22-юми май, соати 14:00 дар маҷлисгоҳи Иттифоқи журналистони Тоҷикистон конфронси илмӣ-амалии «Нақши Субҳон Раҳматов дар журналистикаи тоҷик» бахшида ба 80-солагии устоди каломи бадеъ ва арбоби сухан, корманди хизматнишондодаи маданияти Тоҷикистон, узви Иттифоқи журналистони Тоҷикистон, наттоқи дараҷаи олӣ Раҳматов Субҳон баргузор мегардад.

Гуфта мешавад, ки «Нақши телевизион ва радио дар таҳкими сулҳу ваҳдат», «С. Раҳматов чун аввалин энсиклопедисти радио ва телевизион», «Нақши С. Раҳматов дар тарғиби ваҳдати миллӣ ва эҳё» ва «Саҳми С. Раҳматов дар фарҳанг, синамо ва театри тоҷик» мавзӯҳои баррасишавандаи конфронс хоҳанд буд.

Бояд зикр намуд, ки дар конфронси мазкур намояндагони Кумитаи телевизион ва радиои назди Ҳукумати Ҷумҳурии Тоҷикистон ва Иттифоқи журналистони Тоҷикистон сухани ифтитоҳӣ мегӯянд.

http://faraj.tj/news/5347-konfronsi-ilm1251-amal1251-dar-ittifo1179i-zhurnaliston.html