[b]Пас аз як моҳи бозпурсию таҳқиқ ва эъломияву баёнияҳо хабарнигори Би-би-сӣ аз ҳавои озодӣ нафас кашид.[/b]

Раҳоии ӯро на танҳо аҳли хонаводааш, балки ҷомеаи журналистӣ, ҳамкасбон дар Тоҷикистон ва берун аз он, сафоратҳои хориҷӣ, созмонҳои ҷаҳонӣ низ интизор буданд. Ин боздошт барои мақомоти давлатии Тоҷикистон низ “дарди сар”-и бузурге эҷод карда буд. Амале сурат гирифта буд, ки ба обрӯи байнулмилалии Тоҷикистон халал ворид кард ва ҳам аз сӯи дигар далелҳои қатъии “ҷурм”-и журналист низ дар миён набуд, зеро агар мебуд, раванд шояд тағйир намекард.

Дар нахустин лаҳзаҳои озодияш Урунбой Усмонов дар сӯҳбат бо Радиои Озодӣ аз ҳамаи онҳое, ки барои раҳоии ӯ талош карданд, сипосгузорӣ кард ва гуфт, “худро хушбахт ҳис мекунам ва ба адолати додгоҳӣ дар Тоҷикистон ва адолати раҳбарони Тоҷикистон бовар дорам.»

[b]ДАСТУРИ РАИСИҶУМҲУР[/b]

Сардори Раёсати Додситонии кулли Тоҷикистон дар умури назорати иҷрои қонунҳо дар мақомоти амниятии кишвар Муҳаммадҷон Хайруллоев ба Радиои Озодӣ гуфт, таҳқиқи парвандаи Усмонов идома дорад, аммо додситонӣ чораи пешгирӣ аз ҳаракати ӯро тағйир дод ва қарори озодии журналистро аз ҳабсхонаи мувақаттӣ имзо кард.

Ҷаноби Хайруллоев гуфт: «Президент дастур доданд, ки аз ҳабс озод кунед, ман қарорашро бароварда, ба додситонии вилоят фиристодам. Аз ҳабс озод мешавад. Лекин дар бораи парвандааш ҳоло қарор қабул карда нашудааст.»

Тақрибан пас аз як соати имзо шудани ин дастур Урунбой Усмонов аз боздоштгоҳи мувақатӣ ва ба бинои додситонии вилояти Суғд оварда шуд ва аз ҳамин ҷо фарзандонаш ӯро истиқбол гирифтанд.

[b]НОМАИ САФИРИ ТОҶИКИСТОН[/b]

Дар ҳоле ки дастикам ду дафъа Созмони амният ва ҳамкории Аврупо (САҲА) аз мақомоти Тоҷикистон дар мавриди Усмонов посух хост ва як дафъа масъала дар нишасти САҲА баррасӣ шуд, соатҳое пас аз озодии Усмонов намояндаи домиии Тоҷикистон дар САҲА, дар Вена, Нуриддин Шамсов, мавзеъгирии расмии кишварро шарҳ дод.

Вай дар номае ба унвони Дуня Миятович, намояндаи САҲА дар умури озодии матбуот раҳоии хабарнигори бахши узбакии Би-би-сӣ дар вилояти Суғд Урунбой Усмоновро аломати дигари ирода ва пойбандии давлати Тоҷикистон ба ӯҳдадориҳояш дар чаҳорчӯби САҲА дар роҳи ҳимоят аз ҳуқуқи инсон ва тазмини озодии матбуот номид.

Ҷаноби Шамсов бо ишора ба озодии Усмонов аз маҳбас менависад: «Мақомоти интизомии кишвар дар бораи қазия гузориши мукаммал омода ва ба раисиҷумҳур Эмомалӣ Раҳмон пешниҳод мекунанд. Дар ин робита, такрор мекунам, ки кормандони расонаҳо ва журналистон, ки вазифаҳои худро ба шеваи масъулона ва ҳирфаӣ ва дар чаҳорчӯби қонунҳои миллӣ анҷом медиҳанд, дар фаъолияти рӯзмарраи худ бо ҳеҷ гуна мушкил рӯбарӯ намешаванд.» Сафир Шамсов афзудааст, расондани иттилоъ ба САҲА баёнгари садоқати Тоҷикистон ба иҷрои ӯҳдадориҳояш дар чаҳорчӯби САҲА аст.

Ин дар ҳолест, Миятович бо номае ба вазири умури хориҷии Тоҷикистон, Ҳамроҳхон Зарифӣ муроҷиат намуда буд ва мегуфт, то ҳанӯз посухе дарёфт накардааст. Фиристодагони Би-би-сӣ дар дидор бо намояндагони Вазорати умури хориҷии Тоҷикистон дар Душанбе низ посухи барояшон қонеъкунанда нагирифта буданд ва мегӯянд, эҳсос мешуд, онҳо аз амалкарди мақомоти амниятӣ чандон роҳат нестанд.

[b]ИТТИҲОМОТ[/b]

Мақомоти амниятии вилояти Суғд ҳангоми боздошт, хабарнигорро ба узвият дар созмони мамнӯъи Ҳизби таҳрир муттаҳам мекарданд. Аммо дертар ин иттиҳом лағв гашта, Урунбой Усмонов ба он айбдор мешуд, ки дар бораи мулоқоташ бо намояндаи гурӯҳи мамнӯъ ба маъмурони амниятӣ иттилоъ надодааст. Ба ақидаи вакили ҳуқуқии хабарнигор, Файзиниссо Воҳидова, Усмонов ҳақ дорад, бино бар Қонуни матбуот ва васоити ахбори умум манобеи иттилоотиро худро пинҳон дорад.

Дар як моҳи ҳабси Усмонов созмонҳои байнулмилалии журналистӣ, ҳомиёни ҳуқуқи инсон, сафоратҳои хориҷӣ дар чандин изҳорот хостори озодии ӯ шуданд. Раҳбарияти Би-би-сӣ батакрор гуфтааст, ба иттиҳомоти алайҳи Усмонов бовар надорад ва даъват кардааст, ки хабарнигор бо назардошти вазъи сиҳатияш аз маҳбас раҳо шавад Дар ҳамин ҳол Сӯҳроб Шарифов, раиси Маркази пужӯҳишҳои стратегии вобаста ба раёсатҷумҳурии Тоҷикистон мақомоти амниятӣ ва вазорати умури хориҷии кишварро дар робита ба боздошти Урунбой Усмонов муртакиби камандешӣ ва хомӯшӣ донист. Вай гуфт, ки мебоист қабл аз боздошти хабарнигори Би-би-сӣ маъмурони амниятӣ бояд фикр мекарданд, ки амалкарди онҳо барои Тоҷикистон чӣ пайомадҳои нохубе хоҳад дошт.

“Ҳар як амале, ки корманди амният мекунад бояд оқибаташро андешад, ки ба чӣ оварда мерасонад. Сатҳи хатари ин амали рӯзноманигор ба амнияти кишварро мешавад ба оқибати боздошти хабарнигори Би-би-сӣ, ки Тоҷикистон дучори нигарониҳои шадиди кишварҳои демократии ҷаҳон шуд, қиёс кард?” – чунин суоле дар миён гузошт ҷаноби Шарифов.

[b]БАРХӮРД БО КИШВАРҲОИ АВРУПО[/b]

Раиси Маркази пужӯҳишҳои стратегии вобаста ба раёсатҷумҳурии Тоҷикистон баъд аз сафари Эмомалӣ Раҳмон ва талошҳои густариши ҳамкориҳои Душанбе бо Иттиҳоди Аврупо сар задани қазияи Усмоновро тасодуф надонист ва ишора кард, ки «баъзеҳо омилҳо мехоҳанд, бо истифода аз чунин амалҳо баъзе сохторҳои Тоҷикистонро ба «бозӣ» дароранд.”

Ҷаноби Шарифов афзуд, “раисиҷумҳури Тоҷикистон ба кишварҳои Аврупо сафар дошт ва сухан дар бораи ҳамкориҳои бештари Тоҷикистон бо Тазоҳуроти озодии Усмонов дар Лондон кишварҳои Аврупо мерафт, вале баъд мебинем, ки ин ҳодиса пеш омаду тамоми кишварҳои Аврупо нигаронии худро нисбати боздошти хабарнигори Би-би-сӣ дар Тоҷикистон изҳор доштанд. Намешавад, ки тамоми талошҳои президентро барои як амал барбод дод. Модоме ки кормандони амният чунин рафтор мекунанд, чӣ магар аттестатсияи кормандони амният гузаронида шавад?”

Масъала дар ҳоле доғтар шуд, ки як рӯз пеш аз он рӯзи чаҳоршанбе Додситонии кулли Тоҷикистон аз анҷоми таҳқиқи парвандаи ҷиноятии Урунбой Усмонов, хабарнигори Бӣ-бӣ-сӣ иттилоъ дод. Шерхон Салимзода дар ин нишасти хабарӣ гуфт, натиҷаҳои таҳқиқро ба раисиҷумҳур гузориш хоҳад кард. Вай ишора кард, ки парванда зери назорати президенти Тоҷикистон аст.

Дар ин байн ба изофаи баёнияҳои бешумори байнулмилалӣ, аз ҷумла Иттиҳоди Аврупо, САҲА, созмони Афви байнулмилал, Гузоришгарони бидуни марз, Кумитаи дифоъ аз журналистон ва ғайра раҳбарони Би-би-сӣ борҳо ба раисиҷумҳури Тоҷикистон муроҷиат карданд ва рӯзи сешанбе Андӣ Илвес, як намояндаи аршади ин расона ба Душанбе сафар кард, то қазияи Усмоновро бо раҳбарони Тоҷикистон баррасӣ кунад.

[b]ПАСМАНЗАР[/b]

Урунбой Усмонов рӯзи 13-уми июн аз коргоҳ ба хона барнагашт. Дертар, пас аз ҷустуҷӯҳои зиёд ва маъюскунандаи пайвандонашу ҳамкоронаш, маълум шуд, вай дар боздошти маъмурони амниятии Тоҷикистон қарор дошта, ба гуфти наздиконаш, шадидан лату кӯб шудааст.

Оқои Усмонов пас аз даҳ рӯзи боздошт дар идораи амният, ба боздоштгоҳи шаҳри Хуҷанд интиқол дода шудааст. Файзинисо Воҳидова, вакили дифоъи хабарнигори боздоштшудати Би-би-сӣ, Урунбой Усмонов низ бар ин бовар аст, ки бо интиқоли зерҳимояаш ба СИЗО -и Хуҷанд имкони мулоқоти рӯ ба рӯ фароҳам хоҳад шуд.

Аз ҷониби дигар ба таъкиди хонум Абдураҳимова, ҳамсари Урунбой Усмонов: «вазъи саломатии шавҳарам, хуб нест, рангаш зард шудагӣ, хеле маъюс аст. Албатта акнун, ки ба СИЗО гузаронидаанд, умедворем, вазъаш беҳтар шавад, табибон кӯмак кунанд, мо ҳам аз ҳолаш хабардор шавем».

Ба таъкиди хонум Абдураҳимова, шавҳараш худро гунаҳкор намедонад ва дар пайи тӯҳмат ба чунин рӯзе гирифтор шудааст. Бо таваҷҷӯҳ ба вазъи нигаронкунандаи шавҳараш, Малоҳат Абдураҳимова бори дигар аз раиси ҷумҳур хостааст, то дар озодии шавҳараш Урунбой Усмонов, кӯмаку мусоидати худро дареғ надорад. Ин дар ҳолест, ки пайвандони Урунбой Усмонов дар номаи саркушода аз Эмомалӣ Раҳмон хоста буданд, ки барои озодии вай мусоидат кунанд.

Урунбой Усмоновро ба гумони узвият дар созмони мамнӯъи Ҳизби таҳрир боздошт карданд. Аммо худи Урунбой Усмонов мегӯяд, боздошти вай ба фаъолияти журналистиаш вай рабт дорад.

Ҳамчунин вакили мудофеъ, идораи марказии Би-би-сӣ, созмонҳои байналмилали дифоъ аз ҳуқуқи рӯзноманигорон ва бархе аз сафоратхонаҳои кишварҳои хориҷӣ низ ба ин нукта таъкид мекарданд.

Мирзонабии Холиқзод

Источник: http://www.ozodi.org/content/article/24265810.html

[b]Бино бар хабарҳо додситони кулли Тоҷикистон қарори озодии Ӯрунбой Усмоновро имзо кардааст.[/b]

Як манбаи наздик ба Додситонии кулли Тоҷикистон мегӯяд, дастури озодии хабарнигори боздоштшудаи Би-би-сӣ, Ӯрунбой Усмонов шароити махсуси қазияро дар назар дорад ва дар ҳоле гирифта мешавад, ки ҷаноби Усмонов як моҳ ба ин сӯ, сар аз 13-уми июни соли равон дар маҳбас ба сар мебарад.

Ҷаноби Хайруллоев ба Радиои Озодӣ гуфт, озодии Урунбой Усмонов бо дастури раиси ҷумҳури Тоҷикистон, Эмомалӣ Раҳмон, сурат гирифтааст.

Мақомоти амниятии вилояти Суғд ҳангоми боздошт, хабарнигорро ба узвият дар созмони мамнӯъи Ҳизби таҳрир муттаҳам мекарданд. Аммо дертар ин иттиҳом лағв гашта, Урунбой Усмонов ба он айбдор мешуд, ки дар бораи мулоқоташ бо намояндаи гурӯҳи мамнӯъ ба маъмурони амниятӣ иттилоъ надодааст. Ба ақидаи вакили ҳуқуқии хабарнигор, Файзиниссо Воҳидова, Усмонов ҳақ дорад, бино бар Қонуни матбуот ва васоити ахбори умум манобеи иттилоотиро худро пинҳон дорад.

Дар як моҳи ҳабси Усмонов созмонҳои байнулмилалии журналистӣ, ҳомиёни ҳуқуқи инсон, сафоратҳои хориҷӣ дар чандин изҳорот хостори озодии ӯ шуданд. Раҳбарияти Би-би-сӣ батакрор гуфтааст, ба иттиҳомоти алайҳи Усмонов бовар надорад ва даъват кардааст, ки хабарнигор бо назардошти вазъи сиҳатияш аз маҳбас раҳо шавад.

Источник: http://www.ozodi.org/content/article/24265536.html

[b]Раиси Маркази мутолеъоти раёсати ҷумҳурии Тоҷикистон мегӯяд, ки мақомоти амниятӣ қабл аз боздошти хабарнигори Би-би-сӣ бояд пайёмадҳои ин амалро андеша мекарданд.[/b]

Сӯҳроб Шарипов, раиси ин марказ рӯзи панҷшанбеи 14 июл дар як нишасти матбуъотӣ фаъолияти мақомоти амниятӣ ва вазорати хориҷаи Тоҷикистон дар қиболи қазияи боздошти Ӯрунбой Усмонов, хабарнигори Би-би-сӣ дар шаҳри Хуҷандро шадидан интиқод кард.

Вай гуфт:“Ҳар як корманди амният бояд оқибати ҳар корро андеша кунад. Оё сатҳи хатари кори ин хабарнигор ба амнияти Тоҷикистон ва пайёмадҳои боздошти вай ба Тоҷикистон баробар ҳастанд? Аз ин кор мо чӣ ба даст овардем?”

[b]Матни пурраи гузоришро бо пахш кардани суроғаи зерин дар торномаи мо мутолиа кунед:[/b] [url=http://www.taj.nansmit.tj/analysis/?id=102]http://www.taj.nansmit.tj/analysis/?id=102[/url]

Источник:

[b]Раиси Маркази мутолеъоти раёсати ҷумҳурии Тоҷикистон мегӯяд, ки мақомоти амниятӣ қабл аз боздошти хабарнигори Би-би-сӣ бояд пайёмадҳои ин амалро андеша мекарданд.[/b]

Сӯҳроб Шарипов, раиси ин марказ рӯзи панҷшанбеи 14 июл дар як нишасти матбуъотӣ фаъолияти мақомоти амниятӣ ва вазорати хориҷаи Тоҷикистон дар қиболи қазияи боздошти Ӯрунбой Усмонов, хабарнигори Би-би-сӣ дар шаҳри Хуҷандро шадидан интиқод кард.

Вай гуфт:“Ҳар як корманди амният бояд оқибати ҳар корро андеша кунад. Оё сатҳи хатари кори ин хабарнигор ба амнияти Тоҷикистон ва пайёмадҳои боздошти вай ба Тоҷикистон баробар ҳастанд? Аз ин кор мо чӣ ба даст овардем?”

Сӯҳроб Шарипов таъкид кард, ки боздошти оқои Усмонов дуруст баъд аз чанд рӯзи анҷоми сафари “хеле ҷиддии” Президент Раҳмон ба кишварҳои урупоӣ сурат гирифт. Ҳадафи ин сафар тақвияти ҳамкориҳои миёни кишварҳои Иттиҳодияи Урупо ва Тоҷикистон арзёбӣ шуда буд.

[b]Пешниҳоди имтиҳон барои кормандони амниятӣ[/b]

Оқои Шарипов афзуд: “Аммо баъд аз анҷои ин сафар ҳамаи ниҳодҳои урупоӣ нисбати Тоҷикистон нигарониҳои худро изҳор доштанд. Охир, ин корҳо чунин набояд бошанд. Шояд, аттестатсияи кормандони низоми амниятӣ гузаронида шавад. Дар он ҷо чӣ кодрҳое кор мекунанд ва ба чӣ машғуланд онҳо?”

Раиси Маркази мутолеъоти Тоҷикистон, ки як ниҳоди вобаста ба раёсати ҷумҳурӣ аст, мегӯяд нуфузи давлат, ки “бо заҳмати ҳарсоъатаи президент ба даст меояд, дар як дам барбод додан чӣ маънӣ дорад?”

Оқои Шарипов мӯътақид аст, ки ҳар як фарди муҷрим бояд муҷозот шавад, вале “бояд вазни ҷионятро бубинем, пайёмадҳои онро андеша кунем ва нигоҳ кардан даркор, ки бо кӣ сару кор дорем.”

Ба эътиқоди оқои Шарипов, таваҷҷӯҳи ҷиддии раиси ҷумҳури Тоҷикистон ба ин қазия аз он гувоҳӣ медиҳад, ки “ин кор сиёсӣ шудааст. Ҷаноби Олӣ (Президент Раҳмон) дида истодаанд, ки баъзе омилҳое вуҷуд доранд ва маълум аст, ки мумкин аст баъзе сохторҳои моро бозӣ доронанд.”

[b]Интиқод аз сукути вазорати хориҷа[/b]

Раиси маркази мутолеъоти Тоҷикистон ҳамчунин аз фаъолияти вазорати умури хориҷаи Тоҷикистон дар мавриди қазияи Ӯрунбой Усмонов интиқод кард ва гуфт, ки ин ниҳод бояд фаъолияти “ҷиддитаре дар ин замина анҷом медод”.

Оқои Шарипов афзуд: “Вақте суфарои кишварҳои хориҷӣ ба ҳукумати Тоҷикистон нотаҳо баён мекунанд, бо онҳо кумитаи амнияти миллӣ набояд кор кунад. Бо онҳо бояд вазорати умури хориҷа кор кунад, сафирҳоро ҷамъ кунад ва ба онҳо корҳое, ки амалӣ мешаванд, фаҳмонанд. Вале, вазорат хап аст. Ин чӣ гап аст?”

Сӯҳроб Шарипов бар ин бовар аст, ки агар вазорати хориҷаи Тоҷикистон ба мавқеъ суфарои кишварҳои хориҷиро аз раванди ин қазия огоҳ месохт, шояд мизони “фишорҳои сиёсӣ” пойин мерафт.

Зимнан, Сӯҳроб Шарипов нахустин мақоми давлатист, ки дар қиболи боздошти Ӯрунбой Усмонов, хабарнигори Би-би-сӣ дар шаҳри Хуҷанд изҳори назар мекунад.

Ҳарчанд, рӯзи сешанбеи 12 июл Шерхон Салимзода, додситони кулли Тоҷикистон низ дар як нишасти матбуъотӣ дар бораи боздошти оқои Усмонов хабарҳое ироа кард.

Вай аз ҷумла гуфт, таҳқиқи парвандаи Ӯрунбой Усмонов анҷом ёфта ва ба додситонӣ ироа шудааст ва Додситонии кул бояд дар ин замина ба Президент Раҳмон гузориш бидиҳад.

Ин дар ҳолест, ки ахиран Раҳматулло Зойиров, ҳуқуқдони тоҷик ва раиси Ҳизби сусиёл-демукроти Тоҷикистон дар мусоҳибае бо нашрияи “ASIA-Plus” боздошти хабарнигори Би-би-сӣ дар шимоли кишварро “сиёсӣ ва суфоришӣ” арзёбӣ кард.

Ба эътиқоди вай, натоиҷи таҳқиқоти муқаддамотии парвандаи Ӯрунбой Усмонов собит месозад, ки маъмурони амниятӣ барои боздошти ин хабарнигорӣ Би-би-сӣ далоили кофӣ надоштанд ва ин амр бозгӯйи “иҷрои ғайриҳирфаии супориш” аст.

[b]CPJ: «Журнолизмро ҷурм маҳсуб надонед»[/b]

Кумитаи Дифоъ аз Хабарнигорон муҷададдан аз давлати Тоҷикистон хостааст, ки хабарнигори боздоштшудаи Би-би-сӣ сареъан озод шавад.

Баёнияи тозаи ин кумитаи байналмиллалӣ аз давлати Тоҷикистон ҳамчунин хостааст, ки аз иттиҳомоти марбут ба «нарасондани иттилоъ», ки алайҳи Ӯрунбой Усмонов ворид шудааст, даст кашад.

Кумитаи Дифоъ аз Хабарнигорон, ки мақараш дар Омрикост, дар баёнияи тозаи худ, ки шоми рӯзи чаҳоршанбе, 13 июл мунташир шудааст, иддаъо дорад, ки чунин иттиҳомот алайҳи хабарнигор ангезаи сиёсӣ дорад.

Роберт Мехонӣ, муъовини раиси Кумитаи Дифоъ аз Хабарнигорон гуфтааст, ик чунин амал дар воқеъ ҷурм донистани худи журнолизм аст. Дар баёния мехонем: «Ба ин далел, мо тақозо дорем, ки давлати Тоҷикистон аз ин иттиҳом алайҳи Усмонов даст кашад ва ӯро сареъан озод кунад.”

Кумитаи Дифоъ аз Хабарнигорон ҳамчунин аз изҳороти тозаи сервиси ҷаҳонии Би-би-сӣ, ки рӯзи чаҳоршанбеи 13 июл интишор шуд, ёдовар шудааст.

Кумитаи Дифоъ аз Хабарнигорон бо такя ба ин манбаъ таъкид кардааст, ки иттиҳомоти марбут ба иртиботи хабарнигори Би-би-сӣ бо Ҳизби Таҳрирро бепоя медонад, зеро мулоқот ва мусоҳиба бо афроди мухталиф ҷузъе аз фаъолиятҳои ҳар хабарнигори Би-би-сӣ маҳсуб мешавад.

Зимнан, рӯзи сешанбеи 12 июл Шерхон Салимзода, додситони кулли Тоҷикистон дар як нишасти матбуъотӣ хабар дод, ки таҳқиқи парвандаи оқои Усмонов поён ёфта ва ин парванда ба додситонии вилояти Суғд ирсол шудааст.

Ҳамчунин вай изҳор дошт, ки Додситонии кулли Тоҷикистон аз натоиҷи ин қазия ба Эмомалӣ Раҳмон, раиси ҷумҳур, гузориш хоҳад дод.

Дар ҳамин ҳол, хабарнигорон ва мудирони бахшҳои мухталифи Би-би-сӣ рӯзи чаҳоршанбеи 13 июл барои чаҳорумин бор дар назди сохтмони Сервиси ҷаҳонии Би-би-сӣ дар Ландан ҳамоише эътирозӣ дар иртибот бо боздошти Ӯрунбой Усмонов барпо карданд.

Ӯрунбой Усмонов рӯзи 13 июн аз ҷониби кормандони пулис ва амниятӣ дар шимоли Тоҷикистон ба иттиҳоми доштани иртибот бо Ҳизби Таҳрир, як гурӯҳи исломгаро, ки фаъолияташ дар кишварҳои Осиёи Миёна мамнӯъ аст, боздошт шуд.

Мақомҳои амниятии Тоҷикситон ӯро ба доштани иртибот бо Ҳизби Таҳрир муттаҳам карда ва мегӯянд, ки боздошти оқои Усмонов ба фаъолиятҳои хабарнигорияш иртибот надорад.

Ин дар ҳолест, ки мақомоти амниятӣ ва интизомии Тоҷикистон пештар хабар дода буданд, ки оқои Усмонов «тавассути Би-би-сӣ ва Озодӣ таблиғи ормонҳои Ҳизби Таҳрир кардааст.»

Худи Ӯрунбой Усмонов, аҳли хонаводааш ва шабакаи хабарии Би-би-сӣ мукарраран ба бегуноҳ будани ӯ таъкид кардаанд. Ба гуфтаи онҳо, ҳама гуна ҳаракот ва аъмоли ӯ дар чорчӯби фаъолиятҳои хабарнигориаш сурат гирифтааст.

Аз замони боздошти оқои Усмонов то ба имрӯз чанде аз созмонҳои байналмилалӣ, сафоратхонаҳои ғарбӣ ва созмонҳои мудофеъи ҳуқуқи хабарнигорон бо судури баёнияҳое хостори озодии вай шудаанд.

Источник: http://www.bbc.co.uk/tajik/institutional/2011/07/110714_if_urunbay.shtml

[b]Сӯҳроб Шарипов, раиси Маркази таҳқиқоти стротегӣ, вобаста ба дастгоҳи раёсатҷумҳурии Тоҷикистон имрӯз гуфт, боздошти хабарнигори ББС дар вилояти Суғд Урунбой Усмонов ба эътибори Тоҷикистон дар сатҳи байналмилалӣ метавонад латмаи ҷиддӣ бизанад. Сӯҳроб Шарипов гуфт, ин қазия аз маҳдудаи ҳуқуқӣ берун рафта, оҳанги сиёсӣ гирифтааст ва бояд аъмоли он маъмурони амниятӣ, ки бидуни андешаи чунин пайомадҳо даст ба боздошти хабарнигор задаанд, мавриди таҳқиқ қарор бигирад.[/b]

Amnesty International ва САҲА низ имрӯз дигарбора ба раҳоии Урунбой Усмонов даъват карданд. Amnesty International гуфтааст, ки алайҳи Усмонов дар боздошт аз шиканҷа кор бурдаанд.

Урунбой Усмонов рӯзи 13 июн ибтидо бо иттиҳоми ҳамкорӣ ба ҳизби манъшудаи Таҳрир боздошт шуд. Баъдан ин иттиҳом собит нашуд ва ӯро ба он айбдор карданд, ки дар бораи фаъолиятҳои Ҳизб-ут-Таҳрир гузориш медод, вале ба мақомот хабар надодааст.

Ҳамид Исмоил, раҳбари бахши Осиёи Миёнаи ББС, ки ахиран аз Усмонов дар маҳбас аёдат карда буд, аз вазъи ҷисмониву равонии ин хабарнигор дар боздоштгоҳ изҳори нигаронии ҷиддӣ кардааст.

Источник: http://www.ozodi.org/archive/news/20110714/538/538.html?id=24265280

[b]Ҳукумати шаҳри Душанбе ҷиҳати назорати шаффофи омодагиҳои пойтахт ба таҷлили 20-солагии истиқлолияти давлатӣ намояндагони мухталифи ВАО-ро вобаста кард.[/b]

Шавкат Сайидов, сухангӯи райиси шаҳри Душанбе ба «Озодагон» гуфт, ин тасмим дар асоси супориши Маҳмадсаид Убайдуллоев, мири пойтахт, аз 30-уми июни соли равон аз сар гирифта шуда, масъулини нашрия ва хабаргузориҳои ватанӣ рафти иҷрои корҳои амалишавандаро дар чор ноҳияи Душанбе дар асоси ҷамъиятӣ назорат хоҳанд кард. Ҳамин тавр, шахсони зерин вобаста ба навоҳии пойтахт, ба ин рӯйхат шомил гаштаанд:

[b]ноҳияи Сино:[/b]

1. Амиршоева Гулнора — сармуҳаррири нашрияи «Вечёрка»
2. Махсумов Равшан — сардабири ҳафтаномаи «Вечерний Душанбе»
3. Кулакова Вера – директори радиои «Ватан»
4. Аҳрорӣ Парвона — сарвари радиои «Азия — Плюс»

[b]ноҳияи И. Сомонӣ:[/b]

5. Дўстов Саймуддин — сармуҳаррири сомонаи интернетии «Toҷнюс»
6. Хоҷаев Хилватшо — сармуҳаррири хабаргузории «Озодагон»

[b]ноҳияи Шоҳмансур:[/b]

7. Щербакова Елена — сардабири сомонаи интернетии «Pressa tj»
8. Ниёзов Хуршед — сармуҳаррири нашрияи «Фараж»

[b]ноҳияи Фирдавсӣ:[/b]

9. Ҷониев Рустам — сарвари радиои «Имрўз»
10.Исмоилов Зиннатулло – директори ТВ «СМТ».

Источник: http://ozodagon.com/khabarho/tojikiston/1321-2011-07-14-06-40-37.html

[b]Ояндаи наздик таҳияи як қатор барномањои ҷолибу рангоранг ба нақша аст, иброз дошт Лутфулло Давлатов, директори муассисаи давлатии телевизиони «Сафина». Номбурда, ки аз фаъолияти шаш моҳаи телевизион дар ҳузури хабарнигорон сӯҳбат мекард, афзуд «Ҳукм», Фуруғ ва «Нигоҳи роз» аз барномаҳои ҷадиди телевизони мазкур буда, бештар ба масоили ҳуқуқиву ахлоқӣ ва таълиму тарбияи фарзанд бахшида хоҳанд шуд.[/b]

Ба иттиллои Лутфулло Давлатов ТВ «Сафина» тасмим дорад, намояндагиҳои худро дар минтақаҳои Тоҷикистон боз намояд. Ҳамчунин номбурда гуфт, ки рӯзҳои наздик дар мувофиқа бо ниҳодҳои марбута тасмим доранд, теъдоди тамошобинони худро дақиқ намоянд. Ба гуфтаи Давлатов чунин иқдом дар телевизионҳои кишварҳои хориҷ пайваста анҷом мешавад. Вай афзуд: «Дар Тоҷикистон ин таҷрибаи аввалин буда, зимнан теъдоди тамошобинони телевизионҳои дигари ҷумҳурӣ низ муайян хоҳанд шуд».

Источник: http://ozodagon.com/khabarho/tojikiston/1306—lr—-.html

[b]Додситони кул аз анҷоми таҳқиқи парвандаи ҷиноятии Ӯрунбой Усмонов, хабарнигори Бӣ-Бӣ-Сӣ иттилоъ дод.[/b]

Шерхон Салимзода гуфт, имрӯз Кумитаи давлатии амнияти миллии Тоҷикистон онро Иддае бар инанд, ки парвандаи Усмоновро мақомот шояд қатъ кунанд ва ё бар асоси Қонуни авф, ки қарор аст ба муносибати 20- солагии истиқлолияти Тоҷикистон ба тасвиб расад, ӯро озод намоянд…

барои ирсол ба додгоҳ ба додситонии вилояти Суғд супорид.

«Мо ин парвандаро талаб кардем, чунки омӯхта ҳолатҳои корро бояд ба раисҷумҳури Тоҷикистон ахборот диҳем, зеро ӯ ҳам мисли шумо намояндаи васоити ахбори умум аст»,-гуфт ӯ.

Чунин изҳороти мақоми баланд дар Тоҷикистон ба дунболи фишорҳои густардаи созмонҳои байнулмилаливу хориҷӣ ва дохилӣ сурат мегирад. Аз ибтидои боздошти Ӯрунбой Усмонов дар санаи 13-уми июни соли ҷорӣ дар шаҳри Хуҷанд бо иттиҳоми узвият дар созмони мамнӯи “Ҳизбуттаҳрир” даҳҳо созмону ниҳод бо тақозои раҳо кардани ӯ аз зиндон ба ҳукумати Тоҷикистон муроҷиат кардаанд.

Созмонҳои дифоъ аз озодии баён ва намояндагиҳои дипломатии Ғарб бар инанд, ки боздошти Урунбой Усмонов кӯшише барои “сонсур кардани матбуот” аст.

Исфандиёри Одина, сарвари намояндагии ВВСдар Тоҷикистон аз таваҷҷӯҳи раисҷумҳури кишвар ба қазияи Урунбой Усмонов истиқбол карда, гуфт: «Мо умедворем, ки ин масъала ҳалли мусбати худро меёбад ва хабарнигори мо озод мешавад. Албатта, ҳама дар чаҳорчӯби қонун баррасӣ мешавад. Фикр мекунам, ин ҳам барои Тоҷикистон хуб аст ва ҳам барои ҷомиаи байнулмилалӣ, чун ин қазияест, ки ҳама чашм ба он дӯхтаанд ва ҳама назорат мекунанд, ки ба куҷо мерасад.»

Дар ҳамин ҳол, Файзинисо Воҳидова, вакили дифоъи оқои Усмонов низ анҷоми парвандаро таъйид карда, афзуд, дар ниҳоят иттиҳомоти қаблӣ — узвият дар «Ҳизб-ут-таҳрир» ва хабардор накардани мақомот аз аъзои ин ҳизб комилан лағв шуда, айби нав эълон шуд.

Хонум Воҳидова афзуд, Усмонов акнун аз рӯи моддаи 26 ва қисми дуюми моддаи 307 айбдор мешавад: «Яъне гарчанде узви ин ҳизб нест, аммо дар вазифаи хабарнигори хадамоти ҷаҳонии ВВС дар шимоли Тоҷикистон фаъолият намуда, бар хилофи талаботи моддаҳои 6, 22 ва 34 Қонуни Ҷумҳурии Тоҷикистон дар бораи матбуот ва дигар васоити ахбори омма амал карда, аз аъзоёни ин ҳизб маълумот оида ба рафти мурофиаҳои судии аъзои созмони экстремистӣ ва аз ҷониби мақомоти ҳифзи ҳуқуқ мавриди латукӯб қарор дода шудани аъзои ҳизби номбурда, инчунин аз мактаби ин ҳизб, ки бо роҳи зӯроварӣ тағйир додани сохти конститутсионии Ҷумҳурии Тоҷикистон ва барпо намудани сохти давлатии хилофат ахборот гирифта, барои минбаъд тавассути радиои ВВС паҳн кардани онҳо бо истифода аз манфиатҳои хизматиаш пахш карданӣ буд.»

Хонум Воҳидова чунин ҷурм аз 40 то 80 ҳазор сомонӣ ҷарима ё то панҷ соли зиндон муҷозот дорад.

Дар робита ба қазияи Ӯрунбой Усмонов иддае ҳам бар инанд, ки парвандаи ӯро мақомот шояд қатъ кунанд ва ё бар асоси Қонуни авф, ки қарор аст ба муносибати 20 — солагии истиқлолияти Тоҷикистон ба тасвиб расад, озод шавад.

Аммо Нуриддин Қаршибоев, раиси Анҷумани миллии расонаҳои мустақили Тоҷикистон мегӯяд: «Азбаски қаблан мақомоти тафтишотӣ эълом дошта буданд, ки алайҳи Ӯрунбой Усмонов далоили мӯътамад доранд, онҳо ҳаддалимкон кӯшиш мекунанд ба хотири ҳифзи обрӯи кории худашон бо як ҷазои хурде Усмоновро раҳо кунанд.»

Коршиносон мегӯянд, бо ин вуҷуд таваҷҷӯҳи раисҷумҳури Тоҷикистон марҳалаи наве дар ҳалли мусбати қазияи Урунбой Усмонов хоҳад шуд. Аммо оё иродаи сиёсии мақомоти тоҷик ба раҳоии хабарнигори ББС то куҷо кифоят хоҳад кард, фақат вақт нишон хоҳад дод.

Фарҳоди Милод

Источник: http://www.ozodi.org/content/article/24263585.html

[b]Додситони кулли Тоҷикистон гуфт, ки таҳқиқи парвандаи Ӯрунбой Усмонов, хабарнигори боздоштшудаи Би-би-сӣ ба анҷом расида ва натоиҷи он ба раиси ҷумҳурии ин кишвар гузориш хоҳад шуд.[/b]

Дар ин бора Шерхон Салимзода, додситони кулли Тоҷикистон, рӯзи 12-уми июл дар нишасти хабарии худ дар хабар дод.

Оқои Салимзода гуфт, ки дар садад аст, ба раиси ҷумҳурии ин кишвар дар мавриди “ҳолатҳои кори парвандаи ҷинойии Ӯрунбой Усмонов” гузориш бидиҳад. Ӯ гуфт, ки «сардори давлат ба ин қазия таваҷҷӯҳ дорад.»

Ин дар ҳолест, ки Питер Ҳоррокс, раҳбари Сервиси ҷаҳонии Би-би-сӣ 24-уми июн, бо ирсоли номае унвонии Эмомалӣ Раҳмон, раиси ҷумҳурии Тоҷикистон, аз ӯ хоста буд, ки ба озодии Ӯринбой Усмонов мусоъидат кунад. Ҳаждаҳуми июн аъзои хонаводаи оқои Усмонов низ ба раиси ҷумҳури Тоҷикистон нома ирсол дошта ва аз ӯ дархости мушобеҳ карда буданд.

Файзинисо Воҳидова, вакили мудофеъи оқои Усмонов низ хабари анҷоми таҳқиқи ин парвандаро таъйид кард. Вай гуфт, ки қабл аз ирсоли парванда аз идораи кумитаи давлатии амнияти миллии Тоҷикистон дар шаҳри Хуҷанд ба Додситонии вилояти Суғд, рӯзи сешанбеи 12-уми июл парвандаро бо муваккилаш бори дигар баррасӣ ва таъйид кунад.

Аммо ба гуфтаи оқои Салимзода, бозрасии парвандаи ҷинойии Ӯрунбой Усмонов, хабарнигори бахши ӯзбакии Би-би-сӣ аз ҷониби бозрасони Кумитаи амнияти миллӣ ба анҷом расида ва барои тафҳими иттиҳом ва ирсоли он ба додгоҳ, ба додситонии вилояти Суғд таҳвил дода шуд.

Аз замони боздошти оқои Усмонов дар 13-уми июни соли ҷорӣ то кунун чандин созмони байналмилалӣ, сафоратхонаҳои ғарбӣ ва созмонҳои дифоъ аз ҳуқуқи рӯзноманигорон дар баёнияҳое хостори озодии Ӯрунбой Усмонов шудаанд. Би-би-сӣ низ дар ду баёния боздошти ӯро маҳкум карда ва хостори озодии фаврии ӯ шудааст.

Бар асоси тасмими мақомоти шабакаи хабарии Би-би-сӣ, кормандони ин ширкат дар мақари он дар Ландан ҳар рӯзи чаҳоршанбе, то замони озод шудани Ӯрунбой Усмонов аз боздошт таҷаммуъи эътирозӣ барпо хоҳанд кард.

Бо ин ҳол, ҷониби бозрасӣ оқои Усмоновро бар асоси модаи 307, қисми 3, банди 2- қонуни кайфарии Тоҷикистон дар «ҳамдастӣ» ё «хабар надодан ба мақомоти марбута» дар бораи мулоқоташ бо аъзои эҳтимолии ин ҳизб муттаҳам мекунад.

Вале Ӯрунбой Усмонов, ҳам вакили мудофеъаш ва ҳам Би-би-сӣ мегӯянд, ки мулоқоти оқои Усмонов бо аъзои эҳтимолии Ҳизби Таҳрир дар чорчӯби фаъолиятҳои хабарнигории ӯ сурат гирифтааст.

Дар ҳоле, ки Кумитаи давлатии амнияти миллии Тоҷикистон дар нахустин рӯзҳои пас аз боздошти оқои Усмонов дар баёнияе эълом кард, ки оқои Усмонов дар узвият дар Ҳизби Таҳрир муттаҳам шудааст, дертар мақомоти ин кумита гуфтанд, ки алайҳи оқои Усмонов аз оғоз иттиҳоми марбут ба «узвият» на, балки «ҳамдастӣ аз роҳи иттилоъ надодан» ворид шуда буд.

Ӯрунбой Усмонов рӯзи 13 июн ҳангоме, ки аз маҳалли кор ба хона бармегашт, нопадид шуд. Як рӯз пас маъмурони амниятӣ ва пулис ӯро ба хонааш оварда, манзилашро такурӯ карданд ва дубора бо худ бурданд.

Дар ҳафтаи гузашта Файзинисо Воҳидова, вакили мудофеъи Ӯрунбой Усмонов зимни як дархости расмӣ аз ҷониби бозрасӣ хостори тағйири дастури додгоҳ дар бораи шароити муваккилаш то замони муҳокимаи парванда дар додгоҳ шуд.

Дархост шудааст, ки дастури «ҳабс» ба дастури «бидуни иҷоза аз шаҳр хориҷ нашудан» иваз шавад.

Источник: http://www.bbc.co.uk/tajik/institutional/2011/07/110712_mm_prosecutor_usmanov.shtml

[b]Раҳбари бахши матбуоти САҲА гуфт, мунтазири вокуниши мақомоти Тоҷикистон дар робита ба боздошти Ӯрунбой Усмонов аст.[/b]

Дар изҳороти ахираш Дуня Миятович, раҳбари бахши матбуоти САҲА батакрор гуфт, ки боздошти хабарнигори Бӣ-Бӣ-Сӣ дар минтақаи шимоли Тоҷикистонро чун кӯшиши “сонсур кардани матбуот” арзёбӣ мекунад.

Вай дар ин бора ва дар бораи даъвати озодшавии билофосилаи Усмонов дар номае ба унвонии вазири умури хориҷии Тоҷикистон, Ҳамрохон Зарифӣ, дар таърихи 16-уми июни соли ҷорӣ зикр кардааст.

«Ман дубора ба унвонии мақомоти Тоҷикистон муроҷиат кардам ва аз онҳо тақозо кардам, ки ҳақи ӯро ба бегуноҳӣ эҳтиром ва ӯро ба таври сареъ озод кунанд»,-афзудааст ӯ.

Дуня Миятович аз вазъи саломатии хабарнигори Бӣ-Бӣ-Сӣ изҳори ташвиш карда мегӯяд, бо вуҷуди ин ки саломатии ӯ заиф буда, вай аз мушкилоти марбут ба дил ва диабет ранҷ мекашад, вайро дар ҳолати дур аз дастрасӣ ба хадамоти беҳдоштӣ нигоҳ медоранд.

Ӯрунбой Усмонов рӯзи 13-уми июни соли ҷорӣ дар шаҳри Хуҷанд бо иттиҳоми узвият дар созмони мамнӯи “Ҳизбуттаҳрир” боздошт шуда, вале баъдан ин иттиҳом тасдиқи худро наёфтааст. Ҳолшо бар поияи иттилои вакили дифои ӯ, хабарнигори Бӣ-Бӣ-Сӣ барои иттилоъ надодан дар заминаи афроди марбут ба «Ҳизбуттаҳрир» муттаҳам ва дар боздоштгоҳи Хуҷанд нигоҳдорӣ мешавад.

Боздошт ва иттиҳоми хабарнигори шабакаи садову симои Бритониё интиқодҳои шадиди созмонҳои мудофеи озодии баён ва корпусҳои дипломатии ғарбиро ба бор овард.

Худи кормандони Бӣ-Бӣ-Сӣ дар Лондон низ се бор таҷаммӯъ карда, раҳоии Ӯрунбой Усмоновро аз мақомоти Тоҷикистон талаб карданд.

Источник: http://www.ozodi.org/content/article/24260378.html