Дар нишасти хабарии Прокуратураи генералӣ, ки имрӯз баргузор гардид, масъалаи ҳимояи забон вобаста ба “Қонуни забон” мавриди баҳс қарор гирифт.
Ба саволи хабарнигори “Тоҷикистон таймс” оид ба назорат аз болои иҷроиши ин қонун гуфта шуд, ки Прокуратураи генералӣ дар сар то сари кишвар иҷроиши онро зери назорат гирифтааст. Оид ба вайрон кардани ин қонун аз ҷониби корхонаҳо, тоҷирон ва дигар шахсони ҳуқуқӣ дар вақти насби овезаю эълонҳо ҷазои маъмурӣ таъин карда шудааст. Ин рақам дар ним соли аввал зиёда аз 200 парвандаи маъмуриро ташкил медиҳад.