[b]Тибқи тарҳи нави Қонуни матбуот, муҳлати дарёфти иттилоъ аз мақомот барои хабарнигорон 3 рӯз муқаррар шудааст.[/b]

Ва агар хабару маълумот омода бошад, бояд дарҳол пешкаш карда шавад.

Дар ин муҳлат мақомоти давлатӣ муваззаф ҳастанд, ки иттилои лозимаро дар ихтиёри рӯзноманигорон қарор диҳанд.

[b]Матни пурраи гузоришро дар торномаи мо бо пахш кардани нишонии зерин мутолиа кунед:[/b] [url=http://www.taj.nansmit.tj/analysis/?id=146]http://www.taj.nansmit.tj/analysis/?id=146[/url]

Мирзонабии Холиқзод

Источник:

[b]Тибқи тарҳи нави Қонуни матбуот, муҳлати дарёфти иттилоъ аз мақомот барои хабарнигорон 3 рӯз муқаррар шудааст.[/b]

Ва агар хабару маълумот омода бошад, бояд дарҳол пешкаш карда шавад.

Дар ин муҳлат мақомоти давлатӣ муваззаф ҳастанд, ки иттилои лозимаро дар ихтиёри рӯзноманигорон қарор диҳанд.

[b]АЗ 15 РӮЗ БА 3 РӮЗ…[/b]

Ин тағйироти тарҳи қонун бо пешниҳоди намояндагони расонаҳои хабарии Тоҷикистон сурат гирифтааст, ки феълан дар доираи як гурӯҳи корӣ, дар парлумони Тоҷикистон мавриди баҳс қарор дода мешавад.

Акрамшо Фелалиев, вакили Маҷлиси Намояндагон мегӯяд, агар қаблан ин муҳлат 15 рӯзро дар бар мегирифт, ҳоло тибқи моддаҳои 22 ва 23 ба се рӯз оварда шуд: «Масалан дар моддаи 22, ки аз 5 банд иборат аст, мақомоти давлатӣ ва шахсони масъули ташкилот вазифадоранд, ки ба намояндагони васоити ахбори омма маводи расмии зарурӣ ва ҷиддию таҳлилиеро, ки омӯзиши иловагиро талаб намекунад, дар муддати то се рӯзи корӣ ҷавоб гардонад. Агар мавод омода бошад, метавонад дарҳол пешниҳод кунад.»

Моддаи 9-и ҳамин тарҳ, додани хабареро манъ мекунад, ки агар ба сирри давлатӣ рабт дошта бошад.

[b]ҲАЗФИ БАНДИ «ҲИМОЯИ ШАЪНУ ШАРАФИ ПРЕЗИДЕНТ»[/b]

Дарёфти иттилоъ аз мақомоти давлатӣ, ки дар пешниҳоди хабару маълумот бо ҳар баҳона худдорӣ мекунанд, ба як дарди сари журналистҳо табдил шудааст. Ҳатто дар баъзе ҳодисаҳои муҳиму доғ, хабарнигорон аз мақомоти ҳукуматӣ хабарҳои мухталиф ва баъзан зидду нақиз дарёфт мекунанд, ки бештар шакку шубҳаро ба вуҷуд меорад.

Нуриддин Қаршибоев, раиси Анҷумани расонаҳои озоди Тоҷикистон мегӯяд, яке аз пешниҳодоти муҳими ин гуруҳи корӣ, ҳамин масъалаи муҳлати дарёфти маълумот буд.

Пешниҳоди дигаре, ки дар тарҳи феълии қонуни мазкур ба эътибор гирифта шудааст, ҳазфи моддаи 6 мебошад, ки онҷо сухан аз ҳимояи шаъну шарафи президент меравад: «Дар он ҷо мо пешниҳод карда будем, ки ҳамин банди қонун, яъне ҳимояи шаъну шарафи президент бардошта шавад. Ва дар тарҳи ҷадид ҳамин модда бардошта шуд.»

Ба қавли Нуриддин Қаршибоев барои иҷрои ин банд қонуни кайфарии Тоҷикистон амал мекунад ва овардани ин масъала дар як қонуни соҳавӣ маъно надорад.

[b]»ДАВЛАТ ЖУРНАЛИСТОНРО ЧУН ЖУРНАЛИСТ ҚАБУЛ КУНАД»[/b]

Ва аммо раиси Иттиҳоди журналистони Тоҷикистон Акбаралӣ Сатторов мегӯяд, ки мувофиқи пешниҳоди дигар, бояд идораҳои давлатӣ журналистонро ба ҳайси журналист ё рӯзноманигор қабул кунанд ва иттилоъро дар ихтиёрашонгузорад: «Асосан вақте, ки журналистро қабул мекунанд, набояд дастгоҳҳои давлатӣ мактуб пурсанд. Имрӯзҳо журналистро ҳамчун шаҳрванд қабул мекунанд, ки ин нодуруст аст. Ва дар ин тарҳи нав бояд аз ин дидгоҳ ҳимоят шавад.»

Вале аксари намояндагони расонаҳои хабарӣ мегӯянд, ки баҳси гуруҳи корӣ дар парлумон бар сари тарҳи Қонуни васоити ахбори омма ба дарозо кашидааст ва онҳо бим доранд, ки тағйиру иловаҳое, ки ба эътибор гирифта шуданд, боз сарфи назар карда шаванд.

Дар робита ба ин масъала Акрамшо Филалиев, вакили Маҷлиси намояндагон мегӯяд, то замоне, ки онҳо ба ҳар банду фаслу моддаи тарҳи мазкур ба мувофиқа наоянд, дар иҷлосия онро ба овоз нахоҳанд гузошт.

Қонуни Ҷумҳурии Тоҷикистон «Дар бораи матбуот ва дигар воситаҳои ахбори омма» 14-уми декабри соли 1990, ҳанӯз дар замони Шӯравӣ ба тасвиб расида буд ва то кунун ҳафт маротиба ба он тағйироту иловаҳо ворид карда шудааст.

Мирзонабии Холиқзод

Источник: http://www.ozodi.org/content/article/24384637.html

[b]Дар дидори Абдураҳим Қаҳҳоров, вазири умури дохила бо Дуня Миятович, масъули бахши озодии баёни Созмони Амният ва Ҳамкории Урупо мавзӯъи боздошти чанд рӯзноманигор дар Тоҷикистон ва ҳамкории ниҳодҳои интизомӣ бо васоити ахбори умум матраҳ шуд.[/b]

Ба гуфтаи Маҳмадулло Асадуллоев, сухангӯи вазорати умури дохила хонуми Миятович дар ин дидор ибрози нигаронӣ кард, ки дар зарфи як соли ахир дар Тоҷикистон чанд рӯзноманигор аз ҷониби кормандони ниҳодҳои интизомӣ ва амниятӣ боздошт шудаанд. Вай дар мавриди омилҳои ин боздоштҳо суолҳо кард.

Оқои Асадуллоев афзуд, ки вазири дохила ба ин масъули САҲУ таъкид дошт, ки боздошти ин афрод ба фаъолияти касбии онҳо рабте надошта ва барои иртикоби ҷароими дигар дастгир шудаанд. Оқои Асадуллоев афзуд: «Шояд вазир Ӯрунбой Усмоновро низ дар назар дошт, чунки боздошти оқои Усмонов низ дар робита ба Ҳизби Таҳрир буд.»

[b]Матни пурраи гузоришро бо пахш кардани нишонии зерин дар торномаи мо мутолиа кунед:[/b] [url=http://www.taj.nansmit.tj/analysis/?id=145]http://www.taj.nansmit.tj/analysis/?id=145[/url]

Источник:

[b]Дар дидори Абдураҳим Қаҳҳоров, вазири умури дохила бо Дуня Миятович, масъули бахши озодии баёни Созмони Амният ва Ҳамкории Урупо мавзӯъи боздошти чанд рӯзноманигор дар Тоҷикистон ва ҳамкории ниҳодҳои интизомӣ бо васоити ахбори умум матраҳ шуд.[/b]

Ба гуфтаи Маҳмадулло Асадуллоев, сухангӯи вазорати умури дохила хонуми Миятович дар ин дидор ибрози нигаронӣ кард, ки дар зарфи як соли ахир дар Тоҷикистон чанд рӯзноманигор аз ҷониби кормандони ниҳодҳои интизомӣ ва амниятӣ боздошт шудаанд. Вай дар мавриди омилҳои ин боздоштҳо суолҳо кард.

Оқои Асадуллоев афзуд, ки вазири дохила ба ин масъули САҲУ таъкид дошт, ки боздошти ин афрод ба фаъолияти касбии онҳо рабте надошта ва барои иртикоби ҷароими дигар дастгир шудаанд. Оқои Асадуллоев афзуд: «Шояд вазир Ӯрунбой Усмоновро низ дар назар дошт, чунки боздошти оқои Усмонов низ дар робита ба Ҳизби Таҳрир буд.»

Дуня Миятович аз оқои Қаҳҳоров хост, то ин ки вазорати умури дохила барои дифоъ аз ҳуқуқи журнолистон ва фароҳам кардани шароит барои фаъолияти озоди расонаҳо дар Тоҷикистон кумак кунад. Вай афзудааст, ки САҲУ дар навбати худ омодааст, барои рӯзноманигорони тоҷик ва котибони матбуъоти ниҳодҳои интизомӣ давраҳои омӯзишии ҳуқуқӣ баргузор кунад.

[b]Дидори Миятович бо ҷомеъаи маданӣ[/b]

Дуня Миятович, масъули бахши озодии баёни Созмони Амният ва Ҳамкории Урупо барои матраҳ кардани мавзӯъи мушкилоти марбут ба озодии баён дар Тоҷикистон бо мақомот ва ҷомеъаи мадании ин кишвар, вориди Душанбе шудааст.

Вай дар шаби панҷшанбеи 3 ноябр, дар як ҳамоиш дар меҳмонхонаи “Ҳайят”-и шаҳри Душанбе гуфт, ки бо мақомоти давлати Тоҷикистон мушкилоти марбут ба озодии баён дар ин кишварро матраҳ хоҳад кард.

Вай рӯзи панҷшанбе бо намояндагони ҷомеъаи шаҳрвандии Тоҷикистон мавзӯъи озодии баён, дастрасӣ ба манобеъи иттилоъотӣ ва фишору қазияҳои додгоҳӣ болои хабарнигорон ва расонаҳои мустақили ин кишварро матраҳ кардааст.

Ин масъули Созмони Амният ва Ҳамкории Урупо гуфтааст, ки то ҳол дар Тоҷикистон дар роҳи фаъолияти озоди расонаҳо мавонеъи маснӯъӣ вуҷуд дорад. Аммо хонуми Миятович ба таври мушаххас аз мавориди душвориҳо ва мавонеъ барои фаъолияти нашрияҳо ва расонаҳои мустақили Тоҷикистон ном набурд.

Файзинисо Воҳидова, вакили мудофеъи Ӯрунбой Усмонов, хабарнигори бахши ӯзбакии Би-би-сӣ, ки дар мулоқот бо хонуми Миятович ҳузур дошт гуфт, ки дар ин мулоқот қазияи Ӯрунбой Усмонов ва Маҳмадюсуф Исмоъилов, хабарнигори нашрияи мустақили “Нури зиндагӣ” матраҳ шуда ва ин мақоми САҲУ аз озод шудани ин ду хабарнигор ибрози хурсандӣ кардаст.

Аммо ба гуфтаи хонуми Воҳидова, хонуми Миятович ҳукми додгоҳи вилояти Суғд дар қиболи оқои Усмоновро ғайримунсифона хонда ва бовар дорад, ки ин ҳукм бояд лағв шавад, зеро равобити оқои Усмонов бо Ҳизби Таҳрир ҷузви фаъолияти журналистиаш будааст.

Хонуми Миятович гуфт, таъқиби хабарнигор барои фаъолияти касбӣ оқибати хуб надошта ва ин амал маҳдуд кардани озодии баён дар Тоҷикистон аст.

Ин дар ҳолест, ки Файзинисо Воҳидова аз болои ҳукми додгоҳи вилояти Суғд дар қиболи Ӯрунбой Усмонов ба Додгоҳи олии Тоҷикистон шикоят бурдааст.

[b]Вазорати хориҷа: рӯзноманигорон бояд ҳирфаитар шаванд[/b]

Имрӯз 4-уми ноябр Дуня Миятович бо Ҳамрохон Зарифӣ, вазири хориҷа, дидор ва масоили марбут ба вазъи расонаҳои давлатию мустақили Тоҷикистон баррасӣ кардааст.

Давлаталӣ Назриев, сухангӯи ин вазорат гуфт, вазири хориҷаи Тоҷикистон зимни таъкид ба «фароҳам будани заминаҳои ҳуқуқӣ барои фаъолияти озоди нашрияҳо ва расонаҳо дар ин кишвар ба поин будани сатҳи дониши ҳуқуқии рӯзноманигорон ва ғайриҳирфаӣ будани бархе аз онҳо» ишора кардааст.

Оқои Зарифӣ, аз хонуми Миятович хостааст, то Созмони Амният ва Ҳамкории Урупо аз тариқи баргузор кардани мизҳои гирд ва давраҳои омӯзишӣ барои хабарнигорони тоҷик дар ҳалли ин мушкил мусоъидат кунад.

Гуфта мешавад, Дуня Миятович, масъули бахши озодии баёни САҲУ, ҳамчунин, имрӯз Асадулло Раҳмонов, раиси Кумитаи радио ва телевизиюн ва Бек Зуҳуров, раиси Хадамоти алоқаи Тоҷикистон дидору гуфтугӯ кунад.

Интизор меравад, ӯ бо Олим Салимзода ва Акрамшо Фелалиев, намояндагони порлумони Тоҷикистон ва муаллифони пешнависи Қонуни “Воситаҳои ахбори омма” нукоти ин санади ҳуқуқиро баррасӣ кунад.

Аз сӯйи дигар, Хуршеди Атоулло, сардабири нашрияи мустақили «Фараж» дар дидори худ бо Дуня Миятович пешниҳод кардааст, ки дар ин кишвар чопхонаи мустақиле зери сарпарастӣ ё сояи созмонҳои байналмилалӣ таъсис шавад.

Бар асоси қавонини Тоҷикистон созмонҳо ё табаъи хориҷӣ ҳаққи таъсиси ин гуна чопхонаро надошта, аммо дар шаҳри Бишкеки Қирғизистон таҷрубаи таъсиси чопхонае таҳти сарпарастии созмонҳои байналмилалӣ вуҷуд дорад.

Ҳамчунин, намояндагони нашрияҳои мустақил тасмими Вазорати фарҳанги Тоҷикистон мабнӣ ба лағви шаҳодатнома ё муҷаввизи фаъолияти нашрияҳо дар аввали моҳи январи соли ояндаро таҳдиди ҷиддӣ ба озодии баён дар ин кишвар унвон карданд.

Ҳамакнун, нашрияҳо ҳамчун моликияти хусусӣ дар равзанаи ягона дар Кумитаи молиёти Тоҷикистон сабти ном шуда ва маоши ҳадди ақали кормандонро ба 562 сомонӣ расонанд ва молиёти зиёд пардохт кунанд.

Ба эътиқоди масъулони нашрияҳои мустақил, мумкин аст дар пайи ин иқдоми давлати Тоҷикистон дар соли оянда бештари нашрияҳои мустақил аз фаъолият бозмонанд.

Источник: http://www.bbc.co.uk/tajik/institutional/2011/11/111104_mm_osce.shtml

[b]Дуня Миятович, масъули бахши озодии баёни САҲА бо вазири умури дохили Тоҷикистон дидору гуфтугӯ намудааст.[/b]

Меҳвари гуфтугӯи масъули бахши озодии баёни САҲА бо Абдурраҳим Қаҳҳоров роҷеъ ба озодиҳои матбуот дар Тоҷикистон будаст.

Дуня Миятович зимни дидори худ бо Абдурраҳим Қаҳҳоров, вазири умури дохилии Тоҷикистон аз боздошти хабарнигорон дар вақтҳои ахир ва фишор ба матбуот изҳорӣ нигаронӣ кардааст. Вай аз мақоми тоҷик хостааcт ба фаъолияти озоди матбуот ва ҳимоя аз ҳуқуқи рӯзноманигорон мусоидат намояд.

Муҷрим донистани Урунбой Усмонов ва Муҳаммадюсуф Исмоилов аз сӯи додгоҳи вилояти Суғд аз мавзӯъҳои матруҳа дар дидору гуфтугӯҳои Дуня Миятович, намояндаи САҲА дар умури матбуот бо мақомоти Тоҷикистон, ҷомеаи шаҳрвандӣ ва созмонҳои хабарнигорӣ дар Душанбе буд.

Дуня Миятович, намояндаи Созмони амният ва ҳамкорӣ дар Аврупо дар умури матбуот зимни сафари дурӯзаи худ ба Тоҷикистон, бо вазири умури хориҷии Тоҷикистон Ҳамроҳхон Зарифӣ, инчунин намояндагони ҷомеаи шаҳрвандӣ ва созмонҳои хабарнигорӣ низ мулоқотҳо анҷом додааст.

Вай борҳо барои дифоъ аз ҳуқуқи журналистони тоҷик, аз ҷумла Муҳаммадюсуф Исмоилов, хабарнигори “Нури зиндагӣ” ва Урунбой Усмонов, хабарнигори бахши узбакии Би-би-сӣ садо баланд кардааст. Вай бо пахши чандин изҳорот аз мақомоти Тоҷикистон хоста буд, ки ин ду хабарнигори тоҷикро раҳо ва “сафед” кунанд.

Источник: http://www.ozodi.org/content/article/24382077.html

[b]Хабарнигори маҳаллии ҳафтаномаи «Нури зиндагӣ» дар ноҳияи Ашт — Муҳаммадюсуф Исмоилов ва хабарнигори бахши ӯзбакии «Би-би-си» дар вилояти Суғд — Ӯрунбой Усмонов бо ҳамроҳии вакилони дифоашон аз болои додгоҳи шаҳри Хуҷанд ва вилоят ба Додгоҳи Олӣ арзу шикоят бурдаанд. Дар ин бора ба TojNews вакилони дифоъ — Муҳаббат Ҷӯраева ва Файзинисо Воҳидова хабар доданд.[/b]

Ин ҳам дар ҳолест, ки вакили мудофеи Исмоилов — Муҳаббат Ҷӯраева ҳукми додгоҳро аз нуқтаи назари ҳуқуқшиносӣ бори дигар «адолатона» унвон карда, гуфт, ки барои содир гаштани ҳукми башардӯстонаву боадолатона иштироки намояндагони созмонҳои дифоъ аз ҳуқуқи байналмиллалӣ, ВАО-и дохиливу бурунмарзӣ дар ҷараёни мурофиаи додгоҳӣ низ таъсири бевоситаи хешро гузошта тавонист, чун иллати аслии он ҳамраъйии журналистон буд.

Ҳамзамон, ҷоиз ба қайд аст, ки ҳини озодии Исмоилов дар таърихи 14-уми октябри соли равон вакили ӯ дар сӯҳбат ба TojNews гуфта буд, ки «доир ба ин қазия ба додгоҳи болоӣ арз нахоҳад кард». Аммо бо гузашти наздики як моҳ, Муҳаббат Ҷӯраева дубора мехоҳад доир ба қазияи мазкур шикоёт бубарад: — Нахуст, чун таъкид карда будам, макони баргузории мурофиа, ки воқеъ дар Муассисаи тафтишотии ЯТ 9/2 (СИЗО)-и шаҳри Хуҷанд гузаронида шуд, моро қаноатманд намесохт, дуюм, сарфи назар аз он, мо бо ҳукми додгоҳ розӣ буда наметавонем, чун зимни ҷараёни тафтишоти пешакӣ ва мурофиаи додгоҳӣ айби журналист аз рӯйи чаҳор моддаи КҶ ҶТ — 135, 136, 189 ва 250 қисми 1 ва 2, ки ба ӯ пешниҳод гардида буданд, исботи хешро наёфтанд.

Вале сабаби аслии хостори дубора бознигарии ҳукми Исмоилов аз ҷониби додгоҳро вакили дифоъ ба нафақаи ночизи он рабт медиҳад.

«Муҳаммадюсуф Исмоилов ҳамагӣ 52 сомонӣ нафақа ба даст меорад, пардохти ҷаримаи ба ӯ аз ҷониби додгоҳ таъйиншуда 35 ҳазор сомониро ташкил медиҳад, ки супоридани он аз ҷониби хабарнигори маҳаллии «Нури зиндагӣ» ғайриимкон аст»,- изҳор дошт Ҷӯраева.

Аммо бояд гуфт, ки агар аз рӯйи нафақаи 52 сомонии бадастмеовардаи Исмоилов ҳисобу китоб намоем, бояд ӯ 35 ҳазор сомониро пас аз 57 сол баргардонад. Вале барои ин Исмоиловро зарур аст, ки нафақаашро ба ҳеҷ куҷо масраф накарда, гушнаву ташна ва ҳамзамон, оилаашро таъмин насохта, онро ҷамъ намояд. Дар ҳоле ки имрӯз он нафақаи Исмоилов, ҳатто, барои худаш ҳам намерасад ва бар замми ин, бо 3 соли маҳрумият аз фаъолияти рӯзноманигорӣ онро пардозад.

Дар робита ба ин, Файзинисо Воҳидова — вакили дифои Ӯрунбой Усмонов афзуд, ки онҳо аз ҳукми баровардаи додгоҳ нисбати Усмонов, ки ба муддати 3 соли зиндонӣ маҳкум намуда, ҳамзамон, бар асоси Қонуни авф ӯро аз иҷрои ҷазо раҳо кардааст, норизо ҳастанд:

— Агарчанде тибқи муқаррароти Қонуни авф зерҳимояам — Ӯрунбой Усмонов аз толори додгоҳ озод шуда бошад ҳам, вале мо аз ин ҳукм, умуман, розӣ нестем. Аслан, мо талаб карда будем, ки бегуноҳии ӯ эътироф карда шавад, чунки тамоми амали Усмонов ба фаъолияти касбияш вобаста буд.

Ҳамзамон, Воҳидова гуфт, ки агар Додгоҳи Олӣ арзу шикояти Усмоновро қонеъ нагардонад, онҳо маҷбуранд, ки баҳри дарёфти адолат ба додгоҳҳои байналмилалӣ муроҷиат намоянд. Ӯрунбой Усмонов низ бар ин назар аст, ки «Мо то ба охир мурофиаро мебарем ва бегуноҳиамро собит месозем. Ва агар нашуд, барои дунболаи дарёфти адолати додгоҳӣ хоҳем буд, ҳатто, то Кумитаи СММ оид ба ҳуқуқи инсон шикоят бубарем».

Қайд кардан ба маврид аст, ки тибқи меъёрҳои қонунгузорӣ, шикояти кассатсионӣ давоми ду моҳ метавонад мавриди баррасӣ қарор гирад.

Дар ҳамин ҳол, ҳафтаи гузашта масъули бахши озодии баёни Созмони Амният ва Ҳамкорӣ дар Аврупо (САҲА) — Дуня Миятович бо сафари дурӯзааш вориди кишвари Тоҷикистон шуда, бо намояндагони ҷомеаи шаҳрвандӣ ва созмонҳои хабарнигорӣ мулоқот орост.

Яке аз мавзӯъҳои матраҳгардидаи нишасти Дуня Миятович дар пойтахти кишвар доир ба қазияи Ӯрунбой Усмонов ва Муҳаммадюсуф Исмоилов аз сӯйи додгоҳи вилояти Суғд буданд.

Ӯ аз норизоии ин ду хабарнигор аз ҳукми додгоҳ ва аз болои эшон шикоят бурдани онҳо изҳори хушнудӣ намуда, умедвор аст, ки зинаи болоии додгоҳ низ ин ҳукми, ба гуфтаи ӯ, «ноадолатона»-ро лағв созад.

Ҳамзамон, таърихи 5-уми октябри соли равон Дуня Миятович бо вазири корҳои дохилии Тоҷикистон Абдураҳим Қаҳҳоров дидору гуфтугӯ анҷом дода, мавзӯи сӯҳбат роҷеъ ба озодиҳои матбуотро дар Тоҷикистон матраҳ кардааст. Номбурда аз вазъи озодии баён ва фишор барои хабарнигорон дар кишвари Тоҷикистон изҳори нигаронӣ намуда, хостори мусоидати мақомоти зидахл бо ВАО шудааст.

Ёдрас мешавем, ки хабарнигори маҳаллии ҳафтаномаи «Нури зиндагӣ» дар ноҳияи Ашт — Муҳаммадюсуф Исмоиловро масъулони мақомоти ҳифзи ҳуқуқи вилояти Суғд таърихи 23-юми ноябри соли 2010-ум боздошт намуда, тибқи ҳукми додгоҳ аз рӯйи 4 моддаи КҶ ҶТ — тӯҳмат, таҳқир, барангехтани кинаю адовати миллӣ, нажодӣ, маҳалгароӣ ва ё динӣ, инчунин, тамаъҷӯйӣ муҷозот шуда буд.

Ва пас аз деринтизориҳо — 10 моҳу 26 рӯз, шоми 14-уми октябри соли равон, соати 17:15 дақиқа аз «СИЗО»-и шаҳри Хуҷанди Шимоли Тоҷикистон бо ҷаримабандии 52 ҳазор сомонӣ ва бинобар давоми 11 моҳ сипарӣ намудани боздоштгоҳ 17 ҳазору 500 сомонии он коҳиш дода шуда, тибқи ҳукми додгоҳ хабарнигор муваззаф шуд, ки 35 ҳазор сомонӣ ҷарима биспорад ва бар замми ин, бо 3 соли маҳрумият аз фаъолияти рӯзноманигорӣ озод карда шуд.

Дар ҳамон шабу рӯз додгоҳи вилояти Суғд хабарнигори бахши ӯзбакии «Би-би-си» — Ӯрунбой Усмоновро ба 3 соли зиндонӣ маҳкум намуда, вале дар асоси Қонуни авф ӯро аз иҷрои ҷазо раҳо кардааст. Ӯ таърихи 13-уми июни соли равон аз ҷониби мақомоти ҳифзи ҳуқуқи вилояти Суғд ба иттиҳоми узвият дар созмони мамнӯъ ва ифротгарои «Ҳизб-ут-таҳрир» боздошт гардида буд ва пас аз як моҳ номбурда бо шарти тарк накардани қаламрави кишвар то замони эълони ҳукми додгоҳ озод карда шуд.

Бояд гуфт, ки парвандаи ҷиноии Ӯрунбой Усмонов бо парвандаи ҷиноии 4 нафари гумонбаршуда ба узвият дар созмони «Ҳизб-ут-таҳрир» ба як истеҳсолот ҳамроҳ карда шуда буд.

Вале дар ҳамин ҳол, Ҳукумати Бритониё аз озодии Ӯрунбой Усмонов изҳори хушнудӣ карда, лек аз «адолатона будани ҳукми додгоҳ шубҳа дорад».

Ҷамшед МАЪРУФ, TojNews

Источник:

[b]Дуня Миятович, намояндаи Созмони амният ва ҳамкорӣ дар Аврупо дар умури матбуот бо сафари дурӯза вориди Тоҷикистон шуда, бо намояндагони ҷомеаи шащрвандӣ ва созмонҳои хабарнигорӣ мулоқот кард.[/b]

Муҷрим донистани Урунбой Усмонов ва Муҳаммадюсуф Исмоилов аз сӯи додгоҳи вилояти Суғд аз мавзӯъҳои матруҳа дар дидору гуфтугӯҳои Дуня Миятович, намояндаи САҲА дар умури матбуот бо мақомоти Тоҷикистон, ҷомеаи шаҳрвандӣ ва созмонҳои хабарнигорӣ дар Душанбе аст.

Хонум Миятович аз норозӣ будани ин ду хабарнигор аз ҳукми додгоҳ ва шикоят бурдани онҳо изҳори хушнудӣ карда, интизор дорад, ки зинаи болоии додгоҳ ин ҳукми ба гуфтаи ӯ “ноодилона”-ро лағв кунад.

Дуня Миятович, панҷшанбеи сеюми октябр дар Душанбе бо намояндагони созмонҳои хабарнигорӣ дидору гуфтугӯ кард. Қироншоҳи Шарифзода, раиси Иттиҳодияи ҷамъиятии журналистони Тоҷикистон, ки дар ин нишаст ширкат дошт, гуфт, масъалаи дастрасии мардум ба иттилоот, аз ҷумла муносибати ниҳодҳои давлатӣ ба расонаҳои хабарӣ аз мавзӯъҳои меҳварии ин мулоқот буд.

Ӯ афзуд: “Дар ин мулоқот аслан масоили муносибати давлат бо воситаҳои ахбори омма, бахусус, муроҷиати мансабдорон ба додгоҳ, ки дар ин авохир афзудааст, баррасӣ шуд. Ба қавли ҳозирон ин мавзӯъҳо бештар ҷанбаи шахсӣ доранд, то он ки давлатӣ. Вале метавонад муносибати давлат бо расонаҳоро бозгӯ кунад. Ҳамчунин, мавзӯи дигар масъалаи дастрасии хабарнигорон ба иттилооот буд.”

Нуриддин Қаршибоев, раиси Анҷумани милли расонаҳои мустақили Тоҷикистон, гуфт, ба иловаи мурофиаҳои додгоҳӣ масъалаи дастрасии хабарнигорон ба иттилоот аз сӯи мақомоти давлатиро дар ин баҳс дар миён гузоштааст, то Дуня Миятович фардо ин мавзӯъҳоро дар мулоқотҳояш бо мақомоти давлатӣ матраҳ кунад.

Вай гуфт: “Мавзӯи таҳаммулнопазирии мансабдорони давлатӣ нисбат ба ошкоргӯии расонаҳои хабариро матраҳ кардам. Ҳамчунин, мушкилоти дастрасии хабарнигорон ба иттилоот, ки бидуни иҷозаи вазир ё роҳбари корхона дастрас кардан ғайримумкин аст. Зеро ин мавзӯъ дар ин чанд соли охир ба як мушкили умда табдил шудааст. Дар ин мулоқот аз хонум Миятович хостем, ки ҳамин мавзӯъро дар гуфтугӯ бо мақомоти давлат матраҳ кунад, то мушкили хабарнигорон то ҷое осон шавад.”

Дуня Миятович, намояндаи САҲА дар умури расонаҳо қарор аст фардо бо мақомоти Вазорати хориҷаи Тоҷикистон, раҳбарони Кумитаи радио ва телевизон, ҳамчунин хадамоти мухобирот мулоқот кунад.

Вай борҳо барои дифоъ аз ҳуқуқи журналистони тоҷик, аз ҷумла Муҳаммадюсуф Исмоилов, хабарнигори “Нури зиндагӣ” ва Урунбой Усмонов, хабарнигори бахши узбакии Би-би-сӣ садо баланд кардааст. Вай бо пахши чандин изҳорот аз мақомоти Тоҷикистон хоста буд, ки ин ду хабарнигори тоҷикро раҳо ва “сафед” кунанд.

Зулфиқори Исмоилиён

Источник: http://www.ozodi.org/content/article/24379869.html

[b]Интихоботи раёсати ҷумҳурӣ дар Қирғизистон, сафари Оғохони чорум ва ифтитоҳи меҳмонхонаҳои паҷситораӣ дар Душанбе аз мавзӯъҳое ҳастанд, ки ҳафтаномаҳо ба баррасии он пардохтаанд.[/b]

[b]“ФАРАЖ”[/b]

Бо инъиксои интихоботи Қирғизистон суол гузоштааст, ки «Тоҷикистон аз интихоботи президенти Қирғизистон чӣ сабақ мегирад?» Дар посух ба ин суол аз қавли коршиносон навиштааст, «Тоҷикистон аз интихоботи Қирғизистон бояд аз он ҷиҳат сабақ бигирад, ки дар як вақт дар он ҷо 16 нафар барои президентӣ сабқат намуданд. Гузашта аз ин, президенти кунунӣ Роза Отунбоева, ки демократи барҷаста дар минтақа аст, имконоти зиёди мондан дар ин курисро дошт. Аммо ин корро накард, ба он хотир ки хост дар Қирғизистон равандҳои демократии ташаккулёфтаро нишон диҳад.»

[b]“НИГОҲ”[/b]

Ин ҳафтанома низ ба ҳамин мавзӯъ пардохта ва навиштааст, ки «барои нахустин бор дар Осиёи марказӣ раисиҷумҳуре интихоб шуд, ки курсияш ба ӯ танҳо як давраи шашсола вафо хоҳад кард.» «Нигоҳ» дар матлаби дигаре ба сохтмони меҳмонхонаҳои паҷситораӣ дар Душанбе пардохта ва аз мусоҳибони худ пурсидааст, ки оё ин теъдод меҳмонхонаҳои паҷситораӣ лозиманд? Ин нашрия менависад: «Дар Душанбе як меҳмонхонаи паҷситорадори мутаалиқ ба шабакаи Оғохон ба истифода дода шуд, ки ҳусни шаҳрро зебо менамояд. Аммо на ҳама сокинони шаҳр, аз ҷумла соҳибназарон аз сохтмони меҳмонхонаҳои боҳашамат истиқбол мекунанд. Гурӯҳе ин равандро пулшӯӣ медонанду гурӯҳи дигар онро харҷпулии худиву бегона медонанд.»

[b]“ОЗОДАГОН”[/b]

Аз оғози сохтмони пули шашум дар фарози рӯдхонаи Ому хабар дода ва аз қавли профессоре бо номи Худоназар Асозода менависад, «албатта, аз нигоҳи иқтисодӣ Кобул барои Душанбе лозим аст, аммо хеле хатарнок. Агар Амрико аз Қандаҳор берун биравад, Толибон он вилоятро забт мекунанд. Ба сари қудрат омадани Толибон на танҳо барои Тоҷикистон, балки барои ҳамаи минтақа хатар дорад.»

[b]“СССР”[/b]

Сафари Шоҳзода Карим Оғохони чорумро мунъакис намуда ва навиштааст, «Ҳар гоҳе, ки Оғохон ба Душанбе меояду чеҳраи нуронӣ ва либоси шикашро мебинем, як суол медиҳем, ки кай муллову қозиву муфтии мо сабки либоспӯшии Шоҳзодаро ёд мегиранд?»

[b]“АЗИЯ-ПЛЮС”[/b]

Додоҷони Атовулло, сардабири «Чароғи рӯз» ва мухолифи сарсахти ҳукумати Тоҷикистон, ки муқими Маскав мебошад, дар мусоҳибаи худ гуфтааст, намояндагони ҳукумати Тоҷикистон бо ӯ мулоқот карда ва аз ӯ хостаанд, ки ба ватан баргардад. Оқои Атовулло гуфтааст, намояндагони ҳукумати Тоҷикистон ба гуфтаанд, ки дар сурати бозгашташ дар рӯзи ҷаши истиқлол раисиҷумҳур дар минбар ба ӯ ҷома хоҳад пӯшонд. Аммо гуфтааст Додоҷони Атовулло, ӯ ин пешниҳодро напазируфт, зеро ба ҳукумати феълӣ итминон надорад. Оқои Атовуллоев афзудааст, созмони «Ватандор» ба як ташаккули қавӣ табдил шуда ва шахсиятҳои муҳимро дар атрофи ин созмон гирд овардаанд. Аммо ӯ аз ифшои номи ба қавли худаш аъзои «бюрои сиёсӣ»-и «Ватандор» худдорӣ кардааст.

Раҳматкарими Давлат

Источник: http://www.ozodi.org/content/article/24380132.html

[b]Дуня Миятович, намояндаи Созмони амният ва ҳамкорӣ дар Аврупо дар умури матбуот бо сафари дурӯза вориди Тоҷикистон шудааст.[/b]

Дафтари намояндагии САҲА дар Душанбе мегӯяд, хонум Миятович дар ҷараёни ин сафари худ ба Тоҷикистон, бо намояндагони васоити ахбори умум ва ҷомеаи шаҳрвандӣ дидору гуфтугӯ анҷом хоҳад дод.

Ҳамчунин, гуфтугӯҳои ӯ бо вакилони порлумон, масъулони вазорати умури хориҷӣ, вазорати умури дохилӣ ва Кумитаи телевизион ва радиошунавонии Тоҷикистон низ дар назар аст.

Дуня Миятович борҳо барои дифоъ аз ҳуқуқи журналистони тоҷик, аз ҷумла Муҳаммадюсуф Исмоилов, хабарнигори “Нури зиндагӣ” ва Урунбой Усмонов, хабарнигори бахши узбакии Би-би-сӣ садо баланд кардааст. Вай бо пахши чандин изҳорот аз мақомоти Тоҷикистон хоста буд, ки ин ду хабарнигори тоҷикро раҳо ва “сафед” кунанд.

Додгоҳи вилояти Суғд моҳи гузашта ин ду хабарнигори тоҷикро, ки яке барои таҳқиру туҳмату барангехтани кинаву хусумати милливу мазҳабӣ ва дигаре барои ҳамкорӣ бо ҳизби мамнӯъи Таҳрир муттаҳам мешуданд, муҷрим шинохт. Аммо бар асоси Қонуни афве, ки дар робита ба ҷашни бистумин солгарди истиқлоли Тоҷикистон қабул шуда буд, онҳоро аз толори додгоҳ озод намуд.

Додгоҳ оқои Исмоилов, хабарнигори “Нури зиндагӣ”-ро, ки тӯли ёздаҳ моҳ дар боздошт ба сар бурдааст, барои пардохти 35 ҳазор сомонӣ ҷарима низ муваззаф карда, аз идомаи фаъолияти рӯзноманигорияш то се соли дигар маҳрум сохт.

Ҳарчанд раҳоии Муҳаммадюсуф Исмоилов ва Урунбой Усмонов, ки барои аввалӣ 14 ва барои дуввумӣ 5 соли зиндон таҳдид мекард, мавриди истиқбол қарор гирифт, вале созмонҳои хабарнигорӣ аз мақомоти Тоҷикистон тақозо карданд, ки ҳарду ин хабарнигорро “сафед” кунанд. Зеро ба гуфтаи онҳо, ин ду хабарнигори тоҷик танҳо барои фаъолиятҳои журналистии худ “доғи судӣ” гирифтаанд.

Ахиран Дуня Миятович низ гуфта буд, ки ӯ бесаброна сафараш ба Тоҷикистонро мунтазир аст ва мехоҳад ин масъаларо дар суҳбати рӯ ба рӯ бо мақомоти тоҷик дар миён бигузорад ва барои ҳалли онҳо талош варзад.

Вай аз ҷумла дар изҳороти ахири худ гуфта буд, ки “хабари озодии Маҳмадюсуф Исмоилов ва Урунбой Усмоновро бо қаноатмандӣ пазируфтам, вале он ки рӯзноманигорон барои инъикоси мустақили рӯйдоди барои ҷомеа муҳим маҳкум шудаанд, боиси нигаронӣ аст ва умедворам, ки шикояти овардаи онҳо аз болои ҳукуми додгоҳ муваффақона анҷом мепазирад ва тамоми айбҳои онҳо бекор хоҳад шуд.”

Источник: http://www.ozodi.org/content/article/24379869.html

[b]Бо ибтикори Институти «Ҷомеаи Кушода»- Бунёди Мадад дар Тоҷикистон аз 1 то 4 ноябри соли равон дар шаҳри Душанбе омӯзиши самараноки фотожурналистика ва аксбардории мустанад «Simple Photography» ташкил мешавад.[/b]

Ҳадафи асосии чорабинии мазкур омӯзиш ва ҷалби таваҷҷӯҳи рӯзноманигорону аксбардорони ҷавони умедбахш ва суратгирони ҳаваскор аст, ки мехоҳанд малакаи касбии худро сайқал диҳанд. Омӯзиши самаранок аз чанд ҷанбаи аслӣ – асосҳои аксбардории мустанад, суратгирӣ ҳамчун санъат, таърихи ташаккули аксбардории рақамӣ ва таҷҳизоти муосир ва малакаи таҳрири суратҳо иборат аст. Ҳамчунин иштирокчиёни омӯзиш бо асосҳои пешбурди фаъолияти аксбардорӣ дар сомонаҳои касбӣ ба таври ройгон шинос мешаванд. Дар омӯзиш 15 нафар иштирок мекунанд, ки ба тариқи озмун аз тамоми минтақаҳои кишвар интихоб шудаанд. Ба ҳайси омӯзгори байналхалқӣ аксбардор ва наворбардори филмҳои мустанад Рӯзбеҳ Қосимӣ даъват шудааст. Ӯро дар омӯзиш омӯзгорони маҳаллӣ Нозим Қаландаров, аксбардори медиагурӯҳи «Азия Плюс» ва Амир Исоев, мутахассиси дизайн ва аксҳои рақамӣ ҳамроҳӣ мекунанд.

Источник: http://khovar.tj/society/19429-om1263zishi-samaranoki-oid-ba-fotozhurnalistika-va-aksbardorii-mustan