонуми Воҳидова дар номае, ки рӯзи шанбеи 2 июл мунташир шуд, ин мақоларо «суфоришӣ» хонда ва аз Зинатулло Исмоилов, раиси Шӯрои расонаҳои Тоҷикистон хостааст, ки «рафтори ғайриқонунӣ ва ғайриахлоқии» муаллифи он дар Шӯрои расонаҳо аз назари ахлоқи рӯзноманигорӣ баррасӣ шавад.

Манобеъи огоҳ мегӯянд мақолаи «Урунбой Усмонов: Ман бо амири Ҳизби Таҳрир робита доштам», ки рӯзи шанбеи 18 июн дар сойти Pressa,.tj чоп шуда ва ба вокунишҳои мухалифе дар миёни рӯзноманигорон доман задаааст, ба Ленура Мустафаева, хабарнигори маҳаллӣ, таъаллуқ доштааст.

Худи хонуми Мустафаева, ки тавонистааст бо мусоъидати маъмурони амниятӣ дар вилояти Суғд бо оқои Усмонов қабл аз дидори вакили мудофеъаш бо ӯ мусоҳиба кунад, зоҳиран ин мавзӯъро таъйид карда, вале аз сӯҳбат бо хабарнигорон худдорӣ намудааст.

Вакили мудофеъи Урунбой Усмонов аз нависандаи мақола ба унвони «рӯзноманигоре, ки зиёд шинохташуда нест» ном бурда ва меафзояд, ки шояд барои мақомҳои амниятӣ чунин рӯзноманигоре лозим будааст, то ба ҳамкасбаш Урунбой Усмонов «беш аз фоида осеб» бирасонад.

Пештар хонуми Воҳидова хабар дода буд, ки дар бораи мақолаи чопшуда дар сойти Pressa.tj ба додситонии вилояти Суғд низ шикоят бурда ва умедвор аст, ки ин ниҳод ба ин мақола баҳои ҳуқуқӣ хоҳад дод. Вале то кунун маълум нест, ки додситонии вилояти Суғд дар ин бора чи тасмим гирифтааст.

Хонуми Воҳидова нависандаи ин мақоларо ба «тасарруфи салоҳияти додгоҳ» муттаҳам карда ва менависад, ки ин рӯзноманигори маҳаллӣ қабл аз он ки парвандаи оқои Усмонов ба додгоҳ биравад, алайҳи ӯ ҳукми худро содир кардааст.

Вай меафзояд: «Хонуми Мустафаева ба таври ғайриқонунӣ салоҳияти додгоҳро ба худ гирифта ва дар матлаби худ ҳукм содир мекунад ва рӯзноманигор У.Усмроновро дар ин ки вай гӯё бо душманони ислом дар ҳамсоягӣ мезиста ва ин ки душманони ислом пайвандони ӯ будаанд ва яке ҳам давраи маҳкумияти худро дар зиндон сипарӣ карда ва дувумӣ ҳамчунон зиндонист, муҷрим шинохтааст.»

Ин дар ҳолест, ки ба гуфтаи хонуми Воҳидова, бар асоси ҳеҷ қонуне як фард масъулияти аъмоли пайвандони худро наметавонад ба ӯҳда дошта бошад. Вай меафзояд, ки қонуни хонаводаи Тоҷикистон танҳо волидонро масъули аъмоли фарзандони ноболиғашон медонад.

Вакили мудофеъи оқои Усмонов ҳамчунин хабарнигори Pressa.tj-ро ба мудохила дар умури хусусии муваккили худ муттаҳам карда ва мегӯяд, ки вай дар бораи зиндагии хусусии оқои Усмонов иттилоъ ҷамъоварӣ карда ва бидуни иҷозаи вай дар матбуъот интишор додааст.

Ин дар ҳолест, ки ба гуфтаи вай, ин иқдом бар асоси моддаи 144-и Қонуни кайфарии Тоҷикистон ҷиноят маҳсуб мешавад: «Ба назари шахсии ман, шумо ба дунболи эҳсосот будед ва мехостед ситораи матбуъот шавед ва ҳирси ин кор мӯҷиб шуд, ки шумо аз чорчӯби қонун фаротар қадам гузоред.»

Зимнан, Шӯрои расонаҳои Тоҷикистон ҳафтае пеш дар пайи дархости дафтари намояндагии Би-би-сӣ дар Тоҷикистон ба арзёбии ахлоқии ду мақолаи чопшуда дар сойти Pressa.tj ва дар нашрияи «Народная газета» дар бораи Урунбой Усмонов оғоз кардааст.

Шӯрои расонаҳо ҳануз натоиҷи арзёбии худро эълом накарда, вале нашрияи давлатии «Ҷумҳурият» низ рӯзи шанбеи 25 июн дар мақолае оқои Усмоновро «журналисти «таҳрир»-гаро» хондааст.

Ин нашрия иддаъо карда, ки оқои Усмонов аз соли 2009 ба узвияти созмони мамнӯъи Ҳизби Таҳрир шомил шуда ва «ба ташвиқу тарғиби ифротгароёнаи ин ҳизб дар шабакаҳои интернет» машғул будааст.

«Ҷумҳурият» ҳамчунин иддаъо кардааст, ки хабарнигори боздоштшудаи Би-би-сӣ дар ҳамкорӣ бо Шарифҷон Яъқубов — шахсе, ки «Амири Ҳизби Таҳрир дар Тоҷикистон» шинохта шудааст, бо Ато Абӯ ар-Рушта, амири кулли Ҳизбуттаҳрир дар Британияи Кабир иртиботи доимӣ дошта ва фаъолияти ҳизбро тибқи ҳидоятҳои ӯ «яке дар Душанбе ва дигаре дар Суғд» танзим мекардаанд.

Ин нашрияи давлатӣ меафзояд: «Урунбой Усмонов имкониятҳои худро аз мавқеъи бахши ӯзбекии радиои Би-би-сӣ барои паҳн намудани ғояҳои таҳрирӣ истифода мебурдааст. Чунончи, ӯ ду китоби «Субҳи хилофат»-ро аз Шарифҷон Яъқубов гирифта, порчаҳои онро тавассути барномаҳои радио пахш кардааст.»

Нашрияи «Ҷумҳурият», ки мавзеъи расмии давлати Тоҷикистонро бозтоб медиҳад, ҳамчунин а вокуниши сафорати Бритониё ва
Иттиҳодияи рӯзноманигорони Тоҷикистон ба боздошти оқои Усмонов башиддат интиқод карда ва гуфтааст, ки «онҳо ба шитобкорӣ роҳ доданд, дар ҳоле ки бояд хулосаи мақомоти тафтишотиро интизор мешуданд».

Нависандаи ин матлаб, ки худро «Шарифҷон Салимӣ, рӯзноманигор» муъаррифӣ мекунад, дар бораи вокуниши Тревор Мур, сафири Бритониё дар Душанбе, ба ин қазия менависад: «Намояндаи кишваре, ки волоияти қонунро дар мамлакати ӯ аз ҳама боло медонанд, чаро дар давлати дигар озодии бечунучарои шахсеро тақозо дорад, ки хилофи қонунҳои амалкунанда рафтор кардааст?»

Вай меафзояд: «Наход танҳо барои он ки ӯ хабарнигори радиои Би-би-сӣ мебошад? Ва ё ба хотири он ки қароргоҳи асосии ин ҳизби тундгаро дар Лондон ҷойгир аст?»

Нашрияи «Ҷумҳурият» дар бораи вокуниши Иттиҳодияи рӯзноманигорон ҳам менависад: «Намедонам, шояд онҳо низ аз Тревор Мур дастур гирифтанд ё дар андешаи онанд, ки журналист ҳеч гоҳ ҷинояткор намешавад?»

Чопи ин мақола дар ҳолест, ки шабакаи хабарии Би-би-сӣ, худи оқои Усмонов, аҳли хонавода ва вакили мудофеъи вай ин иттиҳомотро бакуллӣ рад карда ва гуфтаанд, ки ӯ бо Ҳизби Таҳрир ҳеч иртиботе надорад.

Қаблан Файзинисо Воҳидова, вакили мудофеъи Урунбой Усмонов, эълом карда буд, ки дар ҷараёни тафтишот ва бозҷӯйиҳои чанд рӯзи ахир собит шудааст, ки вай ҳаргиз узви Ҳизби Таҳрир набуда ва иттиҳоми узвият алайҳи ӯ лағв шудааст.

Хонуми Воҳидова ин суханонро рӯзи сешанбе пас аз дидори намояндагони Би-би-сӣ бо Урунбой Усмонов дар идораи амнияти вилояти Суғд дар ҳузури кормандони амниятӣ ва ду хабарнигори маҳаллӣ низ такрор кард ва маъмурони амниятӣ низ ин нуктаро таъйид карданд.

Аз сӯйи дигар, раҳбарони Сервиси Ҷаҳонии Би-би-сӣ эълом кардаанд, ки Урунбой Усмоновро комилан бегуноҳ медонанд ва аз давлати Тоҷикистон мехоҳанд, ки ӯро фавран озод кунад.

Би-би-сӣ ҳамчунин иқдоми бархе аз расонаҳои давлатию хусусиро, ки қабл аз ба додгоҳ рафтани қазия оқои Усмоновро «ифротагро» ва «узви Таҳрир» хондаанд, башиддат маҳкум карда ва гуфтааст, ки ин иқдомот бо асли бароат (презумпсия невиновности), ки дар моддаи 20 Қонуни асосии Тоҷикистон ва дар моддаи 11 Эъломияи ҳуқуқи башар сабт шуда, комилан муғоир аст.

Ҳарчанд Питер Ҳорокс, раиси Сервиси Ҷаҳонии Би-би-сӣ, ахиран дар номае ба Эмомалӣ Раҳмон, раиси ҷумҳурии Тоҷикистон, хостори мусоъидат ба озодии беқайду шарти оқои Усмонов шудааст, вале оқои Раҳмон то кунун ба ин нома ва дархости аъзои хонаводаи оқои Усмонов посухе надодааст.

Источник: http://www.bbc.co.uk/tajik/institutional/2011/07/110702_ea_vahidova_usmanov.shtml

[b]Баррасии даъвои духтари Ислом Каримов, президенти Ӯзбакистон дар додгоҳи Париж ба нафъи хабаргузории Rue89.com ба анҷом расид.[/b]

Ин даъвои духтари президент, нисбати расонаи интернетӣ, ки падарашро диктатор хондааст, сурат пазируфта, тӯли бештар аз 20-рӯз идома дошт.Маврид ба тазаккур аст, ки Лола Каримова-Тиллоева аз ин расона ба андозаи 30 ҳазор евро зарари маънавӣ талаб карда буд.

Муаллифи мақола Оугустин Скалбер президенти Ӯзбакистон Каримовро «диктатор» хонда, ҳамчунин гуфта буд, ки духтарони ӯ бо додани пора ва сарпарастии чорабиниҳои хайриявӣ кӯшиши пӯшонидани ҳолатҳои қатли оми Ислом Каримовро мекунанд.Дар мақолаи Оугистин Скалбер ҳамчунин пардохти маблағи ҳангуфти 190- ҳазор евро ба ҳунарманди шинохтаи синамо Моника Белуччи низ хабар дода шуда буд.Дар ҳамин ҳол, хабарнигор бар ақидааш устувор буданашро борҳо иброз намуда гуфтааст, асноди зиёде дар даст дорад, ки барои «диктатор» хондани Ислом Каримов асоси ҷиддӣ мебошад.

Аммо додгоҳи Париж баъд аз таҳқиқи қазия гуфт, ибораи “духтари диктатор” дар нисбати Лола Каримова-Тиллоева ҳеҷ тӯҳмате надорад. Журналист Оугустин Скалбер пас аз анҷоми мурофиаи додгоҳӣ эълом дошт, ки ҳоло дигар бо иҷозаи суд вай Лоларо ҳамоно «духтари диктатор» хоҳад навишт.

Источник: http://ozodagon.com/khabarho/mintaqa/1150-2011-07-02-04-51-06.html

[b]Ба яке аз ду журналисти узбак, ки зидди сонсур дар Узбакистон гусруснашинӣ эълон кардаанд, кӯмаки тиббӣ расонда нашудааст. Саодат Амонова ба иллати дарди сахти меъда мошини “Ёрии фаврӣ”-ро даъват кард, вале бемористонми маҳаллӣ аз кӯмак ба ӯ бо баҳонаи номнавис набуданаш дар пойтахти Узбакистон сарпечӣ кард.[/b]

Пизишк Шукрулло Сироҷов, ки аз вазъи гуруснашиинҳо хабар мегирифт, мегӯяд, ҳардуи онҳо мебоист ба бемористон интиқол дода мешуданд.

Рӯзи 27-уми июн, ки дар Узбакистон Рӯзи кормандони матбуот аст, ҳамроҳ бо Саодат журналисти дигар Малоҳат Эшонқулова дар назди қасри президент Ислом Каримов зидди сонсур гуруснашинӣ эълон карданд. Полис онҳоро бозошт кард ва Додгоҳи Тошканд ҳукми ҷаримаи онҳро баровард, ки бо 1 500 доллари амрикоӣ баробар будааст. Онҳо аз фишор ва сонсур дар телевизиони давлатии “Ҷавонон” эътироз карданд.

Источник: http://www.ozodi.org/archive/news/20110701/538/538.html?id=24252338

[b]Созмони «Хабарнигорони бидуни марз» (RSF) бар ин аст, ки пас аз таҳқиқоти ибтидоӣ Усмонов мебоист озод мешуд.[/b]

Созмони «Хабарнигорони бидуни марз», марказаш дар Порис дар як изҳороти нав аз ҳамаи ниҳодҳои ҳомии ҳуқуқи башар, расонаҳои ҳамагонӣ ва журналистон дар саросари ҷаҳон даъват кард, барои озодии фаврии хабарнигори Бахши осиёимиёнагии Би-Би-Сӣ Урунбой Усмонов, ки дар маҳбаси Тоҷикистон ба сар мебарад, садо баланд кунанд.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=93]http://www.taj.nansmit.tj/analysis/?id=93[/url]

Источник:

[b]Созмони «Хабарнигорони бидуни марз» (RSF) бар ин аст, ки пас аз таҳқиқоти ибтидоӣ Усмонов мебоист озод мешуд.[/b]

Созмони «Хабарнигорони бидуни марз», марказаш дар Порис дар як изҳороти нав аз ҳамаи ниҳодҳои ҳомии ҳуқуқи башар, расонаҳои ҳамагонӣ ва журналистон дар саросари ҷаҳон даъват кард, барои озодии фаврии хабарнигори Бахши осиёимиёнагии Би-Би-Сӣ Урунбой Усмонов, ки дар маҳбаси Тоҷикистон ба сар мебарад, садо баланд кунанд.

Дар изҳороти ин созмони байнулмилалӣ омадааст: “Ҳоло мақомот талош доранд эътибори худро нигаҳ доранд. Иттиҳомоти нав бар зидди вай бепоя баромад ва нақзи хашини озодии матбуот ба шумор меравад.”

Урунбой Усмонов 13-уми июн ба иттиҳоми узвият дар Ҳизб-ут-таҳрир дар Хуҷанд боздошт шуд. Файзинисо Воҳидова-вакили мудофеи вай мегӯяд, “лағви иттиҳоми узвияти вай гувоҳӣ медиҳад, ки нирӯҳои амниятии Тоҷикистон бар зидди вай далели кофӣ надоранд.”

Ин бори дувум аст, ки Созмони «Хабарнигорони бидуни марз» дар робита ба боздошти хабарнигори Бахши осиёимиёнагии Би-Би-Сӣ Урунбой Усмонов изҳорот пахш мекунад. Қаблан шабакаи Би-Би-Сӣ низ ба озодии Усмонов даъват карда буд. Ва акнун бори дигар кормандони ин шабака бо ҳамоише дар назди бинои марказии он ҳамбастагии худро бо Усмонов изҳор доштанд.

Ин тазоҳурот дар ҳоле баргузор шуд, ки мақомоти амниятии Тоҷикистон дар вилояти Суғд пас аз таҳқиқи аввалия аз иттиҳоми «узвият дар Ҳизб-ут-таҳрир», ки пештар зидди Усмонов матраҳ мекарданд, қатъи назар кардаанд.

Раҳбари Хадамоти ҷаҳонии Би-Би-Сӣ, Питер Ҳоррокс, рӯзи 24 июн дар номае аз Эмомалӣ Раҳмон, раиси ҷумҳурии Тоҷикистон, хостааст, ки ба озодии Урунбой Усмонов мусоадат кунад. Қаблан сафоратҳои Британия ва Иёлоти Муттаҳида, созмонҳои журналистии ҷаҳонӣ ва Тоҷикистон, фаъолони ҳуқуқи башар низ озодии Урунбой Усмоновро тақозо кардаанд.

Ҳафтаи гузашта дар Вена дар ҷаласаи Шӯрои доимии Созмони амният ва ҳамкории Аврупо (САҲА) Маҷористон аз номи Иттиҳодияи Аврупо дар бораи шароити фаъолият ва фазои кории воситаҳои ахбори умум, аз ҷумла боздошти хабарнигори Би-Би-Сӣ дар Тоҷикистон ибрози нигаронӣ намуд.

Бо ташаббуси ҳайати Маҷористон ин масъала дар ҷаласаи Шӯрои доимии САҲА баррасӣ гардид.

Сафири Тоҷикистон дар САҲА, Нуриддин Шамсов таъкид кард, ки 13-уми июн хабарнигори Би-Би-Сӣ дар вилояти Суғди Тоҷикистон, Урунбой Усмонови 59-сола бо иттиҳоми доштани иртибот бо созмони манъшудаи Ҳизб-ут-таҳрир боздошт шудааст. Сафир афзуд, ки як идда шоҳидон ин иттиҳомро тасдиқ кардаанд ва бар пояи он, 15-уми июн додгоҳ ба ҳабси пешакии Усмонов ҳукм баровард. Акнун тибқи қонунҳои Тоҷикистон, Усмонов метавонад барои муддати таҳқиқ то ду моҳи оянда дар боздоштгоҳ боқӣ бимонад.

Сафири Тоҷикистон дар Созмони амният ва ҳамкории Аврупо (САҲА) мегӯяд, дар Тоҷикистон кормандони воситаҳои ахбори умум ва хабарнигорон бо ҳеҷ гуна маҳдудият мувоҷеҳ нестанд. Ҳар муҳокимае, ки дар иртибот бо фаълияти хабарнигорон доир мешавад, бозу шаффоф ва бар пояи қонун аст.

Ба қавли сафири тоҷик, Усмонов, ки бо моддаи 307-и қонуни ҷиноии Тоҷикистон муттаҳам мешавад, расман аз кӯмаки вакил даст кашидааст, вале сарфи назар аз он сар аз 21-уми июн ҳуқуқшинос Файзинисо Воҳидова ба ҳайси вакили мудофиаи ин хабарнигори Би-Би-Сӣ пазируфта шуд.

Дар ҳамин ҳол вакили мудофиаи Усмонов Файзинисо Воҳидова изҳор намуд, ки бар пояи қонунҳои Тоҷикистон ҳар гуна мулоқоти фарди боздоштшуда бо муфаттиш, рӯзноманигор ва ё каси дигаре бояд ҳатман дар ҳузури вакили мудофиа барпо шавад. Воҳидова ба Радиои Озодӣ гуфт, 23-уми июн дар Хуҷанд мулоқоти рӯ ба рӯи Усмонов бо аъзои Ҳизб-ут-таҳрир, ки дар он муфаттиш Саид Саймуддинов ва вакили мудофиаи Усмонов низ ҳузур доштанд, ҳар ду ҷониб иртиботи Усмонов бо созмони манъшудаи исломиро рад кардаанд.

Додгоҳи Олиии Тоҷикистон аз моҳи марти соли 2008-ум Ҳизб-ут-таҳрирро созмони экстремистӣ унвон дода, фаъолияташ дар қаламрави кишварро манъ кардааст. Ниҳодҳои ҳифзи ҳуқуқу тартиботи Тоҷикистон ваъда додаанд, ки қазияи Усмоновро ба таври шаффоф ва бар пояи қонунҳои байналмилалӣ идома медиҳанд.

Источник: http://www.ozodi.org/content/article/24251749.html

[b]Созмони Гузоришгарони Бидуни Марз муҷаддадан аз мақомоти Тоҷикистон хостааст, ки Урунбой Усмонов, хабарнигори боздоштшудаи Би-би-сӣ дар шимоли ин кишварро, озод кунанд.[/b]

Ин созмон рӯзи чаҳоршанбеи 29 июн дар вокуниш ба фарохони ҷаҳонии кормандони Би-би-сӣ барои озодии фаврӣ ва беқайду шарти оқои Усмонов баёнияе интишор дода ва бори дигар нигаронии худро дар бораи вазъияти ӯ дар боздошт матраҳ кардааст.

[b]Баёнияи дувуми Гузоришгарони Бидуни Марз[/b]

Дар баёнияи Гузоришгарони Бидуни Марз омадааст: «Лағви иттиҳоми узвият дар гурӯҳе, ки фаъолияташ мамнӯъ аст, Ҳизби Таҳрир, нишон медиҳад, ки то чи андоза иттиҳомоти ворида алайҳи вай (Урунбой Усмонов) заъиф ва бепоя аст. Мақомот ҳоло мехоҳанд обрӯи худро ҳифз кунанд. Иттиҳомоти тоза алайҳи вай беасос аст ва озодии матбуъотро ҷиддан нақз мекунад.»

Қаблан Файзинисо Воҳидова, вакили мудофеъи Урунбой Усмонов, эълом карда буд, ки дар ҷараёни тафтишот ва бозҷӯйиҳои чанд рӯзи ахир собит шудааст, ки вай ҳаргиз узви Ҳизби Таҳрир набуда ва иттиҳоми узвият алайҳи ӯ лағв шудааст. Клик
Гузорише дар ин бора

Хонуми Воҳидова ин суханонро рӯзи сешанбе пас аз дидори намояндагони Би-би-сӣ бо Урунбой Усмонов дар идораи амнияти вилояти Суғд дар ҳузури кормандони амниятӣ низ такрор кард.

[b]Гузорише дар ин бора[/b]

Бо ин ҳол, ба гуфтаи вай, ҷониби бозрасӣ ҳоло мехоҳад бо такия ба бархе кутуб ва асноди Ҳизби Таҳрир, ки дар компютери кории оқои Усмонов пайдо шудаанд, ӯро ба «ҳамдастӣ» ё «хабар надодан ба мақомоти марбута» дар бораи мулоқоташ бо аъзои эҳтимолии ин ҳизб муттаҳам кунад.

Вале ҳам Урунбой Усмонов, ҳам вакили мудофеъаш ва ҳам Би-би-сӣ мегӯянд, ки мулоқоти оқои Усмонов бо аъзои эҳтимолии Ҳизби Таҳрир дар чорчӯби фаъолиятҳои хабарнигорияш сурат гирифтааст.

Хонуми Воҳидова мегӯяд оқои Усмонов ба унвони як хабарнигор, ки корти хабарнигорӣ дорад, наметавонист манобеъи хабарияшро ифшо кунад ё дар бораи онҳо ба мақомоти марбута иттилоъ бидиҳад ва ин амр дар мавозини байналмилалӣ ва қавонини марбут ба расонаҳо ва матбуъот дар Тоҷикистон сабт шудааст.

Созмони Гузоришгарони Бидуни Марз низ бар ҳамин нукта таъкид кардааст: «Чунончи мо дар замони боздошти Урунбой Усмонов ҳам гуфта будем, нигоҳдории асноди Ҳизби Таҳрир ва мулоқот бо ду нафар аз аъзои эҳтимолии ин гурӯҳ бахше аз фаъолияти рӯзноманигории вай барои таҳқиқи бештар дар бораи фаъолияти ин гурӯҳи мамнӯъшуда дар Тоҷикистон аст.»

Намояндагони Би-би-сӣ ва вакили мудофеъи Урунбой Усмонов, ки рӯзи сешанбе дар идораи амнияти маҳаллӣ дар вилояти Суғд бо ӯ дидор доштанд, мегӯянд, ки аз вазъияти равонӣ ва ҷисмонии оқои Усмонов башиддат нигаронанд. Клик
Гузорише дар ин бора

Ба гуфтаи онҳо, ҳарчанд оқои Усмонов пас аз даҳ рӯзи боздошт аз идораи амният ба боздоштгоҳ мунтақил шуда ва мумкин аст аз хадамоти пизишкӣ бархӯрдор шуда бошад, вале вазъияти саломатии ӯ, ки аз бемории қанд ва заъфи дил ранҷ мебарад, бисёр нигаронкунанда аст.

Гузоришгарони Бидуни Марз дар истинод ба Файзинисо Воҳидова, вакили мудофеъи оқои Усмонов мегӯяд, ки «мо намедонем, ки дар шаби аввали боздошти оқои Усмонов бо ӯ чи гузашт.»

Ба гуфтаи хонуми Воҳидова, ҳарчанд оқои Усмонов дарвоқеъ рӯзи душанбеи 13 июн тавассути маъмурони вижаи пулис боздошт шуд, вале бозраси амниятӣ ӯ ва парвандаи ӯро танҳо субҳи рӯзи дигар таҳвил гирифта ва дар асноди идораи амният боздошти ӯ 14 июн сабт шудааст.

Гузашта аз ин, вакили мудофеъи оқои Усмонов то кунун бо муваккилаш дидори якбаяк надошта ва ҳамаи мулоқот ва дидорҳояш бо ӯ дар ҳузури маъмурони амниятӣ сурат гирифтааст. Хонуми Воҳидова умедвор аст рӯзҳои оянда бо муваккилаш дидори якбаяк дошта бошад.

Дар ҳамин ҳол, баъд аз зӯҳри рӯзи чаҳоршанбе хабарнигорон ва мудирони бахшҳои мухталифи Би-би-сӣ бори дигар як ҳамоиши эътирозӣ дар назди сохтмони Сервиси ҷаҳонии Би-би-сӣ дар Лондон, дар иртибот бо боздошти Урунбой Усмонов, хабарнигори ин шабака дар шимоли Тоҷикистон, барпо карданд.

[b]Ҳамоиши дувуми Би-би-сӣ: «Урунбой Усмоновро озод кунед!»[/b]

Ҳафтаи гузашта низ дар рӯзи чаҳоршанбе чунин ҳамоише дар назди сохтмони Сервиси ҷаҳонии Би-би-сӣ доир шуда буд. Би-би-сӣ тасмим гирифтааст ҳар рӯзи чаҳоршанбе, то замони озодии оқои Усмонов, чунин ҳамоишҳои эътирозӣ баргузор кунад.

Баргузории ин ҳамоиш дар ҳолест, ки мақомҳои амниятӣ дар вилояти Суғд ахиран аз иттиҳоми «узвият дар Ҳизби Таҳрир», ки пештар алайҳи оқои Усмонов матраҳ карда буданд, сарфи назар кардаанд.

Би-би-сӣ мегӯяд дигар ҳеч баҳонае барои нигоҳдории Урунбой Усмонов дар боздошт вуҷуд надорад ва аз он ибрози нигаронӣ карда, ки мумкин аст идомаи боздошти ӯ бар вазъияти саломатии ин хабарнигори 59-сола асароти манфӣ барҷо гузорад.

Питер Ҳоррокс, раҳбари Сервиси ҷаҳонии Би-би-сӣ, низ рӯзи 24 июн дар номае аз Эмомалӣ Раҳмон, раиси ҷумҳурии Тоҷикистон, хостааст, ки ба озодии Урунбой Усмонов мусоъидат кунад.

Вале раиси ҷумҳурии Тоҷикистон ҳанӯз ҳеч посухе ба ин нома ва муроҷиъатномаи аҳли хонаводаи Урунбой Усмонов, ки рӯзи 18 июн ба дафтари раёсати ҷумҳурӣ ирсол шуда буд, надодааст.

Источник: http://www.bbc.co.uk/tajik/institutional/2011/06/110630_ea_rsf_usmanov.shtml

[b]Созмони Гузоришгарони Бидуни Марз муҷаддадан аз мақомоти Тоҷикистон хостааст, ки Урунбой Усмонов, хабарнигори боздоштшудаи Би-би-сӣ дар шимоли ин кишварро, озод кунанд.[/b]

Ин созмон рӯзи чаҳоршанбеи 29 июн дар вокуниш ба фарохони ҷаҳонии кормандони Би-би-сӣ барои озодии фаврӣ ва беқайду шарти оқои Усмонов баёнияе интишор дода ва бори дигар нигаронии худро дар бораи вазъияти ӯ дар боздошт матраҳ кардааст.

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=92]http://www.taj.nansmit.tj/analysis/?id=92[/url]

Источник:

[b]Иттиҳодияи Урупо бори дигар дар бораи қазияи боздошти хабарнигори Би-би-сӣ дар Тоҷикистон нигаронии худро иброз доштааст.[/b]

Дар баёнияи Катерин Эштон, намояндаи умури хориҷии Иттиҳодияи Урупо дар Ландан ва муъовини раиси Иттиҳодияи Урупо, омадааст, ки ин иттиҳодия бар нигаронии худ дар заминаи боздошти Ӯрунбой Усмонов, хабарнигори Би-би-сӣ дар Тоҷикистон, таъкид мекунад.

Ин баёния дар пайи мусоҳибаи Мая Касиянчич, сухангӯйи хонуми Эштон, бо Би-би-сӣ мунташир шуд.

Хонуми Касиянчич гуфт, ки шарикони урупоии Тоҷикистон ҳамзамон бо нигарониҳояшон аз вазъи озодии матбуъот дар ин кишвар ин қазияро таҳти назар доранд.

Вай афзуд дар ҳоле ки Иттиҳодияи Урупо аз боздошти оқои Усмонов дилвопас аст, ин созмон итминони Би-би-сиро дар бораи ин, ки вай бо созмони Ҳизби Таҳрир ҳеч иртиботе надорад, пазируфтааст.

Хонуми Касиянчич ба Би-би-сӣ гуфт: “Мо аз мақомоти Тоҷикистон даъват мекунем, ки иддаъоҳо дар бораи бадрафторӣ нисбат ба оқои Усмонов ва нақзи муқаррароти қонун ба ҳангоми боздошташро таҳқиқ кунанд. Мо ҳамчунин исрор мекунем, ки оқои Усмонов ба муҳокимаи одилона ҳақ дорад.”

Иттиҳодияи Урупо, ба гуфтаи хонуми Касиянчич, раванди таҳқиқи парвандаи оқои Усмоновро тавассути суфарои кишварҳояш дар Душанбе ва Бруксел ва тавассути Созмони Амният ва Ҳамкории Урупо пайгирӣ мекунад.

Иттиҳодияи Урупо ҳамчунин дар бораи вазъи озодии баён дар Тоҷикистон ибрози нигаронӣ карда ва мегӯяд, ки дар солҳои ахир дар ин кишвар раванди манфие, назири масдуд кардани сойтҳо ва фишор бар нашрияҳо ва чопхонаҳо тавассути мақомоти давлатӣ мушоҳида шудааст.

Сухангӯйи муъовини раиси Иттиҳодияи Урупо гуфт: “Ин раванд тавсеъаи чандандешӣ, матбуъоти озод ва мустақил дар кишварро, ки мо тарафдораш ҳастем, таҳдид мекунад. Ва мо исрор дорем, ки давлати Тоҷикистон ин раванди манфӣ дар робита бо озодии матбуъотро маъкус кунад (баргардонад).”

Ӯрунбой Усмонов рӯзи 13-уми июни соли ҷорӣ тавассути маъмурони интизомӣ боздошт шуда ва сипас, ба идораи амнияти маҳаллӣ дар вилояти Суғд таҳвил дода шуд. Пайвандони ин хабарнигори бахши Осиёи Миёнаи Би-би-сӣ дар Хуҷанд танҳо пас аз як рӯз дар бораи боздошти ӯ огоҳ шуданд.

Дар ҳоле ки нигарониҳое дар бораи вазъи саломатӣ ва эҳтимоли бадрафторӣ ва озори ҷисмонӣ нисбат ба оқои Усмонов матраҳ буд, оқои Усмонов танҳо пас аз гузашти як ҳафта бо вакили мудофеъаш барои бори нахуст дар ҳузури маъмурони амниятӣ дидор кард.

Қаблан оқои Усмонов ба узвият дар созмони мамнӯъи Ҳизби Таҳрир муттаҳам шуда буд, аммо ахиран вакили мудофеъи вай гуфт, ки тафтишоти муқаддамотӣ далоил барои исботи чунин иттиҳомро рад кардааст.

Акнун ҷониби бозрасӣ талош дорад, оқои Усмоновро ба пинҳон нигоҳ доштани «иттилоъоти зарурӣ барои мақомот» дар бораи фаъолияти аъзои Ҳизби Таҳрир муттаҳам кунад.

Аммо вакили мудофеъи оқои Усмонов мегӯяд, ин хабарнигори Би-би-сӣ иттилоъотеро, ки дар мавриди ин ҳизб дар ихтиёр дошт, дар чорчӯби фаъолиятҳои хабарнигорияш наметавонист ба мақомот таҳвил бидиҳад.

Шабакаи хабарии Би-би-сӣ, сафоратҳои кишварҳои ғарбӣ дар Тоҷикистон ва созмонҳои мухталифи мудофеъи ҳуқуқи башар, монанди Иттиҳодияи Урупо, Созмони Амният ва Ҳамкории Урупо, Гузоришгарони Бидуни Марз, Афви Байналмилал, Гурӯҳи Байналмилалии Бӯҳрон, Кумитаи Дифоъ аз Рӯзноманигорон ва дигарон аз роҳи интишори баёнияҳо, изҳорот ва мусоҳибаҳо нигаронии шадиди худро аз боздошти хабарнигори Би-би-сӣ дар ин кишвар иброз доштаанд.

Рӯзи чаҳоршанбеи 29 июн ва ҳар чаҳоршанбе то замони озод шудани Ӯрунбой Усмонов дар рӯбарӯйи сохтмони Сервиси ҷаҳонии Би-би-сӣ дар Ландан ҳамоиши эътирозии хабарнигорони Би-би-сӣ нисбат ба ин қазия баргузор мешавад.

Источник: http://www.bbc.co.uk/tajik/institutional/2011/06/110629_sq_urunboy_eu.shtml