Бо ташаббуси Мақомоти иҷроияи ҳокимияти давлатии вилояти Хатлон ва Раёсати кор бо занон ва оилаи вилоят бахшида ба “Соли ҷавонон” маҷаллаи «Бонувони Хатлон» таъсис ёфт, ки аввалин шуморааш рӯзи 7-уми март, як рӯз пеш аз Рӯзи Модар ва дар арафаи Рӯзи матбуот ба дасти хонанда мерасад.Тибқи маълумот теъдоди нашри шумораи нахустини маҷалла 1000 адад будааст, ки аз ин баъд шумораи нашраш бештар карда мешавад.
Раъно Раҳимзода, сардори Раёсати кор бо занон ва оилаи вилояти Хатлон гуфт, ки маҷала бо кумаки молии ҳукумати вилоят ба дасти хонандагон мерасад, ки аз ҳаёти занони сиёсатмадор, муваффақ дар соҳаи кишоварзию тиҷорат ва занони роҳбар хабару мақолаҳо ва гузоришу очеркҳо нашр мекунад.