[b]Хадамоти алоқаи назди президенти Тоҷикистон рӯзи 12 июн зимни як нома ба 14 ширкати интернетрасони мамлакат дастур додааст, ки дастрасии муштариёнашонро ба сомонаҳои «Азия плюс» ва «CA-News» дар ҳудуди Тоҷикистон маҳдуд кунанд.[/b]

Парвина Ибодова, сарвари Иттиҳоди интернет- провайдерҳои Тоҷикистон ба «Нигоҳ гуфт, дар мактуби Хадамоти алоқа омадааст, ки дастрасӣ ба сомонаҳои «CA — News» ва «Азия-Плюс» маҳдуд карда шавад. Ба гуфти ӯ, дар номаи мазкур гуфта мешавад, ки «бо сабабҳои техникӣ ва профилактикӣ» чунин иқдом гирифта шудааст. Дар нома, аз ҷумла нишонаи asiaplus.tj оварда шудааст, аммо провайдерон сайти ин ожонсиро бо нишонии news.tj низ бастаанд.

Вақте бо Зебо Тоҷибоева, роҳбари Агентии иттилоотии «Азия — плюс», дар тамос шудем, вай дар қабулгоҳи Бек Зуҳуров, сарвари Хадамоти алоқа буд. Хонум Тоҷибоева баъди сӯҳбат бо намояндагони ин хадамот гуфт, мақомот мегӯянд, ки сомонаи Шумо саҳван маҳдуд карда шудааст.

— Мо дар фазои ҳамдигарфаҳмӣ сӯҳбат доштем, мақомот гуфтанд, ки номи сомонаи шумо хато рафтааст, соатҳои наздик дастрасӣ ба он имконпазир мешавад, — афзуд Тоҷибоева.

[b]Саҳв дар пайи саҳв[/b]

Аммо ин «саҳв»-ҳои Бек Зуҳуров ё мақомоти Тоҷикистон бори аввал нест. Чанде қабл ҳам барои чанд рӯз саҳифаи иҷтимоии Фейсбук ҳам маҳдуд шуда буд. Дар гузашта аз ҷумла сомонаҳои оппозитсионии «tjknews.com\», \»centrasia.ru\», \»maxalla.org\» ва ғайраву ҳоказо маҳдуд карда шуда буданд. Аммо ин мавзӯи дигар аст.

Хадамоти алоқа бидуни ирсоли огоҳинома ба «Азия плюс» ба провайдерҳо амри маҳдуд кардани ин сомонаро додааст. Талаботи қонуни Кодекси мурофиаи шаҳрвандӣ дар инҷо 100 дарсад вайрон шудааст.Тибқи муқаррароти ин кодекс, провайдерҳо ва Хадмоти алоқа дар сурати ҳадди ақал даҳ дақиқа маҳдуд кардани хизматрасонии интернетӣ бояд ба сомонаҳо номаи огоҳикунанда ва сабаби мушкилро ироа кунанд.

[b]Пас чӣ омил буд, ки болои «Азия плюс» сояи дигар андохт?[/b]

Хилватшоҳи Маҳмуд, дабири Шӯрои ВАО кишвар мегӯяд, сабаби маҳдуд кардани сомонаи «Азия-плюс» норӯшан аст, «зеро дар ду моҳи охир ҳеҷ як маводи ҷиддӣ ё баҳсбарангез дар он нашр нашудааст. Аммо, шарҳ — коментҳое, ки дар поварақи маводҳо меоянд, сабаби маҳдуд кардани дастрасӣ ба он шуда метавонанд. Зеро комментҳо хеле тунду баҳсбарангез ҳастанд».

Оё мақомот ва провайдерҳо салоҳияти инро доранд, ки бидуни огоҳии пешакӣ ва бесабаб дастрасӣ ба сомонаҳоро маҳдуд кунанд? Тибқи Кодекси ҷиноии шаҳрвандии Тоҷикистон, ин салоҳиятро надоранд, аммо пас чаро қонунро дидаву дониста поймол мекунанд?

[b]Чаро маҳз «АП» ва «СА — News»?[/b]

«Азия — плюс» — маъруфтарин сомонаи Тоҷикистон аст, ки тибқи бархе гузоришҳо, аз ҳама серхонандатарин низ ҳаст. Дар он гоҳо матолиби доғе нашр мешаванд ва мӯҷиби норизоиятии мақомот ҳам мегарданд. Аммо «CA — News» — ро метавон як «мусичаи» дар ҳақиқат «бегуноҳ» номид. Чаро ин сомона ҳам маҳдуд шуд?

Ба қавли коршиносон, боре ҳам матлабе дар ин сомона аз «пеши роҳи касе нагузаштааст». Як нафар, ки нахост номаш зикр шавад, гуфт, масдуд кардани «CA — News» «ради галочки» аст, то андешае ба вуҷуд оварда шавад, ки воқеан «бо сабабҳои техникӣ ва профилактикӣ» сомонаҳо баста шудаанд.

Бо ин вуҷуд, рӯшан нест, ки тамаркузи мақомот болои ин сомонаҳо дар чӣ аст? Аммо яқинан ба андешаи аксарият ҳадаф ҳамоно «Азия — плюс» аст ва аксаран бар ҳамон комментҳои мақолаҳои он ишора мекунанд. Дар гузашта прокуратураи генералии Тоҷикистон аз ин сомона хоста буд, ки АйПи адреси чанде аз назарнависонашро дар комментҳо ошкор кунад. Пас аз расонаӣ шудани ин мактуб ба назар мерасад, дигаре фишоре сари сомонаи «АП» набуд ва ҳоло он мантиқан идома дорад.

[b]Дастрасӣ дар хориҷа[/b]

Дар хориҷи Тоҷикистон муштариёни сомонаҳо гуфтанд, ки дастрасӣ ба «АП» ва «СА — News» ҳаст ва аз маҳдуд шудани онҳо дар дохили кишвар изҳори таассуф карданд. Яке аз омилҳои дастрасӣ ба сомонаи «Азия-Плюс» дар хориҷи кишвар будани хостинги ин сомона будааст, яъне ин сомонаро дар Тоҷикистон маҳдуд кардан мумкин будааст, аммо дар хориҷ аз он на. Ин яке аз бурдҳои сомона мебошад.

Дар Маскав аз Муҳаммади Эгамзод, муассиси Медиаҳолдинги «Tajinfo» мепурсем, ки ба сомонаи «Азия плюс» дар Маскав дастрасӣ доранд? Вай гуфт, ки намедонад то кадом дараҷа дар Тоҷикистон дастрасӣ ба сомонаи \»АП\» маҳдуд аст, аммо дар Москва «мо роҳат вориди он мешавем».

— Дар бобати маҳдуд кардани дастрасӣ ба кадом як сомона аз ҷониби мақомот, муҳим нест, он сомона иттилоотӣ аст, ё чизи дигар, бояд тасмимгирандагон дақиқан бидонанд, ки бо ин кор чӣ мехоҳанд. Агар ин кор ҷанбаи техникӣ дошта бошад, ҳудудан дар 1-2 рӯз ҳал шавад, хайр аст. Аммо агар бо мақсади маҳдудият ба дастрасии иттилоот бошад, натанҳо натиҷаи дилхоҳ намедиҳад, балки баръакс эътибори ҳукуматро коста мегардонад, — мегӯяд Эгамзод.

Намояндагони ҷомеаи иттилоотии интернетӣ мегӯянд, ки ҳоло дар Тоҷикистон ягон санади қонунӣ дар бораи механзими маҳдуд кардани дастарасӣ ба интернет вуҷуд надорад ва маълум нест, ки ин механизм дар салоҳияти кадом ниҳод аст. Ба гуфти Хилватшоҳи Маҳмуд, баъди нишасти рӯзи озодии баён номае унвонии ҳукумат, хадамоти алоқа, парлумон, вазорати адлия фиристода шудааст, то дар салоҳияти кадом ниҳод будан ва дар кадом ҳолат маҳдуд кардани дастрасӣ ба сомонаҳоро мушаххас кунанд. Аммо то ҳол посухе нест.

Маротибаи аввал нест, ки маҳдуд кардани сомонаҳои дохиливу хориҷӣ ба роҳ монда мешавад. Зимнан соли гузашта ҳангоми рух додани воқеаҳои минтақаи Рашт, якбора чандин сомона баста шуданд. Он вақт Хадамоти алоқа гуфта буд, ки сабаби баста шудани ин шабакаҳо гусастани хатҳои интернетӣ мебошад. Ин дар ҳолет, ки технологияи Интернет чунон сохта шудааст, ки аз як ноқил вобаста набуда, дар ҳолати аз кор баромадани як хат, бидуни монеъа тариқи садҳо хати дигари алоқа — новобаста аз намуди он — метавонад мавриди истифода бошад.

Иноят Иноятов, ҳуқуқшиноси саршиноси кишвар бар ин назар аст, ки «тибқи қонун бояд ки хадамоти алоқа ва провайдерҳо ба сомонаҳо огоҳинома фиристанд, ки дар кадом рӯз ва чанд вақт, чаро ва дар асоси кадом қонун интернет маҳдуд мешавад. Афзун бар ин фаъолияти сомонаҳоро танҳо суд метавонад маҳдуд кунад ё қатъ намояд».

Пас дар сурате, ки провайдерҳои интернетрасон ва Хадамоти алоқа бидуни санади огоҳинома сомонаҳоро маҳдуд карданд, барои ин беамалии мақомот «Азия плюс», ба истилоҳ гурдае дорад, ки ба суд муроҷиат кунад ва Бег Зуҳуровро барои «саҳв»-и чандсоатааш дар маҳдуд кардани дастрасӣ ба интернет дар назди қонун ба ҷавобгарӣ кашад?

[b]Асри дигар[/b]

Асри суръат аст. Интернет ҳам мисли обу барқ ба истифодабарандагон зарур шудааст. Пас чаро ин ҳуқуқи шаҳрвандон нақз мешавад? Хуб, мегузарем аз ин суол, ки ҳарфи амниятрову яккатозии ҳукуматро пеши рӯ меоранд, яъне кореро хоҳад, карда метавонад. Аммо иддае аз коршиносон «ташаббуси» чандсоатаи маҳдуд кардан ва «саҳвҳо»-и зуҳуровиро пурасрор медонанд.

Муҳаммади Эгамзод мегӯяд, шояд аз ҳоло маъракаҳои сиёсии интихоботи президентии соли 2013 шурӯъ шудаааст, ҳизбҳои сиёсии дигар фаъолияти густурда бурданиянд ва ин иқдом агар пайгирона ва бомақсад бошад, ҳаргиз ҷавобгӯи хостаҳои ҳизби ҳоким нахоҳад буд.

— Аммо русҳо мегӯянд, \»запретный плод — сладок\». Баръакс, ин маҳдудкуниҳо эътибори \»АП\»-ро, ки воқеан яке аз хабаргузориҳои фаъол, на танҳо дар Тоҷикистон, балки дар минтақа аст, баланд карда, сафи хонандагонаш зиёд мешавад.

Апрели соли ҷорӣ Прокуратураи генералӣ аз масъулони «Азия-Плюс» хоста буд, ки IP-адреси афродеро ба ин ниҳод супорад, ки дар матолиби ин сомона шарҳ менависанд. Он вақт ин ниҳод ин тақозоро бар асоси шикояти як шаҳрванди баландмақом карда буд. Гуё он шахс даъво доштааст, ки ба шараф ва номуси ӯ таҳвин шудааст.

Ҳамон вақт дархости дар ихтиёри прокуратура гузоштани суроғаи корбарони сомонаи «Азия Плюс»-ро созмонҳои журналистӣ ва пуштибони матбуот хилофи Қонуни асосии Тоҷикистон хонда, онро қадаме дар амри маҳдуд кардани озодии баён унвон карда буданд. Ба гуфтаи онҳо, Қонуни асосии Тоҷикистон дар банди 30- юми худ озодии суханро кафолат додааст.

Вақтҳои охир шарҳҳои хонандагон дар сомонаҳо ҷанбаи иттиллорасониро ҳам гирифтаанд. Шояд ин боиси нороҳатии шахсиятҳое дар мақомот шуда бошад ва онҳо бо ҳар роҳ талош мекунанд, ки садди роҳи изҳори гуногунандешӣ ва озодбаёнӣ шаванд. Аммо дар асри суръат ин номумкин аст. Зеро мардум интернет ва хабарро ҳам як ҷузъи талаботи ҳаррӯзаи худ медонанд ва дар замину дар ҳаво бо мобилу компютер мехоҳанд, ки дар алоқа бошанд. Ба ҷойи маҳдуд кардан, анҷом додани масъулият ва воло донистани талаботи қонун аз ташабусҳои маҳдудкунӣ магар осонтар нест!?

[b]Позаҳри кибертерроризм[/b]

Воқеан, дар чанд соли ахир навиштани назару шарҳҳо дар пайи матолиби сомонаҳои интернетӣ маъмул шудааст. Бештари корбарони интернет аз дохил ва хориҷи Тоҷикистон бо номҳои мухталиф назари худро дар бораи фаъолияти мақомоти давлатӣ ва мушкилоти ҷомеа баён медоранд.

Таҳлилгарон мегӯянд, ки кишварҳои ҷаҳони саввум, бахусус баъди таҳаввулоти инқилобӣ дар Ховари Миёна ва Шимоли Африқо, ки бовар доранд, дар таҳрик додани мардум интернет ва хоса шабакаҳои иҷтимоӣ нақши бориз доштаанд, башиддат аз густариши ин падида нигаронанд. Ва талош мекунанд, интернетро таҳти назорат дошта бошанд. Ба ин далел як мавзӯъи мавриди баррасии дабирони Шӯрои амнияти кишварҳои узви Созмони Ҳамкориҳои Шанхай моҳи апрели соли ҷорӣ дар Пекин ҳам масъалаи кибертерроризм будааст. Ҳоло маълум нест, ки ин позаҳри мақомот то куҷо ба дарди онҳо мехӯрад, дар ҳоле ки мутахассисон мегӯянд, дар интернет \»агар аз дар занӣ, аз бом меоянд\».

[b]Бознашр аз \»Нигоҳ\», №12 (288). Чоршанбе, 13 июни соли 2012[/b]

Источник: http://tojnews.org/taj/index.php?option=com_content&task=view&id=26115&Itemid=28

[b]Хадамоти алоқаи назди президенти Тоҷикистон рӯзи 12 июн зимни як нома ба 14 ширкати интернетрасони мамлакат дастур додааст, ки дастрасии муштариёнашонро ба сомонаҳои «Азия плюс» ва «CA-News» дар ҳудуди Тоҷикистон маҳдуд кунанд.[/b]

Парвина Ибодова, сарвари Иттиҳоди интернет- провайдерҳои Тоҷикистон ба «Нигоҳ гуфт, дар мактуби Хадамоти алоқа омадааст, ки дастрасӣ ба сомонаҳои «CA — News» ва «Азия-Плюс» маҳдуд карда шавад. Ба гуфти ӯ, дар номаи мазкур гуфта мешавад, ки «бо сабабҳои техникӣ ва профилактикӣ» чунин иқдом гирифта шудааст. Дар нома, аз ҷумла нишонаи asiaplus.tj оварда шудааст, аммо провайдерон сайти ин ожонсиро бо нишонии news.tj низ бастаанд.

[b]Матни пурраи гузоришро бо пахш кардани нишони зерин дар торномаи мо мутолиа кунед:[/b] [url=http://www.taj.nansmit.tj/analysis/?id=200]http://www.taj.nansmit.tj/analysis/?id=200[/url]

Источник:

[b]Дар Тоҷикистон парлумони кишвар ахиран ду моддаи Кодекси ҷиноиро, ки ба фаъолияти журналистон бештар монеа эҷод мекард, бекор кард. Гуфтанист ин тасмими бо кӯшишҳои зиёди созмонҳои журналистии ватаниву хориҷӣ ва супориши Президенти Тоҷикистон гирифта шуд.[/b]

Вакили Маҷлиси намояндагони Маҷлиси олии Ҷумхурии Тоҷикистон Исмоил Талбаков мегӯяд, ин лоиҳаи қонун аслан бо ташабуси Призиденти Ҷумхури Точикистон ба парлумон зери номи «Ворид намудани тағйиру иловаҳо ба Кодекси ҷиноии Ҷумҳурии Тоҷикистон» қабул шудааст.

«Ин пешниҳоди Президенти кишвар ҳангоми суханронӣ дар маҷлиси тантанавӣ дар Рӯзи матбуоти тоҷик, 10-уми марти соли ҷорӣ шуда буд»,- гуфт вакили парлумон.

Источник: http://www.taj.nansmit.tj/analysis/?id=199

[b]Дар Тоҷикистон парлумони кишвар ахиран ду моддаи Кодекси ҷиноиро, ки ба фаъолияти журналистон бештар монеа эҷод мекард, бекор кард. Гуфтанист ин тасмими бо кӯшишҳои зиёди созмонҳои журналистии ватаниву хориҷӣ ва супориши Президенти Тоҷикистон гирифта шуд.[/b]

Вакили Маҷлиси намояндагони Маҷлиси олии Ҷумхурии Тоҷикистон Исмоил Талбаков мегӯяд, ин лоиҳаи қонун аслан бо ташабуси Призиденти Ҷумхури Точикистон ба парлумон зери номи «Ворид намудани тағйиру иловаҳо ба Кодекси ҷиноии Ҷумҳурии Тоҷикистон» қабул шудааст.

«Ин пешниҳоди Президенти кишвар ҳангоми суханронӣ дар маҷлиси тантанавӣ дар Рӯзи матбуоти тоҷик, 10-уми марти соли ҷорӣ шуда буд»,- гуфт вакили парлумон.

Хилватшоҳи Маҳмуд, Дабири кулли Шўрои Воситаи Ахбори Оммаи Тоҷикистон аз Кодекси ҷиноии Тоҷикистон хориҷ шудани моддаҳои 135 ва 136-ро истиқбол намуда, изҳор дошт, ки ба Кодекси шаҳрвандӣ гузаронидани ин ду модда талаботи давр аст.

Ба андешаи ӯ, ин боиси рушди матбуот дар кишвар хоҳад шуд. Тавре ӯ гуфт: «Мавҷуд будани ин ду модда дар Тоҷикистон журналистонро аз фошу бепардагӯӣ бозмедошт. Омилони аслии худсензура ҳам ҳамин ду банд шуда буданд».

Аммо ӯ мегӯяд, ки дар қабули ин тасмим саҳми созмонҳои журналистии ватанӣ ва байналмилалӣ зиёд аст. Зеро маҳз талошу кӯшишҳои даҳсолаи онҳо буд, ки ин масъала то президенти кишвар расид.

«Кӯшишу тасмимоти ҳамаи созмонҳои марбута имкон дод, ки ин мушкил то ба худи президент ва дастгоҳи иҷроия рафта расид. Билохира, дар мулоқоташ бо журналистон ин пешниҳод дастгирӣ ёфт», – гуфт ӯ.

Дар умум, ба қавли Х. Маҳмуд пофишории кулли созмонҳои журналистӣ ва ҷамъи хабарнигорон, мусоидати президент ва сохторҳои ҳукумативу ғайридавлати раванди ин амалро тезонид ва ба ин рўз иттифоқ афтод.
Дар ҳамин ҳол, бояд гуфт, ки дар Тоҷикистон кам нестанд журналистоне, ки алайҳашон аз рӯи ду моддаи мазкур парвандаи ҷиноӣ боз кардаанд.

Аз ҷумла, соли 2007 баъди нашри як мақола алайҳи Фарангис Набиева ва Муҳайё Нозимова, собиқ кормандони ҳафтаномаи «Овоза» аз рӯи ин ду мода парвандаи ҷиноӣ кушода буданд.

Тавре Фарангис Набиева гуфт: «Хориҷ шудани моддаҳои 135-136 аз Кодекси ҷиноии ҶТ барои журналистон кори хуб шуд. Зеро журналистон барои ҳар як ҳарфашон гоҳҳо худсензура мекарданд. Баъзан ҳангоми навиштани мақолаи танқиди ҳарос мекунад, ки оё инро «таҳқир» ё «тӯҳмат» қабул накунанд».
Бо ин вуҷуд ӯ шубҳа дорад, ки баъди бекор кардани ин ду модда аз кодекси ҷиноӣ вазъ беҳтар шавад. Барои ҳамин ҳоло барвақт аст хушҳолӣ кардан. Зеро агар ғараз манъи фаъолияти журналистон бошад, дар асоси парвандаи шаҳрвандӣ журналистонро бо ин моддаҳо бо маблағи калон ҷарима мебанданд.

Журналисти дигар Муҳайё Нозимова ба он назар аст, ки барои гирифтани моддаҳои тӯҳмату таҳқир тайи чанд сол аст, ки журналистони кишвар талош доштанд ва билохира ба ин њадаф расиданд.

«Шахсан ман хеле шодам, ки сухани журналистон ҳам акнун ба қавле «вазн» пайдо карда истодааст.

Ба андешаи вакили Маҷлиси намояндагон низ, аслан мақсади асосии хориҷ намудан моддаҳои 135-136 фароҳам овардани шароити мусоиди демократӣ дар ҷомеъа мебошад.

Шуҳрат Қудратов, ҳуқуқшиноси зимни сӯҳбат дар ин маврид ба хабарнигори kloop.tj чунин гуфт:

«Бояд инро тасмимро Маҷлиси намояндагон 15-сол пеш мегирифт. Ҳарчанд ин тағйиротро ҳанӯз Маҷлиси намояндагон қабул кардааст, вале умедворем, ки Маҷлиси Олӣ ҳам ин қарорро қабул хоҳад кард».

Бояд гуфт, аз рӯи моддаи 135 ҷазои ҷинояти муқаррар шуда, бо корҳои ҳатми ба мўҳлати аз яксаду ҳаштод то дусаду чил соат ё бо ҷарима ба андозаи аз панҷсад то як ҳазор нишондиҳанда барои ҳисобҳо ё бо маҳрум сохтан аз озодӣ ба мўҳлати то ду сол ҷазо дода мешуд.

Аз рӯи моддаи 136 бо корҳои ҳатмӣ ба мўҳлати аз яксаду бист то яксаду ҳаштод соат ё бо ҷарима ба андозаи аз дусад то панҷсад нишондиҳанда барои ҳисобҳо ё корҳои ислоҳӣ ба мўҳлати то ду сол ҷазо муқаррар шуда буд.

Источник: http://kloop.tj/2012/06/12/aknun-t-mat-u-ta-ir-i-inoyat-ne-sha-rvandi-zhurnalistonro-ta-ib-mekunad/

[b]Оҷонси иттилоотии «Азия-Плюс» мегӯяд, маҳдудияти дастрасӣ ба сайти ин хабаргузорӣ ба зудӣ рафъ хоҳад шуд.[/b]

Дар пайи як сӯҳбати рӯбарӯ раҳбари Хадамоти алоқаи Тоҷикистон ва масъулони торнамои «Азия-Плюс» роҳи ҳалли ихтилофро, ки боиси маҳдуд шудани дастрасӣ ба ин торнамо шудааст, пайдо намуданд.

Тафсилоти ин ихтилоф ошкор нашудааст, вале ба назар мерасад, ҳар ду ҷониб аз натиҷаи музокирот қаноатманд мебошанд. Рӯзи сешанбе, 12-уми июн, хабаргузории «Азия-Плюс» иттилоъ дод, ки ширкатҳои дастраскунандаи Интернет муштариёнро аз истифодаи сомонаи news.tj — торнамои ин хабаргузорӣ маҳрум кардаанд.

Ба навиштаи «Азия-Плюс» ин иқдом бар асоси номаи Хадамоти алоқа сурат гирифт, ки манъи вуруд ба ин сайтро «бо далоили фаннӣ ва корҳои профилактикӣ» дархост кардааст. «Азия-Плюс» ба хонандагонаш машварат дода буд, то замони ҳалли ин мушкил ахборро дар саҳифааш дар шабакаи иҷтимоии Facebook ҷой медиҳад.

Баъд аз музокироти масъулони «Азия-Плюс» бо раиси Хадамоти алоқа, ки нисфирӯзии сешанбе дар пойтахти Тоҷикистон доир шуд, сӯҳбате доштем бо Зебо Тоҷибоева, мудири иҷроияи хабаргузории «Азия-Плюс» ва ва пурсидем, оё маҳдуд намудани вуруд ба сайти «Азия-Плюс» сабабе дошт?

[b]Зебо Тоҷибоева:[/b] “Сабаб дошт. Вале дар ҳоли ҳозир ман фақат дар бораи мушкилиҳои фаннӣ ҳарф зада метавонам…”

[b]Радиои Озодӣ:[/b] Яъне мушкил рӯи кадом мақола ва ё хабаре набудааст?

[b]Зебо Тоҷибоева:[/b] “Не, ин мушкил бо кадом матлабе иртибот надорад. Мо ба созиш расидем, ки дастрасӣ ба торнамои мо таъмин шавад ва дар навбати худ мо ҳам дар назди Хадамоти алоқа ӯҳдадориҳое гирифтаем, ки усулан озодии баёнро маҳдуд намекунанд.”

Баъд аз ин сӯҳбат «Азия-Плюс» хабаре нашр намуд, ки бар пояи он Бек Зуҳуров гуфтааст, нашри баъзе шарҳҳои хонандагон дар поварақи мақолаҳои торнамо тӯҳмат бар зидди баъзе мансабдорони баландпояи ҷумҳурӣ буда, хабаргузорӣ мебоист бо назардошти қонунгузории кишвар аз пахши он худдорӣ мекард.

Вале ҷониби дигари ин баҳс — Хадамоти алоқаи назди ҳукумати Тоҷикистон чӣ мегӯяд? Бек Зуҳуров, раиси ин хадамот гуфт, «ходимон машғуланд, бояд ҳал шавад. Ин мушкил техникӣ мебошад.”

[b]Радиои Озодӣ:[/b] То ҳамин лаҳза ин мушкили техникӣ ҳал нашудааст?

[b]Бек Зуҳуров:[/b] “Як сабабаш техникӣ аст, вале дигараш ин аст, ки Интернетро ба бизнес табдил надиҳанд. Ягон сайт Интернетро ба бизнес табдил надиҳад.”

[b]Радиои Озодӣ:[/b] Бубахшед, ба ин шакл масъала норӯшан боқӣ мемонад. Вақте Шумо мегӯед, Интернетро ба бизнес табдил надиҳанд, Шумо чиро дар назар доред? Оё онҳо реклама ҷой доданду андоз насупурданд?

[b]Бек Зуҳуров:[/b] “Шумо ҳарфи маро дуруст фаҳмидед, тамом”.

Ба ин тартиб, ҳар ду ҷониб бо умеди рафъи ихтилоф аз тафсилот худдорӣ мекунанд. Ба қавли манбаъҳои огоҳ аз қазия Хадамоти алоқа «Азия-Плюс»ро бо ташкили матлабҳои фармоишӣ муттаҳам мекунад. Хабаргузорӣ ин айбномаро қабул надорад, вале ба хотири созиш бо ниҳоди давлатӣ ба гузашт омода аст.

Ибтидои соли ҷорӣ дар пайи нашри як идда мақолаҳои танқидӣ дар бораи Тоҷикистон дар торнамоҳои Русия мақомоти ҷумҳурӣ дасрасӣ ба баъзе аз сайтҳо ва шабакаҳои иҷтимоии интернетиро маҳдуд карда буданд. Вале баъд аз эътирозҳои дохиливу байналмилалӣ маҳдудият аз байн бурда шуд.

Источник: http://www.ozodi.org/content/article/24611515.html

[b]Масъулони Оҷонси иттилоотии «Азия-Плюс» мегӯянд, дастрасӣ ба сайти ин хабаргузорӣ дар Тоҷикистон маҳдуд шудааст.[/b]

«Азия-Плюс» хабар дод, ки чанд ширкати дастраскунандаи Интернет дастрасӣ ба news.tj — торнамои ин хабаргузориро масдуд кардаанд. Ин иқдом бар асоси номаи Хадамоти алоқа сурат гирифтааст, ки масдуд кардани ин сайтро «ба далоили фаннӣ ва корҳои профилактикӣ» хоҳиш кардааст. Ин хабарро Парвина Ибодова, раиси Анҷумани дастраскунандагони Интернет дар Тоҷикистон ҳам таъйид кардааст.

Аммо «Азия-Плюс» мегӯяд, Хадамоти алоқаи Тоҷикистон ин оҷонсии иттилоотиро аз тасмимаш расман огоҳ накарда буд. Дар ҳоли ҳозир на ҳама ширкатҳои дастраскунандаи Интернет дастрасӣ ба торнамои «Азия-Плюс»-ро қатъ намудаанд.

Хадамоти алоқа дар пайи нашри протоколи пурмоҷарои 32-20 дастрасӣ ба 5 торнамо, аз ҷумла Facebook.com, сомонаи русии Zvezda.ru ва Tjknews.com-ро низ ба «далоили фаннӣ ва зарурати анҷоми корҳои профилактикӣ» масдуд карда буд.

Дар посух ба пурсиши хабарнигорон дар ин бора раиси Хадамоти алоқа, Бек Зуҳуров гуфт, ки маҳдудияти дастрасӣ ба Фейсбук ва чанд торнамо «мушкили фаннӣ» буд. Аммо бо интиқод аз корбарони Интернет вай афзуд, гурӯҳе Интернетро ба «бозори сиёҳ» тадил додаанд.

Ин изҳорот дар ҳоле садо дод, ки бархе аз коршиносон қатъи дастрасӣ ба торнамоҳои муайян ва шабакаи Фейсбукро ба нашри асноди як ҷаласаи махфӣ бастагӣ доданд, ки дар он гӯё аз талошҳои ҳукумат ба таъқиби мухолифони сиёсӣ сухан рафтааст.

Ин иқдом танқидҳоеро аз тарафи Иттиҳоди Аврупо, Иёлоти Муттаҳида, Созмони Амният ва Ҳамкории Аврупо (САҲА) ва ниҳодҳои дигари озодии баён ва ҳуқуқи инсон ба бор овард. Дар посух Намояндаи доимии Тоҷикистон дар Созмони Амният ва Ҳамкории Аврупо (САҲА) Нуриддин Шамсов иқдоми мазкурро ба “таъмини амнияти миллӣ ва эътидол» ва ҳамчунин нақши давлат дар «ҳимоят аз фазои миллии иттилоотӣ ва дар мубориза бо ҷиноятҳои кибернетӣ” бастагӣ дод.

Источник: http://www.ozodi.org/content/article/24611515.html

[b]Аз Хадамоти алоқаи назди Ҳукумати кишвар ба 14 ширкати интернети- паҳнкунандаҳо мактуб омадааст, ки дастрасӣ ба сомонаҳои «CA News» ва «Азия-Плюс» маҳдуд карда шавад. Сабаби аслии чунин иқдом ҳанӯз маълум нест, аммо дар номаи мазкур гуфта мешавад, ки бо омилҳои техникӣ ва профилактикӣ чунин иқдом гирифта шудааст.[/b]

Дар нома танҳо нишонаи asiaplus.tj оварда шудааст, аммо провайдерон сайти ин ожонсиро бо нишонии news.tj низ бастаанд.

Гуфтанист, бори аввал нест, ки баста шудани сомонаҳои дохиливу хориҷӣ ба мушоҳида мерасад. Чунончи, соли гузашта ҳангоми рух додани воқеъаҳои минтақаи Рашт, якбора чандин сомонаро баста буданд. Он вақт Хадамоти алоқа гуфта буд, ки сабаби баста шудани ин шабакаҳо, гусастани хатҳои интернетӣ мебошад.

Фарзона АШУРМАДОВА, TojNews

Источник: http://tojnews.org/taj/index.php?option=com_content&task=view&id=26083&Itemid=30

[b]Имрӯз дар софоратхонаи Афғонистон, нишасти матбуотии сафири ин кишвар Абдуғаффори Орзу баргузор гардид, ки дар рафти ин мулоқот дипломати афғон аз як матлаби рӯзномаи «Имрӯз-нюс», ки зери сарлавҳаи «М. Ризо: Дар сафорати Афғонистон одамкушанду ба қочоқи мухаддир машғуланд» чоп шуда буд, изҳори норизоӣ баён намуд.[/b]

Абдуғаффори Орзу аз ҷумла гуфт: «Дӯстии Афғонистон бо Тоҷикистон он қадар бузург аст, ки мо намехоҳем ба хотири маводи як рӯзнома ин робитаи асилро вайрон кунем. Ба ин хотир мо шикоят намекунем, аммо мутмаинем, ки худи давлатдорони Тоҷикистон, вазири фарҳанг ва вазири корҳои хориҷӣ ба хотири ҳифзи дӯстии Тоҷикистону Афғонистон, ҳар расонаеро, ки дӯстонашонро тавҳин кунад, муҷозот мекунанд».

«Дар асоси кадом ахлоқ, меъёр ва арзишҳои рӯзноманигорӣ онҳо як сафорате, ки намояндаи як милат аст, дашном кардаанд. Оё агар як девона сухан бигӯяд, онҳо чоп мекунанд? Дар сарсухан муалиф гуфтааст, ки ба хотири амнияти мусоҳиб, ки гӯё ҷонаш дар хатар аст, номашро нанавиштаанду гирифта як матнро чоп кардаанд. Сафири Афғонистон ҳам намояндаи ҳукумату давлат ва 30 миллион инсонест, ки дар онҷо зиндагӣ мекунанд. Агар Сафоратро тавҳин кунанд, ки қочоқчианду одамкушанд , ин як тавҳини бузург ба давлату ҳукумати мо аст. Аммо замоне, ки як нафар беном аст ва мушаххас нест, ки ӯ кист, мо бо як гуреза мусоҳиба кардем, ки ӯ чунин гуфт ва инро чоп карданд, ин мухолиф бо ҳамаи арзишҳои ахлоқии рӯзноманигорист»? – афзуд Абдуғафори Орзу.

Дар ҳамин ҳол Назири Нусрат муҳаррири рӯзномаи «ИмрӯзNews» мегӯяд, ки «Ба ҷойи он, ки сафорат худро сафед кунад, бояд биравад ва аз ҳоли шаҳрвандонаш огоҳ бошад. Вазъи гурезаҳои афғон дар Тоҷикистон барои худи курсинишинони сафорати ин кишвар ба хубӣ маълум аст ва онҳо хуб медонанд, ки ҳамон ҳудуди 300 нафари зикршуда дар чӣ ҳолеву дар чӣ вазъе зиндагӣ доранд. Ин ҳарфи як мусоҳиби «ИмрӯзNews» аст, ки нашр шуд. Агар дар сафорат ба ин лаҳн посух додаанд, ки Шумо зикр кардед, худ баёнгари он аст, ки ба ҳељ ваҷҳ намехоҳанд як шаҳрвандашон дар ғурбат ҳам бошад, садо баланд кунад. Оё сафорат ин ҳақро дорад, ки даҳони шаҳрвандони мӯҳтоҷ ба дастгирияшро бандад? Аз ҷониби дигар, ин ҳаққи як расонаи хабарист, ки аз мушкили ба миёномада гӯяд. Мусоҳиби «ИмрӯзNews» дуруст мепурсад, ки чаро сафорат аз ҳоли онҳо огоҳ нест.

Маблағҳои барои гурезаҳо ҷудошуда куҷо мераванд? Дар сафорат бояд ба ҳамаи ин суолҳо посух дошта бошанд ва ҳам доранд. Баъдан ин масъала хеле баҳснок аст, ки чаро дар сафорат мехоҳанд донанд, ки мусоҳиби рӯзнома кист? Фикр намекунам, ки ба хотири кӯмак расонидан бошад».

Инчунин Назири Нусрат афзуд, ки агар Сафорат ба маводи онҳо ягон эътирозе дошта бошад, ба суд муроҷиат кунад ё ба унвонии рӯзномаи онҳо номае ирсол кунад. «ИмрӯзNews» метавонад ва омода аст, ки дар ҳамон андоза посухи ҷониби дигарро нашр кунад, агар далелҳои кофӣ дошта бошанд.

Ёдовар мешавем, ки маводи «ИмрӯзNews» таърихи 31-уми маи соли ҷорӣ, зери унвони «М. Ризо: Дар сафорати Афғонистон одамкушанду ба қочоқи мухаддир машғуланд» чоп шуда буд, ки муалифи он Сафарбек Кабиров бо як нафар аз гурезаи Афғонистон, ки дар шаҳри Ваҳдат иқомат дорад, мусоҳиба доир намуда буд.

Нилуфари КАРИМ, TojNews

Источник: http://tojnews.org/taj/index.php?option=com_content&task=view&id=26088&Itemid=28

[b]«Меъёрҳои ахлоқӣ ва касбии журналистӣ», таҳти чунин унвон ба ибтикори Шўрои ВАО-и Тоҷикистон дар шаҳри Кӯлоб ҳамоише баргузор гардид.[/b]

Тибқи иттилои Дабири кулли Шӯрои ВАО Хилватшои Маҳмуд дар чорабинии мазкур аъзоёни шӯро Иброҳим Усмонов ва Қироншоҳ Шарифзода ширкат варзида ба суолу дархостҳои иштирокчиён посух гуфтанд.

Аз ҷумла қайд гардид, ки Шӯрои ВАО баргузории якчанд чорабиниҳоро дар манотиқи мухталифи кишвар ба нақша гирифта дар Душанбе, Панҷакент ва Суғд низ баргузор мекунад. Ҳамзамон дар нишаст қайд гардид, ки Шӯрои ВАО ниҳоди танзимкунанда оид ба фаъолияти касбӣ ва меъёрҳои ахлоқии журналистӣ буда қарору санадҳои қабулшаванда аз сӯи ин ташкилот характери тавсиявӣ дорад. «Шӯро кӯшиш мекунад, ки баҳсҳои ба миёномадаро дар расонаҳо ва ҷомеаи журналистӣ то ба додгоҳ нарасонида, дар дохили ҷомеаи журналистӣ ҳаллу фасл намояд» гуфт аъзои шӯро Иброҳим Усмонов.

Маврид ба ёдоварист, ки қабл аз баргузории ин чорабинӣ аъзоёни Шӯрои ВАО-ро раиси шаҳри Кӯлоб Абдулғафор Раҳмонов ба ҳузур пазируфт. Ба гуфтаи ӯ ба фаъолияти институтҳои ҷомеаи шаҳрвандӣ, ки Шӯрои ВАО аз қабили онҳост ҳукумати маҳаллӣ эътимод дорад.

Дар ин семинар беш аз 50 нафар, аз ҷумла донишҷӯён, устодони донишгоҳ, шаҳрвандон, журналистони маҳаллӣ, намояндагони мақомоти маҳаллии шаҳри Кӯлоб ширкат доштанд.

Источник: http://www.ozodagon.tj/khabarho/tojikiston/5334—l——r

[b]Авохири моҳи май панҷ журналист, ки бархӯрди миёни ҳукумат ва мухолифони мусаллаҳро дар шаҳрҳои Димишқ ва Ҳосми Сурия инъикос мекарданд, кушта шудаанд. Дар ин бора Кумитаи ҳифзи хабарнигорон, ки мақараш дар Ню-Йорки Амрикост хабар додааст.[/b]

Ба иттилои расида рӯзи ҷумъа дар Сурия бархӯрдҳои мусаллаҳона идома ёфтаанд, ки бар асари он дасти кам 40 нафар ба ҳалокат расидааст. Миёни мақтулон сокинони осоишта, сарбозону афсарон ва ҷангиёни мухолиф будаанд. Задухӯрдҳо дар шаш музофоти Сурия ба вуқӯъ пайваста, аммо гуфта мешавад, даргирии шадид дар шаҳрҳои Ҳомс ва Димишқ сурат гирифтааст.

Источник: http://www.ozodagon.tj/khabarho/jahon/5311-2012-06-09-05-14-38