Дирӯз ду шахси номаълум ба хабарнигори Asia-Plus Абдуллоҳ Ғурбатӣ ҳамла карда ӯро сахт латукӯб карданд
ДУШАНБЕ, 12 май – Sputnik Тавре худи Абдуллоҳ Ғурбатӣ ахиран ба Sputnik Тоҷикистон гуфт, шаби 11-уми май, тақрибан соати 21:20 дар назди хонааш, воқеъ дар наздикии бозори “Корвон”-и шаҳри Душанбе ду нафари ношинос бе ягон сабаб ба ӯ ҳамла карданд.
Онҳо чизе нагуфта, ӯро хомӯшона латукӯб карданд. Ягон чизашро ҳам нагирифтанд. Баъд аз он, ки Абдуллоҳ овоз баланд кард, нафароне, ки ба ӯ ҳамла карданд аз ҷои ҳодиса гурехтанд.
Вай гуфт, пас аз ин ҳодиса ӯро ба бемористон бурданд.
Айни замон ӯ зери назорати табибон қарор дорад.