Раёсати Суди вилояти Суғд қарори Суди Олии Тоҷикистонро дар мавриди бозбинӣ ва кам кардани мӯҳлати ҳабси хабарнигор Муҳаммадюсуф Исмоиловро беасос  дониста, рад кардааст.

Садриддин Саидов, вакили дифои Муҳаммадюсуф Исмоилов дар сӯҳат ба TojNews гуфт, Суди олии Тоҷикистон ҳукми Муҳаммадюсуф Исмоиловро вазнин арзёбӣ карда, хостори кам кардани он шуд.

Вакили дифоъи Исмоилов гуфт, мақсад дорад, акнун ба Раёсати Суди олии Тоҷикистон муроҷиат кунад.

Мавриди зикр аст, ки 11-уми март Суди олии Тоҷикистон аризаи шикоятии вакили мудофеъи Муҳаммадюсуф Исмоиловро ба баррасӣ гирифта буд.

Қаблан, Коллегия оид ба парвандаҳои ҷиноии Суди вилояти Суғд ва ҳам Раёсати ин Суд ҳукми Суди сайёри ноҳияи Мастчоҳро дар бораи 11 сол ҳабс намудани Муҳаммадюсуф Исмоилов, ки ба тамаъҷӯӣ муттаҳам шудааст, бетағйир гузошта буданд.

Муҳаммадюсуф Исмоилов, ки 28-уми октябри соли равон барои тамаъҷӯӣ ва қаллобӣ ба мӯҳлати 11 сол аз озодӣ маҳрум шуд, ҳукми судро ноодилона арзёбӣ мекунад.

Мувофиқи ҳукми Суд, Муҳаммадюсуф Исмоилов баъд аз раҳоӣ аз зиндон наметавонад тӯли панҷ сол ба фаъолияти хабарнигорӣ машғул шавад.

Айбдоркунандаи давлатӣ барои Муҳаммадюсуф Исмоилов аз Суд 14 соли зиндонро талаб карда буд.

Худи Муҳаммадюсуф Исмоилов дар рӯзи аввали мурофиаи судиаш, ки 22-юми октябр шурӯъ шуда буд, гуфт, ки «худро гунаҳкор намеҳисобад».

http://www.tojnews.org/hukmi-khabarnigor-muhammadusuf-ismoilov-betagir-mond