[b]Нишасти бузурги хабарии Владимир Путин, ба ҳайси раисиҷумҳури Русия баъди 5 соли танаффус аз нав барпо шуда, айни ҳол идома дорад.[/b]

Дар ин нишаст зиёда аз 1000 рӯзноманигори Русия ва ҳудуди 200 хабарнигори хориҷӣ иштирок мекунанд ва дар назар аст, ки ҳудуди 2.5 соат идома хоҳад кард.

Кремл эълон доштааст, ки тақрибан доираи саволҳоро медонанд ва рӯзноманигорон бештар аз Путин дар бораи фасод пурсон хоҳанд шуд.

Бори охир нишасти васеи хабарии Путин зимистони соли 2008-ум гузаронда шуда, 4 соату 40 дақиқа давом кард, ки нишондоди бесобиқа ба шумор меравад. Барои нишасти ҷории Путин шабакаҳои телевизионӣ 3 соати эфирро ҷудо кардаанд.

Источник: http://www.ozodi.org/archive/news/20121220/538/538.html?id=24803978

[b]Ҳизби наҳзати исломии Тоҷикистон (ҲНИТ) ҳуҷҷат барои ташкили як телевизион ва радиои ҳизбиро ба мақомоти тоҷик супурдааст.[/b]

Ҳизби наҳзати исломии Тоҷикистон рӯзи 19-уми декабр эълом кард, ки ҳуҷҷат ё санади зарурӣ барои ташкили як телевизион ва радиои ҳизбиро ба Кумитаи давлатии радио ва телевизиони Тоҷикистон пешниҳод кардааст.

Воҳидхон Қосиддинов, раҳбари дастгоҳи ҲНИТ, дар суҳбат бо Радиои Озодӣ гуфт, онҳо рӯзи сешанбеи 18-уми декабр ариза ва дигар ҳуҷҷатҳоро барои сабтиноми телевизиони ҳизбӣ дар ихтиёри Кумитаи телевизион ва радиои Тоҷикистон гузоштаанд. Ба қавли Қосиддинов, ӯ дар Кумитаи давлатии радио ва телевизони ҷумҳурӣ бо муовини аввали раҳбари ин кумита — Саидалии Сиддиқ мулоқот ва дар бораи масъалаи дарёфти иҷозатнома суҳбат намудааст.

Раҳбари дастгоҳи ҲНИТ меафзояд, онҳо дар канори студияи телевизион студияи радиои ҳизбиро низ роҳандозӣ хоҳанд кард. Ба гуфтаи Воҳидхон Қосиддинов, ҲНИТ барои таъсиси студияи радио ва телевизион тамоми тамоми васоили фаннӣ (техникӣ)-ро дорад ва дар сурати дарёфти иҷозатномаи Комиссияи Кумитаи радио ва телевизиони ҷумҳурӣ, ин студияҳо ба фаъолият шуруъ хоҳанд кард.

Ин талоши нахустини як ҳизби сиёсӣ ва он ҳам мухолиф барои ташкили телевизион ва радиои ҳизбист. Дар чанд соли охир Комиссияи муҷаввиздиҳии Кумитаи радио ва телевизиони ҷумҳурӣ танҳо ба телевизиони СМТ — Симои мустақили Тоҷикистон дар пойтахти кишвар иҷозатнома додааст. Созмонҳои хабарнигорӣ мегӯянд, ҳарчанд барои дарёфти муҷаввиз барои фаъолияти телевизиони мустақил бисёриҳо талош доранд, вале ҳосиле надоштаанд.

Аммо дар тӯли се соли охир ин кумита барои чанд радиои мустақил, аз ҷумла дар минтақаҳои кишвар, иҷозатнома додааст, ки онҳо бештар барномаҳои фарҳангӣ пешниҳод мекунанд. Дар Тоҷикистон ҳамагӣ чаҳор шабакаи телевизонии ҷумҳуриявӣ фаъол аст, ки ҳамаи онҳо марбут ба Кумитаи радио ва телевизони Тоҷикистонанд. Ин шабакаҳо бештар фаъолияти ҳукумат ва раисиҷумҳурро ба намоиш мегузоранд.

Источник: http://www.ozodi.org/content/islamic-revival-party-of-tajikistan-and-tv/24802756.html

[b]Акбаралӣ Сатторзода рӯзи 14-уми декабр, баъди мулоқот бо намояндагони Кумитаи андози Тоҷикистон, ба мо гуфт, ки андоз аз нашрияҳо ба гунае, ки рӯзномаҳо навишта буданд, афзоиш нахоҳад ёфт.[/b]

Сатторзода афзуд, ки тавре намояндагони Кумитаи андоз шарҳ доданд, сар аз соли оянда, баъд аз он, ки дар кишвар Кодекси нав мавриди амал қарор мегирад, дар фаъолияти нашрияҳо низ баъзе сабукиҳо ба вуҷуд хоҳад омад.

Оқои Сатторзода гуфт, дар нимаи дуввуми рӯзи ҷумъа Кумитаи андози Тоҷикистон гурӯҳи рӯзноманигоронро ба суҳбат дар бораи тағйиру иловаҳо ба Кодекси андози Тоҷикистон даъват карда, моддаҳо ва банду фаслҳое, ки ба фаъолияти ВАО дахл доранд, шарҳ додааст.

Ахиран нашрияҳои Тоҷикистон навишта буданд, ки бар асоси Кодекси нав, сар аз моҳи январи соли оянда, расонаҳои чопии ин кишвар муваззафанд дар қатори навъҳои дигари молиёт, дар ҳаҷми 18 дарсад андоз аз арзиши изофашударо бисупоранд.

Масъулини расонаҳо ва созмонҳои рӯзноманигорӣ таъкид карда буданд, ки чунин талабот, нашрия ва маҷаллаҳои Тоҷикистонро, ки тираж ва ё теъдоди зиёд надоранд, варшикаста ва аз бозори матбуот берун хоҳад кард.

Аммо Рустам Ҷабборов, муовини раиси Кумитаи андози Тоҷикистон, дар мулоқот бо рӯзноманигорон ин навиштаи расонаҳои кишварро беасос хонда, гуфтааст, ки баръакс, аз рӯи андоз аз арзиши иловашуда дар Кодекси нав, сабукиҳо пешбинӣ шудаанд.

Ӯ изҳор доштааст, ки сар аз соли оянда андоз аз арзиши иловашударо он ширкату идораҳое месупоранд, ки ҳаҷми гардиши солонаашон аз 500 ҳазор сомонӣ зиёдтар аст. Дар ҳоле, ки гардиши молии солонаи аксари нашрияҳо аз ин камтар аст, онҳо ин намуди андозро пардохт нахоҳанд кард.

Дар ҳоли ҳозир дар Тоҷикистон наздики чаҳорсад нашрия ва маҷалла ба чоп мерасанд, ки бархе аз онҳо вобаста ба давлат ва қисмате ҳам ғайридавлатӣ буда, теъдоди нашрашон аз 1 то 15 ҳазор ададро ташкил медиҳад.

«Озодӣ»

Источник: http://www.ruzgor.tj/matbuot/9039.html

[b]Намоишгоҳи аксҳои хабарнигор ва аккоси зиндаёд, Муҳиддин Олимпур, дар шаҳри Душанбе ифтитоҳ шуд.[/b]

Имрӯз, 13-уми декабр, дар солрӯзи қатли хабарнигор ва аккоси зиндаёд Муҳиддин Олимпур намоишгоҳи аксҳои ӯ дар толори «Мино»-и пойтахт ифтитоҳ ёфт. Дар ин намишгоҳ сафирони Озарбойҷону Фаронса, Муҳиддин Кабирӣ — раҳбари ҲНИТ ва аккосони тоҷику хориҷӣ иштирок карданд.

Ҳамза Камол, раиси Конуни байналмилии «Олимпур», гуфт, ин намоишгоҳ бо кумаки молии Бунёди Сорос баргузор ва дар он ҳудуди 40 акс аз бойгонии Муҳиддин Олимпур ба намоиш гузошта шудааст. Ба қавли созмондиҳандагони ин намоишгоҳ, бархе аз ин аксҳои Олимпур фурӯхта хоҳанд шуд.

Ҳамза Камол мегӯяд, ин аксҳо бештар манзараҳои мухталифи табиати Тоҷикистонро дар бар гирифта, мазмуни фарҳангӣ доранд, вале то кунун дар ҳеҷ маҷалла ё рузномаву намоишгоҳҳо нашр нашудаанд.

Муҳиддин Олимпур, ки хабарнигори бахши форсии Радиои Би-би-си дар Тоҷикистон буд, 13-уми декабри соли 1995 дар шаҳри Душанбе аз тарафи афроди мусаллаҳ ба қатл расид. Баъдтар чанд нафар аз шаҳрвандони Тоҷикистон ба иттиҳоми даст доштан дар қатли ин хабарнигори тоҷик муҳокима ва зиндонӣ шуданд.

Пас аз марги Муҳиддин Олимпур то кунун ҳудуди 7 намоишгоҳи аксҳои ӯ таҳти унвони «Гулдухтарони тоҷик», «Афғонистон аз нигоҳи дӯст» ва «Пирмардон» дар Душанбе баргузор карда шудааст.

Источник: http://www.ozodi.org/content/muhiddin-olimpur-photos/24797223.html

[b]Маҷлиси намояндагони порлумони Тоҷикистон тарҳи қонуни ҷадиде дар бораи матбӯъот ва расонаҳо дар ин кишварро ба тасвиб расонд.[/b]

Ин тарҳ, ки «Қонуни матбӯъоти даврӣ ва дигар воситаҳои ахбори омма» унвон дорад, аз сӯйи Олим Салимзода ва Акрамшоҳ Фелалиев, аъзои Маҷлиси Намояндагон, таҳия ва дар моҳи марти соли 2010 барои баррасӣ ба порлумон пешниҳод шуда буд.

Тайи ду соли гузашта ин тарҳ дар маҳофили мухталифе бо ширкати рӯзноманигорон, масъулони расонаҳо ва созмонҳои мудофеъи ҳуқуқи хабарнигорон ва озодии баён, намояндагони ҷомеъаи маданӣ ва созмонҳои байналмилалӣ 18 маротиба баррасӣ шудааст.

[b]Матни пурраи гузоришро бо пахш кардани нишони зерин дар сомонаи мо мутолиа кунед:[/b] [url=http://www.taj.nansmit.tj/analysis/?id=215]http://www.taj.nansmit.tj/analysis/?id=215[/url]

Источник:

[b]Мақомоти давлатӣ ва масъулони дигар ниҳодҳо дар Тоҷикистон ҳамакнун муваззафанд дар давоми се рӯз ба пурсиши васоити ахбори оммаи ин кишвар посух диҳанд.[/b]

Ин меъёр яке аз нукоти муҳим дар тарҳи қонун «Дар бораи матбуоти даврӣ ва дигар воситаҳои ахбори омма»-и Тоҷикистон аст, ки дар ҷаласаи парлумони ин кишвар рӯзи чаҳоршанбеи 12—уми декабр пазируфта шуд.

[b]Матни пурраи гузоришро бо пахш кардани нишони зерин дар сомонаи мо мутолиа кунед:[/b] [url=http://www.taj.nansmit.tj/analysis/?id=216]http://www.taj.nansmit.tj/analysis/?id=216[/url]

Источник:

[b]Мақомоти давлатӣ ва масъулони дигар ниҳодҳо дар Тоҷикистон ҳамакнун муваззафанд дар давоми се рӯз ба пурсиши васоити ахбори оммаи ин кишвар посух диҳанд.[/b]

Ин меъёр яке аз нукоти муҳим дар тарҳи қонун «Дар бораи матбуоти даврӣ ва дигар воситаҳои ахбори омма»-и Тоҷикистон аст, ки дар ҷаласаи парлумони ин кишвар рӯзи чаҳоршанбеи 12—уми декабр пазируфта шуд.

Олимҷон Салимзода, раиси Кумитаи равобити байналмилалӣ, иртибот бо ҷомеа ва иттилооти Маҷлиси намояндагони Тоҷикистон ва яке аз муаллифони тарҳ, ки банду фаслҳои онро ба вакилон тавзеҳ мекард, гуфт ин қонун дар давоми беш аз ду сол бо ширкати як Гурӯҳи кории иборат аз рӯзноманигорон, намояндагони ниҳодҳои давлатӣ ва вакилон 18 бор мавриди баҳс қарор гирифт. Ҷаноби Салимзода афзуд, ки қонуни мазкур ҷузъитарин масъалаҳои марбут ба фаъолияти васоити ахбори омма ва матбуоти кишварро фаро гирифта ва ҳама гуна имконот ва шароитро баҳри рушди озодии баён ва матбуот дар Тоҷикистон фароҳам месозад.

Ҷаноби Салимзода афзуд, вокуниши сареи ниҳодҳо ва масъулони давлатӣ ба матолиби нашршуда аз мушкилоте буд, ки дар қонуни қаблӣ бозтоб наёфта буд. Аммо ин қонун ҳамагӣ се рӯз вақт барои посух ба навишта ва суоли матбуотро додааст ва дар сурати ғайр нафари масъул бояд ҳатман сабаби таъхирро тавзеҳ диҳад.

Ба гуфтаи ҷаноби Салимзода, «дар қонуни амалкунанда барои дастрасӣ ба иттиллот мӯҳлати муайян зикр нашудааст, ки ин боиси нигаронии журналистон шуда буд. Ба ин масъала дар таҳияи нави қонун дар моддаи 23 равшанӣ андохта шудааст. Барои дарёфти иттиллоъ муҳлати те се рӯз муқаррар шудааст, ки ҷавобгӯ ба ниёзҳои аҳли қалами ҷумҳурӣ ва ҷомеаи байналхалқӣ мебошад.»

Олим Салимзода афзуд, бар пояи ин қонун масъалаи дигари баҳсбарангез, яъне тарзи сабти номи васоити ахбори ом дар ниҳодҳои давлатӣ низ мушаххас шудааст ва минбаъд нашрияҳо новобаста аз шакли моликият, ҳамчун шахси ҳуқуқӣ аз қайди давлатӣ хоҳанд гузашт. Ин айни ҳамон масъалаест, ки доираҳои рӯзноманигории Тоҷикистон онро қабул надоранд ва барои ҳаллаш пешниҳоди дигар дода буданд. Ба ақидаи онҳо, чунин шева сабаби номнависи ҷудогонаи муассис ва нашрия хоҳад шуд, ки ҷузъиёти зиёди ҳуқуқиеро ба дунбол хоҳад дошт.

Нуриддин Қаршибоев, раиси Анҷумани миллии расонаҳои мустақили Тоҷикистон гуфт, вақте як созмони иҷтимоӣ, ҳизби сиёсӣ ва ё ҳар ниҳоди дигар ба унвони шахси ҳуқуқӣ сабти ном шудааст, он дар асоси ойнномаи худ ҳаққи таъсиси нашрияро дорад ва дубора нашрияро ба унвони шахси ҳуқуқӣ сабти ном кардан, як монеаи сунъӣ дар роҳи татбиқи меъёрҳои демократист.

Оқои Қаршибоев афзуд, «қонуни мазкур мутаассифона ба он ҳараҷу мараҷе, ки дар ба қайдгирии васоити ахбори омма дар Тоҷикистон вуҷуд дорад, хотима намегузорад. Вақти баррасии ин масъала мо борҳо таъкид карда будем, ки бояд ҳатман дар қонун меъёре муқаррар карда шавад, ки воситаи ахбори омма метавонад ҳамчун шахси ҳуқуқӣ ё зерсохтори шахси ҳуқуқии дигар фаъолият карда тавонад. Бо ба амал ҷорӣ кардани меъёри шахси ҳуқуқи будани воситаи ахбори омма, зарур меояд, ки ҳамаи ин васоити ахбори омма аз қайди давлатӣ бигзаранд».

Ва аммо Мирзошоҳрух Асрорӣ, вазири фарҳанги Тоҷикистон, ки низ дар баррасии тарҳи ин қонун дар ҷаласаи парлумон ширкат ва суханронӣ кард, гуфт, ки дар муқоиса бо қонуни ҷорӣ, ин қонун аз афзалиятҳое барои рушди матбуот бархурдор аст. Ҷаноби Асрорӣ бо таъкиди ин, ки матбуот набояд аз имконоти худ суиистифода кунад, гуфт, барои ин дар қонуни нав бархе аз бандҳои марбут ба танқиди мақомоти давлатӣ тағйир ёфтаанд:

Чунончи дар моддаи шашуми лоиҳа роҳ надодан бо озодии сухан, ки маъноан нусхаи матни моддаи шаши қонуни амалкунанда аст, мафҳуми манъ намудани дарҷи маълумот оид ба халалдор кардани шаъну эътибори давлат ва шаъну эътибори президент истисно гардида ин мафҳум бо ибораи нисбатан боэътимод, аз ҷумла мамнӯъ будани интишорот оид ба халалдор кардани тамомияти марзӣ ва мустақилияти давлат тақвият дода шудааст».

Вазири фарҳанги Тоҷикистон изофа кард, ки минбаъд дар чаҳорчӯби қонуни нав давлат метавонад ба расонаҳо ёрии молӣ диҳад, дар ҳоле ки ҳамчунин меъёр дар қонуни пешина вуҷуд надошт. Ба гуфтаи ҳамин манбаъ, дар ҳоли ҳозир дар Тоҷикистон 330 рӯзнома сабти ном шудааст, ки 125 -то он расмӣ ва боқи ҷамъиятӣ мебошанд.

Зимнан, қонуни матбуоти Тоҷикистон бори аввал 14-уми марти соли 1992 қабул шуда то ин муддат се бор дар солҳои 1996, 1999 ва 2000 ба он тағйиру иловаҳо ворид карда шуд. Ва аммо қонуни нав танҳо баъди чоп дар нашрияҳои расмӣ, мавриди иҷро қарор хоҳад гирифт.

Источник: http://www.ozodi.org/content/tajikistan-new-press-law/24796016.html

[b]Маҷлиси намояндагони порлумони Тоҷикистон тарҳи қонуни ҷадиде дар бораи матбӯъот ва расонаҳо дар ин кишварро ба тасвиб расонд.[/b]

Ин тарҳ, ки «Қонуни матбӯъоти даврӣ ва дигар воситаҳои ахбори омма» унвон дорад, аз сӯйи Олим Салимзода ва Акрамшоҳ Фелалиев, аъзои Маҷлиси Намояндагон, таҳия ва дар моҳи марти соли 2010 барои баррасӣ ба порлумон пешниҳод шуда буд.

Тайи ду соли гузашта ин тарҳ дар маҳофили мухталифе бо ширкати рӯзноманигорон, масъулони расонаҳо ва созмонҳои мудофеъи ҳуқуқи хабарнигорон ва озодии баён, намояндагони ҷомеъаи маданӣ ва созмонҳои байналмилалӣ 18 маротиба баррасӣ шудааст.

Олим Салимзода, раиси Кумитаи Маҷлиси намояндагон дар умури равобити байналмилалӣ, иттиҳодияҳои ҷамъиятӣ ва иттилоъот, ки рӯзи чаҳоршанбеи 12 декабр пешнависи ин санади ҳуқуқиро дар иҷлоси порлумон муъаррифӣ мекард, ин санади ҳуқуқиро «мукаммал ва бо дарназардошти афкори рӯзноманигорони кишвар таҳияшуда» унвон кард.

Ба гуфтаи оқои Салимзода, тибқи дастури Шӯрои Маҷлиси намояндагон, ба манзури такмили ин тарҳ аз ҷумлаи намояндагони порлумон, рӯзноманигорон, ҳуқуқдонҳо ва аъзои давлат гурӯҳе корӣ таъсис шуд ва дар муддати яку ним сол назару пешниҳодҳо дар ин заминаро баррасӣ ва пазируфтааст.

Ӯ ба унвони мисол аз банди марбут ба коҳиши муддати дарёфти иттилоъот аз ниҳодҳои давлатӣ аз 30 то ба 3 рӯз ишора кард, ки бо пешниҳоди рӯзноманигорон ба матни қонун ворид карда шудааст.

Нуриддин Қаршибоев, раиси Анҷумани миллии расонаҳои мустақили Тоҷикистон, ки дар таҳияи пешнависи «Қонуни матбӯъоти даврӣ ва дигар воситаҳои ахбори омма» ширкати фаъъол дошт, тасвиби санади феълиро дар муқоиса бо қонуни қаблии матбуъот гоме ба пеш арзёбӣ кард.

Ҳамзамон, оқои Қаршибоев гуфт, ки дар муқаррароти марбут ба сабти номи расонаҳо ва нашрияҳо таноқузҳое ба чашм мехурад.

Оқои Қаршибоев гуфт, ки дар бархе аз бандҳои қонуни ҷадиди матбӯъот таноқузҳое ба мушоҳида мерасанд

Масалан, ба гуфтаи вай, дар қисми 4-и моддаи 7 омадааст: «Воситаҳои ахбори умум (расонаҳо) метавонанд ҳамчун зертобеъи (шуъбаи) шахси ҳуқуқии дигар амал кунанд». Аммо дар моддаи 10-и ин қонун таъкид шудааст, ки онҳо «имкон доранд ба унвони шахси ҳуқуқӣ сабти ном шаванд.»

Тибқи қонуни ҷадид, расонаҳо ё васоили иттилоърасонии умумии Тоҷикистон дар «равзанаи ягона»-и Кумитаи молиёт ё Вазорати адлия сабти ном шуда, сипас, аз ҷониби Вазорати фарҳанг «ба ҳисоб гирифта» мешаванд.

Дар ҳамин ҳол, Сӯҳроб Шарифов, намояндаи порлумон, гуфт, ки дар ҳеч кишвари ҷаҳон қонуни комили матбӯъот вуҷуд надорад ва мумкин аст, қонуни ҷадиди Тоҷикистон низ ҳадафи интиқодҳои рӯзноманигорон қарор бигирад.

Аз сӯйи дигар, оқои Шарифов гуфт: «Ба назари ман, дар ягон моддаи ин қонун барои фаъъолияти журналистҳо (рӯзноманигорон) маҳдудияте вуҷуд надорад. Журналистони тоҷик бояд дар ҳолатҳои зарурӣ аз манофеъи давлати худ дифоъ кунанд.»

Қонуни феълии Тоҷикистон, ки фаъъолияти рӯзноманигорон, матбӯъот ва расонаҳоро танзим мекунад, дар моҳи декабри соли 1990, дар замони Шӯравӣ, ба тасвиб расида ва тайи 20 соли ахир 5 маротиба ислоҳ шудааст.

Ба гуфтаи соҳибназарон, тарҳи қонуни ҷадид низ бар мабнои қонуни мусавваб дар замони Шӯравӣ таҳия шудааст. Масалан, бархе аз моддаҳои қонуни қаблӣ аз тарҳи нав хориҷ ва муқаддима ва моддаҳои тозае бар он афзуда шудаанд. Бархе аз бандҳои қонуни пешин низ таҳрир шудаанд.

Қаблан иддае аз рӯзноманигорон гуфта буданд, ки дар тарҳи ин қонун дар заминаи сабти номи расонаю нашрияҳо ва дастрасӣ ба иттилоъот ибҳомоте ба мушоҳида мерасад.

Ҳамчунин, гуфта мешуд, ки дар ин лоиҳа мақоми ҳуқуқии сойтҳои интернетӣ ба унвони расонаи хабарӣ мушаххас нашудааст, ҳарчанд сойтҳои зиёде ҳастанд, ки гузоришу хабар таҳия мекунанд ва таҳиякунандагони онҳо рӯзноманигор маҳсуб мешаванд.

Дар солҳои 2001, 2005 ва 2008 бархе аз созмонҳои рӯзноманигорӣ бо ҳимояти созмонҳои байналмилалӣ тарҳҳои ҷудогонаи қонуни матбӯъотро таҳия карда буданд, аммо давлат аз онҳо ҳимоят накард.

Источник: http://www.bbc.co.uk/tajik/news/2012/12/121212_ea_mm_press_law_adoption.shtml

[b]Мурофиаи судӣ, ки нисбати айбдоршавандаи садама бо иштироки Искандари Фирӯз, рӯзноманигори тоҷик, ки қарор буд, имрӯз баргузор гардад, ба рӯзҳои номаълум ба таъхир афтод.[/b]

Дар ин бора ба TojNews Наталя Шарипова, вакили дифои тозатаъиншудаи рӯзноманигор, иттилоъ дод.

Ба иттилои манбаъ, бинобар ҳузур надоштани Давлатов Исмоил, судяи суди ноҳияи Сино, дар маҳалли корӣ баргузории мурофиа ба таъхир уфтодааст.

Ёдовар мешавем, Искандари Фирўз, журналисти маъруфи тоҷик, 9-уми октябри соли 2012 бар асари садамаи нақлиётӣ ҷароҳатҳои зиёд бардошта, як моҳ дар ҳоли беҳушӣ, дар Маркази миллии тиббии «Қарияи Боло» бистарӣ буд.

Табибон мегӯянд, баъди ҷарроҳӣ дар Беморхонаи Ибни Синои пойтахт, вазъи саломатии Искандари Фирӯз, бо сабаби поин рафтани гемоглобин дар хун бад шуда буд ва бинобар ин табибон маҷбур буданд, ки ҳамарӯза ба бемор хун гузаронанд.

Рӯзҳои ахир саломатии журналист муътадил арзёбӣ мешавад. Аммо дар бораи аз беморхона ҷавоб додани журналист чизе гуфтан душвор аст, — мегӯянд наздикони ӯ.

Источник: http://www.tojnews.org/node/5225

[b]Маҷлиси намояндагони порлумони Тоҷикистон тарҳи қонуни ҷадиде дар бораи матбӯъот ва расонаҳо дар ин кишварро ба тасвиб расонд.[/b]

Ин тарҳ, ки «Қонуни матбӯъоти даврӣ ва дигар воситаҳои ахбори омма» унвон дорад, аз сӯйи Олим Салимзода ва Акрамшоҳ Фелалиев, аъзои Маҷлиси Намояндагон, таҳия ва дар моҳи марти соли 2010 барои баррасӣ ба порлумон пешниҳод шуда буд.

Тайи ду соли гузашта ин тарҳ дар маҳофили мухталифе бо ширкати рӯзноманигорон, масъулони расонаҳо ва созмонҳои мудофеъи ҳуқуқи хабарнигорон ва озодии баён, намояндагони ҷомеъаи маданӣ ва созмонҳои байналмилалӣ 18 маротиба баррасӣ шудааст.

Қонуни феълии Тоҷикистон, ки фаъъолияти рӯзноманигорон, матбӯъот ва расонаҳоро танзим мекунад, дар моҳи декабри соли 1990, дар замони Шӯравӣ, ба тасвиб расида ва тайи 20 соли ахир 5 маротиба ислоҳ шудааст.

Ба гуфтаи соҳибназарон, тарҳи қонуни ҷадид низ бар мабнои қонуни мусавваб дар замони Шӯравӣ таҳия шудааст. Масалан бархе аз моддаҳои қонуни қаблӣ аз тарҳи нав хориҷ ва муқаддима ва моддаҳои тозае ба он афзуда шудаанд. Бархе аз бандҳои қонуни пешин низ таҳрир шудаанд.

Қаблан иддае аз рӯзноманигорон гуфта буданд, ки дар тарҳи ин қонун дар заминаи сабти номи расонаю нашрияҳо ва дастрасӣ ба иттилоъот ибҳомоте ба мушоҳида мерасад.

Қаблан расонаҳо ва нашриётро вазоратҳои адлия ва фарҳанг сабт мекарданд. Ҳамакнун, тибқи қонуни ҷадид, расонаҳо ва нашрияҳо ба унвони «шахси ҳуқуқӣ» дар равзанаи воҳид барои сабти созмонҳо ва иттиҳодияву ширкатҳо дар Кумитаи молиёти Тоҷикистон сабт мешаванд.

Бар асоси тарҳи ҷадид, ҳамчунин ниҳодҳои расмӣ ба дархост ва номаҳои рӯзноманигорон бояд дар муҳлати се рӯз посух бидиҳанд. Қаблан ин муҳлат 30 рӯз буд ва бисёре аз хабарнигорон аз он интиқод мекарданд, ки мақомот барои додани иттилоъи расмӣ фурсати зиёдеро ба ҳадар медиҳанд.

Ҳамчунин, гуфта мешуд, ки дар ин лоиҳа мақоми ҳуқуқии сойтҳои интернетӣ ба унвони расонаи хабарӣ мушаххас нашудааст, ҳарчанд сойтҳои зиёде ҳастанд, ки гузоришу хабар таҳия мекунанд ва таҳиякунандагони онҳо рӯзноманигор маҳсуб мешаванд.

Дар солҳои 2001, 2005 ва 2008 бархе аз созмонҳои рӯзноманигорӣ бо ҳимояти созмонҳои байналмилалӣ тарҳҳои ҷудогонаи қонуни матбӯъотро таҳия карда буданд, ки давлат аз онҳо ҳимоят накард.

Источник: http://www.bbc.co.uk/tajik/news/2012/12/121212_ea_mm_press_law_adoption.shtml