[b]Вакили мудофеъи Урунбой Усмонов, хабарнигори Би-би-сӣ дар Хуҷанд хостааст, ду хабарнигоре, ки дар рӯзҳои нахустини боздошти оқои Усмонов бо ӯ дидор доштанд, дар додгоҳ шаҳодат бидиҳанд.[/b]

Файзинисо Воҳидова муътақид аст, ки ин хабарнигорон бояд асари шиканҷа дар сару рӯйи оқои Усмоновро дар ҷараёни дидорашон дида бошанд.

Ин суханонро вакили мудофеъи Ӯрунбой Усмонов дар ҷаласаи додгоҳии пас аз зӯҳри рӯзи душанбе дар Хуҷанд гуфтааст.

Вай гуфт, ки ин хабарнигорон бояд ба ҷаласаи додгоҳ даъват шуда ва дар бораи дидорашон бо муваккилаш шаҳодат бидиҳанд.
ӯ
Ленура Мустафаева ва Илҳоми Ҷамолиён, ду хабарнигори маҳаллии Хуҷанд тавонистаанд, чанд рӯз пас аз боздошти оқои Усмонов, бо пойдармиёнии маъмурони амниятӣ дар вилояти Суғд бо оқои Усмонов қабл аз дидори вакили мудофеъаш бо ӯ мусоҳиба кунад.

Ин дар ҳолест, ки дар ҷараёни муҳокимаи парвандаи оқои Усмонов дар ҷаласоти қаблии додгоҳ ҷузъиёти шиканҷа алайҳи вай мунташир шуд.

Нахустин ҷаласаи қазияи пурсарусадои Ӯрунбой Усмонов, ки додситонӣ ин хабарнигори Би-би-сӣ-ро дар иртибот доштан бо аъзои Ҳизби мамнӯъи таҳрир муттаҳам кардааст, рӯзи 16-уми август баргузор шуд.

Пас аз ин ҷаласаи додгоҳӣ Би-би-сӣ, созмонҳои байналмилалии Кумитаи дифоъ аз хабарнигорон ва “Афви Байналмилал” бо интишори баёнияҳое иттиҳомоти ворида алайҳи оқои Усмоновро “сохта” арзёбӣ карданд.

Дар баёнияи Би-би-сӣ аз ҷумла гуфта шуда буд: «Вақте аз оқои Усмонов суол шуд, вай ба додгоҳ гуфт, ки пас аз боздошт мавриди шиканҷа қарор гирифта ва аз ҷумла, маъмурон ӯро задаанд ва дастонашро бо сигор сӯзондаанд. Вай ҳамчунин гуфт, ки ӯро маҷбур кардаанд эътирофномаеро, ки қироат мешуд, имзо кунад.»

Би-би-сӣ ва созмонҳои дигар аз замони боздошти оқои Усмонов дар 14-уми июни соли ҷорӣ пайваста аз наҳваи боздошт ва эҳтимоли мавриди шиканҷа қарор гирифтани ӯ дар тӯли боздошти якмоҳааш ибрози нигаронӣ карда буданд, вале мақомот вуҷуди бадрафторӣ алайҳи оқои Усмоновро мукарраран радд мекарданд.

Зимнан дар ҷаласаи муҳокимаи қазияи Ӯрунбой Усмонов раҳбари гурӯҳи бозрасони кумитаи амнияти Тоҷикистон дар вилояти Суғд гуфт, ки “ҷавонӣ ва камтаҷрибагии бозрас ” боъиси “хатогиҳо” дар ҷараёни таҳқиқи парвандаи Урунбой Усмонов шудааст.

Ин дар ҳолест, ки бино ба матни парвандаи Ӯрунбой Усмонов амалиёти боздошти оқои Усмонов аз сӯйи Эраҷ Давлатов, масъули бахши амният дар ноҳияи Бобоҷон Ғафуров анҷом шудааст.

Аммо ба гуфтаи Шодихон Назаров, қозии додгоҳ дар ҷаласаи рӯзи 19-уми сентябр Эраҷ Давлатов тавассути нома ба додгоҳ даъват шуда, вале ба ҷаласа ҳозир нашудааст.

Ӯрунбой Усмонов, хабарнигори бахши ӯзбакии Би-би-сӣ ба ширкат дар фаъолияти созмонҳо ва аҳзоби динии мамнӯъ муттаҳам шудааст.

Дар ҳамин ҳол Файзинисо Воҳидова, вакили мудофеъи Ӯрунбой Усмонов дар ҳоле хабарнигорони маҳаллиро барои додани шаҳодат дар ҷаласаи додгоҳ даъват кардааст, ки қаблан бо ирсоли номае ба раиси Шӯрои расонаҳои Тоҷикистон хостори арзёбии ахлоқии мақолаи Ленура Мустафаева, хабарнигори Пресса.тҷ дар бораи муваккили зиндонии худ шуда буд.

Ба эътиқоди хонуми Воҳидова ин мақола асли бароъат дар нисбати муваккили ӯро нақз карда ва ба шаъну шарафи ӯ латма ворид кардааст.

Қарор аст идомаи муҳокимаи ин парванда фардо 20-уми сентябр дар додгоҳи шаҳри Хуҷанд сурат бигирад. Интизор меравад муҳокимаи ин парванда дар ҳафтаи ҷорӣ анҷом ёбад.

Источник: http://www.bbc.co.uk/tajik/institutional/2011/09/110919_sq_urunboy_court.shtml

[b]Глава экстремисткой партии «Хизб-ут-тахрир» в Таджикистане Шариф Якубов начал давать показания против репортера Центральноазиатской службы Би-Би-Си Урунбоя Усмонова.[/b]

На судебном слушании, которое состоялось 19 сентября в Худжанде в здании облсуда Согдийской области, председательствующий на процессе заместитель облсуда Шодихон Назаров зачитал показания Шарифа Якубова, который подтвердил свое знакомство с журналистом, а также сообщил о том, что Усмонов поддержал идеи партии о создании исламского государства.

В свою очередь, Урунбой Усмонов отрицал почти все, в том числе и связь с Якубовым. «Это провокация! Меня подставили, но кто — я не знаю!», — заявил журналист.

Усмонов также сообщил: «Ш.Якубов в своих показаниях сказал, что я пообещал ему распространить материал, записанный на диктофон, на радио «Озоди». Но я никогда не сотрудничал с радио «Озоди». Принцип Би-Би-Си гласит, что если ты работаешь на Би-Би-Си, то не имеешь права по договору работать с другими корпорациями».

По словам адвоката журналиста Файзиниссо Вохидовой, показания Ш.Якубова не имеют юридической силы, поскольку они основаны на предположениях и противоречивы.

«Более того, следствие не провело очной ставки, — сказала защитник. — Очная ставка в данном случае необходима для устранения противоречий, и если не были устранены противоречия в суде, то ситуация решается в пользу подсудимого. Поэтому судья не имеет права в основу обвинений брать показания руководителя экстремисткой партии «Хизб-ут-тахрир» в Таджикистане Шарифа Якубова».

Адвокат сообщила, что подала ходатайство, чтобы пригласить на очередное слушание двух журналистов, которые первыми навестили журналиста после задержания в здании ГКНБ в Согдийской области — Ильхома Джамолиёна, руководителя областной ячейки Союза журналистов Таджикистана и Ленуру Мустафаеву_- журналиста Pressa.tj. «Они должны были видеть следы побоев на открытых участках тела Усмонова, особенно над бровью журналиста», — отметила Вахидова.

Сегодня слушание по делу У.Усмонова продолжается. Как вчера сообщил председательствующий на данном процессе судья, возможно, что сегодня состоятся прения сторон.

За слушаниями наблюдали Посол Великобритании в Таджикистане Тревор Мур, представители ОБСЕ, НАНСМИТ, журналисты, в том числе представители Би-Би-Си.

Напомним, на скамье подсудимых вместе с Усмоновым — еще четверо жителей Согдийской области, которым предъявлено обвинение в членстве в запрещенной партии «Хизб-ут-Тахрир».

Уголовное дело в отношении Усмонова было объединено в одно производство с уголовным делом этих подсудимых, потому что первоначально подсудимые дали показания против Усмонова. Однако, на очной ставке и позже (в первый день заседания 16 августа) они отказались от своих первоначальных показаний, но свою вину признали, сообщив суду, что являются членами «Хизб-ут-Тахрир».

Усмонов был задержан 13 июня этого года. Он обвиняется в «недонесении о совершении преступления». Спустя месяц после задержания репортер был выпущен под залог.

Би-Би-Си считает, что все обвинения, выдвинутые в адрес репортера, являются беспочвенными и представляют серьезную угрозу профессиональной журналистике и свободе слова в Таджикистане.

Мавлюда Рафиева

Источник: http://news.tj/ru/news/glava-khizb-ut-takhrir-v-tadzhikistane-dal-pokazaniya-protiv-reportera-bi-bi-

[b]Шӯъбаи ташкилоти байналхалқии Институти “Ҷамъияти кушода” — Бунёди Мадад дар Тоҷикистон озмуни вижаеро барои хабарнигорон эълом доштааст.[/b]

Зимнан, дар чаҳорчӯбаи барномаи «Худидораи маҳаллӣ» барои журналистони воситаҳои ахбори оммаи чопӣ ва электронӣ барои иштирок дар омӯзиши дурӯзаи “Иштироки шаҳрвандон дар раванди буҷет, шаффофияти буҷет” конкурси мазкур сурат мепазирад. Гуфтанист, ҳадафи гузаронидани ин озмун интихоби журналистони ҳавасманд барои иштирок дар омӯзиши дурӯза оид ба иттилоотонии журналистон дар бораи раванди таъмини шаффофият дар соҳаи буҷети давлатӣ ва маҳаллӣ, омӯзиши истифодаи усулҳои ҷалби шаҳрвандон дар ҷараёни буҷет ва таъмини шаффофияти буҷети давлатӣ равона карда шудааст.

Мӯҳлати охирини қабули ҳуҷҷатҳо – 20 сентябри соли 2011. Суроға: ш. Душанбе, кӯчаи Бохтар 37/1, маркази тиҷоратии «Vefa», ошёнаи 4, дафтари кории ИҶК БМ ва ё бо почтаи электронии e-mail: firuza@osi.tajik.net. Иттилои бештарро аз нишонии зер пайдо карда метавонед: кӯчаи Бохтар 37/1, тел: 227-55-58, 441-07-44; 441-07-46, (92) 761 25 25 ё ба воситаи почтаи электронии firuza@osi.tajik.net дастрас намоед.

Источник: http://ozodagon.com/khabarho/tojikiston/2200-2011-09-16-04-56-32

[b]Зинатулло Исмоилов, раиси Шӯрои ВАО-и Тоҷикистон барои ошноӣ пайдо кардан ба вазъи матбуоти шаҳри Панҷакент бо Хисрав Абдулназаров, раиси шаҳр ва узви Маҷлиси Миллии Маҷлиси Олии Тоҷикистон мулоқот намуд.[/b]

Тавре ба «Озодагон» аз дафтари ин ниҳод иттилоъ доданд, раиси шаҳр нахуст дар мавриди вазъи воситаҳои ахбори оммаи шаҳр, тадбирҳо ҷиҳати пурра намудани фазои иттилоотии ин минтақаи наздисарҳадӣ ва дигар масоили муҳими фаъолити ВАО-и Панҷакент иттилоъ дод. Зимнан, Исмоилов перомуни фаъолияти мақоми олии худтанзимкунии фаъолияти журналистӣ – Шӯрои ВАО маълумот дода, изҳор намуд, ки «Мақсади асосии мо ба вуҷуд овардани журналистикаи босифат ва мутобиқ ба меъёрҳои пазируфташудаи байналмилалӣ мебошад. Талошҳои мо ба он равона шудааст, ки қазияҳоро то марҳилаи додгоҳӣ ҳаллу фасл намоем ва аз нерӯи бузурги ҷомеаи журналистӣ ба манфиати ҷомеа истифода кунем».

Манбаъ афзуд, ар вохурӣ роҷеъ ба фаъолияти рӯзномаи шаҳрии «Зарафшон», телевизиони «Симо» ва дигар ВАО-и шаҳр сухан рафт. Мусоҳибон таъкид намуданд, ки риояи меъёрҳои ахлоқиву касбӣ нуфузи журналистикаи миллиро боло мебарад ва доираи ҳаводорони онро меафзояд. Сипас, дар толори ҳукумати шаҳр ҳамоиши омӯзишии Шӯрои ВАО барои жрналистони маҳаллӣ доир гардид. Баргардонандаи ин маҳфил, узви Шӯрои ВАО-и Тоҷикистон Шариф Ҳамдампур доир ба меъёрҳои ахлоқии фаъолияти журналистӣ маълумоти муфассал дод.

Источник: http://ozodagon.com/khabarho/tojikiston/2216-2011-09-16-10-57-01#

[b]Расонаҳои Чин гузориш додаанд, ки намояндагони Тоҷикистон, Ӯзбакистон, Чин ва Русия дар СММ зимни ироаи номаи муштарак ба Бон-ки Мун, дабири кулли ин созмон, хостори шомил сохтани мавзӯъи амнияти иттилоъотӣ ба дастури кори иҷлоси 66-уми Маҷмаъи Умумии СММ шудаанд.[/b]

Дар ин нома даъват шуда, ки дар ин иҷлос санади Қавойиди Байналмилалии Идораи Амнияти Иттилоъотӣ барасӣ ва ба унвони санади расмии ин иҷлос эътироф шавад.

Дар ин бора мақомоти вазорати хориҷаи Чин ба расонаҳои кишвараш хабар додааст. Сухангӯи вазорати хориҷаи Чин ба расонаҳо шарҳ додааст, ки ин санад «ҳуқуқ ва масъулияти давлатро дар қиболи шабакаҳои интернетӣ мушаххас мекунад» ва роҳро барои густариши ҳамкориҳои кишварҳо дар мубориза бо чолишҳои марбут ба ончи онҳо «амнияти иттилоъотӣ» меноманд, боз мекунад.

Йу Ҷанг, сухангӯйи Вазорати хориҷаи Чин, рӯзи сешанбеи 12 сентябр, дар нишасти хабарӣ дар Пекан гуфтааст: “Чин бовар дорад, иттилоъот ва амнияти интернет аз чолишҳои муштарак барои ҳамаи кишварҳо маҳсуб шуда ва аз тариқи ҳамкориҳои байналмилалӣ ба ин падида муқобала кардан мумкин аст.”

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=128]http://www.taj.nansmit.tj/analysis/?id=128[/url]

Мардони МУХАММАД

Источник:

[b]Расонаҳои Чин гузориш додаанд, ки намояндагони Тоҷикистон, Ӯзбакистон, Чин ва Русия дар СММ зимни ироаи номаи муштарак ба Бон-ки Мун, дабири кулли ин созмон, хостори шомил сохтани мавзӯъи амнияти иттилоъотӣ ба дастури кори иҷлоси 66-уми Маҷмаъи Умумии СММ шудаанд.[/b]

Дар ин нома даъват шуда, ки дар ин иҷлос санади Қавойиди Байналмилалии Идораи Амнияти Иттилоъотӣ барасӣ ва ба унвони санади расмии ин иҷлос эътироф шавад.

Дар ин бора мақомоти вазорати хориҷаи Чин ба расонаҳои кишвараш хабар додааст. Сухангӯи вазорати хориҷаи Чин ба расонаҳо шарҳ додааст, ки ин санад «ҳуқуқ ва масъулияти давлатро дар қиболи шабакаҳои интернетӣ мушаххас мекунад» ва роҳро барои густариши ҳамкориҳои кишварҳо дар мубориза бо чолишҳои марбут ба ончи онҳо «амнияти иттилоъотӣ» меноманд, боз мекунад.

Йу Ҷанг, сухангӯйи Вазорати хориҷаи Чин, рӯзи сешанбеи 12 сентябр, дар нишасти хабарӣ дар Пекан гуфтааст: “Чин бовар дорад, иттилоъот ва амнияти интернет аз чолишҳои муштарак барои ҳамаи кишварҳо маҳсуб шуда ва аз тариқи ҳамкориҳои байналмилалӣ ба ин падида муқобала кардан мумкин аст.”

Сойти интернетии “ China Daily“-и Чин аз қавли хонуми Ҷанг навиштааст, «Чин ҷомеъаи ҷаҳониро ба ҳамкории танготанг барои беҳбуди амнияти иттилоъотӣ даъват мекунад.»

Масъулони бахши иттилоъоти Вазорати хориҷаи Тоҷикистон аз шарҳи ҷузъиёти пешниҳоди ин кишвар ба дабири кулли СММ дар масъалаи амнияти иттилоъотӣ худдорӣ карданд.

Нигаронӣ аз паёмадҳои истифода аз фазои иттилоъотӣ дар интернет аз сӯйи кишварҳое матраҳ мешавад, ки дар онҳо дастрасӣ ба интернет, дар муқоиса ба кишварҳои пешрафта маҳдудтар аст.

Нуриддин Қаршибоев, раиси Анҷумани Миллии Расонаҳои Мустақили Тоҷикистон (АМРМТ), дархости намояндагони Чин, Русия, Тоҷикистон ва Ӯзбакистон дар СММ дар заминаи Қавоиди Байналмилалии Идораи Амнияти Иттилоъотиро навъе талоши ин кишварҳо барои ташдиди назорат бар шабакаҳои иҷтимоъии интернетӣ арзёбӣ кард.

Ба гуфтаи оқои Қаршибоев, фазои интернет дар Чин ва Ӯзбакистон комилан таҳти назорати давлат қарор дошта, дар Русия ва Тоҷикистон низ талошҳое барои назорат ба шабакаҳои интернетӣ сурат гирифтааст.

Аз ҷумла дар пайи ҳаводиси водии Рашт дар тирамоҳи соли гузашта ва бозтоби он дар нашрияҳои мустақил фаъолияти нашрияҳои “Фараж”, “Нигоҳ” ва “Пайкон” мутаваққиф ва сойтҳои интернетии “avesta.tj”, “centrasia.ru”, “tjknews.com” ва “fergana.ru” масдуд шуданд.

[b]Нигаронӣ аз вуқӯъи «баҳори арабӣ» дар Осиёи Миёна[/b]

Зимнан, ба навиштаи “Известия”, нашрияи Русия, Созмони Паймони Амнияти Дастҷамъӣ (СПАД) дар садад аст, ба манзури ҷилавгирӣ аз ҳаводиси мушобеҳи Мисру Тунис шабакаҳои иҷтимоъии инетернетро дар қаламрави кишварҳои узви ин созмон назорат кунад.

Ба навишати ин нашрия Валерий Коровин, раиси Маркази таҳқиқоти жеопулитики Русия гуфтааст: “Шабакаҳое чун “Twitter” ва “Facebook” дар бурузи нооромиҳо нақши муаасир дошта ва дар тазоҳуроту даргириҳои инқилоби “Баҳори арабӣ” аз ин шабакаҳо васеъ истифода шудааст. Ба ин далел дар ҷаласаи ахири СПАД аз имкони истифодаи чунин васоил дар Русия ҳушдор дода шуд.”

Созмони Паймони Амнияти Дастҷамъӣ аз созмонҳои таҳти нуфузи Русия аст, ки дар он бархе кишварҳои Иттиҳоди Шуравии пешин ба шумули Тоҷикистон узвият доранд. Бархе аз коршиносон ҳифзи манофеъи Русия дар қаламрави кишварҳои узвро аз аҳдофи ин созмон хондаанд.

Аз сӯйи дигар, женерол Николай Макаров, раиси Ситоди кулли нерӯҳои мусаллаҳи Русия дар нишасти хабарии худ дар шаҳри Маскав аз имкони такрори ҳаводиси кишварҳои арабӣ дар Осиёи Марказӣ сӯҳбат карда ва густариши ҳамкориҳои низомӣ ва баргузор кардани тамриноти муштараки низомиро аз роҳҳои ҷилавгирӣ аз вуқӯъи нооромиҳо дар ин кишварҳо арзёбӣ кардааст.

Мардони МУХАММАД

Источник: http://www.bbc.co.uk/tajik/institutional/2011/09/110914_mm_internet.shtml

[b]Пажӯҳишгоҳи забон ва адабиёти тоҷик ташхиси забонии мақолаҳои М.Исмоиловро анҷом додааст.[/b]

Натиҷаи ташхиси забонии мақолаҳои хабарнигори зиндонии тоҷик — МУҲАММАДЮСУФ ИСМОИЛОВ аз Пажӯҳишгоҳи забон ва адабиёти Фарҳангистони улуми Тоҷикистон ба додгоҳ дастрас шудааст ва фардо, 16-уми сентябр додгоҳи ӯ аз сар гирифта хоҳад шуд.

Дар ин бора ба Радиои Озодӣ МУҲАББАТ ҶӮРАЕВА, вакили мудофеи Исмоилов хабар дод. Вай гуфт, аммо аз натиҷаи ташхиси забоншиносон дар мавриди вуҷуд доштан ё надоштани даъват ба маҳалгароӣ дар мақолаҳои хабарнигори Муҳаммадюсуф Исмоилов иттилоъ надорад.

Муҳаммадюсуф Исмоилов дар пайи фаъолияти касбӣ ва нашри мақолаҳои интиқодӣ роҷеъ ба фаъолияти мақомоти ноҳияи Ашт ба ҷавобгарии ҷиноӣ кашида шуда, айбҳои тамаъҷӯӣ, барангехтани бомаҳалгароӣ, тӯҳмат ва таҳқир аз моҳи декабри соли гузашта то кунун дар боздоштгоҳе дар Хуҷанд ба сар мебарад

Ба гуфтаи Муҳаббат Ҷӯраева, вале дар ҷараёни бозбинии додгоҳии парванда иттиҳомоти асосии алайҳи нафари таҳти ҳимояташ — «тамаъҷӯӣ» ва «маҳалгароӣ» исбот нашудааст. Сипас, моҳи июни соли ҷорӣ бо дархости вакили мудофеъ ҷиҳати ташхиси забониии мақолаҳои Исмоилов парвандаи вай ба Фарҳангистони улум ирсол шуд ва додгоҳ бозбинии парвандаро мавқуф гузошт.

Боздошти хабарнигори «Нури зиндагӣ» вокуниши густардаеро дар маҳофили рӯзноманигории Тоҷикистон ва ҷаҳон ба дунбол дошта, аз ҷараёни таҳқиқи парвандаи вай назорат мешавад. Кумитаи дифоъ аз хабарнигорон, созмони «Хабарнигорони бидуни марз» ва Анҷумани миллии расонаҳои мустақили Тоҷикистон (НАНСМИТ) боздошти хабарнигорро таҳаммулнопазирии мақомоти маҳаллӣ ба матолиби интиқодии ӯ номида ва ба раҳоии ӯ даъват карданд.

Рӯзи 8-уми сентябри соли равон гурӯҳе аз рӯзноманигорони Суғд дар поёни як нишасти мизи гирд унвонии раисҷумҳур – Эмомалӣ Раҳмон бо хоҳиши озод кардани Муҳаммадюсуф Исмоилов аз боздоштгоҳ ва расидагии мунфисона ба қазияи ӯ муроҷиатнома қабул карданд.

Муҳаммадюсуф Исмоилов дар ноҳияи Ашт боздошт шуда, сипас ба боздоштгоҳи муваққати шаҳри Хуҷанд интиқол ёфта буд. МАҲТОББӢ АБДУЛЛОЕВА, ҳамсари вай мегӯяд, аз нодорӣ имкони сафар ба маркази вилоят ва дидор бо шавҳари худро надорад. Маҳтоббӣ афзуд, фарзанди онҳо — Умед замони боздошти падараш чаҳор моҳ дошт ва ҳоло раҳгардон шуда, вале падари худро надидааст.

Маъсуми Муҳаммадраҷаб

Источник: http://www.ozodi.org/content/article/24329033.html

(Конфронси маҷозӣ)

Рӯзи 5 сентябри соли равон дар фазои Facebook – саҳифаи «Тоҷикисони навин» бо ибтикори гурӯҳи рӯшанфикрони тоҷик конфронси маҷозӣ дар мавзӯи «Оё рӯзноманигорони Тоҷикистон метавонанд ҳамраъйю муттаҳид шаванд?» баргузор гардид, ки фишурдаи онро ба самъи Шумо пешкаш менамоем.

[b]Матни пурраи конфронси маҷозиро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=127]http://www.taj.nansmit.tj/analysis/?id=127[/url]

Источник:

[b](Конфронси маҷозӣ)

Рӯзи 5 сентябри соли равон дар фазои Facebook – саҳифаи «Тоҷикисони навин» бо ибтикори гурӯҳи рӯшанфикрони тоҷик конфронси маҷозӣ дар мавзӯи «Оё рӯзноманигорони Тоҷикистон метавонанд ҳамраъйю муттаҳид шаванд?» баргузор гардид, ки фишурдаи онро ба самъи Шумо пешкаш менамоем.[/b]

[i]Дар конфронси маҷозӣ шахсони зерин ширкат доштанд:

Гардонанда Нуриддин Қаршибоев, Раиси Анҷумани миллии воситаҳои ахбори оммаи мустақили Тоҷикистон (АМВАОМТ)

Сайидюнуси Истаравшанӣ, коршиноси фалсафа ва ҳикмати исломӣ, устоди маркази омӯзишҳои кӯтоҳмуддат ва фурсатҳои мутолиотӣ дар Эрон

Дориюши Раҷабиён, рӯзноманигори мустақил ва рӯшанфикр

Додоҷон Атовуллоев, рӯзноманигор

Ҳумайрои Бахтиёр, рӯзноманигори ҷавон

Бобои Наврузи Сурӣ, рӯшанфикр аз деҳаи Сурхи ноҳияи Исфара.[/i]

[b]Нуриддин Қаршибоев:[/b] Дӯстони гиромӣ, мамнунам, ки мо ба мувофиқа расидем, то конфронси маҷозиро дар мавзӯи «Оё рӯзноманигорони Тоҷикистон метавонанд ҳарраъйю муттаҳид шаванд?» дар ҳамин саҳифаи «Тоҷикистони навин» баъди чанд дақиқа оғоз намоем. Хуб мебуд, ки ҳар яки мо назари худро мӯъҷаз ва мухтасар нависем. Суолҳо барои андеша: Ҳамраъйӣ дар чӣ зуҳур меёбад? Кадом мисолҳои онро медонед ё шоҳиду иштирокчии он будед? Чӣ сабабҳо метавонанд бар зарари ҳамраъйии рӯзноманигорон дар Тоҷикистон бошад? Хуб, лутфан оғоз мекунем!?

[b]Дориюш Раҷабиён:[/b] Дуруд бар ҳамагӣ. Ба назари ман, ҳамбастагии ҳирфаии рӯзноманигорон зарурати ҳифзи ҳайсият, эътибор ва амнияти якояки рӯзноманигорон аст. Журнолистҳо метавонанд дорои дидгоҳҳои гуногуни сиёсию иҷтимоъӣ бошанд, аммо дар заминаи ҳирфаӣ метавонанд ва бояд муттаҳид бошанд, то ҳам имкони азияту озорашон аз сӯи мақомот аз байн биравад ва ҳам чун як нерӯи мунсаҷими бузург ба пешбурди ҷомеъа мусоъидат кунанд.

[b]Нуриддин Қаршибоев:[/b] Ҳумайро, Шумо чи назар доред?

[b]Ҳумайро Бахтиёр:[/b] Дуруд бар дӯстони хабарнигорам! Ба назари ман, дар сурати ҳамраъйӣ мушкилот барои худи хабарнигорон хеле камтар хоҳад шуд. Ёдам ҳаст, дар як нишасти матбуотии вазорати умури хориҷа дар сурати посух нагирифтан масъули вазорат хабарнигорро як каме танбеҳ дод (ҳол он, ки хабарнигор ҳақ буд). Пас аз ин аз миён як рӯзноманигори дигар гуфт, ки ҳампешааш дуруст мегӯяд. Дар натиҷа он масъул воқеан ҷавоби носаҳеҳ доданашро тасдиқ кард. Бубинед, ки дар сурати муттаҳид шудан мо барои фаъолияти худ фазои мусоидеро фароҳам меоварем.

[b]Бобои Сурӣ:[/b] Дуруд бар дӯстон. Мо гарчанд рӯзноманигор нестем, вале ҳамчу як равшанфикри миллат ҳамбастагии рӯзноманигоронро дастгирӣ мекунем. Ва албатта умед дорем, ва боварии комил дорем, бо ёрии дӯстони рӯзноманигоронамон фикру ақоиди худро бо миллатамон баррасӣ кунем.

[b]Дориюш Раҷабиён:[/b] Барои мисол, мавзеъи ягона ё ғолиби рӯзноманигорон дар мавриди масоили сарнавиштсозе чун ҳузури низомии Русия дар Тоҷикистон метавонад ҷилави як иштибоҳи бузурги нимқарниро бигирад.

[b]Сайидюнуси Истаравшанӣ:[/b] Дар остонаи ҷашни Истиқлоли кишвар, ин тасмим аз сӯи давлатмардони мо, мухолифи истиқлол аст. Ҳузури нерӯҳои низомии як кишвари бегона дар хоки мо, он ҳам барои 49 сол, ки ним қарн аст, нақзи сареҳи истиқлолият ва тамомияти арзии мост. Ҳоло ки ҳанӯз ин тавофуқ ба тасвиби порлумон нарасида, бояд ба гӯши марокизи тасмим дар кишвар бирасад, ки аз як чунин тасмиме даст бардоранд, бо сарнавишти кишвар бозӣ накунанд. Фаразан агар ин корро ба маслиҳати кишвар медонанд, чун як тасмими сарнавиштсоз аст, бояд референдум баргузор шавад.

[b]Нуриддин Қаршибоев:[/b] Бидуни гуфтаҳои боло, чи бояд кард, ки дар Тоҷикистон ҳамраъйии воқеии рӯзноманигорон таҳким ёбад? Қабл аз ҳама, оё худи ин ҳамраъйӣ ҳаст?

[b]Додоҷон Атовуллоев:[/b] Ҳамраъйи чун панибратство суде надорад. Рақобати солим ба суди кор аст. Вақте чанд рӯзнома аз ҳисоби пули бедардимиён (аз буҷа) дармеояд, аллакай ин имтиёз ба ҳунарвар не, ба лаббайкзан аст.

[b]Сайидюнуси Истаравшанӣ:[/b] Ва аммо, дар робита бо авомиле, ки мунҷар ба адами ҳамраъйӣ миёни рӯзноманигорон мешавад, бояд арз кунам, ки муҳимтарин омил, дастгоҳҳои давлатӣ аст. Яъне давлат метавонад ба роҳатӣ миёни рӯзноманигорон ихтилоф бипошад. Роҳи пешгирӣ ҳам ба назари ман, ҳамон рӯ кардан аст. Яъне дар мавориде рӯзноманигори мустақил ва ҳақҷӯ чорае надорад ҷуз он ки масоилро рӯ кунад ва расонаиш намояд. Омили дигар ҳам, пул аст, ки дигар баҳсаш ҷудост.

[b]Дориюш Раҷабиён:[/b] Дигар ин ки фазои хасмона миёни рӯзноманигорони дарборӣ ва мустақилро бояд аз байн бурд. Мақомотро аз роҳҳои қонунӣ бояд водошт, ки ҳамаи рӯзноманигоронро бо як чашм бибинад ва хабарнигорони мустақилро ҳам ба сафарҳову гуфтугӯҳои расмӣ даъват кунад. Ин табъизи шуғлӣ бояд решакан шавад ва дар ин замина Анҷумани миллии расонаҳои мустақилли Тоҷикистон бояд ҷидду ҷаҳди бештар ба харҷ диҳад. Дар мавриди амнияти шуғлӣ ҳодисаҳои латукӯби Раҷаб Мирзо, Сайфуллоҳзода ва ахиран Хуршеди Атоуллоҳро метавон намуна овард. Намедонам ниҳодҳои хабарнигории Тоҷикистон дар ин замина чиҳо кардаанд, ки ҳанӯз ҳам шоҳиди ин рӯйдодҳои нанговар мешавем.

[b]Нуриддин Қаршибоев:[/b] Дар мавриди латукуби Сойфулозода ва Хуршеди Атовулло, ки имсол рух дод, иқдомҳо аз ҷониби ниҳодҳои рӯзноманигорӣ ба назар расиданд, вале вокуниш аз сӯи моқомоти ҳифзи ҳуқуқ рӯшан ба назар намерасад. Дар масъалаи Сайфуллозода, мутассифона, натиҷае нест.

[b]Дориюш Раҷабиён:[/b] Пӯзиш аз пурҳарфӣ. Ба иллати тангии фурсат маҷбурам гуфтаниҳоямро пушти сари ҳам бирезам.

[b]Нуриддин Қаршибоев:[/b] Ба назари Шумо, феълан чомеаи рӯзноманигории Тоҷикистон ҳамраъй аст?

[b]Сайидюнуси Истаравшанӣ:[/b] Аввалан, ҳамин ниҳод, ки ҷаноби шумо (Қаршибоев) сарпарастии онро ба ӯҳда доред, тақвият шавад, дар мавқеъҳои лозим, иқдомҳои шуҷоона бардорад, ба унвони мисол, дар ҳамин ду рухдод (латукӯби ду рӯзноманигор) мебоист корро сахт пайгирӣ мекард, ки ба назарам иҷломе ҷиддӣ бардошта нашуд. Баъд, ба ҳеҷ сурат вобаста ба давлат набошад ва ҳар гоҳ рӯзноманигоре таҳти фишор қарор бигирад, ҳамин ниҳод бошад, ки аз ӯ дифоъ ба амал оварад, ба ҳамон сурат, ки ахиран иқдоме дар қазияи хабарнигори ВВС анҷом гирифт.

[b]Нуриддин Қаршибоев:[/b] Ташаккур барои маслиҳат, шояд иқдоми ниҳоди мо муассир набуд, ба сабаби бетафовут будани дигар ниҳодҳо?

[b]Сайидюнуси Истаравшанӣ:[/b] Ин худ ҳамраъйӣ миёни рӯзноманигоронро ба вуҷуд меоварад, яъне вақте пушти худро муҳкам мебинанд, дар он сурат, бо шуҷоат ба кори худ идома медиҳанд.

[b]Нуриддин Қаршибоев:[/b] Дӯстон, ба андешаи Шумо чӣ халал мерасонад, ки рӯзноманигорони Тоҷикистон ҳамраъй бошанд? Хусумат, ҷудоиандозӣ, рақобати носолим ё чизи дигар?

[b]Дориюш Раҷабиён:[/b] Ҳамаи он унсурҳое. ки гуфтед, ҳаст, ба назари ман. Аммо муҳимтар аз ҳама, ноогоҳии рӯзноманигорон аз рисолати худ аст, ки монеъ аз иттиҳодашон мешавад. Бархе рӯзноманигориро навъе кори косибӣ медонанд ва вориди рақобатҳои бозорӣ шудаанд, ки бо ахлоқи рӯзноманигорӣ созгор нест.

[b]Бобои Сурӣ:[/b] Ва бояд камтар ҷуръатмандтар ҳам шаванд, вақте як ҳамкасбашон аз тарафи кормандони давлатӣ (бидуни ягон асос) ба ҷавобгарӣ кашида мешавад, эшон бояд ҳуқуқи ӯро талаб кунанд.

[b]Додоҷон Атовуллоев:[/b] Масъалаи усулӣ ва калидӣ дар сохтори давлату давлатдорист. Дар кишвари ноозод имкони рушди мабуоти озод нест ва нахоҳад буд.

[b]Сайидюнуси Истаравшанӣ:[/b] Масъалаи дигар он, ки шунида мешавад, дастгоҳҳои давлатӣ дар расонаҳои Тоҷикистон ҳатто мустақиллаш нуфуз дорад ва расонаҳо ба навъе вобаста ҳастанд. Агар ин воқеият дошта бошад, чаро худи ҳамин масъала дар расона матраҳ намешавад? Бояд шуҷоатмандона инро матраҳ кард.

[b]Додоҷон Атовуллоев:[/b] Ҳатто тоҷирон меҳаросанд, ки ба рӯзномаҳое, ки ҳукуматро танқид мекунанд, реклом диҳанд.

[b]Нуриддин Қаршибоев:[/b] То кадом андоза даъвои Додоҷон асос дорад? Магар дар Тоҷикистон матбуот озод нест? Баҳои созмонҳои рӯзноманигории ҷаҳони чӣ гуна аст?

[b]Сайидюнуси Истаравшанӣ:[/b] Ахиран ҳатто шунидам расонаҳои хориҷӣ ҳам ба навъе вобаста ба давлат ҳастанд. Агар ин ҳақиқат дошта бошад, ин мусибат аст, бояд бо расонаӣ кардан, пеши роҳи чунин падидаҳо гирифта шавад.

[b]Додоҷон Атовуллоев:[/b] ‎»Полуправда — хуже лжи» мегӯянд. Он чи дар матбуоти имрӯз мебинем, ана ҳамин полуправда аст.

[b]Сайидюнуси Истаравшанӣ:[/b] Бо назари оқои Атовуллоев ҳамнавоям, фикр мекунам далели кофӣ дар ин замина вуҷуд дорад.

[b]Нуриддин Қаршибоев:[/b] Мехостам дар робита ба гуфтаҳои боло, назари шуморо нисбати рисолати рӯзноманигорӣ ва расонаҳо дар ҷомеаи муосир бифаҳмам. Мо боз 15 дақиқа вақт дорем.

[b]Дориюш Раҷабиён:[/b] Мусалламан, матбуъоти ба ростӣ озод дар Тоҷикистон орзуе беш нест. Маъмулан, дар муқоиса бо ӯзбакҳо матбуъоти моро озод медонанд. Аммо як пурсиши содда: Оё касе аз рӯзноманигорони тоҷик метавонад даромадҳои худи Раҳмон ва хонаводаашро таҳқиқ кунад ва бо далелҳо риштаматлабҳое мунташир кунад ва ҳеҷ балое ба сараш наояд?

[b]Сайидюнуси Истаравшанӣ:[/b] Ҳатто расонаҳои хориҷии фаъол дар дохили Тоҷикистон дар заминаи масоили марбут ба Раҳмон ҷуръати ҳарф задан надоранд, то чи расад ба расонаҳои дохилӣ.

[b]Дориюш Раҷабиён:[/b] Худи шумо, оқои Қаршибоев, ин мавзӯъро беҳтар медонед, чун дар дохили кишвар ҳастед. Оё ба назари шумо матбуъоти Тоҷикистонро метавон озод номид?

[b]Додоҷон Атовуллоев:[/b] Сад дар сад бо Дориюш розиям.

[b]Бобои Сурӣ:[/b] Дустон мо набояд ба рӯзноманигорон фишор биёрем, барои ин ки ҳар яки мо аз демократияи давлатиамон огоҳем.

[b]Додоҷон Атовуллоев:[/b] Бадбахтона, журналистка ҳам дар ин кишвари мариз бемор аст. Рӯзномаҳоро мехонию шармат меояд. Хат ғалат, маънӣ ғалат, имло ғалат… Примитив….

[b]Дориюш Раҷабиён:[/b] Дар матбуъоти Тоҷикистон хатҳои сурхи бисёр захим ва маргборе вуҷуд доранд, ки метавон онҳоро нодида гирифт ва матлабе мунташир кард, аммо дар паи он бояд омода бошед, ки балое бароятон дасту по кунанд: ё тӯҳматномае алайҳи шумо дар матбуъоти дарборию нимадарборӣ мунташир мешавад ё калтак мехӯред ё зиндонӣ мешавед ё мегурезонанд, ё ба он дунё табъид мешавед. Магар ғайр аз ин аст?

[b]Сайидюнуси Истаравшанӣ:[/b] Ошкортар бигӯем, назари дӯстонро мехостам бидонам, оё расонаҳое чун Озодӣ ва ВВС дар ин замина «озоданд»? Агар на, чаро?

[b]Нуриддин Қаршибоев:[/b] Бахои ман ба матбуоти Точикистон: ВАО дар Тоҷикистон нисбатан озод аст. Мо наметавонем дар бораи озодии мутлақи расонаҳо дар кишвар сухан ронем. Барои ислоҳи вазъият ҳар кас метавонад саҳме дошта бошад, на дар сухан, балки дар амал!

[b]Бобои Сурӣ:[/b] Оқои Қаршибоеви азиз, аз шумо хоҳиш доштам ҳамин мақолаи Дориюши гиромӣ навиштаро, агар имконият бошад, ба чоп диҳетон бисьёр сипосгузорӣ мекардам. То дар ватан ҳам бидонанд ба кадом ботлоқе ғӯтида истодаанд.

[b]Нуриддин Қаршибоев:[/b] Хоҳиш мекунам, бештар сари таъмини ҳамраъйӣ назаратонро бигӯед. Назари шумо ба оодии матбуот дар Тоҷикистон боиси қадрдонист, вале аз мавзӯи конфронси маҷозӣ дур наравед. Сипос!

[b]Додоҷон Атовуллоев:[/b] Замоне радиои Озодӣ машҳур буд. Чун Соҷидаи Мирзо раҳбари бахши точикӣ шуд, аз Озодӣ номаш монд… пеши роҳи пайдоиши мақолаву таҳлилҳои танқидиро мегирад. Басо мекӯшад, ки ба ҳарифони сиёсии Раҳмонов минбар надиҳад. Зеро ӯ ба Зарифӣ ваъда кардааст, ки » имиҷи президентро мебардорад».

[b]Сайидюнуси Истаравшанӣ:[/b] Пас Худо ҳамаи моро раҳмат кунад!

[b]Нуриддин Қаршибоев:[/b] Хоҳиш мекунам, ба иззати нафси ҳамкасбон нарасем. Зеро ин мавод мавриди истифода дар расонаҳо қарор мегирад.

[b]Дориюш Раҷабиён:[/b] Ҳамраъйӣ дар миёни рӯзноманигорон нест. Аҷиб ҳам нест. Дар миёни миллати тикка пора рӯзноманигоронаш ҳам тикка пора мешаванд. Роҳи эҷоди иттиҳоду инсиҷом боло бурдани огоҳиҳои рӯзноманигорон аз рисолаташон аст. Чун бо ҷуръату азхудгузаштагии рӯзноманигорон аст, ки ҷомеъа ба озодиҳои бештар даст меёбад. Ҳеҷ давлате ба ихтиёри худаш ба матбуъот озодӣ надодааст. Барои ин ганҷ бояд ранҷҳои фаровон кашид.

[b]Бобои Сурӣ:[/b] На ҳоло роёна дар даст дорем, дӯстони бомаърифат дорем, орзуҳоро ба хок супоридан барвақт аст.

[b]Сайидюнуси Истаравшанӣ:[/b] Оқои Қаршибоеви гиромӣ, хулосаи ман ин аст, ки мо ба ҷои эҷоди ҳамраъйӣ, беҳтар аст ба ҳалли ин масоил, ки ин ҷо матраҳ шуд, бипардозем. Оё чунин нест?

[b]Дориюш Раҷабиён:[/b] Иттиҳод рамзи пирӯзист ва чун иттиҳод надорем, бозандаем дар ҳар сатҳе. На танҳо миёни рӯзноманигорон.

[b]Нуриддин Қаршибоев:[/b] Ташаккур, Дориюш! Ман мехостам дар ҳамин ҷо ба сӯҳбатамон нуқтаи таммат гузорам. Боз 3 дақиқа вақт ҳаст. Касе моҳиятан боз назари худро иброз медорад?

[b]Сайидюнуси Истаравшанӣ:[/b] Ба ҷои андешаи эҷоди ҳамраъйӣ, ба назар мерасад муҳим ҳалли масоиле аст, ки ин ҷо матраҳ шуданд ва бигузор расонаӣ шаванд.

[b]Додоҷон Атовуллоев:[/b] Озодӣ бозичае нест, ки осон бихарӣ, самбуса нест, ки дили роҳбареро биёбӣ. Барои ОЗОДӢ ҷонбозӣ мебояд!!! Дар Тоҷикистон озодие ба ҷуз мурдан вуҷуд надорад!!!! Ва озодии матбуот ҳамчунин!!!!

[b]Нуриддин Қаршибоев:[/b] Ман наметавонам ба ин фикр розӣ бошам. Албатта мушкилоте, ки шумоён иброз доштед, дар фазои итттилоотии Тоҷикистон вуҷуд дорад, мо ҳатталимкон барои ҳалли онҳо кӯшиш хоҳем кард ва аз Шумо низ даъват мекунем, ки мушоҳид ё нозир не, балки саҳмгир дар ҳалли қазияҳо бошед. Аз ҳамаи Шумо барои ширкататон дар ин сӯҳбати маҷозӣ миннатдорам. Як чизро бароятон ваъда медиҳам: мазмуну мундариҷаи ин конфронсро ба самъи ҳамкасбон дар Тоҷикистон мерасонам. Ташаккур!

АМВАОМТ (НАНСМИТ)

Источник: http://www.facebook.com/groups/132266500197220/?view=permalink&id=147263362030867#!/groups/132266500

[b]Дар пойтахти Русия аз шаби 5-ум ба 6-уми сентябр шабакаи ҷадиди телевизионӣ ба фаъолият оғоз намуд, ки «Москва-24» ном дорад. Ин шабака иттилоотӣ буда, 24 соат дар шабонарӯз ба таври зинда хабару гузоришҳоро аз шаҳри Маскав ва атрофи он манзури бинанда хоҳад кард.[/b]

Вақте ин хабарро мехондам аз пойтахти кишварамон ёд кардам. Воқеан, пойтахти Тоҷикистон ҳам шабакаи телевизионии худро дорад, ки шояд дар ҳеч пойтахти дигари дунё намунаи онро ёфтан амри маҳол бошад.

«Пойтахт» шабакаи телевизиони ҷамъиятист, ки ҳукумати шаҳри Душанбе муассиси он маҳсуб мегардад. Ин телевизионро мешавад якбора аз рӯи чанд номгӯй ба китоби рекордҳои Гиннес пешниҳод кард. 1. Барои тими эҷодӣ; 2. Кӯҳнатарин телевизиони асри 21; 3. Филм-плагиат;

Барномаҳое, ки ҳайати эҷодии ин шабака таҳия мекунанд, ба меъёрҳои журналистикаи имрӯз мутобиқ нестанд. Қолаби барномасозияшон низ шабакаҳои шӯравиро ба хотир меорад. Гузашта аз ин эҳсос мешавад, ки на ҳамаи кормандони ин шабака идеяву диди тозаи барномасозӣ доранд. Шояд сифати пасти барномаҳо ба дастгоҳхои кӯҳнаи сохти шӯравӣ тааллуқ бигирад? Зимнан, «Пойтахт» шояд ягона шабакаи телевизионӣ дар миқёси кишварҳои пасошӯравӣ (ё ягона ТВ дар тамоми пойтахтҳо) бошад, ки бо дастгоҳхои кӯҳна фаъолият мекунад. Шояд дастгоҳҳои рақамӣ низ дошта бошанд, аммо вақте ин шабакаро тамошо мекунӣ аз микрофонҳову наворҳо ва кадрҳои он эҳсос мешавад, ки бӯи дастгоҳи ҷадид барнамеояд. Дар ин шабака дилхоҳ филмро мешавад тамошо кард. Ҳатто филмҳое, ки ҳанӯз дар кинотеатрҳои кишвари истеҳсолкунанда намоиш дода нашудаанд. Ба гумони ғолиб ба мазмуни ин филмҳо қабл аз ба эфир гузоштан касе таваҷҷӯҳ намекунад, зеро онҷо лаҳзаҳои фаҳшу таҳқирро низ баъзан вохӯрдан мумкин аст. Гузашта аз ин сифати бархе аз ин филмҳо ба ҳаде пастанд, ки дар як дақиқа чанд бор ист мекунанд. Пушти қутии ин филмҳо аслан «барои намоиши хонаводагӣ» (для домашнего прасмотра) навишта шудааст. «Пойтахт» барномаҳои мустақим низ дорад. «Занги телефон» яке аз чунин барномаҳост, ки ман онро муваффақнашуда меҳисобам. Микрофонҳо дар ин барнома ҳамеша мушкил доранд. Тарзи пешниҳоди он низ хоси як телевизион нест. Гузашта аз ин шаби 5-уми сентябр ин барнома гӯё рӯҳияи ҷашнӣ дошт. Онҷо якбора чанд сарояндаро даъват намуда буданд. Ва ровии барнома ҳар навбат бо ишораи даст якеро ба назди худ мехонд ва сипас мегуфт, ки «ҷои худро дар маркази саҳна бигиред». Гӯё агар он сароянда дар марказ неву дар лаби саҳна истад, фонограмма садо намедиҳад.

Воқеан, дар мавриди фонограмма. Зимни ба «маркази саҳна» баромадани чанд сароянда коргардон сурудҳоро иваз намуд, ки дар натиҷа ба ҷои фонограммаи суруди овозхоне, ки дар саҳна аст, оҳанги нафари дар навбатбуда баланд шуд…
Дар пешниҳоди иттилоъ низ ин шабака бо ду по мелангад. Барномаи «Пайём» ҳисоботро ба ёд меорад. Дар он фаврият, сареҳият ва муҳимият-се меъёри аслии барномаи иттилоотӣ дида намешавад. Дар мавриди сайти интернетӣ бошад, ҳоҷати гап нест.

Ман иддаои бар пояи ТВ «Москва-24» расидани ТВ «Пойтахт»-ро надорам, зеро дар шароити имрӯз ин чиз имконнопазир аст. Аммо ҳамчун як нафаре, ки дар пойтахти Тоҷикистон кору фаъолият дорам, намехоҳам, ки бо чунин шабакаи телевизионӣ назди хориҷиҳо хандахариш шавем. Бо умеди то маросимҳои навбатии ҷашнгирии истиқлолият симои пойтахт шудани ТВ «Пойтахт» ҳамаи кормандони ин шабакаро бо истиқлолият табрик мегӯям!

Ozodagon.com

Источник: http://ozodagon.com/sabznoz/89-2011-04-13-07-24-36/2106—lr