Дар назарсанҷии ғайрирасмии Радиои Озодӣ 1350 нафар ширкат карда, қурби рубл ва сомонӣ, ишғоли Қрим, минтинги барпонашудаи Қувватов ва анҷоми ташхиси Роғунро муҳимтарин рӯйдодҳои сол номиданд.

Чаро видеои фаҳши муллои «Лолазор» ё як хонуми солманд дар назарсанҷии, бигзор ҳатто ғайрирасмӣ, метавонад муҳимтарин рӯйдоди сол шавад? Аз чӣ наворҳои шаҳвонӣ аз задухӯрди мусаллаҳона дар марзҳои кишвари соҳибистиқлол ва ҳалокати шаҳрвандони он дида, раъйи бештар овард? Ё як эълону даъвати гирдиҳамоие, ки баргузор нашуд, ба маротиб «муҳимтар» аз падидаи ДОИШ ё гурӯҳи «Давлати Исломӣ» аст?

Аммо аксарият (244 нафар) коҳиши қурби рубл ва сомониро дар ҷойи аввал ва ишғоли Қрим (манзур рӯйдодҳои Украина)-ро дар ҷойи дувум гузошта ва 131 нафар поёни ташхиси тарҳи нерӯгоҳи Роғунро муҳимтарин падидаи соли 2014 номидаанд.

Изҳори назари 1350 нафар аз хонандагони торнамои Радиои Озодӣ дар 14 рӯз ба чунин шакл поён ёфт. Ин ҳам дар ҳоле, ки номгӯйи рӯйдодҳоро низ худи хонандагон пешниҳод карда буданд.

http://www.ozodi.org/content/ozodi-site-polling-results/26767907.html