Кумитаи ҷавонон, варзиш ва сайёҳии Тоҷикистон миёни журналистони тоҷик мусобиқаи кушод оид ба волейбол баргузор мекунад.

Бино ба иттилои Наврӯз Қурбонов, сухангӯи Кумита ин озмун аз 10 то 14-уми апрел ба муносибати 85-солагии рӯзномаи Ҷавонони Тоҷикистон баргузор карда мешавад.

Дар мусобиқа дастаҳои расонаҳои чопию электронӣ метавонанд ширкат кунанд.

Рӯзномаи “Ҷавонони Тоҷикистон” 5-уми апрели соли 1930 нашр гардида, имсол аз таъсисёбии он 85 сол пур мегардад. Муассиси ҳафтанома Кумитаи ҷавонон, варзиш ва сайёҳӣ мебошад.

http://tojnews.tj/tj/news/ozmuni-voleybol-miyoni-zhurnaliston-ba-munosibati-85-solagii-chavononi-tochikiston